السلام عليكم
اكتب كلمات اليوم انشالله تعجبكم وتنال اعجابكم
هذي الابيات حق بنت مشلوله والبنت هذي قادمه الي لندن للعلاج
وانا رأيتها بشارع اكسفورد وابوها يدفع فيها بالكرسي
والناس في هذا الشارع لا يحسب عددهم من الكثرة
وشفت بعيون الطفله هذي سر نفذ في قلبي وجمالها لفت نظري
وقلت اناجي قلبها الحزين.
يمــــــــوت الليل وأنا موعـــــــوده
..................... انطر الفجــــــر بشـــــوق مثل الطريــــده
أنــــا يا يبــه بعمــــــر الزهـــــور
.................... ليش يـــذبـــل عمـــــــــري وروده
هـــذا القـــدر ولا حكـــــم ربــــي
................... ما هقيـــــــت أنــــي تعديـــــــت حدوده
حيـــاتي اصبحت ليــــل ومزروعه
................. باليــــــــــأس والليالــــــــي كلها ســـوده
انــــا مثــل وردة يتيمـــه بوسط
................ غابــــــــه تحــــت الاشجـــار فريــــــــــــده
يا يبــــه حزنـــــي حــزن يعقوب
................ مــن فقـــــــــــد يوســــــــــف وليــــــــــده
يمكــن هذا حكـــم مكـــــــتوب
................. وهــو اعلـــــم بحـــــال خلقـــــه وعبيـــــده
حسرتـــى بقلبي شموع تحترق
................. وانتظـــر بفـــارق الصبـــــــــــر وعـــــــــوده
أخـــاف تــروح منــي يا يبــــــه
................ وأعيــــــش بعالــم الهـــم والحـــزن وحيده
انتـــه فرحتــــــي بدنيـــاي ووجودك
............... معطينـــــي الامــــــل ومخلينــــــي سعيده
بيـــــدك تلبسنـــــي وبيــدك تغسلني
.............. ومنـــــو عقبـــــــك يدفعنـــــــــــي بيــــــده
انــــت الوجود وأنــــــــت الحيـــــاة
............... انـــت القلـــــــــب نبضــــــــــــه ووريــــــده
أتمنـــــي المـــوت قبلـــك يا يبــه
............... والفــــرح عقبــــــــــك ابـــــــد مــا أريــــــده
العرض العادي
