خنقت الورد يا يمه و بيدي إنكسر ذبلان .. للكاتبة بائعة الورد

[قلب الزهـــور]

خَنَقْتْ اْلْوَرْدْ يَآ يُمَهْ وَبِيَدِّيّ اِنْكَسَرْ ذَبْلَآنْ

مسحت على راسه بحنان وحب وإخته مستلمته تريقه حتى وهو نايم
أبو فيصل هههههههه انتبهي لا يطلع ولدك كذا مناقراني
سجى بدلع باباااااا حرام عليك
فيصل فتح عيونه وفز سجى!!!
سجى انفجعت شفيك بسم الله؟؟
وبصوت باهت من الصدمة إنتِ حامل؟؟!!
سجى استحت ونزلت عيونها اييه
أم فيصل ههههههه صار لها أربع شهور بس مو مبين فيها
فيصل رفع حاجب بفرحه يا زعم مستحيه يعني
سجى بقهر وش شايفني لوح قدامك ما أستحي
فيصل ضربها على راسها وهو قايم خبله ما تستحين من أخوك
أبوه وأمه ههههههههههه
تثاوب وهو يطلع الدرج تصبحون على خير أنا هلكان بروح أنام
أمه الله معك حبيبي
الكل وإنت من أهله
ناظر سجى بنظرة فهمت عليها وطلع
نقزت الدرج وراه دخلت وسكرت الباب
فيصل وهو يسمع صراخ أمه تهزأ فيها عشانها بتجري
إنت متى بتركزين ناويه تطيحين ولد ماهر
سجى شهقت وهي تضم نفسها بسم الله عليه أعوذ بالله
ابتسم بلا معنى وبعيون مترجيه وهو يفصخ قميصه معطيها ظهره شلونها؟؟
سجى كانت عارفه بيسأل عنها قلبها عورها عليهم الإثنين تعبانين خاصة لمار حالتها كل يوم تردى عن الثاني
تنهدت بخير
لف عليها
رفع راسها وبألم سجى خليك صادقه معي شلونـــــــها لمـــــــــار؟؟
لفت عينها عنه ومسحت دمعه طاحت غصب عنها
فيصل لمار مو بخير مريضه وتعبانة نفسيتها البنت انهدت مره وحده
أنا ما أقولك كذا عشان أعذبك زيادة لكن البنت بتروح من يدينا وإحنا مو قادرين نسوي شي
سكت لدقايق
بعدها تركها وأخذ روبه الديشانبور ودخل الحمام
بلعت ريقها ومسحت وجهها لما دق جوالها طلعته
"" مهورتي ""
حاولت تعدل صوتها
:هلا حياتي هلا بالغلا
سجى وبصوتها المدلع آهلين بيبي
: شلون حبي والنونو
مدت بوزها اممم حبك مو بخير والنونو مدري عنه
ماهر هههههه أفا مو بخير وولدي ما تدرين عنه
سجى وهي تطلع من الغرفة وبصوت واطي ماهر حبيبي قلت لفيصل إنه لمار تعبانة
ماهر بجدية لاااا يا شيخه لا تقولين
سجى بحزن والله حزني توه رجع وسألني عنها قلت له إنها بخير بس هو أجبرني أتكلم
تنهد الحين هو موجود
سجى دخل يتروش
ماهر إذا ما نام لما بجي الحين بسلم عليه وإنتي لا تشيلين هم اللي الله كاتبه بيصير
سجى الحمد لله على سلامة وافي
ماهر الله يسلمك حبيبي
سجى اوكيه بايات
ماهر بسرعة لحظة لحظة كذا من غير شي
سجى تستهبل شي مثل إيش يعني
ماهر دخل جو معها يعني شي من هنا وإلا هنا
سجى والعبط وصل حده هناك وشو يعني
ماهر عصب الله يقلع ابليسك انقلعي
سجى ههههههههههههههههههههههههههاي أحبك مهوري
ماهر هههههههههه فديتك حبيبي مع إني مو هذا اللي كنت أبيه بس أعرف الحين كيف آخذه يللا إفتحي لي أنا عند بيتكم
سجى نطت قول والله
ماهر هههههه والله وشوي وشوي سجو حبي لا يصير ع البيبي شي
سجى بغيرة وهي نازلة الدرج ايييه كله البيبي والبيبي أنا صرت كخه من الحين
ماهر بصوت ساحر يأثر بسجى إنت الأصل يا قلبي الأصل والبيبي الفرع
ابتسمت بحيا يسلموو حبي
ماهر بنفس الصوت يعني حبيبي بطول عند بابكم حفظت النقوش اللي فيه
سجى وهي تضغط زر الأنترفون ههههههههههه تفضل
.
.
.
من ايطاليا.. الشجار القديم سهل التجديد
>> نهاية الجزء الثامن عشر

