فرجت وكنت اظنها لا تفرج

[الى ما]

سلااااااااام يا شباب ويا بنات :
الى ما من الرياض يستنجد بمن لديه الحل او الرأي

يعني آسف ان اول مشاركه لي هي عرض مشكله لكن ابيكم تعرفون ان هذا هو النت يااااااااااااااااما ويااااااااما تلقالك ناس يحسون فيك اكثر من اقرب الناس لك ويهتم عليك اكثر مما يهتم فيك اخوك او اختك عموما ابيكم تكفون تلاقون لي حل او رأي فعال ينفعني ....................

انا طالب جامعي في نهاية السنه قبل الاخيره .. وانا انسان دائما كان حلمي متى اتزوج وابني عائله مثاليه .. طبعا اغلب الشباب او البنات ممكن يمرون بفترة التعبير عن احاسيس مميزه لشخص مميز (بالنسبه للشخص طبعا) انا انسان حبيت بنت وهي تحبني (لا تسألوني كيف ) لأني راح اقول لكم .... البنت عرفتها قبل سنه وسته شهور عن طريق النت .... بيني وبينكم وعلى بلاطه كنت عارفها طقطقه زي ما يقولون الشباب بس يا جماعة الخير اكتشفت بعد فتره اني دخلت البنت في طريق ماهي قده ... البنت حبتني.. ما انكر اني كنت احبها بس مو للدرجه اللي حبتني فيها......... جلست مع نفسي يوم من الايام وفكرت ليش ما اكتشف البنت اكثر يمكن تناسبني للزواج وفعلا بديت مشوار التحري .....

وبعد سنه يا شباب ويا بنات اكتشفت المصيبه :

اكتشفت ان البنت مناسبه تماما ولا فيها اي عيب يعيبها لا هي ولا اهلها يا عالم كامله والكامل الله عيبها الوحيد انها تكلمني بالتليفون (يعني بطريقه غير شرعيه ) عموما بالنسبه لي ماهو عيب لأني انا اللي دخلتها لهالطريق وعدتها بالزواج ... يا جماعه ما حلفتوني بس والله ما عمري سويت معها شي غلط يجبرني اني اتزوجها (0اكيد فاهمين ؟) بس انا حبيت البنت مرت الايام وقدرت اواجه اهلي بالموضوع ... اهلي وافقوا بشرط انهم يقولون رأيهم في البنت واهلها بعدين يوافقون او يرفضون .. فعلا راحوا اهلي بعد ما دبرنا السالفه (يعني لفقناها ) المهم مشت السالفه رجعت الوالده طايره من الفرح مو مصدقه انها هذي البنت اللي انا ناوي اتزوجها وان هذولي هم اهلها ناس فوق الخيال ............

بصراحه راحوا بس يسلمون عليهم ويتعرفون عليهم بس ما تكلمنا ابد بموضوع الخطبه ولا جبنا طاريها .........

البنت اخر سنه بالكليه يعني شهر وتتخرج ( بس انا اكبر منها تعرفون سنه عطاله هذي لا بد منها في السعوديه )
المكشله بالضبط : البنت لا زم اخطبها الحين لأن الخطاب كثروا وكل واحد احسن من الثاني وأهلها بدوا يشكون فيها من كثر ما ترفض الخطاب ( مع الملاحظه ان اختها الكبيره كافشتنا ولفقنالها سالفه ان البنت قطعت علاقتها فيني واختها مهدده ان البنت لوما وافقت على ثالث واحد يخطب كحد اقصى انها راح تفضح الموضوع عند ابوها وامها وتعرفون اش ممكن يصير من ورى هالكلام ) يعني لازم اخطب وأخوكم ( عنتر زمانه ) ( روميو زمانه ) اللي تبون :

المهم مو جاهز ابدا للزواج من الناحيه الماديه (الحمد الحال مستور بقوه بس مو الى حد اني ادبر 100 الف مثلا عشان اخش بمثل هالموضوع) والبنت مستحيييييييييييييل اظيعها من بين ايديني لأني احبها موووووووووووووووووت

يا عالم مخي بينفجر صرت ما اقدر اركز بشي ........ ادري يا جماعه ان الله ما يخلي احد بس والله كل مالها تضيق ........ شوفو لي حل أو رأي واللي ما عنده لا هذي ولا هذي على الأقل يقوللي ايش بيكون موقفه لو هو مكاني وبالنسبه للبنات ايش موقفك لو انك مكان البنت ( مع العلم ان اهل البنت ما يهتمون بالأمور الماديه كثير والبنت عندها خبر عن وضعي كامل ........ شاكر لكل من يقرا كل هالموضووع الطويل العريض بس صدقني بدعيلك لو تفكر بموضوعي هذا

اخوكم (الى ما )