معجب ...بشاعر ..خلف المشعان,, وهذي كل قصائدة

ويـــ؛؛؛لاان · 20-04-2005, 05:52 AM

السلام عليكم

أحببت أن أنقل لكم جميع قصائد الشاعر ...خلف المشعان ...من المعجبين فيـة

........................................

{ عــــرفة .. وجـــيه ..!! }

ياكثرهم .. لا قلت لك .. عرفة وجيه

................................... وياقلهم .. لا قلت .. قدر ومعزه
\
/

رجلٍ .. تعزه بعد ماتلتقي .. فيه

................................. ورجلٍ .. قبل ماتلتقي به .. تعزه
\
/

ورجلٍ .. ترزه بالمجالس مباديه

................................. ورجلٍ .. فلوسه بالمجالس ترزه
\
/

ورجلٍ .. يموت ولا يجيبون طاريه

................................ ورجل ٍ .. يجي طاريه في كل حزه
\
/

ورجلٍ يهزه .. بعض موقف ويشقيه

.............................. ورجلٍ .. مهوب أيـّات موقف يهزه
\
/

ورجلٍ .. ضعيف .. ويستفزه معاديه

................................. ورجلٍ .. كلام اعداه .. مايستفزه
\
/

ورجلٍ .. تلزه يعترف لك .. بخافيه

................................ ورجلٍ .. على خافيه .. محدٍ يلزه
\
/

ورجلٍ .. يوزونه .. ويزعل بنيخيه

................................ ورجلٍ .. يزعـّل من يحاول ، يوزه
\
/

ورجلٍ .. تكزه لا زم انك .. توصيه

................................. ورجلٍ .. بليـّا ما توصيه .. كـزه
\
/

من لا فرش .. للمرجله .. ماتغطيه

................................. ومن لايخز .. الناس .. محدٍ يخزه
\
/

ان كنت تعرفني فهي .. عرفة وجيه

................................. مو شرط لك بالقلب قدر .. ومعزه
:
:
:
.................................................. .................................................. ....

ويـــ؛؛؛لاان · 20-04-2005, 05:53 AM

.................................................. ...............................................

{ مو حزن لكن حزين ..!! }

يقولون .. الشعر قدح الخيال .. وطلقة .. التفكير
........................................ وانا اقول الشعر .. برق الصحيح .. ومزنة أفكاره
:
:

رشيق الحرف .. والمعنى العميق .. وروعة التعبير
........................................... ربيع الشعر .. واشجار الربيع .. وريحة أزهاره
:
:

على روض الورق حامت عصافير .. ونبت نوير
.......................................... بعد ماجفت .. دموع الغمام .. / .. وجتني اخباره
:
:

سمعت اني على باله .. ويذكر عشرتي .. بالخير
............................................. وهو ماغاب عن بالي .. ولا قد هان .. مقداره
:
:

سرابي .. هاجس الذكرى ولا ني بحاجة التذكير
.......................................... لأني عايشٍ أصلاً .. بــلاه .. / .. بروح .. تذكاره
:
:

إذا .. هو يذكر .. ايام الغرام .. ويشتكي للغير
........................................... فانا .. ماغير افكر به .. وصدري ، حافظ اسراره
:
:

واذا هو صار بفراقي .. قصيده مابها .. تصوير
.......................................... فانا لازلت ، بفراقه .. لحن من دون .. / .. قيثاره
:
:

حزن ماهو حزن .. لكن حزين .. ومالها تفسير
............................................... غريب .. ولا غريب ..الا غريبٍ .. داخل دياره
:
:

الى من قالوا .. شلونك .. أحمْـد الله واقول بخير
............................................ مدامٍ .. صاحبي .. يذكر .. وأنا لا زلت .. باشعاره
:
:

يقولون .. الشعر قدح الخيال .. وطلقة .. التفكير
............................................. وانا اقول الشعر .. برق الصحيح .. ومزنة أفكاره
:
:
:
:
:
:................................................. .........................................

ويـــ؛؛؛لاان · 20-04-2005, 05:54 AM

{ معشــوق .. المــرجــلــه }

لأخي الكبير : خلف السلطاني

:
:
:

كثر مايزعلك خبل ... وكثر مايشتمك .. مطفوق

........................................... كثر ماتكبر بعيني .. واشوفك فوق خلق الله
:
:

نعم واللي خلقك اني اشوفك في عيوني فوق

.................................... مثل هاك النخيل اللي .. يظل الناس .. في ظله

:
:

تسلطن لعنبو رجلٍ لبس .. ثوب الفخر مشقوق

....................................... مادام ان الفخر كفوك .. تسلطن وانت كفوٍ له

:
:

ذكي .. قائد .. محنك .. ياعسى الله مايجيك بعوق

...................................... عسى من يرجي العله .. تصيبك .. صابته عله
:
:

خلف .. لا ياخلف .. جد المراجل والأدب .. والذوق

..................................... يخلف الله على رجلٍ .. يبي في سيرتك .. زله
:
:

أنا لا من ذكرت اسمك .. اخافه .. يكسر الطاروق

.................................. لأن اسمك خلف يعني .. خلف هذا الشعر .. كله
:
:

انا ماجيت أبمدح بك .. وانا لو بمدحك .. مسبوق

.................................... ولكن جيتك بـ بيت ٍ .. يخصك أنت .. وافطن له
:
:

اذا هالمرجله تعشق .. وقيل ان في لها معشوق :

..................................... ترى ماغيرك بعيني لها .. من .. بين خلق الله

:
:
.................................................. .................................................. ..................

