۩ رواية "الا ليت القدر" للكاتبه بقايا شتات..

[قلب الزهـــور]

اقتباس المشاركة الأصلية كتبت بواسطة شمس القوايل يعطيج العافيه قلب الزهور ع الطرح والمجهود عساج ع القوه ننتظر جديدج القادم

●●●
هلااااااااااااااااوغلااااااااا
يسعدلي قلبك ويسلمووو وربي على الحضور الرائع بصفحتي
تقبلي شكري وتقديري واحترامي
مع تحياتي :قلب الزهـــور .. بباي

[قلب الزهـــور]

رواية "الا ليت القدر" للكاتبه بقايا شتات..

الجـــــــزء الثــامن والعشـــــرون..
دخل القصر كأنه بركان هايج ومستعد يدمر اللي قدامه..
وصرخ صرخه هزت القصر هز..
:مين اللي كب العصير على فستان مدى.....؟؟؟؟؟؟
لانا غمضت عيونها ومسكت يد ريماس وضغطت عليها ..عرفت ان اليوم يومها لا محاله..
تقدم ضاري لداخل اكثر وعيونه واضح ان النار تطلع منها ويطالعهم كلهم..
: انا قلت من اللي سوت الحركه الغبيه هذي؟؟؟؟!!!
وطاحت عينه على لانا...
لانا قربت اكثر من ريماس وهي ترتجف صدمتين في يوم واحد قويه على قلبها..الحين ضاري هايج قدامه..اكيد موتتها على يده...
ضاري لاحظ الخوف بعيون لانا..لدرجه ان شفايفها صارت زرقاء وترجف...قرب لها..
: انتي يا لانا؟؟؟؟
لانا بكت على طول ما تحملت اكثر..وريماس جنبها تطالع ضاري..وحش بمعنى الكلمه يستنى كلمه عشان ينقض على فريسته..
سمع صوت من وراه..
: انا ...عندك شي...
ضاري اخذ نفس عمييييق وغمض عيونه ولف عليها بشويش..مشى لعندها وهو منزل راسه...وقد ما يحاول يضبط اعصابه ولا يمد يده عليها..
: وليــــــــــــه؟؟؟
موضي كتفت ايديها متظاهره بالبرود ولا داخلها يرجف من هذا اللي بايع بنفسه ويوقف قدامه وحالته كذا...
: بالغلط...انكب عليها بالغلط..
ضاري قرب لها اكثر لدرجه ان انفاسه الحاره والسريعه تضرب فيها ..وبنظرة تحدي..
: راح ادفعك ثمن هالحركه غااالي...وما اكون انا ضاري ولد ابوي لو ما خليتك تندمين
وراح بسرعه لغرفته فوق..
موضي لما بعد ضاري عن وجهها بس قدرت تتنفس وتوقعت اقل شي راح يمد يده عليها اليوم..
لانا ما صدقت انها نجت...وان ضاري تركها وما سوى لها شي...
لفت على ريماس تتأكد انه خلاص انتهت السالفه..
:خلاص راح؟؟
ريماس وهي ما زال قلبها يدق خوف: ايوه.......راح..

>>>>>>>>>>>>>>>>>>>>>>>>>>>>>>

اول ما دخلت غرفتهم بسرعه فسخت الفستان ودخلت دورة المياه...ووقفت تحت المويه...والميك اب يسيح على وجهها والتسريحه على ماهي عليه...والدموع مازالت تحفر خدودها...
" انا مستحيل ارضى احد يهيني ...على حياة امي ووجود ابوي محد تجرأ ورفع صوته علي..بس من راحوا عزوتي..وانا من ذل لذل..بس وربي لا اخليكم تندمون واحد واحد يا عيال حمد ..وكرامتي راح اردها منكم...ما راح اسامح احد..ما راح اسامحكم.."
ابتهال اللي تنتظر مدى بالغرفه قلقانه عليها...ما توقعت الحركه اللي صارت لمدى..ليش لهدرجه حاقدين علينا...من المفروض يكره الثاني...جلست على السرير بفستانها..
"قلت لك يا مدى ...قلت لك ما نبي نعيش هنا...ولا نبي منهم شي..احنا متعودين روسنا فوق..وما بعد انخلق اللي يذلنا..بس ما سمعتي كلامي...آه يا يمه...وينك تشوفي حالة بناتك..وينك....وآه يا سلطان تعال بسرعه واخذ خواتك..النار تشتعل بقلبي من القهر تعال يا اخوي طفها..تعاااااااااااال"

طلعت مدى من دورة المياه مدى ثانيه..
ابتهال تطالعها منصدمه..عيونها حمراء من البكي...والميك اب سايح على وجهها ..وراسها منزل للارض...ومهدود حيلها ..مشت بخطوات هاديه...ونامت على سريرها وبدون ما تقول ولا كلمه..
ابتهال خافت عليها وقربت لها صوتها مخنوق على حال اختها: مــــــدى...!
مدى ما ردت عليها مغمضه عيونها...ما فيها تتكلم اكثر واكثر واكثر..
ابتهال بكت عندها: مدى تكفين كلميني..ردي علي بكلمه..
مدى: ابتهال روحي..."وشهقت من البكي"..مافيني شي..
ابتهال قامت عن اختها..وراحت تبدل ملابسها ..وما تدري ايش راح يجيب لهم بكره من مصايب لها ولاختها..

&&&&&&&&&&&&&&&&&&&&&&&

داخل القصـــر..
العمه ما رضت باللي صار...ووقفت..
: يا موضي...شالفة كذبتك علي وحلال محمد اللي قلتيها لي عديتها...بس عاد توصل لبنات اخوي..ما راح ارضى عليهم شي..
موضي جلست ولا همها: ترضين ولا ما ترضين تبينهم خذيهم..
لطيفه: هذا بيت جدهم..ولهم فيه مثل مالك ولبناتك ..
موضي بغرور: والله انا مارضيت بمحمد ونوره من قبل عشان يجون عيالهم عندي..وبما اني في بيتي انا حره بتصرفاتي .واذا ودهم يكملون معاي يتحملون اللي يجيهم..
لطبفه طالعتها بأستحقار: الكلام ضايع معاك..ولو في شي ينقال بقوله لحمد اخوي....يله بنات للبيت..
ريماس: لنو...اسمعي بكره بينا اتصال ..نتفاهم على البلوه حقتك..
لانا ووجها ما زال اصفر: طيب..
رهام اللي وقفت مع امها على طول ما رضت بكل شي صار...
دانا الطرف الاهداء صح ما عجبها الوضع بس ما بيدها شي..
وطلعت العمه وبناتها..
موضي اول ما طلعوا: تعالي انتي..الحين ناويه توهقينا مع اخوك..
لانا بصعوبه وقفت: يمه...انا ما قصدتها...
موضي: روحي بس روحي...انا ناقصه ضاري بعد..
دانا حست ان اختها فيها شي...سندتها وطلعوا لغرفهم..

>>>>>>>>>>>>>>>>>>>>>>>>>>>>>>>

برا القصـــــــــر..

: انتوا روحوا السياره ...وانا بروح اتطمن على البنات
ريماس ما عجبها اهتمام امها فيهم بس سكتت لان الوضع ما يسمح لها تتكلم..
رهام: ايه يمه تكفين روحي لهم..


فتحت للعمه ابتهال..ودخلتها..
: اجل وين مدى..
ابتهال : والله نامت..
لطيفه وقلبها ياكلها عليها: هي بخير..!!
ابتهال تبي تريحها: تطمني يا عمه بخير..
لطيفه: طيب خذي رقمي...ولو حصل شي اتصلي علي زين!!
ابتهال ابتسمت لطيبتها: ا نشا الله...مشكوره عمتي..
لطيفه قامت وباستها: انتبهي لنفسك ولاختك والصغار..
ابتهال: ابشري..
لطيفه: يله اجل مع السلامه..
ابتهال وهي تسكر الباب وراها: مع السلامه...."وتنهدت" على الاقل في احد في هالعائله صاحي..

>>>>>>>>>>>>>>>>>>>>>>>>>>>>

في غـــرفـة ضـــــــاري..

ميت من قهره...حتى حق مدى ما عرف ياخذه..لو ان اخواته مو موجودات كان عرف يتصرف معاها...حس ان فيه شي داخل قلبه مو مخليه يهدا..صار يدور بالغرفه مثل المجنون ويحرق سيقاره ورى الثانيه..
"مدى تبكي...والسبب انا...انا وعدتها ما يصير لها شي...وعدتها...كله منك يا موضي..بس هين ماخذ حقي منك ماخذه...آخ لو انك مو حرمه كان...آآآآآآآآخ.."
وهو يمشي من قهره وحرته رمى كل شي على الطاوله من اوراق وتحف وملفات عسى يشفي لو شوي من غليله...

