احبتي الكرام
السلام عليكم ورحمة الله وبركاته
كتبت على عجل هذه الابيات واحببت أن اتشرف بعرضها لكم
وهي في الحقيقة لاتمثل شخصيتي , ولكنها اتت
وكيف اتت ؟ لا اعلم
اترككم معها على امل ان تنال إستحسانكم
هيهات ياخل(ن) قِسى وإمتحنّي=مالين لين اطباعك تلين وتزين
هيهات مَنْتِي بالقويّه لأني=معطي سلف حتى ولا احب بالدين
شوف وتَعَلّم جرّب اليوم فنّي=إليا نسيت أيّوب تذكرني الحين
صبري طويل ودوم فالحِبِ ( جني ) =مرضى بجرح القلب لا مِسْ بالشين
الحِب عِشق وعشت من صِغر سنّي=اهوى واحب وعشقي ثنتين ثنتين
أحد(ن) احبه وحد مِبعده عنّي=وليا بغيته جيت لِه قلت لِه وين
اربع غُرَف في قلبي وينتقني=كل(ن) وله مسكن ومجلاس فالعين
ماني مفرّق بين صفرا وبنّي=هذي حياتي دوم لونين لونين
وانتي ترى وإن كان جا فيك ظنّي=مهما بعدتي غصب في يوم بتجين
وإليا لفيتي قمت لك وإمتهني=اقول لك ماقلت لك حِب باللين
العرض الشجري