{ صـ ـ ـدري بـلـ ـ ـد }

:
:
:

خيوه ، أنا صدري بلد .. كله عنوز
................................. // .. بفياضهم ينبت خضار .. اعتزازي
:
:

من جيل ابن عبار لا جيل ابو روز
................................ // .. لا جيلي .. اللي يشهدون ، امتيازي
:
:

قطفت جوز الهند ، مع فزة الجوز
.................................. // .. وفجرت ،، نبعٍ بالقصيد ، ارتوازي
:
:

ماني من اللي بالمواقيف ، مهزوز
................................... // .. حامض على بوز الزمان اهتزازي
:
:

ماادور الفرصه ولا اتعب على الفوز
.................................... // .. كم فرصة ٍ راحت تمنى ، انتهازي
:
:

ما همني / رائع / ومبدع / ومحجوز
................................ // .. ولااتعـِـب على راي ، الخلايق جهازي
:
:

هالشعر ماجيته ولا جيه ، بالــتوز
.................................... // .. ان ماطلع ..باحساس مالله موازي
:
:

كم ما يجوز.. لـيا شتهينا له ، يجووز
...................................... // .. من باب تشبيه المحال ، بمجازي
:
:

اهل الحفر تطرب على صوت ، فيروز
...................................... // .. اذا اطربت لبنان ريشة ، عزازي
:
:

ياعويس انا عن سكة الغيـم ، ما جوز
.......................................... // .. رايك على جزل القصايد جوازي
:
:

شعري على خبرك ، ترى مابه رموووز
...................................... // .. لا تنزعج ، ماراح .. اظلل قزازي

:
:
.................................................. .................................................. ............

{ يحليله .. دن حجيله ..!! }

:
:
:

يحليله .. دن حجيله … / … دن حجيله .. يحليله

........................... يحليله .. دن حجيله … / … مدري وشلون التالي
:
:
:

قبل البدو تقصدها … / … وطرت علي الليــله

........................... ماعرف وش تاليها … / … لكنــها ..... في باااالي
:
:
:

( عارف ) هو اللي عارف ... / ... والا مطر ( بعديله )

........................... ( يبو قظاظه بيضا ) ..../ ....ماعيبت شمـــــالي

:
:

هالحزن ماهو دايم .../ ... لو جاب لي كل حــيله

........................... ربك يبي يفرجها …/... لكن ....!! .. بونّس حاااالي
:
:
:

وازعج لهم بالحنده … / .. صكــولها يجـــهيله

........................... مال الزمن ( ياحصه ) .. / .. مامال غير عقااالي
:
:
:

كيدِ لهم .. بغني ... / ... ياناقض الجـــديله

........................... والله لعمّـر سـلّــم ../ ..وارقى ع الضـــلع العالي
:
:
:

وارجع على موالي ... دِنْ دِنْ .. دَنّ حجيــله

................................. باكر تشيب عيوني.. / . وأقولها .. لعـــيالي
:
:
:
:
.................................................. .............................................

هذي القصيدة بقناة الاصــــلاح

{ المملكة العربيه السعوديه }

مايتبع هروج السفيه .. بذمتي غير السفيه
................................ يعني على رأي المثل ( أعمى يقوده إمـّعه )
:
:

تبت يدين الإمعه .. واللي معه .. تبت يديه
............................... بوق الدجل ، شيخ الجدل ، والسربه اللي تتبعه
:
:

فقيه علم البلبله ، بهلولهم ، سعـْد الفقيه
.................................... اللي يريد إصلاحنا ، أصل الفساد ، ومنبعه
:
:

تحشم سمو المملكه عن ما يقول ويدعيه
................................. من يسمع علومه ، خبل لو عاد فكر ، يسمعه
:
:

والله ولا 100 سعد ، يهزنا ، بدري عليه
................................... مازعزعوا حب الوطن .. زمرة فساد مجمّعه
:
:

حنا تحت أمر النزيه ابن النزيه ابن النزيه
..................................... اللي بذكره يحتمي بيت ، القصيد ، ومطلعه
:
:

لا قال ابو فيصل كذا .. قلنا : كذا من غير ليه
..................................... حنا الزناد اللي رفع صدره لضمة .. إصبعه
:
:

ناقف مثل صف الفشق بالمحزم اللي يرتديه
................................... من لا ارتدع عن دارنا .. أدنى حدينا ، يردعه
:
:

الدار نخلة دونها .. سيفين ياحضرة فقيه
................................ ( الشرع ) ثم ( آل السعود ) .. وغيرهم مانتبعه
:
:

مايتبع هروج السفيه .. بذمتي غير السفيه
................................. وانتم .. مثِل قول المثل .. ( أعمى يقوده إمعه )
:
:
:................................................. .................................................. ......................

{ مــلا ك ...!! }

وش اكبر من كذا شهره وش اكثر من كذا جمهووووور

.................................... وش احـلى من كذا ؟؟ طفله بريئة .. تحـــــفظ ابياتي
:
:
:

تردد وحـــدها .. ( صدر الشمالي ).. وابتسم مبهـووـور

.................................... تلعـثم .. تنحـرج .. مـــني .. و تضـايقها ابتساماتي
:
:
:

تقلد حشرجة صوتي .. ولا ابالغ .. كذا === > بغرور

.................................... تعـدّ البيــت واتعـيده .. علي ... بنفــس نبـــــراتي
:
:
:

يكسـّـر نطقها وزن القصيد .. ولايجي مكســور ....!