&&&&&&&&&&&&&&&&&&

[قلب الزهـــور]

رواية "الا ليت القدر" للكاتبه بقايا شتات..

صبــــــــاح الجمــــعه..
نزل بسرعه وواضح انه ما نام ليله كله...حصل ابوه جالس عادته كل جمعه..
: صباح الخير .."بدون نفس وجلس"
حمد استغرب: هلا صبح النور...ايش فيك؟؟
ضاري طالع ابوه بجديه: يبه...ابيك تاخذ كلامي جد...اذا موضي ما تركت حركاتها مع بنات عمي..ترى والله لا اسوي شي ما ترضاه..
حمد عرف ان موضي مسويه بلوه امس: خلاص..خلي الموضوع علي..
وسمعوا صوت التليفون...قام ضاري رد..
: الووو
: هلا والله بأخوي العاقل الملتزم بعمله..
ضاري تغيرت ملامح وجهه وعقد حواجبه: هلا..
: خير ايش فيك ما ترد علي زين..؟؟؟
ضاري: اخلص وش تبي...
: من عندك من اهلي واخواني من امي وابوي...
ضاري بعد السماعه: تعال ولدك..."ورماها.."
جاء حمد واخذ السماعه وهو يشوف ضاري طلع برا القصر..
: هلا..
: هلا دادي...اخبارك يا الغالي..
حمد: الحمد لله...متى ا نشا الله الرجعه.؟؟
: داد...وانا كل ما اكلمك قلت متى ارجع...ارجع لايش من زين ديرتكم...خلاص انا بسكر وسلم لي على البقيه..باي..
حمد سكر السماعه بوجهه...ولده هذا غير عن عياله كلهم..ما يجي من وراه الا المشاكل..


>>>>>>>>>>>>>>>>>>>>>>>>>>>>>>>>

ضاري على قد ما كان معصب من قبل...الا زادت عصبيته من بعد مكالمة اخوه..هو الوحيد اللي يدري انه مو من ام وحده..وما عمرهم اجتمعوا الا كانوا يتهاوشون وتوصل للضرب...يعني بالعربي كل واحد ما يطيق الثاني...
وصل لغرفه ..وتردد كثير على ما يدق بابها...وفي النهايه تشجع وضربه..

مدى اللي كانت صاحيه...وخمنت انه اكيد ضاري..لبست حجابها..وفتحت له ودخلت بسرعه..
ضاري شافها داخله ومعطيته ظهرها عرف انها موصله معاها..
جلس على الكنب وهي قباله وساكته تستنى اللي عنده...
ضاري مشبك ايديه في بعض ويطالعهم..ولا هو عارف كيف يبدا
:اخبارك الحين..
مدى بدون نفس: مثل ما انت شايف...عايشه..
ضاري: احم...لو حابه ترجعي للفندق انا مستعد "ورفع عينه عليها"
مدى كتفت ايدها: لا...ما راح ارجع...بأقعد ليش اروح وهذا بيتي ومكاني...واللي ما يبي وجودي هو يطلع..
ضاري طالع بعيونها...اوه مليانه غضب وحقد وقووه غريبه..
وقف: قلت بشوف اللي يريحك وبسويه "ووصل للباب" وبما اني ما قدرت اوفي بعودي لك بأن ما يضرك شي...
مدى بأستهتار: هه...لا عادي انا ما تهمني وعود احد...ومن اليوم وطالع انا احمي نفسي بنفسي ..لا تتعب حالك..
ضاري طلع بدون ما يتكلم...حس نفسه ولاول مره ضعيف وما بيده حيله.." تنهد وطلع من البيت كله.."

ابتهال اللي سمعت كل كلمه دارت بينهم..
: ايش ناويه عليه؟؟
مدى بدون ما تطالعها: ناويه اخذ حقي بيدي...وما راح اسكت لاحد..
ابتهال سكتت وبنفسها تدعي ان ربي يمرر هالعصبيه اللي تمر فيها اختها على خير...


>>>>>>>>>>>>>>>>>>>>>>>>>>>>>>>>

نزلت موضي..وجلست جنب حمد...
حمد بدون ما يطالعها: بنات اخوي لا تتعرضين لهم فاهمه..
موضي ما عجبتها السيره على هالصباحيه: واللي يرحم والديك قفل موضوع اخوك وعياله وبعدين نتافهم..
حمد لف عليها: قلت لك..لو تعرضتي لهم...ترى بتروحين بيت اهلك...فاهمه.."وقام وتركها"
موضي مو مصدقه...حمد يرفع صوته عليها ويهددها كمان...وفي بالها كلمه وحده" وش اللي قلبه علي؟؟؟"
ونزلوا التوأم مع بعض...
دانا مبتسمه مصبحه على صوت فيصل...ولانا وجهها اللي ما زال الدم ما يمشي فيه من بعد مسج اياد...

جلسوا عند امهم ولاحظوا هدوئها..
دانا: مامي...فيك شي؟؟؟
موضي بحقد: ان الله لو يفكني من عيال الفقر كان بخير..
سكتوا الثنتين وعرفوا ان في هوشه صارت قبل لا ينزلون..
دقايق واجتمعوا على الفطور...
وما كان يحكي الا دانا..
: ايوه بابا..تدري ان كل الانظار كانت على بنات عمي...مره طايرين فيهم الناس..
حمد اللي كان متفاعل معاها: وما سألوا عنهم..
دانا: الا سألوا وكانت عمتي تجاوب...
حمد اللي ما بعد واجهه اخته لطيفه لحد الان من بعد ما عرفت بالسالفه...
موضي ملت من سيرتهم: دانا خلاص...كفايه كلام ..افطري وانتي ساكته..
دانا زعلت وسكتت..
شوي الا سمعوا صوت في القصر...ويقترب عندهم كل شوي..
وقفت على راس الطاوله: صباح الخير جميعا...
كل الانظار عليها من حمد الى التوأم..
دانا خافت عليهم: بنات عمي...؟؟؟
مدى سحبت كرسي لاخوها بدر: ايوه...ايش فيكم...كملوا فطور..
وجلست بدر وبعده وداد وجلست ابتهال اللي واضح عليها ان ما ودها..وفي الاخير جلست مدى جنب اختها..وقعدت تطالعهم..
حمد على قد ماهو مستغرب من جرأتها..على قد ما عجبته قوة بنت اخوه..
موضي ما تدري ايش تسوي...وقبل شوي واصله تهديد جامد..
لانا...ما كانت في جوههم ابد...صح عطت مدى نظرت استحقار...بس ماهي فاضيه لهم الحين...بتحل قضيتها وتتفرغ لهم..
دانا كانت تنتظر الاعصار يجي من امها ويخرب كل شي...
مدى على اعصابها...بس كان البرود ظاهر عليها وعيونها تحكي بقوه"انا هناااا"
موضي بسرعه وقفت: هني وعافيه عليكم...انا انسدت نفسي.."وراحت"
لانا بسرعه قامت ورى امها...
دانا ابتسمت لهم ترقع الحركه: تفضلوا ...اكلوا..
مدى ابتسمت لها: زاد فضلك.."واكلتا خوانها الصغار"
حمد كان ياكل وهو ساكت ومستمع بس ما علق على شي..
بعد دقايق..
ابتهال طفشت: يله مدو...خلينا نرجع...
مدى: لو تموتين ما رجعت...."وقامت اخذت اخوانها وجلسوا في الصاله اللي موجود فيها التلفزيون..."
لحقتها ابتهال..
: الحين ممكن اسألك سؤال انتي ايش ناويه عليه...؟
مدى: انا بأعيش مثل عيشتهم ومحد له دخل فيني..ولي في هالقصر مثل مالهم..
ابتهال متوتره: طيب يا مدى بشويش...بالتدريج مو كذا...المشاكل راح تجينا من كل صوب...
مدى تغيرمحطات التلفزيون: خلي كل المواضيع علي..ريحي حالك..
وشافوا دانا جايه عندهم وهي تتلفت لورى خايفه احد يشوفها..
وابتسمت لهم: اهلين..
محد رد عليها..
وجلست جنب بدر وقرصت خده: يا لبى الحلوين انا "ورفعت راسها لهم"..بنات انا مره مبسوطه فيكم..
مدى ما عطتها وجه..
ابتهال تحاول ترقع تصرفات مدى: ههههه الله يسلمك..
دانا: انا دنا وبثالث ثانوي...وانتي؟؟
ابتهال: انا ابتهال وكمان مثلك بثالث ثانوي..
دانا فرحت: واي وناسه...انتي بأي مدرسه..؟
ابتهال ضحكت: لا مدرستي بعيده عنكم ما تعرفينها..
دانا: اهااا..واختك ايش اسمها.؟؟
ابتهال : مدى...
لفت عليها مدى وطالعتها وصدت مره ثانيه..
دانا لاحظت عدم تقبل مدى لها..بس هي مصره تختلط فيهم وتتعرف عليهم اكثر...
: واي بجد وناسه عندي بنات عم..
ابتهال ماتت ضحك...ما تعودت على البنات الياي"الدلع"
: ههههههههههه والله انا بعد انبسطت فيك..
وشافوا ظل موضي..
دانا خافت: يله بنات اشوفكم بعدين..."وراحت بسرعه وصادفت امها ومرت عندها وهي خايفه"
موضي لابسه عبايتها بتطلع..وقفت على راس مدى: لما ارجع ما ابي اشوف ولا وحده هنا فاهمين..
مدى مطنشه وتضحك مع اخوانها ولا كانها سمعت شي..وابتهال ساكته وما طالعتها..
موضي اللي تغلي من القهر طلعت ما تحملت تقعد بالقصر هذا اكثر...


