السلام عليكم ورحمة الله وبركاته
هانحن نعود من جديد مره اخرى ونأتي بالجديد امل ان تحوز على اعجابكم
يا محـلا ضحكـة أسنـان المعنابـه=يفرح بها القلب وتغنـي لـه اطيـوره
لـه ضحكـةٍ بيـن خلـق الله جذابـه=نفسٍ خلقها الولـي بالطيـب مفطـوره
أسكر بريقه وأشوف الموت برضابـه=وليا تنفس دخـونٍ طابـت عطـوره
وليا تكسـف يعـض البـرد عنابـه=يغضي حيا والحيا مايهتـك استـوره
يضوي سنا نور وجه من ورى احجابه=والشمس تضوي على الدنيا بعض نوره
وجهٍ طفولـي وزاده بالحـلا اهدابـه=سبحان ربٍ كريـمٍ جمـل الصـوره
شيدت له في صميـم القلـب مركابـه=يرقى حنايا الضلوع ويبني اقصـوره
تخفي عيونه عظيم الشـوق واعجابـه=والشوق فاضح بنظرة عين مغـروره
لا شفت زولـه يفـز القلـب هلابـه=وتفضحني دمعه بوسط العين محشوره
وإن كان جاني وحظي بالهـوى جابـه=ياسعد حظي ونفسي حيـل مسـروره
العرض الشجري
