|| ~ قصة سعودية رومانسية [ أسئلك باللي خلق قلبك اكرهني ] هنـآ وحصرياً ع الود .. |~

[ماجد العساف]

بكلً غفوًة

............. غفوًة

....... غفوًة


.. أبي أرتــآآح

تجينيً صوًرتكً .. وٍ أبـ غ ــآكً !


:
:
:

صـبـاح الخـيـر = } مـدري يـا / صبـاحـك

المـهـم : الخـيـر منـك يـا ‘ صـبـاحـه ،


الصبـاح اللـي مع : الاشـواق : ضـاحـك

مـن > وجـودك < مـاخـذٍ كـل انـشـراحـه ... !




قصر ابو خالد - جناح أبو فيصل


الساعه 9 الصباح

خالد توه قايم من النوم بس للحين ما صحصح كويس : يااااوه احس عظامي
متكسره

نوره بيدها الفوطه : سلامتك يا قلبي .. اخذ لك دوش يمكن تحس براحه ..

خالد قام بسرعه ودخل أخذ له دوش سريع خاف يتأخر على نوف ..

نوره راحت تطمن على عيالها بغرفهم .. ووصت الخادمه عليهم ..

نزل خالد بعد ما لبس مع نوره اللي العبايه بيدها .. على الدرج

خالد يوقف وكنه نسى حاجه فوق : يوووه نسيت اصحي نايف .. موصيني
أقومه من النوم

نوره : اتصل فيه طيب ؟

خالد يكمل طريقه : الله يهداك يعني ما تعرفين نايف ؟ لازم احد يصحيه بقوه لا صار تعبان ..

نوره : أجل انا انتظرك تحت عند عمي وعمتي ..

خالد : طيب استعجلي امي

نوره : حرام تلقاها جاهزه من امس .. ربي يقوم لها نوف بالسلامه

خالد : الله يعين


:
:


غرفة نايف ..

فتح الباب خالد ولقى نايف نايم على السرير ونص الغطا عليه وقالب راسه بالعكس

خالد فيه ضحكه بس مو بوقته : نايف ؟ نايف ؟؟؟؟ (يحركه ) نايف ؟؟؟؟

نايف يتحرك وبصوت خشن : هااا

خالد : ما انت قايم ؟؟ ألناس تنتظرك تحت .. قم يلا

نايف يصحى بصعوبه ويرجع شعره لورى : يلا جاي جاي ..


خالد قبل ما يطلع : مو ارجع القاك نايم .. يلا بسرعه


:
:


نجود من أمس تبكي .. تقنع فأبوها يوديها لنوف بس مافي فايده يقولها الناس
فجر والبنت للحين ما صحت ووعدها يوديها الصبح

وجته عاد اليوم عشان يوديها زي ما وعدها أمس ..


فواز جالس يفطر مع الريم والهنوف وام دانه اللي باين انها مزكمه شوي : هلا
وغلا فبنتي حبيبتي ..

نجود اللي باين انها باكيه تبتسم لأبوها : صباح الخير جميعاااااا


فواز : صباح النور والسرور تعالي اجلسي بجنبي ..

نجود تجلس : بابا انت قلتل ...


فواز يقاطعها : عارف والله عارف .. وهذا انا ابغاك تفطري زين عشان نطلع مافي وقت

الهنوف : وانا ؟؟؟

فواز : ياحبيبتي زحمه راح يكون هناك .. مو حلوه البنت تعبانه وحنا جايين .. !

الريم : وليه نجود يعني ؟؟؟ حتى انا ابغى اتطمن عليها

نجود : تناظرهم وودها تعطي كل وحده حقها من الطراقات

فواز : نجيد صاحبتها .. انا ماراح آخذ الا نجيد حتى امك تعبانه اليوم المره الجايه نروح كلنا .. تكون البنت ارتاحت


نجود تبوس راس ابوها : حكيم أبو دانه .. (طلعت تركض تلبس)


ام دانه : ما كليتي طيب ؟؟؟

نجود بصوت عالي من فوق السلم : شبعت مامااااااا

تبغى تكمل ركضها وبسرعه كبيره دعمت دانه بقوه ..!!

دانه بصرخه قويه : آآآآآآآه .. وووووووووووووووجع يا عميااااااااا

نجود تألمت مره : سوري ما انتبهت فيك (كملت لفوق)

دانه : جعلك الموت .. غبيه


جلست دانه تتمخطر بالممر ليما وصلت عند طاولة الطعام : صبآحـو يآ حلويـن ..