.................................... يسيل الشعر من فمها ... عســل ... يشــبع طموحاتي
:
:
:

ملاك ( الحلم ) .. لو يقدر .. يقوم يقولك مشكـــور

.................................... قســـم بالله ينطــــقها .. قبل ... تنطقــبها شــــفاتي
:
:
:

ملاك .. ان قلتلك مدري شقول .. بذمتي معذور ..!!

.................................................. .................................................. ...؟
:
:
:

بس اتحـدى فهد عافت على ضيدان ابن منصور

.................................... يحسون .. الشعــور .. اللي أحـــسـه في بداياتي .....!!
:
:
:

وش احلى من كذا طفلة .. ؟ تشكل وحدها جمهور ..!

............................. عطت كل القصيد .. أشكل .. وجتني .. تحفــظ ابياتي ..
:
:
:
:
:................................................. .................................................. .

{ ألفين .. باب ..ّ!! }

ماعسرني من سؤالك .. كيف حالك .. في فراقي .. ؟؟

........................... غير نبرة هالسؤال .. ابلا جــدال .. ولا حكايا ..!!

:
:

للجواب الفين باب .. وحارس ٍ .. مـِـحكم .. و ِ ثاقي ... !!

........................... منتصف روض المحبه ... مايقارن .. بالزوايا ...!!

:
:

وش بقالي من غلاتك ... كان قلـبـك فيه باقي .؟

............... ............. لا تقول الا تعال .. وشـف وش اعمل بالبقايا .. ؟

:
:

لو بدور مثل قلبك .. مثل قلبك وين الاقي ......؟

.............................. يكفي انه وســط قلبك .. للسكـــن عدة مزايا

:
:

دمــه الما .. والعروق اليا ضمينا .. به .. سواقي

............................. نبضته تهـدي وفاه .. وقبضته .. تقبل هدايـا

:
:

لو وصفته .. مانصفــته .. يبـلغ الوصف التراقي

.............................. يـَـشرق الشعر بغلاه .. ويشعر بقرب المنايا

:
:

مو حرام الحزن فيه .. ؟ ... ولا يبشّر بالتلاقي ....؟؟

......................... مو حرام .. يقاطعونه .. من غمرهم بالعطايا ..؟؟

:
:

يافريد القلب .. قلبك .. لو عرف قدر اشتياقي ..!!

......................... كان ماارخى سمع شوقه ، للعذول من النوايا ..!!

:
:

ادري انك هاقيٍ بي وجيت لك.. زي مانت هاقي

............................... طامــحٍ باللي تبيـه .. ودامـحٍ .. كل الخطايا

:
:

ويـــ؛؛؛لاان · 20-04-2005, 05:58 AM

{ العـــرس ..!! }

:
:
:
:

............ قــالت : بجـــي ...!! ( للعـــرس ) واشوف .. وشلون ؟؟

................................ تصــبر .. الى من جــــات ـ ـ عينك ـ ـ بعــيني ...!!

:
:
:

قلت : آتمـــنى وقـــتها ... ، ... مالي .. عــــيون ................!!

................................ يعــميني الله عـــنك ... لا تحــــرجـــيــني ......!!
:
:
:

خافي من الله .. !! .. هالبشــر .. وشــيقــولووووووون .... ؟؟

................................ إذا اعــرفـوك .. ( من العــرق ) في جـــبيني ...!!
:
:
:

لا واااعـــذابي .....!!

:
:

............ لا واااعـــذابي .....!!

:
:

............ لا واااعـــذابي ... !! .. لا اقبلوبي .. ( يحــــندون ) .. !!

................................ وحــارت عيون الناس ... بينك ... وبيــــني ....!!
:
:
:

وش حالتي ... ؟؟ يــوم ... الخــــلايق ... يشوفووووون ....... !!

................................ رعــشــة هــدب عينك ... ورعــشة يــد يـــني ...!!

:
:
:

ووش حـــالتي .. ؟؟ .. لا صـــافــحوني .. يهـــنوووووون ....!!

................................ وناظرتــ بك ... ثم ... شفت .. ( دمـــعــة ســنيني )

.... ؟
........ ؟
........... ؟

هـــذي ... تهووووون ... !! ... ( وذ يـــك ) .. ماظنها اتهووووون ...!!

............................... لا جــــيت .. اناظر .. في ... بديلك .. يمــــيني ....!!

:
:
:
:
:
:
:
.................................................. .................................................

{ الملـــعــبه ...!! }

فالملعبه يطري علي ان الرسول يقول :

........................ (( دَمُ المسلم على المسلم حرام وعرضه وماله ))

:
:

أنا فالملعبه هرجي يمر عقول دون عقول ..

................................... عميلٍ مايجاريني ي.. دورله من اشكـاله

:
:

الى منه حشم نفسه عن الزله مهو مخـــذول

................................... والى من ضاعت علومه تركته يشرب دلاله

:
:

أنا ماقول من قدي ؟ ولاني من السما مرسول

................................... ولكن من يبي يلعب .. يناظر منهو .. قبـاله

:
:

ولد من يعتزى فيه ويحل وينقض المفتــول

................................... أنا منهو على درب المراجل .. يسحبه خـاله

:
:

أنا منهو عشق لعب القوافي داخل الزهمول

................................... وانا من جبر كسور القصيد ... وقام يبراله

:
:

أنا من طوّح سيوف النشامى سيفه المصقول

................................... الى من قال : ( خلوها ) سرى ياليل مواله

:
:

أنا ماحلحلو حيلي ولوهم حاولوني حول ..

