انا برايي ان كل مرأه لازم تتعلم قيادة السياره لان بصراحه هذا شي مهم جدا فمثلا لو صار حادث في البيت و الزوج كان في الشغل و مالها احد شتسوي يعني؟؟ و غيرها اشياء وايد و احنا بالبحرين عندنا عادي ان المرأه تسوق سياره ,, بالعكس اللي ما تسوق تحس ان ناقصنها شي ,, المرأه تبي تروح و تجي مع صديقاتها على كيفها و محد يقيدها ,, ساعات يمكن الشخص اللي بيوصلها ما عنده وقت و يبيها ترجع بسرعه و ما تعطله و جذي ما تستانس مع ربعها ,, و حتى لو افترضنا ان عندها سائق ما راح يكون شي زين بالعكس السائقين قد يسببون اشياء احنا في غنى عنها ,, و شوفوا الحين في سعوديات وايد يجون البحرين و يتدربون و يحصلون رخصة السياقه و يرجعون السعوديه و يسوقون يعني ما تقدرون تمنعونهم ( من اللي سمعته ان ما يصير مرأه تتدرب عندكم ) ,, و طالعوا الحين يمكن ما في هذي الظاهره في دول الخليج بس في في دول عربيه ,, الحين المرأه صارت سائقة تاكسي و ما صار شي الحياه تمشي طبيعيه ,, و انتو قلتوا ان يمكن يصيدها شي في الطريق ,, لا تنظرون للامر من هذي الناحيه فالحمد لله ما صار شي في البحرين ( او يمكن حالات قليله ) و بعدين البنت هي اللي تقدر تمنع هذا الشي لو كانت متربيه عدل ما ينخاف عليها اما ان ما تكون عندكم ثقه في المرأه فهذي مشكلتكم لان كل وحده تقدر تهتم بنفسها و ما تخلي شي يصير لها ....
cya =)
العرض العادي
