تعبت أسافر في عروقي ومليت
من جلدي اللي لو عصيته غصبني
ياما تجاوزت الجسد واستقليت
عن الألم .. لاشك جرحي غلبني
أنا سجين الحال .. مهما تسليت
وانا الطليق وكل شيٍٍ قضبني
حريتي لاعل .. يا كود ياليت
اما شفت حيٍٍ جاد لي ماسلبني
وليت يا ليل التباريح وليت
اما محاني الحزن والاكتبني
كل السما في دفتري وان تجليت
مثل الشموس .. غبار قبري حجبني
لي صاحب وان ما تخلى تخليت
لا بد ما نهدم .. ولا بد نبني
غلابه يا زمن صرنا غلابه
غلابه و الوصال يسد بابه
نسينا الوقت لكن ما نسينا
بقى من حبنا العذري عذابه
نهيم وتأكل الأيام فينا
وفينا بس ما كأنا وفينا
تحملنا ولكن ما لقينا
غرز في صدرنا الغدار نابه
عطينا بس ما نلنا مكاسب
معانا و انتهينا حب راسب
نحاسب وقتنا وإلا نحاسب
بقايا الحب وسنين الطلابه
توقفنا على عدة مراسي
تحملنا بها كل المآسي
نواسي بعضنا أو مانواسي
نعيش الوقت في آخر خرابه
العرض المتطور