................................... أحلّ احيَلّ من حاول معايه .. يبلش بحاله

:
:

وش المعقول ؟ لاقالو تقول اللي مهو معقول

................................... كثر ماقيل ذا قولي .. ولا قبلي ، أحد قاله

:
:

قصيده لو عرضتوها على ( صياف ) وشبيقول....؟

................................... اذاهي طافت ( حبيّب ) ولامرت على باله

:
:

وانا فالملعبه تطلع علومي والحديث يطوووول

................................... ولكن من يبي يلعب معايه يفهق عقاله ..!!

:
:
:................................................. .....................

{ لكن .. ولكن ..!! }

:
:
:
لكن .. لكن .. كم لكن تقولين ؟؟؟

..................................... هالحرف لونه في ... شفاياااك داكــن !!
:
:
:

عرفت لكن ـ من عرفتك .. وللحيــن !!

..................................... كل ماوعدتيني ... تقولين ...... : لكن
:
:
:
ماهو بكيفك ـ إيـــه ـ لكن إلى ويـــــن ؟؟

................................... هالخوف .. يبقى .. في حناياااك ساكـن
:
:
:

لاانتي معاي ،، ولامعاهم ،، وتبقيــــــن ....

................................... عـقلك ... مشتت .. بين .. عدة أماااااكن

:
:
:

إن غربن .. بالراي .. معهن تروووحين !!

................................... وان شرقن . للشرق ... قلتي معاااااكن
:
:
:

على كذا عشتي ،، ورايح تموووووتين !!

....................................... لكن ترى مليــت .... من حرف لكن

:
:
:

ويـــ؛؛؛لاان · 20-04-2005, 06:02 AM

{ موقف .. حيادي ..!! }

سرقت بيت / وقلت / عادي .. ومشيت

................................................ / وراحت قصيده كامله قلت عادي

:
:

كرمال عينك ، يارفيـقي تغاضيت ..!!

............................................ / فيما حصل .. وقفت موقف حيادي

:
:

ماهي على فكرة قصيده وكم بيـت ..!!

.............................................. / بعيوني الصاحب على الروح بادي
:
:

بدّيتك بحفل المشاعر .. وغـنـيـت

............................................../ وصوتك بوادي ، والمشاعر بـوادي
:
:

المشكله انك عن حدودك تمــاديت

.........................................../ يبه .. حبيبي .. هيه .. وين انت غادي

:
:

حتى لو اني عن جوادي تخليــت ..!!

........................................ / لا تحسب انه .. ينعسف لك .. جـوادي
:
:

صابك عمى والا انكشفت وتعامـيت

........................................./ هذا أسودٍ واضح .. وهذا .. رمادي ...!!
:
:

يعني .. تراني عاقلٍ .. مااستخفيت ..!

.................................../ ماجبت لك ( رمزه ) و ( وشرعب ) و ( حادي )
:
:

لا قلت .. وين عيال ( جرجس ) وناديت

.................................... / جوني يشيلون المعاني ... / ... هوادي ..!!
:
:

الراس هذا .. به قبيلة عفاريت ....!!

........................................... / جوعا لك الله .. يحــترون الهــدادي !!
:
:

مير العن ابليسك ..مدامي تناسيت ..!!

........................................ / آول جمادي .. مات .. بآخر جــمادي ..!!

:
:................................................. .................................................. .....

{ شــ هـ بندر .. الشعــار ..!! }

:
:
:
:

( في ) : ـ حرف جر .. ( وخاطري ) : ـ إسم مجــرور

.................................................. .......... ( بالكسره ) اللي قــدّرتها .. ( عـباره )
:
:
:
جت .. من ( غشــيم ) ، وقــلت : عادي .. ومعــذور

.................................................. ......... وجت .. من ( حكيم ) .. وقلت : لاواخساره
:
:
:
حــاولت أصـــنّفها .. ضـــريبه ،، على النــور

.................................................. ....... لكن .. بدون اشعار .. صارت .. شــراره

:
:
:

هّــبت رياح الظـــلم .. واستلهب الجــــور .... !!

.................................................. .......... وجارى دخَـنـْـها ... عاشقين الاثاااااره

:
:
:

فهمت .. منها .. كيف .. يتكوّن الزوووووووووور

.................................................. .......... من نشأته .. حتى .. حدود انتشاااااااره

:
:
:
وعرفت .. كيف اضحك .. وانا امووت .. مقهووووور

.................................................. .......... لامثّــل .. الكذاب .. " مشهــد وقااااااره "

:
:
:
يعني ( شطــاره ) قال : أنا فاهم الدووووووووووور

.................................................. .......... مايدري .. ان ( الدور ) ماهو شطاااااره

:
:
:
يجبر .. كسر ( بيتك ) إذا كان .. مكــــسوووووووووور

.................................................. .......... لكن ..( ضميرك ).. كيف جبر انكسااااااره
:
:
:
تدري ..!! ( بلاش ) ( تـلف ) ( ونلف ) وندوووووووور

.................................................. .......... تعال .. خذها ..! في (( صريح العباره ))

:
:
:

ماني .. على هالشعــر .. يالشيخ ..!! مجبـــــــــور ..!!

.................................................. .......... عشان ( أدق حبوب ) ( واشرب زقاره ) ..!

:
:
:
:
.................................................. .................................................. .....