الكل : أهليـن .. تعالي أفطري

دانه وكنها لقت عذر جديد وحلو : لا عافيه على قلوبكم يا رب ،، بس بابا ترا
طالعه اليوم مع صاحبتي اسيل للسوق لزوم التجهيز وكذا يعني

الهنوف بقلبها وش ذا الجرأه اللي عليك .. لو منك استحي واقول ابغى اروح
السوق وبس ليه تقولي قصة حياتك

الريم فقلبها هذي كل يوم صاحبه ؟ منهي اسيل اصلا ؟؟؟ والله اللي يشوفك
يقول صاحبه وحده ما تتحمل تجلس معك يوم .. لا يكثر بس


فواز : أيوه أيوه .. اطلعي وجهزي وخلي امك تطلع تجزك بعد .. ترا ما بقى شي الايام تركض


دانه توهقت : لا بابا .. انا مو بزر تجي معي امي .. بعدين امي تعبانه مثل مانت
شايف .. وذوق اسيل أحلى .. الناس تطورت بابا ..


ام دانه توجع قلبها بنتها بحكيها .. لكنها ما تشيل عليها وتعذرها دايم .. قلب الام ..


فواز : براحتك .. وزي ما قلت لك البطاقة معك اسحبي منها اللي تبغين ولا تفكري بأي سعر .. فاهمه ؟


دانه تبوسه : الله يخليك لي يا رب .. تشااااااااو

:
:







قصر أبو خالد

تروش نايف و لبس وتعطر .. واخذ مفتاحه ومحفظته ونزل بسرعه مره متأخــر
عليهم ..

نايف : السلام عليكم ..

الكل لابس ينتظر : وعليكم السلام .. يلا مشينا ؟

نايف : يلا يا جماعه .. أقول بو فيصل اخذ امي ولمو معك انا وابوي راح نمر
الشركه عندي شوية شغل مع بلال يقول عنده ملفات تعويضية تهم الشركه ..


خالد : ما ضنتي هالوجه بيفيدنا بشي .. قابلني اذا فهمت منه حاجه .. شاطر بس بالكلام

نايف : لا تظلم حظك .. ما عمره قصر لا بجهده و لا وقته ..

جا يبغى يتكلم خالد بس قاطعه صوت امه : اتركوا عنكم الحكي الحين وخلونا نمشي تكفون

نايف يطلع : أبشري ابشري

:
:
:


طلعو برا ومشى خالد واهله لنوف .. وبقى نايف وابوه جالسين بالحديقه يتقهون
بالجو الحلو اللي يرد الروح ينتظرون الجد سامي يطلع ..


ابو خالد : وراك ما خليتنا نطلع شوي المشفى بعدين الشركه ..

نايف حاس فأبوه : الله يطولي بعمرك نوف مافيها الا العافية . . وخالد وامي
عندها .. وتو كلمني عمي فواز وراح يروح لها ترا ماهي لحالها

حنا نخلص شغلنا ونطلع .. !

ابو خالد يناظر بالريم وهي تلعب مع حمودي بالالعاب في الحديقه : اللي تشوفه يا نايف ..

نايف يلتفت على المكان اللي يناظره ابوه لقى الريم تلعب وكنها بزر : ههههههههههههه

ريم سمعته يضحك ووقفت عن اللعب : ..... (فقلبها تقول هذا كيف شافنا وحنا
بعااااااد عنه .. الله يقطع عدوك ما خليتني اكمل طفولتي المتأخره)


نايف يناديها بس تعمل حلها ما تسمع : ريمااااااااااااا .. !!!!

ابو خالد : اتركها تلعب ..

نايف : اسمع وش بقولها .. ريييييييييييييييييييم


الريم قلبها ما طاوعها ما ترد عليه التفتت عليه يعني منصدمه : هلااااااااااا ؟؟؟

نايف : تعالي شوي ؟؟

الريم تقرب تقرب تقرب ونايف يناظرها وباين ان بفمه ضحكه ..

قربت عندهم وباست راس عمها : صباح الخيــر

ابو خالد : صباح الورد .. حبيتي الكعبه

الريم ما تدري وش تقول : .......

نايف : وانا ما قلتيلي صباح الخير .. ولا بستي راسي

الريم انصدمت وفتحت عيونها (هذا وش فيه عمره ما قال كذا ودي افقع وجهه على هالكلمه) : ........