[قلب الزهـــور]

خَنَقْتْ اْلْوَرْدْ يَآ يُمَهْ وَبِيَدِّيّ اِنْكَسَرْ ذَبْلَآنْ


>>الجزء التاسع عشر

متى وجدت الإرداة والصبر لا يوجد شيء صعب

..0..الحزن..0..
هو أن أصمت وفي داخلي ألم طفل يتكلم،،،

صنمت أول ما دخلني ماجد
ما في حركة ما في نفس عيني جات على طلال
وكأني مو مستوعبه ما نزلت عيوني
أحسها علقت مو راضيه تتحرك
استوعبت لما شفت نظرته وكأنه أسعد إنسان
وضحكة ماجد ربرب كل هذا تكحلي عيونك بالغاليين
بلعت ريقي الله يفشل ابليسك يا ماجد ما بعد صار زوجي
وبدل ما أطلع جلست
مدري شصار فيني أحس إني مو ربى والله مو حاسه بتصرفاتي
وهالمره نزلت عيوني ع السجادة
مرت ثواني هاديه
بس اللي فجعني
إني شفت طلال قام وجلس جنبي بيني وبينه كنبه تقريبا وقعد يناظر الأرض كأنه يدور شي
رفعت عيني لماجد استنجده لقيته يناظرنا كأننا معاتيه وفوق راسه عبارة
وش يحسون ذولي؟؟!!
ماجد أقول أخ طلال شفيك؟؟
طلال عدل جلسته وناظرني حسيته كأنه ما يبي يغمض عيونه
لأنه كان مركز نظره علي وبصوته الواثق
أدور اللي ربى تدوره
فهمت قصده انحرجت
وماجد قعد يضحك عجبته التريقه اللي طلال طلعها علي
وقفت
ولا اهتميت لنظراتهم بس قبل لا أخرج انتبهت بالمرايا اللي قدامي إنه طلال
بشخصيته الواثقة كان يناظرني ويبيني أجلس بس كرامته فوق كل شي لأنه يدري إني ما بسمع له
دخلت الحمام بسرعه
ناظرت شكلي بالمرايا
تنورة كلوش بنفسجيه وبلوزة بلون الذهب المطفي
تحت الصدر حزام عريض بنفسجي
شعري القصير الأسود مفتوح بحيويه وخدودي كانت بلاشر طبيعي
كنت مستحيه وبنفس الوقت حسيت بشعور حلو وأنا أتذكر مقابلتنا
ابتسمت برضا يا رب تسعدني وتكتب لي الخير مع طلال
انتبهت إني قاعده أدعي بالحمام
طلعت ولفيت من الدرج الخلفي ورحت غرفتي عشان ما حد يستلمني مو ناقصة
ما أمداني أدخل الغرفة إلا والجوال يدق حلفت ما أرد
كانت وديم
ألاحظ إنه هالبنت دايما تخرب لحظاتي الحلوه
لما ما رديت كم مره وصلني مسج
توقعت شي مهم
فتحته كان فعلا من وديم ومهم بنظرها وسخيف بنظري

