ادخل بالموضوع.. لو اسمك محمد وجاك اوروبي وقال ترى اسمك خالد؟؟ هل بتصدقه؟ بمعنى اهلك ما يفهموا وغلطانين باسمك وهالاوربي لانه اوربي راح اصدقه واكيد راح يكون افهم من اهلى اللي سموني؟هل يعقل هالكلام ما لنا عقول لهالدرجة صار كلام الاجنبي عن ارقام محدده وبطولات احنا شفناها بتلفزيون وبجرايد وغيره ؟اناقش بدون تعصب واناقش باسلوب علمي..فارجوا من صفق لخطأ متعمد او عفوي لموقع الفيفا عن عدد بطولاتنا يناقشني وين حط عقله يوم صفق للاتحاد لانه الاول وبعدد لايتجاوز 27 بطوله؟طيب الاتحاد يا من اجرت عقلك لخطأ الفيفا بطولاته اكثر من اربعين ؟بس لانه حطونا الاول صفقنا وجايين صحيفة الرياضي-وللاسف صحيفه رسميه ما قدرت تتعامل مع خطأ الطفل يقدر يميزه- وبكل جاهليه الرياضي يضحكوا على انفسهم اول وعلى بعض من من اجر عقله ثانيا ومنعه من التفكير لاجل من حط التقرير هو الفيفا؟؟
يا ناس لا نأجر عقولنا يعني للدرجه هذي محنى عارفين عدد بطولات انديتنا المحليه ؟؟احنا جاهلين ولا ايه؟؟عدد البطولات ما يحتاج واضح للكل وبدون تعصب الهلال اول .. وبعده الاتحاد..
هي مش شطارة هي استحقاقات وخلصت وما حنا جهله ننتظر الفيفا يعلمنا عدد بطولاتنا المحليه..اجل بعقلكم حاطين النصر فايز بعشر بطولات دوري متتاليه من 66م الى 76م والنصر ما بعد تأسس بهالتاريخ؟؟؟؟ هذا انسان جاهل او متسرع بالفيفا ولازم نحكم عقولنا قبل عواطفنا..ممكن نختلف من الافضل مستوى او شهرة لانها اشياء نسبيه .لكن نختلف على عدد محلي يخص رياضتنا وننتظر الاجنبي يعلمنا ليه لهالدرجه الاتحاد السعودي جهله ومو قادرين يعدوا بطولاتنا او حتى الانديه ماهي قادرة تعد بطولاتها؟؟؟قليل من العقل وبدون ما يضحك علينا الاجانب بطولاتنا المحليه والخارجيه واضحه ممكن نختلف ببعض البطولات كالارهاب والسوبر المصري وببعض البطولات التنشيطيه بابها وغيرها..لكن مانعرف عدد بطولاتنا الرسميه والكأس فهذي مصيبه وتدل على جهلنا والاعلاميين المتعصبين قبلنا هم اكبر من يقود الجماهير للجهل لان الاعلاميين الرياضيين وللاسف اكثرهم غير مثقفين ويحكموا عواطفهم قبل عقولهم؟
فقليل من التنور والتبصر حتى لا نكون اضحوكه للاجانب والخليجيين والعرب؟
بالتوفيق للعميد
ودام عزك يابطل
العرض الشجري
