هذي من قصائدي القديمه ويعلم الله اني ترددت في ادراجها اكثر من مره وبالاخير اقتنعت بفكره ادراجها .......... اتمنى تعجبكم
اللي طعــنك من الــوريد إلى الـوريد
لاتظــلم عيــــونه ولا تطــعن وريــده
يكفي تكــون إنســان عن ظلـه بعيد
لاصــرت ماتقــدر تــرد اللــي تريــده
عيش الألم يمكن تكون المستفيـــد
المستفيد اللي ولا شــي مستفيدة
يعني غيابه طفل في صدرك جـــديد
يعـيش بك غربه مــلامحها شـــديدة
عادي وش اللي يزعجك وانته وحيد
مايزعجك إلا نفسك اللي تعيـــــــده
ياصاحبي كن أي قلب مـــن الحديد
من قبل تصبح (....) عايش عـ الحديدة
الحـــب كذبه يــوم يصــبح بالبريــــــد
او أي قصــة عابـــره داخــل جــريده
العــقل نعمــة لاقـــديم ولا جديـــــــــد
والنفس ماترضى المطاليب الزهيدة
ياحيف لأضــاع المــــحال من الوكيــد
الناس تعمى والمصايب مستزيــــده
وش وصــــلك للحزن مادامــك سعيــد
وش قــرب أفكارك للأفـــكار العنيده
صدقت حلمــك يوم قــال انــك فريـــــد
والناس عادي ماحسبها في رصــيده
وان قلت له تمــوت لجلي قال أكــــيد
أموت لجلك وينقـــضي عمري وأعيده
الــعـــز مانــال الصــدور اللـي تــحيــد
والــــذل لاصارت عيـــونك من عبيــــده
واللـــي طعـــنك من الـــوريد الا الوريد
ارسل لــه شموخك على صفحة بريده
يكــــفي تكون انسان عن ظـــــله بعيد
وانــــته تـــريد والله يفــعل مايـــريـــده
( بقلمي )
العرض الشجري