ابو خالد بطيب نيته وبحكم العمر الكبير اللي بينهم : حبي راس اخوك .. وراك مستحيه

الريم تجمع وجهها : ......

نايف انصدم من ابوه .. كنه صدق ؟ قال : خخخخخخخخخخخ لا ترا امزح والله ..

نايف : بعدين حنا جايبين الالعاب لك والا للبزارين .. ؟؟

الريم انحرجت اكثر : لا بس كنت ألعب حمودي .. وبس يعني

نايف : تبغين الصراحة انا ودي والله العب فيهم بس اخاف اهدمها ..

الريم تتخيل شكله يلعب فيهم : هههههههههه

طلعت نجود وابوها من القصــر .. ناظرو بالجهة اليمين لقو العم راشد ونايف ..
مشوا لعندهم

نجود تناظره من بعيد وتذكر حالها قبل فتره لما كانت صغيره وقبل ما تعرف انه
يحبها وقبل ما تكشف له حبها

كانت تلعب معاه وتسولف عادي .. وتمزح وتنكت معه .. تجلس بالساعات معه
عادي ..


ليه كبرنا .. وليه تغير كل شي ؟

ليتني طفله
اشوفه قبالي
ماأركض وأقول
الوجه لازم اغطيه !!

واجلس بجنبه طفله {ماتبالي}
واجر مسباحه وهو داخل يديه








ابو دانه : السلام عليكم ؟

الكل : وعليكم السلام ..

طلعت الريم تكمل لعبها مع حمودي ..

وجت نجود باست راس عمها .. : صباح الخيـر

ابو خالد : صباح النور .. هلا نجود ..

نجود : كيفك عمي ..

ابو خالد : الحمد لله على كل حال انتي كيف حالك ؟

نجود تبتسم : تمام الحمد لله

نجود وقافه بعبايتها وتحاول قد ما تقدر ما تطيح عينها بعين نايف اللي جالس ويناظر فيها ..


فواز : ترا ابوي كلمني وقال ماهو جاي الشركه .. بيطلع لنوف معنا ..


نايف رافع حاجبه : لا حول ولا قوة الا بالله .. جالسين ننتظر هنا .. ليه ما دق علي .. ؟

فواز : يقول يدق عليك و ويفصل الخط ..

ابو خالد : يلا اجل مشينا ..

نايف ما وده يروح وده يجلس بقرب نجود : سم طال عمرك .. يلآ سلام ..

نجود اول ما عطاها ظهره جلست تناظر فيه .. الوقت الوحيد اللي تضمن انه ما يشوفها فيه

سرحت بعيييييييييد و جلست تناظره وهو يمشي بين الزرع وقبل لا يركب السياره التفت عليها بسرعه

نجود هناااااااا رقبتها بغت تنكسر من كثر ما ابعدت نظرها عنه .. يعني ترا ما شفتك ولا شي ..

نايف ميت ضحك بقلبه .. جدي وابوي وصلو المستشفى وهي واقفه مكانها

وش هالدلاخه نجيد .. : ههههههههههههههههههههه

ابو خالد : علامك ؟

نايف يسكت : ههه ولا شي

نجود تمشي بسرعه بخطوات كبيره عند سيارتهم ( انا اوريك .. تضحك .. هين
يا نويف .. وربي فشلتني .. جد اني غبيه .. )


دانه كانت واقفه على شباك الصاله تنتظر نايف يمشي عشان ما يعلق عليها

ماهي بناقصته .. وانقهرت لماشافت نايف ونجود وكيف يناظرون فبعض ..

صحيح اني اكرهكم بس والله ما اخليكم تهنون فبعض ..



:
:

قصـر سلمان ..


بالدور الارضي ناصر يحووووووس .. ياما راح وياما رجع .. لابس شورت ابيض

على بلوزه علاق سودا ..


وده يروح للمستشفى بس كيف ؟ ماله وجه يروح .. كافي اللي سواه وش
بيصير اكثر من كذا ؟


امانـه لارحلـت ودّع قلبـي شــويّ .. شــويّ
تراني منكسـر مـن ((سيـرة الفرقـا)) وطاريهـا

تراني من هذاك اليـوم .. لاميـت .. ولانـي حـيّ
ولا ادري عن جميـع النـاس .. قاصيهـا ودانيهـا

امانه .. وش معي ؟؟ والا وش اللي من غيابك ليّ ؟؟
ياكود ((الوّنه)) اللـي ماتعـدّت .. صـدر راعيهـا


ناصل : (لا حول ولاقوة الا بالله نوف بالمشفى وانا جالس هنا .. والله قلبي ما

يطاوعني اقهرها اكثر ما ابغاها تشوف وجهي .. بس انا ابغى اشوفها ..

