حسبتك عديم الاحساس وصرت لي كل احساسي قصه رومانسيه سعوديه رووعه

[عاشقة الحرف]

تابع<<
في تطلع الفلوس من محفظتها: يله عشاني اخرتكم الفطور علي
نوف مسكت يدها : لاااااا والف لا علي الطلاق علي انا >>>وضربت على صدرها
مي : اقول بس خلصوني النص بالنص
دفعو البنات الحساب النص بالنص حسب الاتفاق^^
مي واهي تلبس غطاها: يله تراني ميته فيني النوم
نوف واهي تمسك رقبتها: انا رقبتي احسها مكسوره من النومه الغلط في السياره
في وعيونها ذبلانه: تحسبوني احسن منكم ادور السرير دواره
طلعو يمشوون وشافو خالد وزياد واحمد جالسين يفطرون وطاقينها سوالف وضحك
نوف عينها عليه ومي عينها تنتقل من زياد لخالد بمشاعر متضاربه
اما في كانت تحترق تبي تعرف وش الشي اللي قلب كيانه كذاا

×××××
خالد لمح البنات وعرفهم واهو جالس واحمد جالس جمبه ولف بالكرسي عليه يعني صايرين مقابل بعض بس خالد اللي يناظر اللي ورا احمد واحمد مو شايف
خالد يغمز: اقول حمود شوف اللي وراك قطع اووه
احمد منقلب وجهه اهو مو راعي مغازل: اقول بس اعقل وعن التغميز
خالد يتابع عمليه التغميز حقته: محد داري لف بس انت لف
احمد: ماراح الف

&&&&&
نوف: شوفي اخوي الخبل ما يخلي حركاته
مي: شكله عارفنا والا ما كان غمز
نوف: ههههههههههههههههههههههه شوفي واحمد غريبه ما لف
في قطعت سكوتها: احمد اخر واحد يسوي هالحركات
نوف "وهذا اللي عاجبني فيه"
نوف: يمكن خايف احد يعرفه
مي: لالا ما اتوقع يله خلونا نروح واقفين وقفه غلط
في: يله عجلوو ابي سرير سرير
××××××طاوله الشباب
خالد يمثل خيبه امل: حساافه راحو
احمد اخيرا راح تشنجه: الحمد الله ما بغوو
خالد ما قدر يمسك ضحكته:ههههههههههههههههههههههههههههههههههه
احمد مستغرب: وش فيك انت انهبلت
خالد لازال في ضحكه: لا ما انهبلت بس كنت قبل شوي اغازل خواتك
احمد عصب عليه: اخوااااتي
خالد خاف منه: لا تعصب واختي معاهم
احمد "نوف معاهم"
احمد: نوف معاهم بعد يسلاااام
خالد:ههههههههههههههههههههههه ايه
كان الشخص الثالث معاهم جسد بلا روح افكار توديه وافكار تجيبه كان طول وقته ساكت مو حاس باللي حوله رجعه للواقع صوت خالد يكلمه: ايه معاك يا خالد
خالد: لا والله مو معاي ولا شي
زياد واهو يقوم من كرسيه:يله عن اذنكم
احمد: على وين وين
زياد باين عليه الارهاق والتعب: والله فيني النوم ودي انام
خالد: خلاص اجل احنا اصلا شوي ولاحقينك كلنا فينا النوم
زياد: طيب مع السلامه
خالد واحمد: مع السلامه
....بعد ما طلع من المطعم........
خالد: ياخي حاله مو عاجبني
احمد يحاول يخبي او يستغبي بمعنى اصح: كيف يعني
خالد: شوف انا ساكت لحد الحين ما سألته ناظر وجهه كنه شايل هموم الدنيا فوق راسه
احمد: ما تدري يمكن عنده مشكله
خالد: مو يمكن الا اكيد بس انا لازم اكلمه
احمد: خله بحاله
خالد مستغرب من رده: وليش شكلك عارف شي وخبي علي
احمد توورط: وش اخبي الله يهديك بس قصدي لو انه يبي يقول كان قالنا ما ستنى نسأله
خالد ما اقتنع بالجواب مره: انا بسكت وبشوف زياد واعرفه زين متربين مع بعض وما اتوقع يخبي علي شي
احمد: انشاء الله ما يكون فيه شي بس مجرد تعب وارهاق
خالد: انشاء الله
///////////////////////////
راحو وكل واحد راح لشاليهم يستعد للنوم لانهم اتفقو يطلعون للكورنيش بعد المغرب