>>>>>>>>>>>>>>>>>>>>>>>>>>>>>>>


لانا بغرفتها..
الدنيا بعيونها سوداء..ما تدري هالمصيبه من وين جاتها ..الحين اياد ماسك عليها شي قوي وشلون راح تفتك منه..

وصرخت: اكــــــــرهــــــــك يا أيـــــاد الكلب..اطلع من حيـــــــــــــاتي...
&&&&&&&&&&&&&&&&&&&

[قلب الزهـــور]

رواية "الا ليت القدر" للكاتبه بقايا شتات..

ضاري اللي طلع من البيت وضايقه فيه الدنيا...ما يدري وين يروح..وجاء على باله صديق عمره مساعد..
: هلا مساعد..
مساعد: يا هلا والله وغلا عاش من سمع هالصوت..
ضاري: عاشت ايامك...ابي اشوفك..
مساعد حس ان فيه شي: تعال عندي بالبيت..
ضاري: خلاص دقايق وانا عندك..

>>>>في بيت مساعد<<<<

: هلا والله تفضل..
ضاري جلس بمجلسهم وواضح عليه التعب وانه مانام الليله اللي قبلها..
مساعد طالع عيون ضاري: والله وجهك ما يبشر بخير..
ضاري تنهد: وانا من وين يجيني الخير وعندي مرت ابو..
مساعد: انت ما بعد خلصت مشاكلم معاها...؟
ضاري: قول الا بدت...من لما جبت بنات عمي لبيتنا والدنيا قايمه..
مساعد مد له فنجان قهوه: في البدايه بس..وبعدين راح يتأقلمون على بعض..
ضاري: الله يسمع منك..

&&&&&&&&&&&&&&&&&&&&&&&&&&


على العصـــــــر..

ابتهال وقفت: مدى ترى بجد طفشت...قومي خلينا نرجع غرفتنا..
مدى: ليش تطفشين..عادي كل وسائل الترفيه هنا..ولو تاخذين جوله على هالقصر راح تنبسطي..
ابتهال: مابي اخذ وجولات..قومي خلينا نرجع..
مدى: والله انا مبسوطه هنا..
ابتهال: انا عارفه انك تنتظري مرت عمي تجي وتشوفك جالسه..
مدى: طيب وهذا انتي عرفتي..اجلسي..
وسمعوا صوت خطوات وراهم..
ابتهال طالعتها وبلعت ريقها وبهمس: النسره وصلت......
موضي اول ما دخلت انصدمت لما شافتهم جالسين لحد الان داخل بيتها..
وقربت لهم: انتي وياها..لحد الان انتوا هنا..
لفت عليها مدى وبعين قويه: والى بكره ...عندك شي؟؟؟
موضي: اسمعي عاد يا بنت نوره...لا ترفعين صوتك ولا تتحديني ترى انتي ما بعد عرفتيني..
مدى ببرود: ولا يهمني اعرفك.."وصدت عنها"
موضي قربت لهم اكثر وسحبت وداد من ملابسها: ترى برميكم مثل الكلاب...
الا صرخه وراها: مـــــــــــوضي...اتركي البنت..
مدى كانت منصدمه...اختها اللي امانه في رقبتها يصير لها كذا..راحت بسرعه واخذت منها اختها وضمتها..
ابتهال ما تقل صدمه عن مدى...اول شي من موضي وتصرفها المتوحش مع اختها وثاني شي دخلة ضاري..
قرب ضاري لها: وبأي حق تمدي يدك على طفله...
موضي خافت منه: و...وانت وش عليك؟؟
ضاري وصل حد الانهيار رفع يده بيضرب موضي..
صرخت مدى: لاااااااااا...ضاري....امك..
ضاري وهو ضاغط اسنانه شد على قبضته...
وصرخ: انقلعي عن وجهي...
موضي مخترعه..من يد ضاري اللي فوق راسها...ومن خوفها راحت بدون ما تتكلم...بس تدعي عليه..
ضاري اخذ نفس يبي يهدي اعصابه..خلاص اعصابه تلفت ما عاد تتحمل أي شي..فتح عيونه وشاف الخوف بعيونهم..
: آآآآآ...احم...انا طالع فوق.."وراح وتركهم"
وهو منقهر من نفسه ما قد شافوه الا متوحش وشي يخوف...وبعيونهم انه الولد العاق اللي كان بيضرب امه..
مدى ما زالت متـأثره بالموقف..."كيف راح كان يضرب امه ويرفع صوته عليها؟؟"
واخذت اخوانها وبسرعه طلعوا لغرفتهم..


>>>>>>>>>>>>>>>>>>>>>>>>>>>>>

موضي فتحت الباب بقوه على مكتبه..
: انا...انا اخر عمري ولدك يرفع يده علي..
حمد انصدم: أيـــــش؟؟؟
موضي تمثل الدموع: انا في مقام امه ربيته وتعبت عليه اخرتها يرفع يده علي..
حمد طلع بسرعه بيشوف ولده...ودخل غرفة ضاري عل طول..
: ضااااااري..
ضاري اللي طلع من دورة المياه مخترع لدرجه انه ما بعج لبس الشيرت حقه وعليه بنطلون بس..
: هلا يبه...."وشاف ابوه معصب"
حمد: انت تمد يدك على حرمتي...؟؟؟اللي في مقام امك..."وعطاه كف جامد"...ما ربيتك على كذا..
ضاري غمض عيونه بقوه ومنزل راسه وشعره غطى وجهه وسكت..
حمد: انا ما جبت رجال ما تمد يدها على الحريم...وكيف بوحده ربتك وتعبت عليك..
ضاري اخذ قميصه معصب ومفتاح سيارته: تخسى تكون ربتني او في مقام امي.."وطلع"
حمد نزل راسه بعد ما طلع ولده..هو ما كان وده يضربه بس لازم يعلمه حدوده...
ضاري هو نازل شاف موضي مبتسمه وتطالعه...نزل بسررعه..

>>>>>>>>>>>>>>>>>>>>>>>>>>>>>>>

ابتهال: كيف كان راح يضرب امه.؟؟
مدى: توقعي من هالجدار أي شي..
ابتهال: يمه يخرع..
وداد تبكي: انا ما احب هذيك الحرمه..
مدى تمسح على راسها: ما عليك منها يا قلبي...كانت تلعب معاك..
بدر وهو زعلان: ولا انا ما احبها...
مدى ضمتهم وبوستهم: يا بعد قلبي انتوا...ما عليكم منها ما تعرف تلعب...