{ الكدش ماتلحق الخيل }

قصيدة عن حبيبتـــــــــــــــــــة

قـالـوا .. قـصـيدك زيــن .. لـكـنك ابـخـيل
............................... مـاقـد كـتـبت ( بـوصـف خـلـك قـصـيده

قـلـت : اسـمـعوني زيــن .. يـهـل الـتحاليل
........................... واخـــذوا الـعـلوم .. الـمـوجزات .. الأكـيـده

الــوصـف : مـــن أروع فـنـون الـتـماثيل
........................... ومــاكـل شــاعـر .. فـالـحـقيقه .. يـجـيده

وانــا لــو أكـتـب .. يـعـلم الله .. بـهالليل
............................ مــانــي مـخـلـي لـلـقـصايد .. شــريـده

والله .. لـجـيـب مـــن الـمـعـاني تـهـاويل
......................... واكــشـف خـفـايـا الـمـفـردات الـعـنـيده

لاشـــك .. مـانـي زي بـعـض الـمـهابيل
......................... عـمـر ( الـغـني مـابـااااح .. يـوم برصيده

مـاصـدتـها .. يــاكـود عـقـب الـبـهاذيل .
......................... ولـــو عـلـم الـقـناص .. مـاحـااش صـيـده

مــانـي بـعـاجـز .. عــن أدق الـتـفاصيل ..
......................... لــكـن .. وربـــي ذي عـلـيـكم .. بـعـيده

حـبـيـبتي .. أبــعـد عـلـيكم مــن سـهـيل
........................ وعـنـدي أهـم مـــن الـقـصـيد وجــديـده

نـزهـتها .. عــن قــول : فـي وصـفها قـيل
......................... مــافـيـه داعـــي والـفـريـده .. فــريـده

يـكـفي أقــول : الـكـدش .. مـاتـلحق الـخيل
................... هـالـشطر .. يـغـني عــن كـتـابة .. قـصيده
:
.................................................. .................................................. ...........

{ جمر الحسـَد }

:
:
:

من طاح .. من عينك ؟؟ ومن فيه ماطـاح ؟؟

......................................... ذي طيبتك .. واليوم .. تدفع ثمنها
:
:
:

حتى لو انك كنت .. صاحي .. ولمـــاح

..................................... أصحاب ( كيف الحال ) محدٍ .. بخنها
:
:
:

صفو على جمر الحسـَد .. والعـفن .. فاح

..................................... ولمت عفون الخلق .. ريحة .. عـفنها
:
:
:

يالله دخيلك .. كلـها .. شالت .. رماح

......................................... حتى الوغـد قام .. يتخمش رسنها
:
:
:

مات الحيا والمرجله .. دمها .. ساح

........................................ كلٍ كشف .. عن سوء نيه .. دفنها
:
:
:

دامه .. زمن عقرب ، وحيه ، وتمسـاح

....................................... خل الأسود .. اتنام .. ماهــو زمنها
:
:
:

قالولي انطح .. صيحة الصوت .. بصياح

....................................... واعزل احرام السالفه .. عن كـفنها
:
:
:

قلت الخساره بالردي .. عندي ارباح

........................................ ومثلي .. يعلي هامته .. ماطـمنها
:
:
:

ترسي جبال طويق لا هــبت اريح

......................................... وانا من اول .. ماذ الراي .. منها
:
:
:

اقولها وانا .. مروّق .. ومـرتاح

.................................... شل الله .. لسان العــفون .. وبدنها
:
:
:
:

ويـــ؛؛؛لاان · 20-04-2005, 06:06 AM

{ عـضـيمـضاح }

:
:
:

قاف / صاد / وياء / دال / .. ( بس ) .. / ميم / وقاف / سين /

.............................. يكــتبون ( الشعـر ) مدري .. يلعبون ( مضــيمضاح )
:
:
:

( نصف ) .. ( شاي ) .. ونصف ( هاي ) ونصف ( طـــين )

.............................. ( شــايـ ـ ـطين ، مهــايــ طين ) وماخذينا بالصيااااااح
:
:
:

مبدعين ..؟ .. ( أوكيه ) .. طيب ..!! .. بس ماهم فاهميـن ..؟؟

.............................. يفرضون الشعـر ( شرع ) . ويزعمون .. الانفتااااااح

:
:
:
والله اني .. ووالله اني .. !! .. والمهــبّّــل .. معــجبيـــــن !!

............................ كن اخينا ( الزير ) سالم يوم عــوّّد ... للمرااااااااح ..!!
:
:
:

ولا اخينا اللي يتفلسف ... ( حُـبُّـُـهَـا كالإســبريــن ) ..!!

........................... وان سألته .. قال / مسمع غير ( فيروز ) الصبااااااااااح

:
:
:

يالله الخيره .. عساها .. ماتعــــدّّى ... ( بابا ... فين ؟؟؟ )

...................... أو عساها .. ماتعــدّى ... مضيمضاح ... مضيمضاح .....!!!
:
:

.................................................. ............................................

