قصائد<مخاااوي الليل>

جـــــــــرح الــــــهــــــوى · 21-03-2009, 05:17 PM

ادري العذر


	أدري العذر مايكفي رضاك عني ان الذي ما املك على رضاك سلطان خذني وخذ ما تشتهي اليوم مني حجم الخطا يفرق من انسان لإنسان أحسنت فيك الضن ولا خاب ضني اعرفك تاويني ولو كنت زعلان كل المشاعر من غلاك احكمني عندك دليل ان الوله خير برهان انظر عيوني يوم جيتك حكني اصفح عسى يفداك يا نور الاعيان كلي عذر وان ما كفاك امتحني قلب العمى يبصر ولو كان عميان

حدي نظر


	حدّي نظـر ما بغيت أكثر .. حدّي نظـر الله أمَـر لعيونك أسهر الله أمـر واجهت عينـي مــلاك الـحـسن في حيــره وانعقـد حرفـي وخـان الوصـف تعبيـره قسمتـي بك ياقمر حدّي نظــر ردّ لي عمـري منّـك بنظـرة دام أنا حي غايتـي شـوفك بس لو مرة ما بقى شي لي بالعمر ليلٍ أخاويه وآنس بك الذكـرى آه يا صبـري ما لي لـقدره للعـطـش مي شيء في صدري وإنكـشـف ستـره كـشفـة الظـي لي بالعمر ليلٍ أخاويه وآنسى بك الذكـرى جيتك وانا أسأل إن كان به حط عليه أسند الروح فيك النظر أجمل تزودني جرح وتبراني جروح خذني سؤال يا كل الجمال القى معك حظ او الحق الباقي جسد فارق الروح

ضحية صمت


	ضحية صمت انا وانتي عشقنا بعضنا بسكات تجاهلنا مرور الوقت ومسافتنا لبعض خطوات لانتي حكيتي لي ولا انا وصفت شعور كل الامر بسكات دعاني الشوق لك أسهر وزاد الوجد لك أكثر وصمتي ما تركني يوم بما في خاطري يظهر وراح العمر يا عمري اقاسمك الولع حسرات الا ياصمت يا قاهر قتلت احساسي الطاهر ومات الشوق في صدري ولا له بالعرى ظاهر تحكمتي بقدراتي وتغلغلتي الى ذاتي الا ياحب يا عذري حرمتيني ملذّاتي ضحية صمت انا وانتي عشقنا بعضنا بسكات

.

تشتااااق


	تشتاق والا أعلمك تشتاق الفراق مر ماينطاق انا ادري ان الشوق بك فضاح وليلك صار ليل اللي سهر مارتاح وعرّفتك ان الوله حراق تشتاق , غرك انك لو تباطيت عني بسأل عليك وانت ابخص الناس فيني وحكمي ماهو بيديك وعرّفتك ان الوله حراق تشتاق , غيابي عنك حرك الساكن وبان الشوق والهوى ماكن في بوحك شوق في صمتك شوق ومهما اخفيت عني الشوق ورحت بعيد لكن عدت لي مشتاق وعرّفتك ان الوله حراق تشتاق

اخافك ياعيون اكحال


	اخافك يا عيـون كحـال أنا ما أقوى الولـع فينـي عشقت الحـل والترحـال وشفاة الهمـس تغرينـي يعانـق خاطـري الجـوال نسايـم لـيـل تسبيـنـي وأشوف الليل مهمـا طـال بـه الأشواق تغذيـنـي توجـد خافقـي ومـا قـال علـى من أقـفـى يسقيـنـي قنوع النفس أنا والحـال عدلـه بي موازيـنـي ضحت شمسك ولقيت ظلال وأنا لي ظـل مـن حينـي أنا عمـري ابتـدى رحـال سماحـك لـي تعذريـنـي

بقايا جروح


	خذني بقايا جروح أرجوك داويني لا تروح الروح ... كفى عذابي منك .. ليه تشقيني ما فوق جرحي جرح و جروحي تآويني وصبري فقتده بجرح .. الموت له حروه خوفي يمسّيني يا خلي يا مرتاح ليتك تواسيني لا تنوي المرواح .. ملامحي جروح وش منك يشفيني ما بين عصف و ريح الهم طاويني وانت لاهي مريح .. أبيك لعمري يوم بالوجد تعطيني