&&&&&&&&&&&&&&&&&&&&&&&&&&

ضاري بالسياره...
حس انه مخنوق...وهو بالعمر هذا ينضرب..والسبب موضي...دايم وابدا يربط سبب تعاسته بموضي..وكل شي ضده يصير سببه موضي...ما عمرها رسمت له طريق للفرح...او حتى اعطته عنوان للبسمه...
بس حاط في باله ان هذا اول المطاف وراح يصبر عليه...وراح يسوي اللي براسه ..وراس موضي بيكسره...
توجه لسلطان من زمان ما زاره..
جلس على الكرسي ينتظره..
سلطان لما عرف ان عنده زياره..فرح فيها كثير...وحس ان قلبه يسبق خطواته يبي يتطمن على اهله...
ضاري شاف سلطان وهو جاي له وواضح عليه اللهفه والابتسامه مرسومه عليه...ولو دقق شاف حزن العالم بعيونه..
سلطان على طول ضمه..: هلا ضاري..
ضاري وكأن النار اللي قلبه طفت شوي لما شاف سلطان..
: هلا سلطان..اخبارك طمني عنك..
سلطان سكت شوي...يتذكر اخباره...اي اخبار ممكن يقولها له...وهو شاف ذل وخوف ورعب دايم..فاقد اغلى شي على الانسان وهو الكرامه....يعاملونهم وكأنهم اقذر المخلوقات واحقرها..هذي اخباره..عايش محبوس بين اربع جدارن وقضبان من حديد ايش راح تكون اخباره وحريتيه مسلوبه منه اكيد ما راح تكون عنده اخبار..
بس في النهايه رد: الحمد لله ماشي الحال...اهم شي طمني على اهلي وعليك..؟
ضاري اللي عوره قلبه...امس مدى..واليوم اخته الصغيره ..وبكره مين.حس انه بجد ما حاف على الامانه...بس ما حب يزعله..
وابتسم: لا الحمد لله كلهم تمام...والحين هم في رقبة عمهم..
سلطان: يعني خواتي عند عمي..
ضاري: ايوه..ابوي رجع حلالكم..وهم ساكنين في بيت جدهم..
سلطان انبسط: الحمد لله اللي ربي هداه...ايوه تكفى يا ضاري احكي لي عن اهلي..طمني اكثر..
ضاري حكى له عن الحفله بدون ما يذكر اسواء الاشياء وخلا الدنيا حلوه بعيون سلطان..
سلطان مبسوط وهو يسمع عن خواته...وتمنى من كل قلبه انه معاهم الحين جنبهم ويملون عليه حياته وينسونه كل اللي يمر فيه الحين..
خلصت الزياره سريعه على الاثنين...وكل واحد رجع لهمه...ومثل ما كان..

&&&&&&&&&&&&&&&&&&&&&&&&&&

متردد تتصل ولا..
: ها سموي اتصل ولا.؟؟
سامي: اتصلي وتوكلي على ربك...
اتصلت اريام وتنتظر الرد وطال انتظارها..
: شكل محد راح يرد علي...لا الووووو
: هلا مين؟؟
اريام تبكي: يبه انا اريام..
حمد فرح فيها: هلا والله ببنتي..طمنيني عنك وعن احوالك..
اريام: انا الحمد لله بخير وكل شي تمام...انت طمني عنك..
حمد: الحمد لله بخير..
اريام ولهانه:وامي ..واخوتي...وحتى بنات عمي...
حمد: ا نشا الله كلهم بخير...بس ما نقصنا الا انتي...
اريام : وضاري؟؟
حمد سكت شوي وحتى ضاري بخير..
اريام حست ان صوت ابوها تغير وخافت: يبه...فيه شي...ضاري صاير له شي...؟؟
حمد: لا يا ابوك مافي شي...بس انتي عارفه ضاري ومشاكله مع امك ما تخلص.,
اريام: الله يهديه...ما خاف من عقوبة العقوق..دايم حاط راسه براس امي..
حمد تنهد: الله يهديه...واخبار زوجك..؟
اريام تطالع سامي بحب: تمام يسلم عليك...بس الحين هو مو موجود عندي عشان اخليه يكلمك..
حمد: اهاا...طيب زين يبه روحي لزوجك ولا تخلينه..
اريام: ابشر يبه..وسلم لي على الكل...مع السلامه..
حمد: مع السلامه..
سكر من بنته وهو بجد حن واشتاق لها كثير...ودعى ربه يحفظها من كل شر..


اريام: ابوي يسلم عليك..
سامي: الله يسلمه...بس ليش ما خليتني اكلمه..
اريام: كذا...ماودي اخليك..
سامي حس انه عشانه تعبان وواضح على صوته التعب..
:طيب راح امشيها لك هالمره...
اريام وقفت: انا بروح اشوف النتيجه طلعت ولا.. كأنهم طولوها..
سامي توتر: روحي...ما ادري على ايش انتي مستعجله...
اريام لفت عنه لان دمعتها بطرف رمشها وبنفسها
"لاني ابيك دايم تكون جنبي ومعاي...وما ابي المرض ياخذك مني"

&&&&&&&&&&&&&&&&&&&

[قلب الزهـــور]

رواية "الا ليت القدر" للكاتبه بقايا شتات..

دخلت غرفة اختها..
:لانا قلبي..انزلي نتعشاء..
لانا وهي مغطيه وجهها بالبطانيه: مابي شي..
دانا قربت منها: لنو...دادي راح يزعل..
لانا: قلت مابي شي..
دانا: راحت ورفعت البطانيه عنها وشافت دموع لانا: لنو.....ايش فيك....انتي تبكين؟؟؟
لانا قعدت مسحت دموعها: خلاص الحين مافيني شي..."وراحت لدورة المياه"
وقفت قدام المرايه شوي وهي تشوف دموعها بعيونها..
:لا تبكين يا غبيه...راح احلها..رااااااااااااااااح احلهاااااا..
دانا اللي كانت تنطرها وطولت...قامت وضربت عليها الباب..
: لنو....لنوووو
لانا فتحت الباب وببرود: خير انتي ايش فيك؟؟
دانا خايفه عليها: لانا بليز قولي لي ايش صاير معاك؟؟
لانا:لا شوية سخافه لا تهتمي..روحي تعشي الحين..شوي وأجيكم..
دانا متعوده من اختها الصد...مو دايم تحكي لها ..ولا مره حست انها تؤامها بالفعل..
تركتها ونزلت وفعلا ثواني واجتمعت العائله...
ضاري كان جالس قبال موضي ولو عليه فجرها بالكرسي اللي جالسه عليه..
موضي توزع ابتسامات اليوم قدرت تاخذ شويه من حقها بالكف اللي سمعت صوته وهي برا الغرفه...
دانا ولانا يطالعون بعض وحاسين ان فيه شي بس ما بعد اكتشفوه..
حمد: وين بنات عمكم..؟؟
ضاري طالع ابوه منصدم ما كان حاضر فطور اليوم ولا يدري عنه..
موضي تدخلت: خليهم ياخذون راحتهم..
حمد: راحتهم لما نكون مجتمعين...دانا روحي ناديهم..
دانا انبسطت: من عيوني دادي..."وراحت بسرعه"
لانا طالعت ضاري وكأنه فرحان بالموضوع..
: اجل فاتك اليوم يا ضاري الاخوات افطروا معانا حسافه ما كانت معاهم..
ضاري طالعها وهو رافع حاجب: لانا...اكرمينا بسكوتك..
لانا سكتت..
بس ضاري من جواه فرح...وبنفس الوقت مستغرب اكيد ان مدى قاصده الشي هذا..