{ خارج نطاق التغطية }

:
:
:
:

خارج نطاق التغطية .. او .. تغطيـه دون النطاق

.......................................... فرق الخروج المنطقي حسب اختلاف المنطقه
:
:

ماهيب لعبة مفردة .. بين التجـــانس والطباق

............................................. لا لا ولا هي فلسفة شاعر فراغ وهرطقـه
:
:

المسأله !! ركز معي .. يمكن ترد ضمن السياق

............................................ لاتسبق احداث الشطر قبل انطقه لا تنطـقه
:
:

شيٍ يطاق بهالزمن .. واشيا كثيره ماتطــاق

...................................... شعر الغزل غير الهزل .. والطق غير الطقطـقه
:
:
:

المشكله مو بالطراق ،، المشكله بعد الطراق

........................................... يامحللين المشكله .. بلاش .. كـذب وتريقــه
:
:

إتي اتحاد ... وتختصر إتي .. بعــد للاتفـاق

........................................... لكن ولاإتي .. بقت في ظل عصـر التفـرقــه
:
:

ناخذ طراق ونبتسم .. احلى عرب ..!! واحلى عراق

........................................ واحلى فلسطين ونقط .. لا خر حدود المنطـقه

:
:................................................. .................................................. ...............

ويـــ؛؛؛لاان · 20-04-2005, 06:08 AM

تعبت وانا أنقل قصائد خلف

وقرب وقت الدوام انشاءاللة اكمل الباقي بقرب وقت

نواف فهاد الشمري · 20-04-2005, 10:09 AM

لن أقول سوى ..

وااافي .. هالقصيد .. وأنت وااافي ...

تسلم يمينك ..

سلالالالالالالالالالام ,,

ويـــ؛؛؛لاان · 20-04-2005, 11:45 AM

اللة يسلمك أخوي نواف وأنت كذلك

وتسلم على مرورك

وهذا أنا جيت من الدوام وأكمل قصائد خلف المشعان

ويـــ؛؛؛لاان · 20-04-2005, 11:47 AM

الموقف الأول

البارحه رحت .. اتقضى من .. السوق
.................................. // .. هل رمضان ورحت اجيب المقاضي
لقيت لي واحد .. من الربع مطفوق
.................................... // .. اسمه اذا ماني بغـلطان .. راضي
سلم علي .. وصار يطـلبني .. حقوق
.................................. .. // .. تقــول انا مذنب وهالأخ .. قاضي
جلس يسمعني .. من الشعر .. طاروق
.................................... // .. وانا ورايه شغل .. مانيب فـاضي
يقول هذا البيت : .. ماهو بمسرووق :
................................... // .. " يانوض قلبي نوض براق ناضي " ؟
حاولت اجيه بذوق .. مافاد به .. ذوق
.................................... // .. ولا فاد به .. تلميحتي واعتراضي
قلت العفو !! ياخوك انا الحين مزنوق
..................................... // .. والشعر كله .. صارلي فعل ماضي
صدري على وجه الشهر صار به ضوق
................................... .. // .. رغم ان خلقي .. كان جداً رياضي
الا انه اجبرني .. اخلي له .. السوق
.................................... // .. جانا رمضان ولا شريت المقاضي

الموقف الثاني :

كم لي شهر.. ماشفت .. حامد .. وفرحان
............................................ // .. ربع ٍ .. لياغاب الخوي .. يفـقدوونه

رغم انهم .. ماهم .. بعيدين .. جــيران
............................................ // .. حامد ورى المسجد .. وفرحان دوونه

إلا انّ هالدنيا .. خذت .. عقل الانسان
............................................ // .. ونابت أذانه .. عن مهمة عيووووونه

أصبح فلان .. اليوم .. يسمع عن فلان
............................................ // .. وكلٍ سعى في هالحياة .. بشؤووونه

دنيا المشاغل .. فرقت .. بين الاخوان
............................................ // .. يموت ابوهم .. والعزى .. مايجووونه

رحمااااك .. ياربي ونسألك .. الاحسان
............................................ // .. نطلبك .. عن هول الزمان .. المعوونه

اليوم ( صدفه ) شفت حامد .. وفرحان
............................................ // .. بالمسجد .. اللي توّهـم .. يدخلوووونه

قبل رمضان .. تشوف به خمس شيبااان
............................................ // .. واليوم كل الحي .. صاروا يجووووونه

الموقف الثالث :

قبل الفطور بربع ساعه اتخبرون
............................................. // .. كلٍ .. ببيته .. للفطور .. يتولم

وانا تورطت بهديفه ,, ومجنوون
............................................. // .. تصادموا .. والكل قام .. يتظلم

هذا يقول أنت آعـَمى مالك عيون
............................................. // .. وهذاك .. من هول الفجيعه تبلم

قدام بيتي .. قلت يالربع تدرووون
............................................... // .. تفضلوا بعد الفطــور .. نتكلم

عيا الهديفه قلت له : طيب شلون
........................................... // .. نبقى هنا ؟؟ قال ايه ، قلت اتحلم

لو ننتظر لين الحكومة يمروووون
............................................ // .. كد للإمام من التراويح .. ســلم

قلت اسمعوا .. وش رايكم لو تطسووووون
.......................................... // .. مدري متى .. شعب الخليج يتعلم

الموقف الرابع

محدٍ بهالعالم من الذنب معصوووووم

............................................. // .. نسألك .. يارب العباد .. السلامه

بعض البشر بوزه على الصبح ملموم

........................................... // .. نفسه بخشمه .. لا اقعدوه .. لدوامه

تلقى " فرامل خلقه " الصبح معدوم

........................................... // .. وعاجز لسانه .. لا يربّط .. حزامــه

وبعض البشر لا نام ماوده يقوووووم

........................................... // .. يقضي عبادات .. الصيام بمنامه ..!!

يجمع صلاته يوم يقعد من النوووووم

........................................... // .. ويطلب لقا ربـّه .. بيوم القيامه ..!!

