لاتجرحيني يكفي القـــلب مجروح
لاقلت احبك اسكتي واسمعيني
ماجيت ادوّر فيك لوعات وجروح
جيتك وانا كلي امل تسعديني
جيتك وانا كلي احاسيس ووضوح
جيتك ابي لوساعة(ن)تفهميني
والله ماغيرك سكن داخل الروح
ولاغيرك انتي وسط قلبي وعيني
والعاشق اللي يعشق بصدق مفضوح
لوجا يرد الشوق لازم يبيني
لاتسأليني وش ورى الهم والنـوح
و بعز جرح القلب لاتساليني
ياليتني اقدر على البوح وابوح
ان كان ماشفتي الشقا محتويني
ياللي تحسبين الهوى لعب ومزوح
شوفي سواة الهم والعشق فيــني
بعض الغرام يجيله شهور ويروح
وانتي غرامك بالحشا مبتلـيني
لاتتعبيني يادوى القلب والروح
لاقلت احبك.. اسكتي واحضنيني#c
العرض الشجري
