للرجال فقط ... الرجاء عدم الزعل

[احاسيس مجروحه]

تجول في خاطري الاف القصص التي تحكي حقيقة الرجل ( العربي )

ذلك الرجل المتغطرس

المغرور

الأناني

كنت دائما

أحاول أن أقنع نفسي بأن الرجل .........

لن أجد له مثيل في الرزانة

الرجولة

الأخلاق الحميدة

لكني أستيقظت على الحقيقه

رأيت كيف يتصرف مع زوجته

بطريقة فرض الأوامر ولاغير الأوامر

فلانة هاتي مويه

هاتي الشاي وين قلمي وين الورقة الفلانية

دون أن يكلف نفسه عناء البحث

تعالي من المطبخ عشان تمسحين يدين الولد والاتغسلين وجهه (على الرغم من أن كرتون المناديل الى جانبه وانا حايسه بالمطبخ)

!!!واذا خلص من الغداء يقوم ويغسل ويترك صحونه ما يشيلها

ويالله قومي انت وغسلي العيال وضفي الصحون وشيلي المتكبب من على الأرض

ومسحي الطاولة وغسلي المواعين

لكن

لو كنا في مطعم تعالو شوفو الأخلاق يشيل الأكل عقبنا وياخذ العيال ويغسلهم عشان الخواجات يعرفون اخلاص الرجل العربي)

أما في البيت

اذا قلتله الولد جاك

غسل يديه عقب الغداء يقول وع يحوم بسبدي توني متغدي حرام عليتس !! الحين أنا الي حرام علي!!

وبعدين بسرعة وين الشاهي

ويالله من ذاالأوامر اللي ماتخلص

واذا جا المغرب ماعندتس شي يوكل

واذا كنت مصلحة كيكة وراها حالية!! ليش ماحطيت كريمه وسطها ؟؟؟مثل مرت فلان !!وان صلحت حلى ورى ماتصلحين مثل حلى أختي؟؟ وان صلحت فطائر ورى ماكثرت الجبن؟؟ والسندويشات ليش ماتصلحين كذا

الخ اما اذا قلتله خلنا نتغدى في مطعم

يقول من زين أكل المطاعم؟؟وهو كل يوم ياكل منها مع ربعه!!

مرة

رحنا للسوق واناجالسةأقلب بها الملابس مادريت الا بوحدة صكتني بعربيتها

ودفيت العربية بيدي

تعرفون وشقال حضرتة؟؟

انتبهي ليش ماقلتي (سوري)والا (اكس اكيوز مي)ترى يصكونك بشكوى؟؟؟؟

وأقوله ترى اهي الي صكتني موب أنا !!

قالي ولو!!!أنتبه مرة ثانية!!

واذا صار ذاك اليوم ابغير من الروتين اشوي وباستقبله بالبشاشه والسرور وانسى اهانات أمس

ومايمديني فليت حجاجي وبسولف وينط لي من أول سالفة من قال لك تقولين هالحكي لأختك ؟؟

وأقول طيب وش فيها ,ترى السالفة عايدية جدا ؟؟

والا يقول اذا كان عندك عايدي ترى عندي ملون !!!

ويالله تبدى ضيقة الصدر من جديد؟؟؟

((المشكلة ان الشباب العربي للأسف مدلع

وخاصة من قبل أمهاتهم

لاتقوم ياوليدي

وش تبي وانا أمك أجيب لك موية والا قهوة

عسى الغدا جايز لك اليوم

تبيني أطبخ لك باتسر مرقوق والا قرصان

وش في وجهك شين اليوم؟؟

انا اعرف حرص الامهات على عيالهن

لكن كل شي بحدود

0الله يخليهن لنا

والا ان صرت توني جالسة أبريح أشوي

مير يجي الولد أبي موية؟؟

وأنا اقوله طيب شوي خلني أرتاح

الاصوت أبوه قومي عطي الولد ماء

كسلانة تجيبين له من المطبخ من بعده!! يالزوله !!!!

