السلام عليكم ورحمة الله وبركاته...
مساكم الله بالخير ......كيف الحال ...والاحوال...
هذا حوار دار بيني وبين صديق لي ..
انا : كيف الحال يابومحمد ...بشر عسى علومك تسر ...
ابو محمد: هلا وغلا يالصابر....والله مثلك عارف ماحد يسلم من كلام الناس ...
انا: يارجال ..هذي حال الدنيا ..وبعدين من راقب الناس مات هما...
ابو محمد: يارجال ..الناس ماوراهم شغل الا انا ...احس انهم مستقعدين لي..
انا : لا يارجال ..تراك مكبر المسأله..شوي ..
ابو محمد :الا يارجال ...اجل يوم اني تزوجت اللي احبه ..قالوا اضطر الى الزواج تحت التهديد..
يوم اني طلقته ...وتزوجت وحده ثانيه..ماحبيته..قالوا ..شوفوا زير الحريم ..ماغير يجرب ويترك ...
ويوم اني نجحت في عملي ...واغتنيت..قالوا حرامي ...
واذا اني فاشل ..قالوا حمار ماينفع لشي....
واذا اشتغلت بالحكومه...قالوا ..العجاز يبي شغل شوي ..وراتب كثير ...
واذا تركت الحكومه...واشتغلت بالشركات...قالوا لو به خير ماترك الحكومه...
واذا صرت اجتماعي ..واختلط بالناس قالوا مصلحجي ...وابو وجهين...
واذا تركت الناس ..والاجتماعات...قالوا اكيد شا ذ وبه بلاء...
واذا جيت انتقد احد قالوا ..انك تحب الخراب ..واحتقار الناس ...
واذا سكت عن الاخطاء وماانتقدت احد ..قالوا سلبي ..مايبي الخير للناس..
واذا عاملت الناس ..بالحسنى ..واللين ..قالوا ضعيف الشخصيه...
واذا عاملتهم بالشدة ..قالوا متكبر..مغرور..وشايف نفسه...
واذا ضحكت معهم ومزحت ..قالوا مهرج..
واذا عبست وماضحكت...قالوا..نحس ودايم مكشر...
واذا تكلمت ..وقعدت اسولف قالوا نصاب وقرقه..
واذا سكت واستمعت كلامهم ..قالوا جبان ..ماله شخصيه...
انتهى الحوار وكل واحد راح لحال سبيله...
الغريب اني قابلت صديقي ...امس ولقيته متشقق من
الوناسه....كان يرقص من الفرح..
حيث انه اصيب بالصمم ..وفقد سمعه..وكان يردد...
كلام الناس لابيقدم ولايأخر ***كلام الناس ملامه وغيرة مش اكتر..
كلام الناس ..من منا لم يتأثر بكلام الناس....والكل عانى
الامرين من كلامهم ...لكن ..القليل منا من
يوظف كلامهم ..على حسب الطريقه التي يستفيد منها....
والله يعطيكم الف عافيه والسلام عليكم ......