يسألونك ..
علميهم عن عيوبي ..
قولي إنه كان شمعه في , دروبي
كان صمتي ,
كان صوتي ,
كان شمسي ,
كان فجري مع غروبي ..
وقولي : إنّك
كنتي صوره ..
مالها في الحب معنى
وفي شعوري ..
صرتي في الشمس مْحفوره ..
وعلميهم ..
كيف خنتي هذا كله ..
وأنت ِ شوقي
أنت ِ جرحي
ومنْك لك دايم هروبي ..
جاوبيهم ..
عن وجودك ..
واتساع أرض المشاعر في حدودك ..
جاوبيهم ..
عن جمالك
عن خيالك
عن عبث فكرك .. ونسيانك عهودك ..
علميهم ..
كيف عاملني غرورك ..
مع جحودك ..
شوفي كيف الفرق واضح .. !!
في اندفاعي
[ وامتناعك ] ..
واحتراقي في برودك ..
يسألونك :
وين أنا في ذكرياتك
إفتحي كل الدفاتر
وأعلني حبك لذاتك
أعلني كل الحقيقة
في جهاتي ..
في جهاتك ..
علميهم ..
إني في دروبك أسافر ..
ومن عيونك .. صرت شاعر
والشوارع
والبشر والكون أنتي ..
وانتي لي كل المشاعر
علميهم
ليه ما جازي جروحك
من جروحي ..
ليه ما خنتْ العواطف
وليه أنا لي فيك خاطر
علميهم ..
إني [ حبيتك بقلبي ] ..
حب ماله أي معنى .. غير حبك !!
وإني لايمكن أهاجر
أنتي لي أول وآخر
علميهم
كم كتمت الجرح مرة .. وألف مرة ,
وأنتي ما همك سكوتي
وإلاّ صمتي ..
وإلاّ موتي ..
[ أنتي مع غيري بشعورك .. وأنا مع ذكراك ساهر ] ..
آهـ يا غربة شعوري
يا مدينة حبي
لو مهما أسافر
مما رآآآآق لي
المبدع / محمد الفيفي
العرض العادي
