نشرت بمجلة بروز العدد ( 72 ) صفحة 103
وتقووووول : ارجع ..
فيصل دخيل الله أرجـع ..
وأنا وشـلـون أبـرجـع وأكسر الـكـلـمـة
وانا لاقفيت .. عَـنـْك : اقفيت ..
أنا .. كذا .. من زمان ..
أدفع ضرايب .. ولكن ..
ضرايب بكيفي ..
ضرايب .. سعرها بالكااااش ..
ضرايب رسمها مدفوع / سقاهـ..ـالله من عمري
......... وقلت : أخطيت .. لو ماخطيت .. تكرّم/ واقبل اعذاري
زرعت الممحله .. وارض الجفاف / وماشرب جذري
......... وجفّت .. آخر أوراق .. السنين / وذبلت .. ازهاري
رفضت / آحاد الاعداد .. وقبلت / بكسره العشري
......... تموت الحنظله / بارض ..الوَحَش / ماناظره..ضاري
وهو يدري وش اللي صار / وهو يدري..ولا يدري
......... تجاهلني / تغابى لي .. ومالت .. ضحكة .. انكاري
واخيراً .. جاني .. يتعذّر / وضاقت..أرضي.. بصدري
......... وقلت : أبشر .. ولكن.. لو سترتك صرت انا العاري
تناصفت السمان / ولا وقفت .. المنتظر ..لاجري
......... وطحت .. الطيحة / الطيحه .. ولاجابوا لي الطاري
نسيت .. اليوم .. والتاريخ / بالميلاد .. والهجري
......... نسيت الدار / مع جاري .. وهو متذرّي .. جداري
وتقووووول : ارجع ..
وأنا وشلون ابرجع ؟!!
واكسر الكلمة ..
وانا لاقفيت .. ياااهيه : اقفيت ..
اصدّ .. وكنّي المقبل ..
وبنزل .. كنّي الراقي ..
وباطلع .. كنّي الداخل ..
وبارحل .. كنّي الساكن ..
أصد .. وكلمتي .. وحدة ..
الى .. من .. قلتها .. مـ..ـارجع ..
تأقلم .. وضعي..بوضعي ..
على .. كلمة رجل واحد ..
ابد .. لااااايمكن اتراجع ..
ابد .. لااااايمكن اكسرها ..
انا ماخطيت يوم اقفيت ..
انا .. لو بكسر الكلمة ..
كسرت المرجله فيني ..!!!!!
تدري ؟؟ !!
صحيح اخطيت !!!!!!
صحيح اخطيت ..ولو ماخطيت ..
باقول اخطيت !!!
لكنّ .. الخطأ وش ..هو ؟؟!!
تبي تعرف .. خطاي .. اش فيه ؟؟!!
تعال ..
تعال .. افصح عن اخطائي ..
تعال .. اسمع .. وقل رايك ..
تعال .. وشفني فيصل ..
خطاي : ؟؟!!!
خطاي .. اني .. انا الواضح..خطاي / اني..بقيت انسان
ــــــ كرهت الظلم / سوء الظن ..رفضت ..آكل لحم اختي
خطاي .. اني حفظت العهد..وصنته / ماعليّ من خان
ــــــ وفيت..ولانتظرت / الاّ .. نجاتي .. لو غرق / يختي
تصدّق .. حتى بالعزّه ؟؟!! أعزّ.. وكنّي .. المنهان
ــــــ ابد .. ماكنت ابسأل .. ليه .. ذلولي .. ليه نوختي ؟؟!
كذا كنت وكذا مازلت/فهمت..اش مقصدي يافلان؟؟
ــــــ كذا .. يانفسي .. يانفسي / نظـيفه .. لو تلطـختي
تقول ارجع / واقول ارجع ؟! طلبك اكبر / من الإمكان
ــــــ مادام / انْ كلمتي .. صمّا .. تقوم / ولَو هَزَعْ .. بختي
كذا .. كنت ..
وكذا مازلت ..
كذا .. ماحب (( اكون انسان
ثاني )) والإسم اسمي ..
انا ..فيصل .. (( تعرف اشلون
اذا قلت : انّي ..فيصل ))
أنا فيصل .. .. ..
ولد شيخٍ حفظ ربه ..
ولد ذاك الجبل .. يمكن :
(( تعرفه .. ولاّ .. ماتعرفه )) ..
يصوم .. الست ..و..الوقفه ..
يخاف .. الرجفه / الرجفه ..
يحس .. بلوعة المحتاج ..
عطا .. من لقمته .. نصفه ..
ويمكن .. نصفه الثاني ..
ولوهي .. تاقف بشفّه ..
ويتلذذ .. بجوعه حيييل ..
على الظالم .. وقف ضدّه ..
مع المظلوم / في صفّه ..
وقال : هناااااك .. عنواني ..
متى .. ماجيت تلقاني ..
وانا .. بدري .. اجي مثله !!!
كريمٍ .. حتى في بخله ..
تصدّق .. بدري من عمري ؟!!
أجي .. ماطاة من رِجله ..
ولكنّي .. أبـآآآحاول ..
مادام .. العود ربّاني ..
كذا..ياهيه وصاني ..
طلبتك .. لااااتقول : إرجع ..
من اجل .. العود / لعيونه ..
طلبتك ..
طلبتك ..
طلبتك .. لاتقول : إرجع ..
مادام إني كذا مرتاااح . -
{ كـــلـمـتــي وحـــدهــ !! }
العرض العادي