>>>>>>>>>>>>>>>>>>>>>>>>>>>>>>>>

دانا ضربت الباب فتح لها بدر..
: اهلين بدور..
بدر ابتسم لها: انتي حلووه مآآآره وانا احبك..
دانا: وه بس وه ...وانا احبك..."ودخلت"..ابتهــــــال...مدى..
طلعوا لها الثنتين مستغربات..
: واو روعه غرفتكم..اخر مره دخلتها ما كانت كذا...شكل ضاري مضبطها صح..
ابتهال: الله يعطيه العافيه..
مدى كانت تنتظر دانا تتكلم وتقول ايش عندها..
دانا: دادي يسأل عنكم..ويقول ما راح نبدا عشاء لما نكون مع بعض...
ابتهال لفت على مدى..
مدى صدت عنها: انا ما ابي شي خذي اخوانك ابتهال وروحي..
دانا راحت لمدى: لا مدى ما يصر لازم انتي معاها..
مدى: لا قلبي ماني مشتهيه...خلي ابتهال تروح بس..
ابتهال: مدى شنو تتركيني لحالي...
مدى: لا تطولين تعشي وتعالي بسرعه..
ابتهال عارفه مدى اذا حطت شي في راسها خلاص مستحيل تتنازل عنه...
: اوكي...راح اروح لحالي وامري لله...
مدى متقطع قلبها تبي تروح مع اخوانها...بس بعد اللي شافته اليوم من موضي وضاري...حست انها ما عاد تبي تدخل لداخل ابد..
دانا استسلمت..واخذت وداد معاها وطلعوا..
اول ما دخلوا غرفة الطعام كانت العيون عليهم الا ضاري..اللي كان عامل حاله ياكل وما هتم لشي...
سملت ابتهال وجلسوا...
وداد قربت لدانا: انا ما احب هذي.."وتأشر على موضي"
دانا نزلت اصبع وداد بسرعه: اسكتي واللي يعافيك بعدين نتفاهم؟؟
وسكتت وداد..
ضاري حس ان فيه شخص ناقص...دورها بعيونه ما حصلها وعصب..
حمد: وين اختك يا ابتهاال..؟
ابتهال مفتشله وخايفه من موضي بنفس الوقت: الله يسلمك يا عمي مو مشتهيه..
لانا: ليه يحصلها عشاء مثل هذا وترده..
نغزتها دانا..
ضاري: لانا كلمه ثانيه راح تندمي...
موضي تبي تقهر ضاري: ما صار.. خلونا نتعشى هالسم...ونخلص"وطالعت ابتهال"
ضاري وقف: انا الحمد لله شبعت..
وطلع على طول برا القصر..
وقف عند غرفتهم ساند نفسه على الجدار ...والحيره ماكله قلبه...ليش ما جات تاكل معاهم...
وبالنهايه ضربه وهو ما زال على نفس وقفته..
فتحت مدى الباب ما حصلت احد طلعت شوي شافته واقف..
: ليش ما جيتي تتعشي؟؟
مدى: هني وعافيه عليكم..
ضاري وقف بنص الباب وسند يد وحده عليه...وحط عينه بعينها..
: ولا عشاني موجود...ماودك تشوفيني...
مدى اللي خافت منه ..كان قريب منها ورجعت خطوه ورى..
: والله ليش افكر فيك...انا قلت مو مشتهيه..
ضاري انقهر من ردها وضرب الباب: مــــــــدى...لما اكلمك تكلمي زين..
مدى خافت بس ما وضحت: وليه اكلمك اصلا..وانت ليش متعب عمرك وجاي مهتم..
ضاري صدمه السؤال..ما فكر ان مدى ممكن تفكر هالتفكير..كان يمشي ورى قلبه وبس...وضحك بصوت عالي..
:هههههههههههه وان شا الله تحسبيني مهتم لك...بس قلت اجي واشوف السبب واروح..
مدى عصبت بجد ضحكته تنرفز: طيب يا سيد ضاري عرفت السبب!!
ضاري قرب لها اكثر وباستهتار: ايه عرفته..."وراح"
مدى مطيره عيونها"هذا انسان مو طبيعي؟؟هذا جدار وربي جدار اشك ان عنده احساس ولا قلب...ليش يعاملني كذا"
ضاري وهو يمشي"الله يلعنك يا ابليس الله يلعنك وانا لازم اخربها"

>>>>>>>>>>>>>>>>>>>>>>>>>>>>>>>>

داخل القصر...وعلى طاولة الاكل ...الهدوء يعم المكان الا من صوت ملعقة بدر..
ابتهال مفتشله: حبيبي بشويش..
بدر انبسط وزاد الصوت...ويضحك..
ابتهال: بدر ترى باخليك تقوم..
بدر: مابي خليني اجلس...
ابتهال: اجل تأدب..
بدر بدا يبكي: مابي مابي مابي "ورمى الملعقه بالارض وصار يبكي ويصرخ"
موضي ولعت: خير ..خير وين احنا فيه قاعدين فيه"ووقفت" بجد ناس تقرف..
ابتهال عصبت واخذت الملعقه من على الارض وحطتها وشالت بدر
: عن اذنكم اسفين..
حمد: هاتيه عندي..
لانا ودانا طالعوا ابوهم..
ابتهال: لا يا عمي....راح يأذيك..
حمد: جيبيه...ابيه..
راحت ابتهال وعطته عمها..
بدر اول ما شاف عمه سكت...رجال وغريب وما يعرفه فا سكت..
حمد بحنان:ليه يا بطل ما اكلت؟؟
بدر: هذي دوبه ما تخليني..
حمد: تعال انا بأكلك..
لانا عصبت: لااا طالت وشمخت..."وراحت"
دانا احتارت فيهم: يا الله..
حمد: دانا ما عليك منها.."وصار يأكل بدر وبدر مبسوط"
ابتهال ودانا يطالعون حمد...بجد لايق انه يكون ابوه...
ابتهال حست بشعور غريب...عمرها ما شافت الحنان هذا من ابوها...واخوانها محرومين منه مثل ما كانت محرومه...
نفسه اللي يعطي اخوها الحنان هو نفسه اللي حرمه من حنان ابوه .."وخنقتها العبره"

&&&&&&&&&&&&&&&&&&&&

[قلب الزهـــور]

رواية "الا ليت القدر" للكاتبه بقايا شتات..

في غرفة الضيوف...
دخلت ابتهال وحصلت مدى سارحه..
: السلام..
مدى صحت من تفكيرها: وعليكم السلام...وينكم تأخرتوا..
ابتهال: تخيلي يا مدى..عمي بنفسه أكل بدر..
مدى مو مصدقه: جد؟؟
ابتهال: والله..وربي كان فيه حنية الدنيا كلها..
مدى: احس انه طيب وساعات اقول لا..هو اللي كان السبب في كل شي صار لنا واللي يصير لنا..
ابتهال: انا متأكده ان السالفه فيها سر..
مدى: يمكن...
ابتهال بتردد: ما جاء عندك ضاري؟؟
مدى بطفش: الا..
ابتهال: قال شي؟؟
مدى: مسخرني وراح..
ابتهال: اهااا
وهي عارفه ان ضاري اكيد عصب لانها ما جات معاهم..

شوي سمعوا صوت الباب يدق..فتحت ابتهال الباب حصلت عشاء مع الخدامه..
:هذا لمدام مدى..
ابتهال: من قالك؟؟؟
الخدامه خافت: ما ادري ما ادري..."وراحت بسرعه"
ابتهال مات ضحك وبنفسها" هههههه الله يقطع سوالفك يا ضاري"
:مــــدى عشاك وصل عندك..
مدى : من ارسله.؟؟
ابتهال: الخدامه تقول ما ادري...يمكن عمي...
مدى وهي تشوف العشاء وتشم ريحته: وربي جوعااانه..ههههه بديت احب عمي..
ابتهال بنفسها" والله ان اختي غبيه وما تشوف"

&&&&&&&&&&&&&&&&&&&&

وصلها مسج وهي في عز نومتها..
"لنو حوبي...ابي اشوفك بكره.....احبـــك.."

لانا قرت المسج وصرخت من قهرها: حقير...وربي حقير"ورمت موبايلها" اكرهك..

&&&&&&&&&&&&&&&&&&&

اريام معاها ورقة النتايج...
ومو مصدقه النتيجه.........................!!

@@@@@@@@@@@@@@@@@@@
نهـــــــــاية البــــــــــــــارت..

[شمس القوايل]

يعطيج العافيه قلب الزهور ع الطرح والمجهود

عساج ع القوه

ننتظر جديدج القادم

[قلب الزهـــور]

اقتباس المشاركة الأصلية كتبت بواسطة شمس القوايل يعطيج العافيه قلب الزهور ع الطرح والمجهود عساج ع القوه ننتظر جديدج القادم

●●●
هلااااااااااااااااوغلااااااااا
يسعدلي قلبك ويسلمووو وربي على الحضور الرائع بصفحتي
تقبلي شكري وتقديري واحترامي
مع تحياتي :قلب الزهـــور .. بباي

[قلب الزهـــور]

رواية "الا ليت القدر" للكاتبه بقايا شتات..

الجــزء التـاسع والعشــــرون...
وصلت حد الانهيار..خلاص تحس ما عاد في ايدينها أي شي ممكن تسويه..والخوف محاصرها من كل اتجاه..اذا مشت معاه بتضيع واذا تركته كمان بتضيع..ايش ممكن تسوي..!!

لانا وهي منسدحه على بطنها والدموع ما وقفت لحظه: انا وش سويت عشان يصير فيني كذا..وايش راح اسوي مع اياد الزفت هذا..ولو عرف ضاري عني ايش اقل شي ممكن يسويه؟؟!!!.."وقفت عند هالنقطه كثير اللي بعيدة المدى وفجأه رجعت تبكي بصوت عالي" لا لا ضاري ما ابيك تعرف ولا ابيك تذبحني..
وراح ليلها كله في تفكير ضايع...وما توصلت مع نفسها لحل يريح قلبها وعقلها..