"""ربوووه بدور الزفت ما راح ترجع قبل اسبوعين قال
الله ياخذ ابليسه زوجها يقهرررر مسوي فيها روميو """

ههههههههههه الله يعينك يا ماجد!!
سكرت الأنوار وفتحت الأبجورة الطويلة غيرت ملابسي ورميت نفسي ع السرير
ما بنام بس أبي أفرغ نفسي عشان أفكر بالأشياء الحلوه
لتين واتطمنت تدريجيا عنها مع إني أشك باللي يسمى بسام
وطلال وبيصير ملكي هالاسبوع مثل ما قال أبوي
ااااااااخ يا رب الله يرحمك ماما
غمضت عيونها وهمست مثل ما دايما تكلم أمها
ماما أنا فرحانة خليك راضيه عني...
أتمنى تكوني جنبي الحين أرتمي بحضنك وأخبرك بمشاعري
ضمت الدب الوردي لصدرها وحاولت تتذكر موقف طلال حتى ما تبكي..

دخلنا كان البيت هادي
الخدم يتحركوا فيه للحين
وخالتي يلدا الله يخليها جالسه تنتظرنا
ولما شافتنا كأنه جبل وانزاح عن قلبها
قامت أخذت ميرا بسرعة وضمتها وهي تمسح ع راسها قبل لا تعطيها خادمتها حبيبي وأخيرا رجعتوا شغلتوا بالي عليكم
باس راسها بسام
يلدا لا عاد تعودها وتطلع من غير الحراس يا بسام رضاي عليك معك لتين إنت مو لحالك
ابتسم بتعب تطمني عليها إذا كانت معي تسمعي خبر وفاتي منها هي بنفسها وهي سليمة
يلدا ولتين بعفوية بسم الله عليك
رفع حاجب يا بختي والله عندي أم وزوجة يخافون علي
وضمنا بيدينه العريضه
استحيت مو من شي قد من كلمة زوجتي للحين مو متخيلتها
يلدا عقدت حواجبها شفيها ثيابك ليه مبلله بتمرض بسام وعرسك بعد أسبوع
لفينا الاثنين على هالكلمة
شفيكم مو قالت لكم ماما؟؟
تكلمت بصعوبة عرس ايش خالتي؟
وبسام يناظرني وكأنه يستنى النتيجة
يلدا حبيبتي لتين ماما قالت لازم نسوي عرس حتى الناس ما تتكلم عنا
تعرفين مكانتها بالبلد وتهتم أمي بهالأشياء
وبعطف يللا لتين وافقي عشان خاطرها خليها تفرح فيكم
عقدت حواجبي متكدره لأنه للحين ما أعرف موقعي وبقية حياتي كيف بتكون وكثير أشياء في بسام وفي حياتي غامضه للحين ما فهمتها
:ها شقلتي توتا
فركت عيوني بتعب سووا اللي يريحكم ما فرقت معي
وطلعت الدرج
وأنا أسكر باب غرفتي سمعت خطواتهم ع الدرج
وقبل لا أقفل الباب حط يده بسام
فتحته باستغراب
ابتسم بود تصبحين على خير
بعدت عيوني وأنا أخلع حجابي وإنت من أهله
تركني وراح
سكرت الباب ورحت آخذ دش وللحين سالفة العرس مأثره علي
ماني متخيله إني بكون عروس لا ومع مين مع السيد
بسام
تنهدت بعمق وأنا أفتح المويه وأجلس فيها الله يقدم الخير..

