" فمان الله "
فمان الله يا دارٍ (ن) حوت خلي وعليه تجود
... فمان الله يا طيفي واحساسي ووجداني
مسافر وسألك بالله تراعي ظلها الموجود
... يمين الله ما سامح اذا ضايقتها عاني
على الطاري ليا جاتك فعطرها بدهن العود
... وعطني وش حلاة الدهن بعد ما خالط اشجاني
انا الغربة وهي المأوى وأنا الميت وهي المولود
... خذت مني هموم الوقت يوم الهم اشقاني
قليل الحيلة يغني معاناة الليالي السود
... واذا جريت ألحاني يجيني صوت احزاني
اعيد اذكر سواليف الطفوله والأماني تجود
... بحسرة من خذاه الغيب على ماجاله وجاني
غفيت وحلمي انضرها على كل الصبايا تسود
... صحيت ولا تحقق لي طرف من طيف تبياني
سقى الله يوم قالت لي ترى جودي من الماجود
... ترفق بي وجملني ترى ما جاني كفاني
ندمت اكثر من الضيقة اذا صابت بنات العود
... الا منه رحل عنهم وترك مر القدر فاني
واكثر من على الساحة نطق نفذ وعليه شهود
... بعد ما راحت الرمية بروح المسلم الجاني
انا جيتك على كيفك اذا مالي معاك وجود
... خذيني من بداياتي وخبيني من باشجاني
محمد آل وافي الشهري
العرض الشجري