&&&&&&&&&&&&&&&&&&&&&&&&&&

ماسكه ورقة النتايج وايدها ترجف..
: دكتور انت متأكد..!!
الدكتور الخليجي الجنسيه: هذا اللي طلع معانا يا دكتوره..
اريام حاولت تثبت نفسها اكثر...لحد الان ما بعد استوعبت النتيجه..اصلا مستحيل تستوعب ان "ســآمي يروح منهــآ"
ضربت مكتب الدكتور بقوه وهي تصرخ: اقولكم ارجعوا حللوه من جديد...انا متأكد هان فيه خطأ..
الدكتور مقدر حالتها: ارتاحي دكتور اريام..
اريام غرقت عيونها دموع: ما ابي ارتاح...ما ابي...انا راحتي من راحة سامي..انا سعادتي اذا قدرت اسعد سامي..وانت تقولي ارتاحي من وين تجيني الراحه..
راح الدكتور وجلسها على الكرسي: دكتوره اريام..انا راح اقولك كل شي..انت دكتوره وما يخفيك عن حالة سامي شي...سامي تأخر كثير..لو انه جاء قبل مده يمكن قدرنا نلحق عليه...بس الحين المرض تمكن منه وما نقدر نسيطر عليه...
اريام وقفت كل الدنيا عند كلمة الدكتور"تأخر كثير"...حست ان الحياة انتهت هنا..وما عاد تدري ايش قال الدكتور بعدها..
"سامي تأخر..لان انا اللي اخرته بغبائي..بأنانيتي...بسبب اهلي..بسببنا كلنا...كلنـــــــا"
ورفعت عينها على الدكتور وهو ما زال يتكلم..
: والحل الوحيد نبدأ بالعلاج الكيماوي عشان يعيش اكبر مده..
طالعت الدكتور وعيونها ما عاد تشوف من كثر الدموع واذا طاحت دمعه طاحت قد حبات المطر..
وقفت بدون ما ترد عليه...وطلعت ومعاها الورقه...تمشي بين الممرات والاماكن..الشوارع...المنازل الاحياء..بلا هدف...والورقه ترفرف بيدها...
"وش اقوله....وش تبيني اقولك يا سامي ..كل الامال والاحلام ضاعت...كل السعاده والهنا اللي رسنا لها تبخرت...كل الحب والعشق والهيام بيموتون..انا من بعدك من لي...عشان مين راح اعيش...انا مالي غيرك يا سامي..مالي الا الله ثم انت..ما ابي من الدنيا شي..بس تكفى ابقى لي..تكفى يا سامي لا تخليني...لا ياخذك الموت مني"
حصلت نفسها قدام الفندق اللي ساكنين فيه...وطلعت للسويت حقها بسرعه..وركضت لغرفة النوم بالضبط..وفتحت الباب بقوه...طاحت عينها على السرير...قربت له بخطوات مو ثابته..تحسست الوساده واللحاف والمكان اللي نام عليه...تذكرت اسعد ليه بحياتها كانت معاه..رمت نفسها بمكانه وبكت..وبكت...وبكت.. عسى دموعها تقدر تخفف من شوي من لهيب قلبها...

>>>>>>>>>>>>>>>>>>>>>>>

بعد كم ساعه....
كانت ساكته وما زالت على نفس مكانها ووضعيتها..بس دموعها خلصت..ما عاد لدموع قيمه...وصارت همومها قد الجبال او الارض بكل ما فيها...وشلون راح تشوف زوجها وحبيبها وعشقها الاول والاخير يموت قدام عيونها..."قعدت على حيلها شوي"
وتوجهت لدورة المياه..غسلت وجهها كم مره...وعيونها تنفخت من كثر البكي...شافت نفسها بالمرايه وشافت حال عيونها ورجعت تدمع من جديد...ما حبت تبكي رجعت تغسل وجهها...وتوضت للصلاة وطلعت..
صلت لربها ركعتين ودعت من كل قلبها...انه يشفي سامي او ياخذه بدون ما يتعذب...ماتبيه يذوق الويل وتشوفه يذبل خطوه خطوه من غير فايده...
خلصت من الصلاة..لفت على السرير وشافت ورقة النتايج..قامت بسرعه ودخلتها بالشنطه,..وبدلت ملابسها وركضت لسامي؟؟؟من اليوم وطالع ماتبي تفوت لحظه معاه...من اليوم وطالع راح تكون ظلال سامي..من اليوم راح تحاول تسعده بكل دقيقه وثانيه من عمره..راح تخليه يروح وهو راضي ومبتسم...
وصلت عند غرفته...
اخذت نفس وحاولت ترسم ابتسامه تبي شوية قوه...
وفتحت الباب...
حصلته جالس وباين القلق بعيونه..
: وين رحتي....؟؟؟
اريام شافت وجهه وتذكرت الورقه اللي بشنطتها وما قدرت تتكلم..وجلست عنده على سريره..
سامي طالع عيونها حس فيه شي..
: اريام ....في شي..؟؟؟
اريام هزت راسها"بلا"...ومسكت ايديه..وبصوت مخنوق..
: اوعدك يا سامي راح احبك قد ما اقدر...احم...واوعدك اسعدك قد ما اقدر..واوعدك ما اخليك ولا لحظه..اوعدك..
وحضنته بأقوى شي عندها..لدرجه انها ألمته..
سامي استغرب كلامها...وطريقتها في الحكي..بس في النهايه حضنها..
اريام: ما ابيك تتركني..
سامي بهدوء: اريام...طلعت النتيجه!!
اريام ارتخت ايديها من صدمتها بسؤاله..
سامي بعدها عنه وحط عينه بعينها: طلعت صح..!!
اريام ما قدرت تطالع عيونه: لا...لسه..
سامي حاول يكتشف هي صادقه معاه ولا: اريام اذا طالعه قولي لي..
اريام: لا حبيبي ما طلعت..
سامي: طيب ليش تأخرتي..؟
اريام تذكرت وعدها لنفسه وابتسمت: لانو حبيبة قلبك شويه ضاق صدرها من المستشفى..وقررت تتمشى شوي..
سامي مسح على وجهها بنعومه: وحبيبتي....ما بكت!!
اريام غمضت عيونها بقوه: يمكن بكت لانها مشتاقه لاهلها..
سامي قرص خدها وهو يضحك: وانا مو اهلك..؟؟
اريام حطت يدها على خده: والله انت اهلي ودنيتي وكل حياتي يا سامي..
سامي على انه حاس انها فيها شي...وشاك ان النتيجه طالعه..بس ما حب يضغط على اريام..

&&&&&&&&&&&&&&&&&&&&&&&&&&

ضاري اللي ما بعد عرف طعم النوم..هذي الليله الثالثه وما اخذ منها الا غفوه..
جالس برى على البلكونه ويدخن سيقاره...ويفكر بمدى وايش راح يسوي معاها..ومو مدى بس حتى ابتهال...وسلطان..والصغار..
قرركل قرارته...وراح يبدا التنفيذ من صباح اليوم الجديد...

&&&&&&&&&&&&&&&&&&&&&&&&&&

صبــــــــآح السبت..
صبآحك ضحكة طفل..تملى الدنيا فرح وسرور..
........صبآحك عطر.. ينتشر في مكانه جمال وغرور..
صباحك ورده حمراء...تداعب خدك وتقولك صباحك نور..

شتو..

>>>>>>>>>>>>>>>>>>>>>>>>>>

صحت نشيطه كاعادتها..وبدلت ملابسها وحطت ميك اب صباحي وضبطت شعرها وطلعت لغرفتها ولالي وراها وين ما تروح..
ضربت الباب على لانا..ودخلت..
حلصت لانا جالسه وحاطه الوساده على رجولها ورايحه تفكير عميق..واضح انها على وضعيتها من ليلة امس..
دانا استغربت: صباحو لانا..
لانا طالعت دانا مليانه نشاط وحيويه..وحسدت اختها..
دانا قربت لها وحركت يدها قدام وجه لانا: ياهو..لنو....ايش فيك؟؟
لانا قامت بثقل لدورة المياه وقفلت على نفسها الباب...خلاص الحياة ما عاد تغريها..ولا تبي منها شي...تمنت الموت على نفسها..
دانا احتارت في اختها..امس واليوم نفس الحاله..
"ايش اللي صاير لها.؟؟!!"
قررت تتفاهم معاها بالمدرسه..الحين مافي وقت..طلعت لانا من دورة المياه وما حصلت احد..ورتاحت لانها توقعت بتلاقي تحقيق من دانا وهي مالها خلق...


>>>>>>>>>>>>>>>>>>>>>>>>>>>

ضاري نزل بثوبه وشماغه على كتفه..سلم على اهله على السريع.
: السلام عليكم..."وطلع حتى بدون ما يسمع الرد"
وتوجه بسرعه على الغرفه اللي برا...ودق الباب...
كانت مدى صاحيه..لان بدر صحاها من نومتها يبي يلعب..مدى لابسه حجابها وتنوره طويله واللبس ساتر...راحت فتحت الباب..في بالها انها الخدامه...بما انها هي وضاري متهاوشين امس..