....!ّالوفا الغالي توفا والألم حقق مرامه
قلت: يالمجروح قلبي كل خاين له ندامة
قالي: ياليت ربي حط للطيب علامة....!ّ

الظهران مول//Costa Coffee
حط الأكياس وأشر للجرسون لو سمحت واحد موكا بارد لف عليها ربى لاتيه صح
ابتسمت بتعب اييه زين انك ما نسيت
طلب لها وابتسم وهو يرجع شماغه على ورى أفا والله أنسى شي مفضل عند أختي الغالية
نزلت عيونها للأكياس تسلم
ماجد وش بيبقى لك الحين
بقى لي صندل عالي اممم التاج خالتي ليلى قالت لي بتجيبه محل تعرفه هي مثل ما انا ابيه
ووووحلق مناسب عشان الزفة بتكون قبل لا يلبسني الطقم طلال
قالت اسمه وابتسمت وعيونها تلمع
ابتسم ماجد بحب لهالدرجة تحبيه؟
استحت ربى وقالت وصوتها تغلفه نبرة ممزوجة بفرحة وحزن
أنا مو متطمنه من الكلام اللي قلته لي عن لتين وبسام
ماني متصورة هالإنسان يطلع منه كل هذا
ناظرته مو عارفه كيف توصل له الفكرة يعني مو متخيله أبد اللي قلته
طيب وش ردة فعل لتين بس هي امنيتي اعرف بوشو تفكر الحين
تتوقع تقبلته
قرب جسمه من الطاولة المربعه للكوفي وهو يحط يده بتفكير على ذقنه تتقبله ليه لا ؟؟
بس صعبه صراحة على اللي كان يسويه وتوسعت ابتسامته بعدين انتي ما تدرين وضع لتين يعني هي هناك بحاجة وغربة من الطبيعي انها تحبه لما تكون ما تعرف الا هو هناك خاصة لو عاملها بطيب واظهر الشي اللي يخفيه
بس لو كانت هنا ههههه اتوقع تروح عليه ولا كان فكرت تناظر وجهه
بس ارجع اقول الرجال ترى لهم تأثير على البنات اللي مثل لتين اللي تكون محتاجه عاطفيا حد يوقف معها ويحسسها بالأمان والحنان اللي هي فقدته من صغرها
سرحت بأخوها ولا انتبهت حتى على دخان الكوفي اللي قدامها
يتكلم عنها ولا كأنها بيوم كانت حبيبته
ابتسمت بألم هذا هو الحب الحقيقي إنك تحب الشخص وتتمنى له الخير سواء كان معك أو مع غيرك آذاك أو ما آذاك تظل تحترمه لأنه بيوم من الأيام كانت له مكانة خاصة بقلبك
يعني لو واحد غيره كان انفعل وما رضى يتكلم عن انسانة كان يحبها صارت لغيره
بس الظاهر هذا الوفا اللي قليل صار بهالأيام ونادر بين الناس
لكنه ما انمحى من قلب ماجد سواء للإنسانة اللي حبها أو لخويه اللي عرف عنه....
"أنا من الأشخاص اللي مؤمنه وموقنه إنه الوفاء في هذا الزمن للأسف شبه صار معدوم وما تعرف الشخص إلا بعد مصيبه تصادفك معه وكل شخص انعدم من الوفاء دخل ضمن قائمة المنافقين بأعمالهم وأخلاقهم لأنه يظهر شي غير اللي داخله الحمدلله الذي عافانا"
رفع صوته طلاااااااال
انتبهت عليه هاا شفيك تصرخ
من الحين أخذ عقلك يا ساتر
بعدت عيونها عنه لا والله اني ما كنت أفكر فيه
ماجد ابتسم اوكيه اشربي قهوتك عشان نرجع ليلى دقت تقول العشا جاهز
رشفت من القهوة اوكيه خليه يحطها لي سفري بشربها بالسيارة
لا خليك اشربي وبعدين نطلع
لا والله ماجد خلاص اصلا تعبت من العصر وحنا نلفلف
شدراني عنكم البنات ما يعجبكم العجب
وبابتسامة ليكون وديم كذا
ربى ههههههههههههه وأكثر يا حبيبي أنا رحمة جنبها
وبهمس الله يعيني
ربى وشوو؟؟
ماجد ولاشي خلصي القهوة خلينا نمشي
هزت كتوفها قلت لك خليها سفري ما رضيت!!

