من ضـــــلع اعوج خلقها الله وجمّلها=وبالحـيا والوفـــــــا والطيب كمّلها
نعـــــم بها ميل تجــــــرفها عواطفها=لكـــنـــها الأم ماتـغــــــوى دلايلها
نعم هـي الأخـــت بالضيقات فـزعتها=نعم هي البنت مشـكوره جمايلها
نعم هي البيت مـرفـوعه دعـــــايمها= نعم هي المجتمع ترسل رسايلها
بدونها الرجل ياهل الراي وش يسوى=يصبح مثل شـجرة يبست طوايلها
وأعـجـب لـنـاس تـقـلـل مـن مـكانتها= بالعكس هي جنة طابت مسايلها
ربّت وشـــادت مـن الأجـيـال صالحها=وأعــتزمبنى البلد بالفعل شــايلها
ضـحّت بغـالي العـمـرفـدوى لـديرتها=أروع مثل تضــربه والكــل قــــايلها
من عصرالإســلام والسمعه تشرّفها= وبيــض الأيــــام تشـهد بـفـعـايـلها
هـي جـنـة للرجــل اللــي يــقــدرها=لــودار بالأرض مــايلقـى بــدايــلها
خــوله خـديجه وللخـنسـاء ســمعتها=وغيرهم كــــم كسب صيت ونايلها
لـها بتاريـخـنـا صــــفحات تشــــهرها=دوحـــه عـظـيـمه تظللنا ظـــلايلها
يابنت داري عليك الله وأمـــــــان الله=ماهـمّك الغـــرب وأفـعـال يحـاولها
شـــجره ربت في مرابي العزماتقبل= يكـــون بالــعــز مـن عـزة قـبـأيـلها
تبقين رمـــزالشرف بالعـــزمـــرفوعه=هـــــذي حقيقه أبد ماني مجاملها
وصلواعلى المصطفى المرسل الهادي=شفيعنا ســــاعة تظهر هـــــوايلها
العرض الشجري