&&&&في شاليه ابو متعب &&&&
كانو البنات جالسين في غرفتهم جوها كان رايق الغرفه بارده ولون الجدران برتقالي معتق والأسره كانت من الخشب المعتق كانت جالسه تناظر في السقف واختها جالسه من الصبح على الجوال مو عارفه وش عندها
مها لفت بجسمها تناظر مشاعل: وانتي ما طفشتي من يوم ما دخلنا الغرفه وانتي بس تطقطين بهالجوال
مشاعل وعينها في الجوال:طيب وش عندك تبين مني شي
مها : لا ما ابي بس خذيها نصيحه وبطلي هالحركات قبل ما تندمين
مشاعل اخيرا رفعت عينها من الجوال: وش قصدك
مها بنظره غريبه: اظنك فاهمه قصدي
مشاعل: انا ماخذه خذري
مها مع عدم مبالاه: بس حبيت انبهك
مشاعل رجعت تناظر جوالها: شكرا على النصايح
****حل وقت المغرب وبدى الكل يصحى يتجهز للطلعه ***
في شاليه ابو احمد
ابو احمد كان ناوي روح المسجد اللي قريب من الشاليه حقه %%
ابو احمد: صحيهم على ما اصلي وارجع
ام احمد: ايه انشاء الله
راحت تصحي البنات
ام احمد واقفه عند الباب وتخبطه:يله قومو
مي من تحت المفرش : يمه خلينا ساعه بس الله يخليك
ام احمد بدت تعصب: اقول قومو لا يجي ابوكم ويعصب علينا
في تناظر امها بنظره كله نعس: يمه تكفين طيب مو ساعه نص ساعه بس نص اعتقينا لوجه الله
ام احمد عصبت الحين: اقول بتقومون والا شلون الناس بيطلعون بعد المغرب يله اخلصو اذا رجعت ولا قمتو ياويلكم من ابوكم
$$$$$راحت تشوف ولدها في غرفته طقت الباب بهدوء لقته ياخذ شاور طلعت وسكرت الباب
ام احمد واهي تجلس في الصاله: بدور يله روح البس
بدر متحمس يلعب بالجيم بوي: طيب اخلص واروح
ام احمد : ترا مالي خلق اعيد بيجي ابوك ويعصب علينا
بدر قام يتحلطم: طيب انشاء الله
&&&&&شاليه ابو متعب$$$
حصه تشرب شاهي وجالسه: ها وين رايح
ابو متعب:بروح اصلي وين بروح يعني وقومي بناتك لا نتأخر على الناس
حصه : طيب طيب بس انت روح وانا بقومهم
ام سعد راحت تطل على ولدها فتحت الباب لقته يصلي وجالس يقرى قران شكله شايل هموم الدنيا على كتوفه جلست على طرف السرير
ام سعد بوجهها السمح: حرما ياولدي
زياد يسكر المصحف ويبتسم في وجهها: جمعا يارب وياك
ام سعد: حبيبي احسك متضايق من شي وخبي علي
زياد" سبحان الله قلب الام "
زياد: لا يالغاليه ما فيني الا العافيه زي منتي شايفه
ام سعد بنظره حزن: كذا ياووليدي تخبي على اميمتك
زياد قام من مكانه وجلس جمبها على السرير حط يده على كتفها وحب راسها: يمه انا الحمد الله ما فيني شي بس متضايق ان سفري قرب واني راح اشتاق لكم
ام سعد تدور سبب عشان تصدقه: صدق هالحكي
زياد حب يدها: ايه هذا كل الموضوع اني راح اشتاق لك ومابقى من اجازتي الا القليل
ام سعد واهي تقوم من مكانها: الله يريحك مثل ما ريحتني قول امين
زياد من قلب قالها: اميين يارب
ام سعد رجعت جديه: يله اشوف قم البس خلنا نطلع الناس يستنوننا
زياد:ههههههههههههههه يله هذا انا بقوم
^^بعد الصلاه اتفقو على الطلعه
رجع ابو احمد ولقى احمد صاحي وجالس يتقهوى مع امه وبدر يلعب بالجيم بوي ووعد عند امها تصلح لها شعرها القصير وتحط لها فراشه على جمب
ابو احمد: السلام عليكم
الكل: وعليكم السلام
ابو احمد: يله مشينا
ام احمد تحط قهوتها: يله
ابو احمد يتلفت : وين البنات
ام احمد: تعبوني على ما صحو والحين يلبسون
ابو احمد:طيب زين احمد
احمد: سم
ابو احمد: خلاص انت جب خواتك واحنا بنسبقكم
احمد: انشاء الله
***طلع ابو احمد ولقى ابو سعد وزياد وابو متعب يستنونه**
ابو احمد: السلام عليكم
الكل: وعليكم السلام
ابو متعب: يله مشينا
ابو سعد: يله بس انتو عرفتو المكان
ابو احمد : في مكان حلو دايم نروح له جمبه ملاهي عشان يروحون البنات يتمشون اذا يبون واحنا نجلس نتقهوى ونعين من الله خير
ابوسعد: طيب يله
ركبو سيارتهم ومشو كلهم وراى ابو احمد
%%في سياره ابو فهد%%
ام فهد: تراني دقيت على وليدي يجي ابي اشوفه
ابو فهد: طيب دقي عليه احد ماسكك الله يهديك
ام فهد: لا بس اقولك
ابو فهد: وانا اتصلت عليه اول ما وصلنا وقلتله وقال بيجي لما نطلع بعد ما نريح ارتحتي
يتبع<<