ماكل من نعرف من الناس نغليه=وماكل من نغليه يعرف غلانا
لو كان نوهنا بالابيات تنوهيه=مدري تجاهلنا او انه نسانا
كنيت له شوق (ن) بالاضلاع مخفيه= والشوق من زوده بالافعال بانا
تفكيري وقلبي وانا في حراويه=نتصوخ لصوته ولاقد دعانا
ان كان لي منزل بخاطره بانيه= واطلق لقلبه فالغرام العنانا
لا اترك جميع الناس من شان عينيه=يروى بحب (ن) مزنته ما توانا
خايف يصد غرور والوضع ينهيه= له مستوى مايلبق لمستوانا
وضعه وعلمه واتيكيته واهاليه=وشلون يقبل من الفقر عانا
انا ولد من شيد المجد طاريه=شيخن فعوله بينه بالزمانا
طير الفخر روس النوايف مضاويه=قبل الشهاده من فلان وفلانا
رتبت قولي واتخير معانيه=ابيات غنت به ولو هو تغانا