شيلووووا الهيئة وفكوووونا منهاااا.

[الشاكـــي]

شيلوا الهيئة وفكونوا منها ...


وريحونا من هاللقافه الي فيهم....


مالهم شغل ينصحونا ...


احنا حرين بحياتنا وافعالنا

دع الخلق للخالق...


كلااااااام ونقاااااااش دائما نسمعه ويتردد بين الشباب وغيرهم....

وانا شاب زيي زيكم...

تعرضنا لمواقف مع الهيئه سواء كان بحق او بدون حق...


لكن ايش رايكم نتكلم بالموضوع بعقل شوي


اول شيء فيه اسباب تجعل فك جهاز الهيئة مستحيل :

1- أن الأمر بالمعروف والنهي عن المنكر شعيرة لو ماتت مات الدين,, وبقائها من بقاء الدين.

2- أنها ولله الحمد من أسس قيام دولتنا المجيدة, ومن أيام الملك عبد العزيز رحمة الله.

3- لهم جهود جبارة في الكشف عن مصائب وبلاوي ومخدرات وعصابات واشياء مرره كثيرة.


ومن جهة ثانية... فيه اخطاء كبيره منهم

ونسمع عن قصص غريبة عجيبه..

وتجاوزات يصعب تصديقها من رجال هم حماة للدين وانصار له..

وبأذكر قصة وحده صارت مع واحد من اصدقائي الي اثق فيهم

ولي غرض من ذكرها بعدين

""" يقول قبل فتره طويله كان يمشي مع اصحابه قريب حديقه في ايام اليعد..
المهم لابسين كلهم جنز ومتزبطين..
يقول شوي وطب علينا جمس هيئه ..
ومطاارده ومسكوه....
طيب مو مشكله هو غلطان ويستاهل ..

لكن الي صار بعدين هو المصيبه بعينها..

يقول يوم رحنا المركز....
قعد يقولنا الشيخ الي مسكنا كلااام كثير...
وقال انا عندي الي يلبس جنز كااافر؟؟؟؟


واترك رايكم بهالقصه....




وفيه مقطع بلوتوث منتشر هالايام اتمنى وادعي من الله انه يكون تلفيق وتركيب, لانه لو كان صح فوالله مصيبه المصائب..

حبايبي....


من وجهة نظري ....

. الحل ماهو بفك الهيئه والتخلص منها....

الاخطاء موجوده ومعترفين فيها هم.....

واحنا الشباب عانينا منها....


لكن ايش هو الحل.؟؟


عندي سؤال..

مين هم الي يشتغلون بالهيئه؟؟

فيه منهم اساتذة جامعه وناس على قدر كبير من التعليم...
ولكن الاكثريه هم شباب كانوا امس عاطلين وبايعينها

تاب الله عليهم .. وبعد فتره يروح ينضم لهم..
. هذا الشاب عنده دين .. لكن ماعنده علم بالدين...

وقبل كم يوم سمعت كلام للشيخ عايض القرني ..
يقول ان المفروض على رجل الهيئه يكون متفقه بالدين وعالم باموره...
وهذاك الشيخ الي قال لصاحبي.. الي يلبس جنز كافر..
معقول عنده علم بان الي يقول لاخوه المسلم كافر فقد باء بها احدهما؟؟؟ وباي حق يكفره؟؟



فليش ما يكون هناك اختيار دقيق لرجالات الهيئه؟؟
ويكون من اهم الشروط انه يكون متعلم ويكون متخرج من الجامعه... ويعملون دورات لهم باستمرار ويحسنون من ادائهم



الشيء الثاني... ياخوان احنا الشباب صح مقصرين.. لكن والله بالاسلوب المناسب نقتنع.. ماهو بالقوه ولا بالمنافخ ,, ووللاسف كثر مانسمع ونشوف مثل هالتصرفات من رجال الهيئه.... فالاسلوب هو الاهم في النصيحه...


فاذا كان رجل الهيئه متعلم بالجامعه اكيد بياخذ دروس في علم النفس وعلم الاجتماع.. والي صارت شيء مهم جدا في كيفية التعامل مع الاخرين....

وطبعا لكل زمن طريقته... فهذا الزمن هو زمن الاسلوب والحوار ... وزمن القوه راح بالماضي


نقطة اخيره .... انتشرت كثير قصص وشائعات ومواقف مرعبه عن الهيئه... ولولا خوفي من الله , واني ما شفتها بعيني.. كان كتبتها ,,,, فعشان يكون هناك حد لها الشيء..


ليش ما يكون هناك مكان ومركز لاستقبال الشكاوى من المواطنين ومحاسبة المقصرين ,وتقويمهم المستمر...بكذا نضمن حق المواطن ورجل الهيئه وما يكون هناك مجال للفتنه والكذب..


واترك المجال لكم للتعبير وللتناقش

الله يحفظ دينا ورجاله والقائمين عليه

ويوفق كل من يوقف بجانبهم


المحب لكم الشاكي