أحبائي .. أعود اليكم بعد انقطاعٍ طويل بمتواضعتي البسيطه راجياً أن تنال استحسانكم
حبي لك أبعد من حدود الخيال = وعشقي لعيونك هو أغلى أمنياتي
الحروف ونبض قلبي دايم بمدحك سجال = وكل أحاسيسي لقربك راجيه توصل حياتي
لاغروب ولاشروق ولاجنوب ولاشمال = انتي وحدك ياالعزيزه تكـوّني أربع جهاتي
وانتي غاية مطمعي ياالعذب الزلال = أعشق ترابك وأحبك ياهواي ويامناتي
كيف ماأعشقها؟!! وهي آيةٍ كلها جمال = ودينها .. حسبها .. ونسبها كملوا فيها الصفات"ي"
كل هلي صاروا يقولوا : هالولد صابه خبال = ومادروا لو أخسرك بعيش دايم في شتاتي
دعوتك ورضاك ياأمي ومايهمني اللي يقال = وباذن الله أتوفق .. وشدي من أزري وذاتي
كل بنات الانس كوم وانتي لوحدك مجال = ماأبي غيرك حبيبة .. ربي يسمع لي رجاتي
دعوتي انه يـجـمِّع بيننا بأمرٍ حلال = دعوة صارت تلازم خافقي حتى بصلاتي
أدري الرحلة طويلة ووصلك أشبه بالمحال = بس عقدت العزم أوصل أو يكون دونك مماتي
الأميـر