خبروه


	خبروه إني على وصله حييت و إن تفارقنا ترى موتي دنا لي حبيب يوم روّح ما سليت يعلم الله تو ما ذقت العنا عبرتي هليتها حزن وبكيت يا ردى عمر الحسوفه ما جنا ذقت من دنيا حبيبي وما إرتويت جـنـة الدنيا حبيبي والمنا عشت بأحلام الهوى ليل وبنيت كل أمالي تداركها الفنا في حياتي ما ذكرت إني شكيت في هوانا ضحكت الدنيا لنا لا حياة ً عقب محبوبي رأيت والممات أرحم ولا فرقا السنا هو سنا شمسي وغيره ماهقيت يفرح بوصلي ولو موته دنا

.

قمراااي


	قمـراي فـي أرضـي وسمـاي كانت معي سامرتها بهمس ونظـر ذي فرحتي عايشتها بليـل جميـل طـاب اللقـى بأحـلـى سـمـر وغنيـت ولا فارقتنـي نشـوتـي مــــــن فــرحــتــي اخــذت ايديـهـا وارتـجــف خـافـقـي مـــن لهـفـتـي كـف احضنـه وســط كــف وكــف تعـشـقـه نـظـرتـي ملـكـي الـفـرح بـوجـودهـا لـــي تـثـنـى عــودهــا معي هواي اللـي سكـن روحـي هـــو بـلـسـم جـروحــي أفوق من نشوه ويغفى بهاجسـي نشوه على نفحة عطرها واغتشي أذوب في كلمه من صمت الشفـاه اذا همست بحروف عذبه تلتشـي تواق أعيش الليل وهي معي قمراي لعيونها المسرى مسرى أهيم أنـا سـراي قـــــــمـــــــراي

ياملتهي بغيري


	يا ملتهي بغيري من الناس غلطان ماني من هل الوجهين سمح وراضي ما ترتوي عينك بك الجوف عطشان دامك تعيش الوقت لاهي وفاضي يكفيني بعادك من القلب هجران خلا ص ما يلزم حتى اعتراضي قلبي فلا أذله ولا أظن ينهان بكف عن باقي العطا باحتفاضي تندم وتفقد من حواليك خلان يصعب عليك اتعيد ما كان ماضي عساك ما تبطي على عشق الالوان من يجهل أطباعك ترى ماهو حاضي

ضويتي


	ضويتـي بخاطـري شمعـــــة نسيـت إني بوسط النــــاس عيونــك هلـت الدمعـــــــة دلايــل رهفــــة الإحســــاس صمتـك حديــث عيـونــــك همــس الحـكــي بشفـاتــــك شفـت الحيـاه مـــن دونـــــك مخلـــــوقه فـــي همسـاتــك عينـي على مــا تنـظـــــره فيك اشغلتنـي نظـرتــــك شوقــي تــرى ما أقــــــدره ساقـنـي فـي طـاعــتـــــــك وقـتٍ مضـــى لا يهـمــــــك انتـهــى مـــع ناســــــــــه واللـي جذبنــــي يـمّــــــك يصعــب علــي قيـاســــــــه تذكّــري بكـره وبـعــــــــــد للقـــى وش نـنـتـــظـــــــــر نـنـتـظـــر حلــو الـوعــــــد وبسعــــادة نـسـتـمـــــــــر

في غربتي


	فـي غربتي تغـرّب النور عن عينـي وش حاجتي في نـور عينٍ غاب غاليهــا أمر السفر يا نظر عيني قضى فيني نفسي على ما تعاف أمر الله حاديهــا يمّك حبيبـي عظيم الشوق يدعيني يسري بعروقي كما تسري الدما فيها عـلي خطـرها حياتي يا معـنّينــي بعدك عطبها وشوفـك حيل يشفيهــا أخاوي الليل وهاجس ليلي يخاويني يمّك سرابي داعي الذكـرى بحالـيهــا أقضي بدنيا لعيني شـوفها مشيني إلى متى عينـي على شوفـك تمنيّهــا

جروح الوقت


	من جروح الوقت يكفينا جروح عظم الله جرح قلبي والسلام قلت لك باروح لكن وين أروح والطريق اللي بيبعدنـي حطـام من سرى بالليل أبرك له سروح للنهار عيـون وبالليـل الغمـام جيت وكل حب مفعم بالوضوح والفعل أصدق من شروح الكلام هنتي في حبك اللي بـه أبـوح تهنئة بالعشق واحساس الغـرام للجروح أرواح يا روح الجروح مال جرحك غير تعظيم السـلام

