الصديق اللي يواصل واصلـه
لو تجي له من ديار ليا ديـار
والرفيق اللي يراسـل راسلـه
بالطويل من الرسايل و القصار
ومن يجامل ما هو عيب تجامله
و من تعذر ساعده بالاعتـذار
وحد كلٍ فـي مكانـه عاملـه
حشّم وقّـدر ملازيـم الوقـار
ومن تدق وكن خطـه فاصلـه
لايتم الرد وجـاري الانتظـار
امسح ارقامه وعقّـب شاكلـه
المقفي لا تـرد الـه اعتبـار
ما على مثلـه تقـوم التاكلـه
بعد ولا قبل مـا تاخـذ قـرار
اترك اللي في سـواة الراحلـه
ما مشى في ثارها كود الغبـار
ان ماهي بهذي فهذي حاصله
من قدوم الليل لاطراف النهـار
كل موقف في الحيـاة تقابلـه
بين خلق الله يحدد لك مسـار
بعضهم لك الفخر بحكـاك لـه
وبعضهم من رفقته ياتيك عار
العرض العادي
