وقت العتب راح لا ترجع تعاتبنـــــــــــــــي
مات الامل والبقى في راس وجدانـــــــــــي
ماني مثل ماانت خابرني وتحسبنــــــــــي
فلان الأول أصبح واحد ثانـــــــــــــــــــي
خلاص مات الهوى لاتهدم ولا تبنـــــــــــــي
تركتني لين جاء النسيان نادانـــــــــــــــي
العام أدور سبب منك يقربنـــــــــــــــــــــي
واليوم أدور سبب عسب تنسانـــــــــــــــي
بعثرتني في هواك واليوم رتبنــــــــــــــــي
نسيتني الناس شفني صرت وحدانـــــــــــي
كان السهر اللي في هواك مجننـــــــــــــي
والحين حتى السهر يكبر على اجفانـــــــي
أجيك يمحيني عتابي ويكتبـــــــــــــــــني
مافيه طاري عتب يمر ماجــــــــــــــــــاني
وأرجع وانا اقول:شوه للجرح جايبنــــــــي
أدري بجرحك ولاادري شوه ودانـــــــــــي
عن صدق الاحلام جا الواقع وكذبنــــــــــــي
وعن فرح الايام جا حبك وبكــــــــــــــــاني
مليت أشيل الأمل والدمع يغلبنــــــــــــــــــي
وأقول باجر يجي للشوق يلقانــــــــــــــــي
ويروح باجر واجي والوقت قالبنــــــــــــــي
وأرجع على وحدتي وأحزاني هي أحزاني
بكيتك العمر كله يامعذبنــــــــــــــــــــــــــي
وشفيك ماتبكي الليله على شـــــــــــــــاني
كتبت ماهو عشان تقـــــــول عاجبنــــــــــي
مليت من جزله وصـــــــح الله لســــــــــــاني
انا وطن شعري لو شعـــــــــري مغربنــــــي
كتبت اجمل جروحي لجل تقـــــــــــــــــراني
خلاص لا تتعب وترجــــــــــع تعاتبنـــــــــــــي
أنا نسيتك دخيل جروحــــــــك أنســــــــــاني
عيوني مـن كبـر همـي تخلـط الـدم والعبـــرات
مِسيـل الدمـع مـن عينـي حفـر بالخـد ماريــــه
صحيح إنك جميله بـس تبنـا مـن هـوى الزينـات
تركنـا الحـب غصـب وطـوع للعيـن الشقاويــــه
انشالله يعجبكم الشعر واللي قايله
العرض الشجري