....!ّ حبيبي لا تجيني قول.. وين انت؟ وانا اجـي لـك
ابيك تقول وين انت.. وعلى عيوني انا اسعى لـك
...
وربي فوق روس الشوك.. لا اخلي القلب يمشي لـك
واخلي ظلالي يسبقنـي.. قبـل يحضنـي منزالـك
....!ّ

[قلب الزهـــور]

خَنَقْتْ اْلْوَرْدْ يَآ يُمَهْ وَبِيَدِّيّ اِنْكَسَرْ ذَبْلَآنْ

قلبت القنوات بطفش
تاله بعملها من الصبح تتدرب لعرض جديد نهاية هالأسبوع قبل العرس بيوم يعني يوم الثلاثاء وعرسنا الأربعا
لين بالجامعة وراكان بالمدرسة
ميرا للحين نايمه
وخالتي راحت تزور امها قبل لا أنا أصحى على قولتها تتفق ع العرس أحس أنهم متحمسين وأنا وبسام ما همنا لأنه ماحد يعرف بمشاعرنا أتوقع يدرون لكن مطنشين
على طاري بسام اكتشفت اكتشاف والله يستر من الجاي
بسام يدرس بمعهد طيران باقي له سنة ونص هي سنتين خلص نص وبدى بالكورس الثاني يعني!!
مطولين بإيطاليا
بعدت شعري وأنا أميل بجلستي ع الكنبة وبسخرية يعني كيف؟ وين تتوقعين يالتين تروحين هنا أهله وناسه وهناك مالك أحد لا أهل ولا ناس خاطري أعرف شي واحد عمي وينه وليه ما سأل عني ودور أكيد شايف له صيده تلهيه ما فكرت أسأل بسام لأني ما أبي أعرف عنه شي ولو خبرني بوفاته ما راح أبكي عليه
شخص واحد ما اشتقت لأحد كثره
أخوي،،،
عبد الله
والله لو شفته لأتصدق لـ100 فقير شكر لربي
شفت وجهها قدامي نسيت كل شي وأخذتها وبديت ألعب معها
: ميرو حياتي قولي مـ..ا..مـ..ا
ضحكت بطفولة وابتسمت ميري بحنان
أشرت لها تروح وأنا بمسكها
طلعت براسي بخليها تنطق ماما لو وش يصير
قعدت أحاول تعبت معها ومو راضيه بستها على خدودها الحمرا على طول
اففف ميرا حبيبتي ما لقيتي تاخذين من أبوك إلا العناد
: وش فيه أبوها عاد حدك إلا الوالد
رفعت راسي ع الصوت ما انتبهت وش قال
حط جاكيته الأسود الرسمي ع الكنبة وقميصه الأبيض مفتوحه ياقته وكتبه فوق بعض ع الطاولة
شكله راجع من الدوام
بلعت ريقي بتوتر من شكله الأنيق رغم بهذلته
قرب مني ورفعها بالهوا وباسها ميرا بابا شلونك اليوم
وبكل براءة طفولة ضحكت بصوتها ونطقت بعدم وضوح مـــ..اما
بغيت أنجن قالتها أخيرا
ناظرني بسام بصدمة سمعتي اللي سمعته
ابتسمت وعيوني تلمع وقمت باخذها منه أضمها قالتها تعبت وأنا أعلمها
تيبست يوم بعد يدي وضمني معها
وبصدق التمسته بصوته تدرين شكثر فرحت بنطقها ما كانت تتكلم أبد حاولنا معها من عمرها سنة وحنا نجيب لها الألعاب والمربية دايم تحاول تكلمها لكن ما في فايدة
باس راسي وابتسم تسلميـ...
تركته وجلست وبتوتر يزيد كان وديتها لأمها يمكن تنطق
