مـن مـــاطر هـلـت وتشـعـل بـوارقه = يسقيك يــــادار بالاوصــاف فارقه
يـــادار لـــك حبي وشــوقي ولهفتي =الله يعــــزك دامت الشمس شـارقه
أشوفك بســيف العدل في راية العلا = وأشوفت بهامات من النخل شاهقه
وذكـــر الله المعبود الـواحـد الاحــد = وذكر النبي المختار صفوة خلايقه
أشوفك مع صوت المؤذن ليا ارتفع = وتهليلة الشـــيبان من قلب صادقه
أشوفك مع الرســــلان يعجبك هيلها = وجلسة رجال باجمل الطيب سابقه
اشوفك مع الصحراء ورمالها الذهب =وأشوفك مع الواحات بالماء دافقه
أشوفك مع خضر الروابي وعشبها =ومع موج بحرك جابه الله وسايقه
مع السامي المنسوف وشموخ قمته =ونسمة هواه اللي لها النفس فايقه
اشـــوفك مع الخيل المغيرة ونقعها =وفــــرسان لأهل الذل ماهي بطايقه
يــــادار انت الروح والعقل والجسد = ورمــز مثل شمس منيرة وشاعقه
افـــداك بالـغـالي وتفــداك عــزوتي = ليا دنــدن البارود وشــبت حرايقه
وحــنـا رجـــال اثبت الــوقـت فعلها = ليا من نوت ماعـــــاقها أي عايقه
وحنا ســـــعوديين غصب عن العدا = بوقت اللقا قـــوم شـجيعه وساحقه
الله وهـبنا الصـــــدق للـــي يــودنا =وللي بـــدانا بــالجـفـا نــار حــارقه
وصلوا على المختار ماهبت الصبا = وماغرد القمري على غصن وارقه
عــــلى رســـــول الله مـحـمـد نبينا = صلاة عساها عن لـظى النار دارقه
العرض الشجري
