بسم الله الرحمن الرحيم
هذي قصيده قديمه لكنها قريبه من قلبي وحبيت اني اكتبها لكم
وهي مسنده لأحد الاصدقاء اسمه عبدالرحمن بن جزا
اقول فيها
يابن جزا الايام مااشين صدوفها
اشوفها وانته بعينك تشوفها
نعيش في دنيا تزايد همومها
ياسرع جيّتها وماابطا نكوفها
دنيا كفينا شرها تعطب الفتى
وتشبع من ارقاب النشاما سيوفها
يابن جزا يوم انك تدري بمقصدي
من يوقد النيران بيطيح جوفها
حلفت ياناس نوو في بالردا
اني برجلي لاتوطا انوفها
مادم هذا شفّها في حياتها
في ذمتي مااردها عن شفوفها
الين كل تنعرف ويش قيمته
ويبين راس المرجله من ردوفها
الصبر ولا والحقايق توضحت
والشمس بانت عقب مدة كسوفها
وش لون اجامل ناس ماتسعد الخوي
وتنكر جمايل ربعها ومعروفها
تحسبني ليا من تجملت عندها
طمعان في ميّاتها أو الوفها
بأعيش عالي طول عمري ولاعلي
واترك مجاملها واداحم كتوفها
عشان لامن مت الاجواد تنصدم
والرخم تضرب فوق قبري دفوفها
وان كان انا لاقلت لي قول ماافعله
مانيب شوق اللي تخضب كفوفها
وسلامتكم
بقلمي
العنادي
العرض الشجري
