اصبر علي شوي .. ابيك تسمعني
وشفيك يا خلي .. عجله قرارتك
دايم تغلطني .. دايم تسكتني
دايم تحاسبني .. ما تشوف غلطاتك
ادري على كيفك .. تبغى تمشيني
يعني مثل خاتم .. بـ اصغر صباعاتك
تدري غيابي ليش .. امي تراقبني
تقول يا بنتي .. غريبه حركاتك
منتي على بعضك ..حالك مو عاجبني
وشفيك سرحانه .. وشفيها خيالاتك
وشفيك يا بنتي .. وضعك محيرني
منتي مثل اول .. فقدتك و ضحكاتك
وين الضحك والصوت .. اللي مبهذلني
وشبك ذبحتيني .. حزينه بنظراتك
رديت ملخومه .. راسي يعورني
قالت فديت الروح .. قلبي .. سلاماتك
واليوم قلي .. ليه تبغى تكلمني
وانته مورطني ... كله بسباتك
اسمع ترى ماني .. صغيره تغازلني
وماني على كيفك .. اتبع مزاجاتك
وكانك مثل ما تقول .. عاشق وشاريني
واني هوى روحك .. واقصى طموحاتك
وما دمت شاريني .. تعال واخطبني
يوم السعد والله .. قربك وجياتك
العرض الشجري