وانصدمت لما شافت ضاري..
ضاري ما حط عينه بعينها تفاديا لضربات قلبه اللي ما توقف..
: وين ابتهال..؟؟
مدى كتفت ايدها: وعليكم السلام...
ضاري: السلام...وين ابتهال؟؟
مدى : نايمه ليش؟؟؟
ضاري: روحي صحيها راح تداوم اليوم..
مدى انصدمت: طيب كذا فجأه..على الاقل قلت لها من امس..
ضاري ببرود: مافيه فرق بين امس واليوم..
مدى: الا فيه فرق...
ضاري ضحك عليها من داخله كأنها طفله وكمل معاها يمثل البرود: لا ما فيه فرق..
مدى عصبت: الا فيه....
ضاري وهو يطالع فوق ويرد: لا ما فيه ..مافيه..مافيه...
مدى تقلده بدون شعور: فيه وفيه وفيه..
ضاري خلاص ما قدر يتحمل اكثر بيضحك عليها...الا ابتهال جاتهم وهي لسه صاحيه من النوم وحتى حجابها ما لبسته كويس..
: خير...وش هالحركات..وش اللي فيه وما فيه؟؟؟
ضاري مات من الضحك..اصلا شكل ابتهال يضحك وهي لسه صاحيه من النوم..ثاني شي ضحك على مدى وحركاتها...
مدى لفت على ضاري اول مره تشوفه يضحك..يتغير 180 درجه..ما كأنه ضاري الجامد...بس ضحكته خوقاقيه ^^
حتى ابتهال تطالعه ...ودها تصور هاللقطه النادره..
ضاري: الله يديم السعاده علي..."وطالع مدى بنص عين"...ابتهال بدلي بسرعه اليوم بتداومين بالمدرسه...
ابتهال فرحت: جد ضاري!!!
ضاري رجع لجديته: ايوه جد...لا تتأخرون ننتظركم على الفطور..."وراح"
ابتهال: واي وناسه...احس ان لي شهور عن العالم...ابي اشوف الدنيا ..ومشاعل ومرام..
مدى: الا لازم تغيرين جو...
وبدلت ابتهال بسرعه وطلعوا كلهم للفطور..

>>>>>>>>>>>>>>>>>>>>>>>>>>>>>>

داخل القصر...
لما رجع ضاري حصل الكل جالس يفطر...
: ترى البنات الحين بيجون..يبه..قولهم يجون كل يوم من نفسهم..
ضاري ما نسى كف ابوه بس هو الغلطان وتحمل اللي جاه...
حمد: انا ناوي اقول لهم...
موضي عصبت: طيب خلهم ياخذون راحتهم واحنا ناخذ راحتنا...
دانا: مامي..لا عادي مرتاحين..
موضي طالعت دانا بعصبيه: اذا الكبار تكلموا الصغار يسكتون..
حمد: البنات راحتهم معانا..وحنا كلنا مرتاحين ونتهى النقاش..
ضاري طالع موضي ومبتسم نص ابتسامه..
موضي مات قهر وسكتت..
دخلوا مدى وابتهال...وجلسوا نفس اماكنهم..
على راس الطاوله الفخمه حمد..يمينه موضي..ويساره ضاري,,جنب موضي لانا..وجنب ضاري دانا..
جلست مدى جنب دانا ومعاها بدر...وابتهال جنب لانا ومعاها وداد..
ضاري ما قدر يشف مدى لان الفاصل بينهم دانا...بس كمل اكله ببرود ولا كأن فيه شي يحركه...
مدى اول ما جلست مرتبكه شوي
: السلام عليكم ...صباح الخير..
الكل: صباح النور....ما عدا موضي ولانا..
حمد: هلا ببنات اخوي...اسمعي مدى من اليوم وطالع الفطور والغدا والعشاء معانا...
مدى منحرجه: بس عمي...
حمد: لا بس ولاشي..
مدى سكتت...صح ما تقبلت حمد بالمره..بس على الاقل يعاملها كويس...وما شافت منه شر...
موضي كل شوي تطالع مدى باحتقار..حست انها تكرهها من اول مره شافتها..
ضاري لاحظ نظراتها لمدى: يمه....فيك شي!!
موضي تدري ضاري ما يقول يمه الا وراه شر..
:لا....ما فيني شي..
دانا: ابتهال...بتداومين اليوم معانا...؟
ابتهال: بس بمدرستي..
دانا: يا الله ..متى راح تجين معانا؟
موضي صرخت فيها: دانا...كلي وانتي ساكته...
دانا خافت: ا نشا الله مامي..
مدى ما طولت اول وحده قامت..
: الحمدلله..."واخذت اخوها معاها.. وطلعت..
ضاري خلص اكله بسرعه وطلع..
وشاف مدى جالسه بالحديقه وراح لها..
: مدى..
مدى لفت عليه : نعم..
ضاري: كنت راح اقولك اني راح اجيب مربيه لبدر ووداد تساعدك شوي..
مدى: لا تتعب حالك مافيه داعي..
ضاري وهو يضبط شماغه: لا مو من حلالي...من حلالك طبعا...
مدى سكتت شوي..: سوي اللي تبي.."وراحت وخلته"
ضاري وهو يشوفها تدخل الغرفه..: أكيد بأسوي اللي ابي..
وانتظر ابتهال تطلع على يوصلها..
في السياره..
ضاري يسوق وابتهال وراه..
: متى راح يخلص السمستر..
ابتهال: ما بقى فيه شي..يعني ثلاثه اسابيع تقريبا وتبدا ايام المراجعه..
ضاري: كويس...لان راح انقلك مع خواتي...
ابتهال سكتت شوي...وتكلمت..
: ضاري ممكن طلب؟؟
ضاري : آمري..
ابتهال: اذا طلعت من المدرسه بأروح بيت مشاعل صديقتي..
ضاري: اوكي...ورحي وانتبهي لنفسك..
وصلت لعند مدرستها..
كل البنات موقفين يطالعون صاحب السياره الرنج الي اول مره تمر بحارتهم..وبالشخص اللي فيها...لابس نظارات بولسيه ورزه..ومو بس البنات حتى الرجال..
نزلت ابتهال: مع السلامه..
ضاري: مع السلامه..
وتوجهه للشركه..
ابتهال اول ما دخلت المدرسه البنات حولها..
استغربت: خير فيه شي؟؟
وحده من البنات: من هذا ابتهال..ومن وين طحتي عليه.؟؟؟؟
وسمعت وحده تحكي: شكل امها ماتت وابوها الله العالم وينه..قامت تطلع مع شباب وطاحت لها واحد كشخه...
ابتهال سمعت كلام البنات اللي مثل السم..كل وحده تطلع اشاعه على كيفها..لفت عبايتها بسرعه ودخلتها بشنطتها ومشت ولا كلمت احد..وقلبها يعورها...كيف ممكن يطلعون عليها كلام مثل هذا...
ومن بين البنات لمحت مشاعل...وابتسمت..
وصرخت بأعلى صوتها: شعيــــــــــــــــل..
مشاعل سمعت الصوت وشكت: مرام انا اسمع صوت ابتهال ولا خر فت..
مرام تضحك: ههههه لا بالله خرفتي...
ابتهال وصلت لهم:خير ليش ما استقبلتوني.. ما تدورن اني بنت كاشات..
مشاعل وقفت مو مصدقه: ابتهال!!...وش جابك؟؟
ابتهال: ههههه حلوه وش جابني...مدرستي كيفي..
مشاعل ضمت ابتهال بقوه: يا الدوبه واحشتني موت وربي وربي المدرسه بدونك مالها طعم..
مرام دمعت عيونها: بهوله وربي فقدانك..
ابتهال ما زالت بحضن مشاعل: وانا اكثر والله..خلاص من اليوم بداوم معاكم...وانتي وخري خليني اسلم على مرام..
مشاعل بعدت عنها وهي تمسح دموعها فرحانه...وضربتها..
:اشتقت لك يا الشينه..
راحت مرام تسلم على ابتهال وحضنوا بعض..
وجلسوا طول اليوم هبال وسوالف وضحك..والحصص على جنب ..

[قلب الزهـــور]

رواية "الا ليت القدر" للكاتبه بقايا شتات..