صدقيني


	صدقيني قلبي يحكي لك حقيقه = صدقيني ما أرى غيرك ملاك من أجل وصلك باتخذ آية طريقه = ما أبالي لو طريقي لك هلاك بعدك ولا غيابك على نفسي ما أطيقه = كيف اجاهد ...روح تشقى من غلاك شرع الخطأ .. يا زين عم الخليقه = وان هفا شوقي معك ابغا رضاك يا زمان اللوم احرق لي وثيقة = طيها دستور بظلمه وطاك منهو فينا او في البشر ما نشف ريقه = كم قيل عنهم الشقي هذا وذاك الشك من طبعك وباحساسك رقيقه = يا مغرقتها ليش عيني ما تراك .

علمتني


	علمتني وشلون أعاملك بعناد وخليتني للحب أعلن أجهاده قتلت فرحة عمري في يوم ميلاد عز الهوى في قلب مات بشهاده لاتنتظر لقياي في يوم ميعاد فاتك حضوري والمشاعر جماده تركت لك ذكرى تعاودك بارقاد ذكرى مريرة كنها لك وسادة إن غبت ماني عنك يا صاح نشاد يضِيْع من ضيّع مشاعر وداده ما فات من عمرك صعب يوم ينعاد زرع زرعته لا يفوتك حصاده

وش تبين


	وش تبين بخفـايا روح مجـروح الزمـن وش تبين ما بقى للحــب ما يسـوى الثمـن من ضحايا العشـق عـشــنا والجـديد جــروح لا ونس فـي خـاطــر اللي ذاب عمره جروح اتركيـه اللي خـفا بنفسي ومات لي جسد يا بنت فارقت الحيـاة لا تسألينـي شـيء راح وكـان عاصـره إنسان والنتيجــة مرّة عشتـها بكتـمان يالله النسـيان

العطاء


	العطا .. ما تبادلنا العطا والخطا .. لا حشا ما أخطي عليك بي سطا .. جرحك بإحساسي سطا يا عطا .. أول عطا منك الخطا أحبك لو تجافيني .. وعلى كل الخطى مسامح أحبك يا نظر عيني .. ورضاك ألزم .. ولكني فقير الحظ .. أنا لك أكثري تجريح ترى حبك .. بيشفعلك .. أحبك ذوب خفوقي الشوق و إنتي معي يا شوق يحلى لحياتي الذوق طعم السعادة بك لك خفوقي .. إشتقى .. ثم إهتنابك .. في عروقي .. دمي الجاري إغتذابك .. ولاح شوفي .. في سما كل البشر غير زولك .. ماملى أحد النظر جددي فيني .. حياتي باللقى العطاااء

ياعذابي


	ياعذابي كيف أنا بقوى عذابك لا صار فـي بعـدك عذاب وفـي قربك عذاب يا شبابـي .. زيـنــة أيامي شبابـك لك في حياتـي حساب ونسيانـك حساب ما تصدق لـو أقـول أنك حياتي فـي كل شئ سمعـي وشوفـي أنت دمي وإحساسـي باسم الهـوى لازلت فـكـري وهوجـاسي وتدري عـلي .. بعـدك عذاب وفـي قربـك عذاب يـا حـب .. مالي فيــك غـيــر الشقـى يــا حب .. أخـذ مـن حياتي ما بقـى عشتـه بإحساسي ولا به شـك يبـدّل شعـوري حبـك جـرى بدمـي وذاب

لشاااااعر
خالد عبدالرحمن

تحياتي
دعااني الشوووق

متاابع · 22-03-2009, 09:59 AM

تسلم يادعاني الشوق

على نقل روائع الفنان والشاعر خالد عبدالرحمن

كل الشكر لك

وتقبل تحيااااتي ومروووري

جـــــــــرح الــــــهــــــوى · 27-03-2009, 05:23 PM

اقتباس

المشاركة الأصلية كتبت بواسطة متاابع


	تسلم يادعاني الشوق على نقل روائع الفنان والشاعر خالد عبدالرحمن كل الشكر لك وتقبل تحيااااتي ومروووري