واذا قلت له وانت ورى ماتجيبله ؟؟

يرد ويقول هذا الناقص؟؟ ؟؟؟

واذا جا بآخر اليل الا لين الحرمه منهدة

وما صدقت تلقى الفراش بعد صراع طويل مع العيال والمطبخ

وضف الملابس الي مرميه في كل مكان(الجاكيت بجهةوالشرابات بجهة والفنيله العلاق بجهة)وتغسيل المواعين وتلبية الأوامر



اتقوا الله يارجال في نساءكم ساعدوها في اعمال البيت والله ماراح ينقص من رجولتكم شي اذا دخلتوا البيت حيوها بابتسامة وسولف وياها وش سويت حسسها بأهميتها بالبيت ناقشوها بحرية في كل المواضيع دون أن تفرضوا آرآكم بطريقه ديكتاتورية أطلع أنت وزوجتك كل أسبوع مرة على الأقل,,ولاتكون مغرورعلى زوجتك ,,دائما قلها ماراح أتزوج عليك أبدا وان طلعت وحدة زينه بالتلفزيون غير القناة والا قلها ترى هذي ما تسوى شي عندك ولو كذب دائماثق في ذوقها ولاتحطمها وخلها تاخذ راحتها خاصة اذا ماكانت تروح للسوق الابين موسم وموسم والأهم سولف لها عن أخبار المسلمين وتناقش معها لأن هالشيء يفرح اي أمرأة اذا حست ان زوجها مهتم بالمسلمين معناه أن زوجها عنده تفكير جاد وعنده احساس بالمسؤلية أخيرا عذرا على الاطالة وأتمى من الشباب أن يستفيد من النصائح شاكرة لكم,,

[سارا]

ايه والله معاك حق عيال هاليومين عليهم دلع مو طبيعي

واكثررررررهم مو قد المسئوليه

مع احترامي.........

[بحور بلا شطآن]

السلام عليكم ورحمة الله وبركاتة
أولا الأخت كاتبة الموضوع اذا كان هذا هو انتي وزوجك فرجاء منك ان تحذفية كيف سمحتي لنفسك ان تنشر اسرار بيتك بمنتدي وبهذا الشكل هذا اذا كان هذا هو واقعك وقصتك الشخصية فاتقي الله ببيتك وزوجك واولادك .
نعود للموضوع ذاته ،،،،،،،،،، وهو الحياة الزوجية اولأ ما مفهوم الحياة الزوجية لدينا بالنسبة للرجل وللمرآة ؟ هل هو احضار سيدة للبيت لتخدم الرجل وهل هو رجل اكون بعصمتة ؟ اعتقد معاني الزواج اسمي من ذلك بكثير والأسلام حددها ووضحها وما ترك فيها شئ والرسول عليه الصلاة والسلام يقول استصوا بالنساء خيرا .
ولا يوجد زواج بدون مشاكل لابد منها هذه اشياء تحدث بجميع البيوت ولكن المهم كيف نتعامل معها ؟ انظري انتي لماذا يفعل الرجل ذلك انا بتحدث عن العموم وليس مشكلتك انت ينظر لغيري مثلا طيب لماذا ؟ ماذا تفعل لا افعلة ؟ وهكذا علي بقية الاشياء واين الحوار الزوجي ؟ الرجل والمرآة مخطئين علي حد سواء في الوصول لهذه المرحلة خصوصا اذا كان الموضوع بينهم تكبر وعيب وانا مو المفروض اسوي كذا،،،،،، واليكم قصة من السلف رجل وامرآة تزوجوا وحين هم ان يدخل بها قالت له اصطبر علي رسلك اولا ماذا تحب وماذا تكرة ؟ اي ماذا تحب ان افعلة وماذا تحب ان لا افعله بحياتنا الزوجية فجلسوا وكل منهم استمع للأخر فقال منذ عشرون عام لم نختلف الا مرة واحده وكان السبب مو يستاهل .
اقول هذا لأنها لماذا لا يدور مثل ذلك الحوار بين الأزواج لماذا لا تاتي كل زوجه لزوجها انت تحب اعمل ايش وتكره اعمل ايش وتجلسوا قد تفشل اول محاولة والثانية والثالثة ولكن لا ننياس سياتي يوم ويتم ذلك الأجتماع والوسائل كثيرة خصوصا اذا اتبعنا نهج رسول الله في حياتة الزوجية وهناك حديث رائع يسمي ام زرع طويل جدا ممكن ان ترجعوا اليه .
أسف للأطالة ،،،،،،،،،، ورجاء اخير من كاتبة الرسالة اذا كانت هذه قصتك الشخصية فاحذفيها واتقي الله بنفسك وزوجك واولادك فانتي بذلك تعطي فرصة لضعاف النفوس لأشياء قد تضرك فيما بعد ،،،،،،،،،، وحاولي ولا تياسي مع زوجك اعطيه شرائط اسلامية اعطيه كتب الوسائل كثيرة .
وأسف للأسلوب الحاد بردي لك .