دانا تحلق لانا..
: لنو...انتظري..
لانا وقفت والشنطه على كتفها: نعم!!
دانا وقفت قدامها: انا حاسه فيك شي من يومين وش صاير معاك؟؟؟
لانا ببرود: مو صاير شي..
دانا: لنو تكلمي معاي...انا اختك...حسسيني بيوم اني قريبه لك..
لانا: طيب وش تبيني اقولك أألف لك قصه واقولها...مافي شي..
دانا: لانا اتمنى في يوم انك تخليني قريبه منك لو شوي..
لانا: دنو انتي قريبه...ومافي شي اقولها لا تحنين على راسي..
دانا فقدت الامل فيها: طيب على راحتك..
لانا عدت دانا وقلبها يعورها ..اصلا مالها وجه تحكي حتى لاختها..
وشافت ريماس قدامه وضمتها: ريماس الحقي علي...
دانا شافت لانا وهي تحضن ريماس وعرفت وتأكدت ان فيها شي وما تبي تقوله..
ريماس: ايش صاير؟؟
لانا: يبي يشوفني اليوم...
ريماس: وايش راح تسوين؟؟؟
لانا: ما ادري...ما ادري...انا تعبت خلاص..
ريماس: لازم نعمل حالنا مو خايفين..
لانا : كيف!!؟؟
ريماس: انا اقولك...

&&&&&&&&&&&&&&&&&&&&&

جالسه قباله طول الوقت..ماتبي يفتح عينه وما يشوفها..
دخل الدكتور عليها..
: ممكن دكتوره اريام..
طلعت اريام له: خير دكتور؟؟؟
الدكتور: كنت ابي اسألك متى نبدأ نسوي لسامي الجلسات..
اريام طالعت بعيد وبنفسها"جاي تسألني متى تبون تقتلون حبيبي!!"
: مو لازم نقول لسامي اول..؟؟
الدكتور: الا ضروري...بس توقعتك قلتي له..
اريام بترجي: ما يصلح ما نقوله له؟؟؟..اتمنى انه ما يدري..
الدكتور: لا دكتوره اريام معليش ضروري يعرف..ما يصلح نخبي عن المريض شي..
سكتت اريام ..ومشت كم خطوه ما تبي الدكتور يشوف دموعها من جديد: اعملوا اللي يريحكم...
وجلست على كراسي بأخر الممر..تفكر بمصير سامي اذا عرف عن حالته الميؤوس منها ...
جاها صوت فوق راسها: ممكن ما اقوله..
رفعت راسها للدكتور: بليز دكتور لا تقوله..ادري لو قلت له بيرفض جلسات العلاج..
الدكتور: مع انه ممنوع بمستشفيات المانيا..بس انا بقدر حالته وحالتك..
اريا وقفت للدكتور: تسلم...تسلم دكتور..
الدكتور: عاد الباقي عليك..ترى علاجه النفسي اهم من الطبي...
اريام: لا توصي حريص...
وراحت لعند سامي بالغرفه...وهو ما زال تحت تأثير المهدئات..

&&&&&&&&&&&&&&&&&&&

مرام: واخبارها مدى اختك؟؟
ابتهال وهي تاكل شيبس : جالسه بالبيت..ماتبي تشتغل عشان اخواني..
مشاعل: وانتوا ببيت عمك مو؟؟
ابتهال: ايوه...اليوم ولد عمي قال راح ينقلني من المدرسه الترم الجاي مع خواته...
مشاعل: حتى انتي بتروحين...؟؟
ابتهال: انا غصب عني يا مشاعل...ليه مرام بتروح بعد!!
مرام: وحتى انا غصب عني...بننقل عن بيتنا وضروري اغير المدرسه..
ابتهال: ليش ما تنقلون يا مشاعل ما بقى احد بالحاره..
مشاعل: كله من هالمشروع..حسبي الله عليه اللي حاطه عندنا..
ابتهال بخجل: ترى صاحب المشروع ولد عمي...
مرام ومشاعل مع بعض: أيـــــش؟؟
ابتهال: ايوه...ضاري هو صاحبه...
مرام وهي مفتشله: واحنا سمعنا عنه كلام..
مشاعل: اهل الحاره طلعوا عليه بلاوي...انه ظالم ومتسلط وما يرحم..
ابتهال: ه صح شخصيته قويه...بس مو لهدرجه ..مره طيوب..
مرام غمزت لها: لا يكون حبيتيه..؟؟
ابتهال بسرعه: لالالا...شنو احبه...ما ينفع لي..انا ابيه لمدى اختي..
مشاعل: احس هو ومدى لايقين..بس بتصير بينهم مشاكل...
ابتهال ضحكت: مشاكلهم من الحين ابتدت...مستحيل يلتقون ما يتهاوشون..
ضحكوا مرام ومشاعل..
مشاعل: اجل الله يعين قلبك..
ابتهال: آمين...لا يفوتكم بنات...بناتهم هناك وووووع" وبدت تحكي لهم عن اللي شافته بالحفله والبنات داخلين معاها جو"


&&&&&&&&&&&&&&&&&&&&&&
فــي ألمانيا..

اريام كانت جالسه على كرسي جنب سرير سامي ومشبكه ايدها بأيده وهو نايم وسانده راسها عليها...
ماتبي اللحظه اللي تبعدها عنه...ما تبي يجيها خبر ان سامي خلاص ما عاد تقدر تشوفه عيونها..ماتبي يجي الوقت اللي يلفظ انفاسه الاخيره...ماتبي وماتبي وماتبي...كثير ما نبي اشياء..بس لما القدر يكتب عليك شي ضروري نلتقيه واحنا مؤمنين فيه...
صحاها رنة موبايلها..وفرحت لما شافت الاسم...وطلعت برا الغرفه عن سامي...
: هلا والله بضاري اخوي...
ضاري بمكتبه بالشركه: هلا اريام..اخبارك؟؟...بشريني عنك؟؟
اريام غرقت عيونها دموع: اختك يا ضاري مو بخير..
ضاري خاف عليها: ليه وش صاير؟؟
اريام شهقت وهي تبكي: سامي....سامي يا ضاري ماله امل في العلاج...خلاص سامي بيروح مني...
ضاري منصدم وعقد حواجبه: لا حول ولا قوة الا بالله...اريام اهدي اسمعيني..
اريام سكتت بس صوت بكاها كسر قلب ضاري...
ضاري: اريام لا تفقدين الامل...واللي كاتبه ربي هو اللي بيصير...واذا قدره كذا ترى كلنا لنا نفس المصير...وما تدرين من فينا يروح قبل الثاني..
اريام وكأنها رجعت طفله: ضاري انا ابي اموت ولا اشوف سامي يموت قدامي يوم ورى يوم..
ضاري: اريام لا تقولين هالكلام..واسمعيني...انتي كنتي عارفه بمرض سامي من اول...واكيد كنتي عارفه نسبة نجاح العلاج معاه..وربك كتب له...وانتي ايش عليك الحين..ما عليك الا بشي واحد عيشي اللحظات مع زوجك ولا تخلين تفكيرك يخرب عليك..سواء كان مريض ولا مو مريض محد يدري عن اجله يا اريام...لا تحسسين سامي بأنه خلاص مات وهو حي...بالعكس خلي كل يوم قلبه ينبض بحياة جديده..
اريام هدت شوي: ضاري انا محتاجه احد معاي...
ضاري خايف عليها ومحتار: اريام انتي عارفه ما اقدر اترك شغلي واترك كل شي هنا واجيك..ليش ما ترجعين..؟؟
اريام سكتت حست نفسها غبيه ضاري لو جاء ايش راح يسوي لها..
: لا خلاص حبيبي ما عليك...بس انا ما كنت ادري ايش اقول..ولا اقدر ارجع عشان علاج سامي بيستمر هنا...على العموم ضاري" وتمسح دموعها" ربي يخليك لي ولا يحرمني منك...ريحتني شوي..ولا تاخذ بكلامي وتجي مهما كان...ترى انا والله اتكلم من غير وعي..
ضاري بجديه وحزم:اريام اوعديني تنتبهي لنفسك ولو حصل شي اتصلي علي على طول..
اريام: تسلم حبيبي...وسلم لي على اهلي... وحشوني كثير..وانتبه لامي يا ضاري
... لاتقسى عليها تراها ام في النهايه..
ضاري ما عجبه طاري موضي: ايوه ا نشا الله...وسلمي لي على سامي...في امان الله..
اريام: في امان الكريم...
لفت بترجع للغرفه..حست ان في احد وراها..طالعت ورى ما شافت احد..استغربت وكملت طريقها لعند سامي..

&&&&&&&&&&&&&&&&&&