لاصار صومه نوم .. وشوله يصووم

........................................... // .. ربه .. ترى ماهو .. بحاجة صيامه

وبعض البشر عن ماذكرناه محشووم

........................................... // .. يتعب على صوم رمضان .. وقيامه

الموقف الخامس

السالفه .. ماهي بحاجة .. لتصعـيد

...................................... // .. موقفك .. جاهز .. منتهي .. ما يبـيـله

لااتجيب فينا العيد .. بدري على العيد

...................................... // .. .. قدامنا .. سته وعشرين .... ليله ..!!

ياصاحبي سرْعَتـْـك كل مالها .. اتزيد

....................................... // .. خفف .. ترى كلٍ .. تحراه .. عـيله

كانك تدور صيد .. ماعاد به صـيد ..!!

...................................... // .. فرّطت .. في شهر ٍ فضيل .. بفضيله ..!!

من قالك ؟؟ تسهر .. وتعطي .. مواعيد ؟؟

........................................... // .. حتى لو انك .. ماانت راعي .. طويله

والله لو بيدنا .. عطيناك .. تمـ ـ ـ ديد ..

...................................... // .. لكنّه .. اذّن .. مالنا فيه .. حيـ ـ ـله

بس هـ دّ .. تكفى .. لا تحضّر بنا العيد

...................................... // .. .. قدامنا .. سته وعشرين .... ليله .. !!

الموقف السادس

...................

الموقف السابع :

الموقف .. السابع .. عن انسان مسكين

............................................. // .. رُبـَى يتيم .. وكان .. رابع خواته

أبوه مات .. وماترك .. لامهم .. شين ..!!

............................................ // .. ماغير .. رحمة ربهم .. في وصاته

عاشوا على .. شغل امهم .. بالفساتيــن

............................................ // .. وياحسين ود الثوب .. ياحسين هاته

باول حياته .. جرب الشين .. والشين ..!!

............................................ // .. هو فيه .. زين يجربه .. في حياته !!

ان راح يلعب .. عيروووه الوراعين ..!!

........................................ // .. واذا .. رجع للبيت .. مـو .. من .. حلاته

يسمع " كلام امه " .. عن الفقر والدين ..!!

............................................. // .. ويضيق فيه الكون .. باربع .. جهاته

يعني بنت مستقبله .. دمعة .. العين ...!!

............................................ // .. ماعاد .. تفرق .. عن حياته .. مماته .. !!

كُبر .. وصار .. اكبر حرامي .. دكـاكين ..!!

............................................ // .. يسمع .. بفقر الذيب .. والا .. غناته ....!!

لين اكفشوه .. وصارله .. أربع سنيـن .....!!

............................................ // .. يدعي ... لرب البيت .. بآخر .. صلاته :

يارب .. تشملني .. (( بعـفو .. المساجين .. .. ))

............................................ // .. وتفرج عن اللي .. يرتجنـّه .. خواته ..!!
:

الموقف الثامن :

في ليلة الثامن .. بدينا بالاهمال .......

............................................. // .. وصار الشهر .. عند الكثيرين عادي

مدري !! بدينا ننتظر شهر شواال ......!!

............................................... // .. والا شهر شوال بالفعل بادي .. ؟؟

يعني بدال نصير نخلص بالاعمال ........!!

............................................... // .. نزداد عن رب العباد .. ابتعادي ..؟؟

عن التراويح .. نتعذر .. بالاشغال .......!!

................................................ // .. واشغالنا مابين ... سوق ونواادي

غزل .. اتمشي .. مشترى .. كذب .. تفصال

....................................... // .. " حراء " طبعا غير .. " سوق البوااادي "

غزل .. ( على وِدنه ) .. وترقيم .. واهبال

......................................... // .. ومحاضرة .. للشيخ .. جوهر .. عبادي

استغفر الله .. وأسأله .. يرحم الحااال

........................................... // .. صرنا بوادي .. والعباده .. بوادي ..!!

الموقف التاسع :

دايم .. الياقالوا : (( شـباب .. وعلى الدين )) ..!!

.......................................... // .. أسكت .. على بالي .. فهمت العباره ..!!

أدري بها .. زينه .. !! .. ومفهومها .. زين .....!!

......................................... // .. واكيد .. واضح .. مايبيله .. شطاره .. !!

( واحد رقم )..( زايد ) .. ( رقم واحد ).... ( اثنين )

.......................................... // .. لكن .. مهو كل .. الكلام .. استعاره .. !!

يعني .. مثل : لا قلت لك .../ ... صل .. هالحين ..!!

.......................................... // .. هي نفسها .. لا قلت : .. ولع زقاره .. ؟؟

وش دخّـل .. اهل الدين .. بـ ( محمد .............. )

.......................................... // .. اللي .. فقع .. في .. كبد ابوه .. المراره !!

" عزَب هتيم " .. ( ........................................ )

.......................................... // .. لا دك .. في غزوه .. ولا فك .. غاره ...!!

مافيه شي .. اسمه / .. شبابٍ .. على .. الدين ..!!

.......................................... // .. إلا .. شباب ٍ .. يستحق .. .. العباره ..!!

شفهم .. !! .. اليـَ ذ ّن .. ينقلون .. الكراتين

.......................................... // .. ويفطّرون .. الناس .. عند .. الإشــاره ..!!

الموقف العاشر :

ثلث .. الشهر .. عدى .. وعدت .. لياليه

.............................. // .. مسكين .. يامن في معاصيه .. لاهـي

كلْ مـ الشهر .. ينقص .. يزيدن .. معاصيه

.............................. // .. ويزداد .. مع زود المعاصي .. تباهـي

من لا هداه الله .. وسمح .. خطاويه ....!!

