مكرونة الباستا اتحدى تلاقو الذ منها
والله طعمها احلا من اطباق مكرونات المطاعم العالميه اللي هم فرحانين فيها
بصراحه انا ما ابالغ من جد لذذذذذذذذذذيذة
انهبلو عليها خواتي يوم سويتها مابقوا في الصينيه شي
والطريقه هي:
اولا سمي بالله حتى تكون مباركه وتشبعين منها
خذو الطريقه بس انا غيرت فيها شوي واللي غيرته بتشوفونه بين الاقواس
المقادير:
دجاج مقطع قطع صغير
سوسج مقطع حلقات ويسموها(نقانق او هوت دوق) وتحمصيه
بروكلي مقطع(ماحطيته)
مشروم مقطع
كوسه مقطعه(افضل ماتحطيه)
وأي خضار أنتي تفضلينها(ما حطيت خضار)
زيت زيتون
بصل مقطع صغير
ثوم
سويا سوس
قليل سكر
أجينه موتوويسموه(ماجي ابيض ,ملح صيني, الآجي)بس ما حطيته موحلو
فلفل أسود
الطريقه:
1. في مقلاه حطي زيت ذره عادي قليل وبعدها حطي زيت زيتون عشان ما يحترق الزيت الزيتون وحطي عليه البصل واذا تحمر حطي الثوم وحمريه شويه بعدها احمسي الدجاج في قدر ثاني بعدين حطيه على البصل وقلبيه زين وحطي عليه شويه السويا سوس وقلبيه بعدها حطي الخضار والسوسج وقلبيه وحطي الأجينه موتو والفلفل الأسود ولين جهز اتركيه شوي
الصلصه
تقريبا 5 ملاعق كبيره طحين
حليب سائل اربع كاسات
1بصل مبشور
فلفل أسود
زبده
كريمه حامضه انا (ما ادري وش هي بالضبط بس حطيت كريمه بيضاء) (فريش كريم)
بابريكا أهو الفلفل الأحمر أختياري(ما حطيت)
جبن مبشور(شيدر)
جبن كاس سائل
أجينه موتو (مولازم)
وقليل سكر
1 ماجي
الطريقه:
1. سيحي الزبده وحطي عليها البصل المبشور والماجي وقلبيه لين تذوب الماجي والبصل
2. حطي عليه الطحين وقلبيه جيدا(دقيقه)
3. بعدها الحليب وخلطيه بسرعه عشان ما يتكتل
4. حطي عليه الفلفل الأسود والأجينه موتو والسكر قليل والكريمه الحامضه وقلبيه جيدا على نار خفيفه
5. وحطي الجبن المبشور والكاس
6. وبعدها ذوقيها إذا يبي لها ملح والا فلفل
7. يفضل أنه البشميل ما يكون سميك(زي قوام الكيك)
حطي خلطة الباشاميل في الخلاط عشان تظمنين ان التكتلات زالت
بعدها تحضرين المعكرونه المسلوقه على حسب الذوق اناحطيتها (مكرونه خواتم وطلعت حلوه لانهاتخللتها الباشميل) وتصبينها في بايركس وتحطين عليها خلطة الدجاج وتصبين عليها البشميل إلي سويتيه وتحطين عليها جبن المازرولا الين تسيح اذا ماساحت
حطيها في الفرن دقيقه بس لا تطول والباشاميل لا تجمديه في الفرن لانه بيسيح ويتخلل خلطة الدجاج والمكرونه
يمممممممممممممممم
سويها وقولي لي رايك فيها يا أمر
وبالعافيه عليكم
العرض العادي
