السلام عليكم ورحمة الله وبركاته
بعد طول غياب ، عسى ان تتسع صدوركم لهذه المتواضعه
كتبتها ، فاقبلوها
مجنونك
.
.
.
مسـاء الخيـر اقدمهـا مسـاء الخيـر لاعيانـك=صباح الخير ابحفظهـا صبـاح الخيـر لعيونـك
مساء الخير ياقـوسٍ مـزج لونـه مـن الوانـك=صباح ازرق فضاء لونه مزج لونه علـى لونـك
مساء اسود اخـذ لونـه جديـل يلاعـب امتانـك=صباح ابيض يشع نوره شعاع ابيض مـن متونـك
مسـاء ورقتـه تخجـل مـن عيونـك وسيقانـك=صباح يموت من حسنك صباح يمـوت مبطونـك
مساء اروع مساء انتي مساء من روعـة اجفانـك=صباح احلى صباح انتي صباح يداعـب جفونـك
مساء شاعر يجر القاف يموت بروعـة اوزانـك=صباح اشعـار لعيونـك بناظـر عيـن موزونـك
اجيب القاف لعيونـك واسخرهـا علـى الحانـك=تجن كلمه / ويعقل حرف / واروضها على لحونك
ابي انـال اعجابـك وابستحـوذ علـى اذهانـك=اجيب الصدر في أنك ، واجيب العجز في أونـك
انـا ماكنـت مديونـك انـا اللـي كنـت ديانـك=انا ماكنت اصدق يـوم يجـي واكـون مديونـك
قسـم بالله انـا عاقـل قبـل اشوفـه اجنـانـك=انا عاقل معـا غيـرك وفيـك امـوت مجنونـك
انـا جنـك ومجنونـك انـا هوسـك وشيطانـك=وانا معلون في حبـك وانـا ساحـرك ملعونـك
وانا كلي علـى كلـي اجـي وارجيـه اوطانـك=علـى ماطـاب سكينـك فهـد سميـه مطعونـك
انـا مبطـي متيـم بـك وسكرانـك ونعسـانـك=ابي احياك واصحابـك دخيلـك قـدم صحونـك
اسكربـك واصحابـك مجنـونـك وسكـرانـك=اموت بثقل اخلاقـك وامـوت بروعـة جنونـك
انـا مدمنـك ثملانـك سكيـر بخمـرة لسـانـك=وخمـري اعرفـه خمـري ريـقٍ ذاب بسنونـك
دلع / فتنه / على طيبه / غنج / هـاذول سكانـك=مقدس للجمال اسمـك كـان الحسـن مسكونـك
انـا نـورك وانـوارك وانـا عـودك ودخانـك=وانا جمر احتـرق فينـي كانـي جمـر غليونـك
انـا مؤمـن علـى دينـك وبمحمـد وقـرانـك=وانا مؤمن بإن الخلق / جمال / وذوق / يدعونـك
وانا مؤمـن بإنـك شـيء يمثـل خيـر اقرانـك=تفرعن فيـك فرعونـك وانـا مؤمـن بفرعونـك
شفاهـك تـوت واعيانـك ونهدينـك برمـانـك=وريقك نرجسـي مخلـوط مدسـم فيـه ليمونـك
وش اكثر لو تبي اكثـر اجـي اوصفـه بستانـك=شكـر لله ثـم لاهلـك شكـر مـادام يسقـونـك
أصيح ويذوب حنجـوري إليامـن طـار فستانـك=اجل وشلون لـو شفتـك كمـا اهلـك يجيبونـك
انا مالـوم بنطالـك ستـر عيبـك وثـم صانـك=انا برضو بعـد مثلـه ابـي استـرك واصونـك
تخيلتـك كمـا طفلـه وانتـي بـيـن خـلانـك=وحسدت اللي لمس ايدك صلصالـك ومعجونـك
تبعثـر كـل مافينـي يرجـي رحمـة إحسانـك=اجل وشلـون لـو شفتـك نفختـي فـم بالونـك
دخيل اهلـك وحـق الله وحـق امـك واخوانـك=يبوس الثراء ماطاك علـى هونـك علـى هونـك
تعاطاك الضمير وصار مدمـن جرعـة ادمانـك=جنا قلبـي علـى قلبـي بسيـفٍ كـان مسنونـك
ابي حق الضمير اللي تـرك صـدري لوديانـك=وابي حق العتاب اللي مـلا صـدري يلومونـك
ابي لاجيت من جـوري ابـي تشرعلـي بيبانـك=واقول اني وحق الشمس وحـق الليـل مفتونـك
ابيـك بداخلـي عـذراء وابـي اكـون سجانـك=صبر آسف أنـا آسـف أبـي اكـون مسجونـك
ابي ابحر وسـط قلبـك وابـي اكـون قبطانـك=وابي ارضخ على امرك واطيع امـرك وقانونـك
وابي اهيم فـي داخلـك وابـي اكـون مليانـك=وابي احفظ لك اسرارك يصون الـود مصيونـك
عجيبه لوحة وصوفـك رسمـك الحسـن فنانـك=خضع شانـه وإيمانـه وتحسبلـك مـن فنونـك
عطاك الله جمـال الحـور عطـاك الله واعانـك=عطاك ولا بخـل سـواك دخيـل الله يـا عونـك
جميلـه بكـل حالاتـك وربـي مذهـل ازمانـك=وربي ماخلق ربـي مثـل زينـك وفـي كونـك
روايه مـن خرافاتـي توحـد بـك وثـم كانـك=امرك الحسن لبـي لـه يبيـك تكـون ويكونـك
تعالي لي انا بيـرك ابـروي جـوف عطشانـك=تعالي لي انـا ارضـك ابـزرع فيـك واكونـك
تعالي لـي انـا شعبـك تعالـي بكـل سلطانـك=انا واحد لاجل غيـرك ، وانـا ثنينـك ومليونـك
تعالي والعمـر مـره تعالـي اعسـف احصانـك=تعالي صدري اوطانك صعيبـه دكـة حصونـك
تعالـي داوي جروحـي تعالـي قلـب تعبـانـك=وانـا والله وحـق الله انـا وكـلـي يطيعـونـك
تعالي وافرحـي فينـي وخلـي الكـل غيرانـك=انا شاعـرك سهرانـك يمـوت الغيـر مغبونـك
وكل رجـلٍ بهالدنيـا يجـي عطشـان ضميانـك=تعالي وامطري قلبـي عسـى تحييـه مضنونـك
وقلبي وش ورى قلبي إذا مـا مـات باحضانـك=وش الدنيا إذا طاريك خـلا منهـا ومـن دونـك
وإذا تبغين ويـش السـر وليـه اكتـب علشانـك=شوفي بسمـة شفاهـك وسحـر الدمـع بعيونـك
صحيح إني قبـل يوميـن قلبـي اذنـب وخانـك=وانـا حالـف إذا غبتـي معـا طيفـك اباخونـك
ولولا الخوف من ربي واخـاف احـط بإيمانـك=اقول إنـي انـا وقلبـي وكـل مابـي يعبدونـك
صدمتك روعة حروفـي وطيـب اعمـاق فتانـك=بـلاش اشعـار ياقلبـي إلا انـتـي وشلـونـك
يقولون إنك بإتم الحـال سليـم احـوال وابدانـك=عساهـم فـدوة اقدامـك عساهـم دوم يفـدونـك
ادري نلـت إعجابـك قولـي صحـة السـانـك=واقول صح الله ابدانك مـع التوقيـع .. مجنونـك
.
.
.
كبرياء الطنايا
العرض العادي