قهر الكل راح وانا هنا -- وش اسوي يا رب )


دق جواله

ناصر بصوت متنرفز : ألو ؟

سامي بصوته العذب المميز : السلام عليكم

ناصر : وعليكم السلام ؟ من معي ؟

سامي : ما عرفتني يا النظيف ؟

ناصر : ههههههههه هلا بالدستوووووووووور كيفك ؟؟؟

سامي : ههههههههههه بشرنا عنك ؟؟؟

ناصر : أبد كل شي تمام . عاش من سمع صوتك ؟

سامي : عاشت ايامك .. وراك ما تدق تسئل عن خويك والا خلاص قطعنا عنك لازم تقطع انت ووجهك

ناصر : ياخوي والله انشغلت .. بعدين انت فجأه سافرت مصر .. ورايح تدرس ..
والله ما حبينا نزعجك ..


سامي باستغراب : الله الله ؟؟؟ اتصال تتطمن فيه علي بيزعجني ؟ والله اللي
مثلك لا دق انه يشرح الصدر ..

ناصر : والله انك على البال يا سامي .. شخبار دراستك ؟
سامي : ابشرك تخرجنا .. ولله الحمد .. انت وش سويت بدراستك .. خابرك دافووور

ناصر : الله يسلمك اجتزت المرحله بنجاح بمساعدة زميلتي البرشامه

سامي : افا .. ليه عاد .. ترضى تاخذ شهادتك بالغش اعوذ بالله

ناصر : تكلم العلامه .. والله ياسامي كنت ادرس عادي .. بس قهر انا ادرس
وغيري يبرشم .. لو تفكر فيها ترا عادي الحياه حلوه


سامي : هههههههه والله انك دجه .. _( سامي متردد )شخبار أهلك ؟ اللي طلع فيهم زايده ؟؟؟


ناصر بصدمه : ها ؟

سامي متوقع ردة الفعل : كنت بالمستشفى ذاك اليوم وكانت اختك اعتقد مره
تعبانه وكان معها فارس وسلمت عليه معقوله ما وصلك سلامي ؟


ناصر فهم : لا الحمد لله بخير ،، بعدين فارس ما عليه شرهه تقول من هنا يجيك
من هناك .. طيب ليه عسى ماشر كنت هناك ؟


سامي : والله ياخوك رجلي دخل فيه صيخ وحنا نلعب كوره .. واتلفت اعصاب
الرجل كلها وقاعد هاللحين اسويلها مساج وشكلي بسافر التشيك .


ناصر الله يلعنك يا فارس : اعذرني يا سامي والله تو ما دريت منك .. أدري والله اننا مقصرين .


سامي : مسموح يالغالي .. وما بينا هالسوالف .. بس خلنا نشوفك ترانا

فاقدينك حتى بالمخيم



ناصر : هههههههههههه ايام يالمخيم .. أخبرك ما تحبه .. وش اللي تغير ؟


سامي : ههههههههه غصبن علي احبه مو طيب مني .. هذا لأنه طال عمرك

وظيفتي ما تترك لي متنفس .. عشان كذا أدور اليوم اللي افضى فيهم

واشحذهم شحذه يتجمعون هناك ..



ناصر : الله يعين .. بكره عشاك عندي ..


سامي : يابن الحلال والله ما يستاهل الموضوع .. خلنا بس نشوفك بالمخيم


ناصر : قل تم يا بن الحلال والمخيم لاحقين عليه


سامي : أبشر تم يالنظيف

ناصر : أبك لا تقول يالنظيف تحسسني انك مبطي عن التروش

سامي : ههههههههههههه بعد لا تلومني فيه احد يتروش باليوم 5 مرات ؟
والله من زود النظافه


ناصر : هههههههههههه قول لا اله الا الله .. أجل زيك كل يوم مره

سامي : لا هذا اول .. ألحين ما اتروش الا بالمناسبات وبالاعياد ..

ناصر : هههههههههههه تبعد العين عنك ها ؟

سامي : الله يذكر ذيك الايام بالخيـر .. تامر بشي يالغالي

ناصر : أبد سلامتك .. وسلم على الربع

سامي : يوصل .. فمآن الله

ناصر : فمآن الكريم ..