............................... // .. مايردعه .. عن منكر الفعل .. ناهـي

ليل الشهر .. بين البرامج .. يقضّيه ...!!

........................... // .. متحطم .. ( بهيفا ) .. ومعجب ( بزاهي )

محتار .. مايدري وش اللي .. ينقيّه ..!!

............................... // .. مثل .. اليتيم .. اليادخل .. بالملاهـي

من " مهزلة طاش " .. " لسخافة .. دقـ دّ يـه "

.............................. // .. لقريقعان .. وغانيات .. المقاهـي ...!!

صارت .. تردد بينهم .. كلمة " أ و مـبـيــه "

.............................. // .. يالله تحفظ .. عقولنا .. مثل ماهـي ..!!

كن الشهر .. موسم .. برامج .. وترفيه ..!!

........................... // .. من فاهية وجه ٍ .. إلى وجه .. فاهـي

ويالله .. تثبتنا .. فباقي .. // .. لياليه ..!!

................................. // .. وتذكّر اللي .. عن عبادتك .. ساهـي

الموقف 11 :

ايوالله .. اذكر طلته .. ياحليله ..!!

............................................ // .. كان الشهر .. مع طلته .. متخاوي

يطلع على وقت اجتماع الـعيله ..!!

....................................... // .. يروي لنا .. والله .... ونعم الراوي ..!!

لا من طلع برنامجه .. نصغيله ..!!

.............................................. // .. شيخٍ عن امراض القلوب يداوي !!

اذكر " بنان " الياحكى ,, تطريله ..!!

............................................ // .. واذكر .. بعد في وقتها .. شيـ ساوي

ينسى .. يحسب غتيرته .. منديله ..!!

........................................... // .. يمسح بها دمع العيون .. الهااااوي

اذكر .. كثير .. وجيتكم .. داعيله ..!!

.................................................. . الله يرحم .. شيخنا .. الطنطاوي .. !!

الموقف 12 :

خلو ملاك تصلي .. لا تحرموها الجنه ..!!

......................................... ياويلكم .. من ربي .. يااهل الحسد .. خلوها ..

حتى الصلاة لربي .. صارت بعد .. بالمنه

......................................... // .. مو زين يطلع منها ؟؟ .. بعض العرب نسيوها

تحجبت .. من بدري .. تبي مع اهل السنه

......................................... // .. تلحق صلاة المسجد .. واخوانها .. ردوووها

وهي عادةً .. لا قالت : تـــنـه .. فـ يعني .. تنه

......................................... // .. لامن .. بغتهم .. شغله .. تسابقوا .. جابووها

البارحه .. مانامت .. وبعذرها .. منجنه ......!!

...................................... // .. عيو عليها تصلي .. جت تشتكي .. لـ بوها

يبه .. يبه .. !!

وش علمك ..؟؟

يبا .. احسدوني .. الجنه ..

........................................ // .. منهم .. ؟؟ هذولا شفهم .. وجع .. وجع .. خلوها

ودو ملاك المسجد .. لا تحرموها منه ..!!

......................................... ياويلكم .. من ربي .. يااهل الحسد .. ودوها ..

الموقف 13 :

ماكنت ابكشف عن خفا عارف سرور

.......................................... لكن هو اللي .. قام .. يبحث خفايه

يعني على كشْـف الورق صرت مجبور

......................................... وهذا جزى اللي .. .. لف ذيله معايه

على الفطور البارحه .. جاني .. الدور

........................................... وبلغت ابو طارق .. وكل .. خويايه

سلطان يشهد .. ماحصل مني قصور

.......................................... والحر .. كزه .. مايبيله .. وصــايه

انا اشهد انه ماهو بشاهدٍ زوووور

........................................افطر معاي .. وشاف كل .. الحكايه ..!!

مااحدٍ حظر غيره .. وسلطان مخبور

...................................... .. اما يجي .. أو يعتذر .. بالبدايه .. !!

بس البلا اللي .. داخل البيت .. محصور

......................................... ان مسمحت له .. عاد ماهو خطايه

الموقف 14 :

الناس .. من تصبح .. يقولون .. يارب ..

........................................ // .. يارب .. تصلح حالنا .. واتهدينا

وانا اصطبحت ولا طرالي .. أبد .. سب

........................................... // .. الين شفت اليوم .. بنت اللذينا

قدام خلق الله تشرب .. ( سفن أب ) ..!!

....................................... // .. يدري بها الله .. عاد .. لو مادرينا

ما حقها تشتيم .. ذي حقها .. د َ ب

......................................... // .. حرام .. هالأشكال .. منا .. وفينا

هذي هي .. اللي بالشهر مالها .. طب

............................................ // .. يالله .. انا طالبك .. لا تبـتلينا

الموقف 15

خمسة عشر موقف .. كتبت بشـظــايا

........................................ // .. أولهن .. أول يوم .. وأتلاهن اليوم

من منطلق والهام .. حسن .. النوايا

.................................... // .. ماهمني .. شهره .. ولا همني .. لوم

كتبتها .. والله عليم .. بخفـ ـ ـ ـايا

....................................... // .. ماني بها .. مجبر .. ولاني .. بملزوم

غير انها .. لله .. رب البراااايا .. /

....................................... // .. مواقف ٍ .. يشهد بها .. أصغر القووم

كتبتها .. من باب .. طيب السجايا

........................................ // .. يالله تقبلها .. وتقبل لنا الصووووم