سألتك يا بحر تنسيني همومي
لقيت بأمواجك سهوم تغزيني
لقيت من شطك لآخر المينا ذكرى تشجيني
شجون تتطارح بليلي ** شجون تسامر عيوني
سألتك يا بحر...
وجوابك نثر لي دموعي
تنسيني وتذكرني
تبكيني وتضحكني
جمعت فيك آلامي ** جمعت فيك آمالي
لقيت نصيبي ببحرك ** لقيت دنيتي جزيرة بوسطك
حلمي موجٍ تعلى فوق سطحك
حلمي غدا باكر يصبرني
غدا حلمٍ يواسيني ويسامرني
غدا كلي.. غدا بعضي
غدا بدنيتي وزري
سألتك يا بحر...
ترفعني وتبعدني
وبموجك الدافي تسعدني
لقيت موجك جافي وأبعدني
قسيت وجفيت
حنيت وحبيت
يــــــا بـــحـــــر
موجك أتعبني
موجك أسهرني
يــــــا بـــحـــــر
أعطف علي وارحمني
* * *
لقيت فيك يومي وأمسي
لقيت فيك نهاري وليلي
يــــــا بـــحـــــر
ألقاك حبي وشوقي
وألقاك ناري ولهيبي
فيك ألقى وجودي
وفيك أحس بضياعي
يــــــا بـــحـــــر
موجك يرمي فيني ويعذبني
يبعدني ويقربني
يــــــا يـــحـــــر
ليتني ما عشت لحظه وسط موجك
ليتني ما شفت قربك ولا سامرت روحك
يــــــا بـــحـــــر
أبي أبعد.. وأنت سامح
لا تعاتب وأنت جارح
خلني.. مآبي أصارح
مآبي أكون لك جارح
أبي أبعد.. وأنت سامح
العرض الشجري