[احاسيس مجروحه]

بحور بلا شطآن
000000000000
اشكرك اختي لمرورك الكريم والتفضل بالرد لما فيه مصلحه للزوجين
لكن من ناحية00المكتوب والله ناقلته من منتدى 00ونسخته هنا00ولكي ارى وجهة وردود الاعضاء وتعاملهم وحلولهم لمثل هذه المشكلات
وانتي عزيزتي كتبتي وماقصرتي في الرد00لكن لي وقفه ووجهة نظر
انتي تكلمتي بمنطق لكن
فيه ازواج مايتفاهمون بالمره الحياة عنهم فرض اوامر00يعني كاان الزوجه خادمه00تلاقين البيت كالفندق يدخل متى مااشاء ويطلع متى ماشاء00لاتقدير ولا احترام00تلاقينه بس ياكل يداوم مايبي ذرة ازعاج او طلبات يتهرب من المسئوليه كاانه عزابي
انا لو افتح معك صفحات000مانتهيت
لكن باختصار0000000000
التوفيق من الله0000وصدقيني فيه رجال كفو وفيه حريم مايستاهلون والعكس
يعني احيانآ تتعب الحرمه تعب الله العالم فيه وكل شي باجره00لكن على حساب اعصابها صحتها 00يجيها ضغظ سكر000هي في النهايه الضحيه
واحيانآ العكس مثل ماقلت
اختي 000شاكره لك مجهودك في الرد00واتمنى التوفيق من الله للجميع

[بحور بلا شطآن]

هههههههههههههههههههههههههههههههههههههههههههههههههه ههههه
ستقولين ليش بضحك ؟ ستعرفين بنهاية ردي .
كل الذي يصر من هذه الشياء بين ألزواج هو اختيار الزوجين من الاصل اذا اتبعنا سنة نبينا صلي الله علية وسلم فاظفر بذات الدين وكذلك الفتاة لوجدنا الأختلاف الكبير ولوجدنا امة متقدمة ومتحضرة وقوية ولكن الذي يصير ام زواج نقليدي تقاليد قبيلة او عائلة ام زواج الأحلام الوردية وحين يتم الزواج يجدوا ان احلامهم مجرد وهم لعدم وضع العنصر الديني في الأختيار .
اخيك بحور وليس اختكي .

[خالد-من-الخبر]

بدون تعليق

[خالد-من-الخبر]

بدون تعليق

[الدنجـــــوان]

الله واكبر عليك يااحاسيس مجروحه
كل خليتي الرجال العرب كلهم مثل هذا اللي تقولين عنه
انتبهي تظلمين الناس وانا اخوك ترى الظلم ظلمات يوم القيامة
انا ماني رايح اقول ان النساء فيهم بلاهم لا انا باقول فيهم الطيبات وفيهم الخيبات وكذالك الرجال فيهم الشين وفيهم الزين .
وبالعكس قمة الرجولة ان الرجل يساعد زوجته في بيتهم في اي شي لا في ولد ولا في غسل ولا في طبخ ,انا اعرف لي صديق يتعلم الطبخ يوم سالته قال لي وش فيها خلني حتى اذا تزوجت اساعد زوجتي . يعني الرجال ماهم سوا .
الرسول صلى الله عليه وسلم كان يساعد عائشة رضي الله عنها في كنس البيت , كيف حنا الحين ياللي نبغا ندور اللي يرضي المرأه باي وسيلة من الوسائل .
اختي الغالية : صدقيني ان اغلب الرجال اللي انتي تكلمتي عنهم انهم في وقتنا هذا يتلاشون شوي شوي وكل رجال مايهمه حاليا الا بيته وزوجته , عسى الله يزين بيوتنا بالحريم الطيبات والرجال اللي فيهم معنى الرجولة وخوفهم وحرصهم على زوجاتهم .
اتمنى اني ماضايقتك بكلامي لكن والله ماودي انك تحكمين على جنس كامل علشان واحد ولا ثنين .
ولك فائق احترامي