ياصاحبي كنت احسبك لو تخليت
للحب باقي مثل مانيب باقي
حتى لو انك في انقطاعك تماديت
ماكنت اضن انك تدور فراقي
وانا اللذي لجلك بالاصحاب ضحيت
واتعبت لك قلبي وتعبت ساقي
كنت احسب انك لو تنحيت وابطيت
ماسك حدود العهد والاتفاقي
واثرك بعد مارحت عني وصديت
اخلفت هقوات اللذي كان هاقي
غيرت جوالك مع نمرة البيت
وخليتني من بين الاجواد شاقي
انشد وادور كل مااصبحت وامسيت
من شاف له غرو صغير دقاقي
واليوم جيت وياحسافه بعد جيت
تبغا تخرب في العهود الوثاقي
حتى لو انك عايش كنك الميت
عندك وداع الناس مثل التلاقي
خلك وانا من عشرة الهون مليت
مليت من قوم الردى والنفاقي
يعني بدل ماافتح لك الباب صكيت
وباب الغرام احسن له الانغلاقي
وسلامتكم
بقلمي
العرض الشجري
