يا بوي لو أني من العام أرثيك=وشعري يسجل بالكتب و الجرايد
ما وصلت كل المعاني معانيك=ولا ظنتي تكفيك جزل الفرايد
شعري وحرفي يا أبيض الوجه يبكيك=وينزف وريدي في رثاكم قصايد
ودموع عيني كل ساعه تناديك=تذرف دموع فوق خدي شرايد
لو تنفدا في غالي الروح أفديك=وأعطيك من عمري سنين ً جدايد
ما هو لحالي يا بوي أنعيك=غالي وفقدانك على القلب كايد
يا كثر من بالناس يالغالي يغليك=وفقدتك صارت عليهم فقايد
هاك ارجال تشيل ذكراك وتطريك=اللي قريب و اللي من الناس نايد
( أحمد بن سعيد ) و الأسم يكفيك=مرحوم يا كساب جزل العوايد
يا واصل الأرحام ذي ميزة ٍ فيك=ترجى عوضها من جزيل المدايد
عسى الوالي بجنة الخلد يجزيك=ويثيبك إلاه ٍ على الناس سايد
ومن كوثر الجنة عسى الله يسقيك=و على الأرائك تتكي و الوسايد
نسألك الغفران من عند و إليك=رب ٍ رحوم بالرخا و الشدايد
يا بوي لو أني أخذ سنين و أرثيك=ما ظنتي تطفي بجوفي السهايد
هذا قصيده شوف عيني تعزيك=وينزف وريدي في رثاكم قصايد
العرض العادي