ناظرني وهو مضيق عيونه رجعت تقول أمها
وإنتي وين شايفتها جالسه إن شاء الله
بسام لا تستهبل ودها لأمها حرام عليك تحرمها منها من يوم جيت ما شفتك وديتها لها
زفر ونادى ميري خذيها وديها لأمي شوفيها جات
أخذتها وأشك إنها فهمت كلمة وحده
جلس قدامي وهو يفتح باقي قميصه وهو رافع حاجب ناظرني ما بيننا مسافة
: إنتي منو قالك إني متزوج وعندي بنت بعد وميرا بنتي؟؟؟
كتمت نفسي وأنا ألعب بأظافري مدري شقول استجمعت قوتي لين متى ساكته وانحرق بمكاني
وبنظرة حسيت شوي وأبكي إنت قلت..أنا سمعتك
ناظرني بصدمة أنا!!!؟؟
وانا امسح دموعي اللي بدت تنزل مدري ليه يمكن لأني أحس بالضغف قدامه
كنت تكلم بالتلفون زوجتك وقلت بوسيها وقولي لها بابا مشتاق لك وياويلها تنساني
بسام ابتسم ر غم استغرابه وحافظه النص بعد اخخ منك يالتين وتكذبين عيني عينك وتقولين إني ما أعني لك
انهارت هي متضايقه وحالتها صعبه وهو بكل بساطة يبتسم
حطت راسها بين يدينها وهي تمسح دموعها بألم
حط يده على كتفها المهتز من البكا لتين...
بعدت يدينه ما أبي منك شي ولا تبدا باسطوانة اللف والدوران والتطنيش
قال بسرعه اوكيه قولي لي كيف جزمتي إنها بنتي وإني متزوج بس عشان هالمكالمة
ما ردت هذولا هم الرجال يسوون اللي يبون دايما وبعدين بكل برود ينكرون كل شي وكأنه شي ما صار
لما شافها ساكته قرر يكمل مسك يدها
ما قاومت
:ميرا أختي مو بنتي!
رفعت عيونها وجات بعيونه ظلت تناظره بصدمة
كمل بصدق أنا مو متزوج صحيح عمري 28 سنة بس مو متزوج لأسباب مو لازم الحين تعرفينها
وقفت بذهول مستحيل مستحــــيل اللي يصير معي
وقف معها لفها لجهته وكمل بصوت هادي إنتي زوجتيني وخليتيني أخلف وسميتي بنتي بعد
قاطعته وعيونها مغرغرة وبهمس ليه ما قلت لي؟؟
قرب راسها منه وضمها مسح على كتفها بحنان إنتي أول إنسانة أتزوجها وما قد لمست مره بحياتي حتى إنتي وإنتي زوجتي!
استحت وهي تبعد عنه وتمسح دموعها
إنت ما خليتني أدري عن شي كل شي فيك غامض
رفع حاجب وتظنين إنك كتاب مفتوح يا لتين 6 سنوات وأنا أشتغل عند عمك وللحين ما أعرف كل تفاصيلك الداخليه
عقدت حواجبها بعدم تصديق!
أردف يوضح قلت داخليه يعني ما أعرف شي عن مشاعرك بس وإلا الباقي حافظة مثل اسمي
لتين بابتسامة سخرية وما كفاك؟؟
قرب منها ومسك كفينها من أطراف أصابعها وهو يتأملها وبصوت هامس
أنا أجهل أهم جزء فيك واللي أنا معاك عشانه
قرب يدينها له وباسها فهمتيني؟
فهمت وكيف ما أفهم وهالإنسان صار في داخلي عالم!
اكتفيت بابتسامة أمل من غير لا أرد
دخل راكان وهو يلهث ههههههههههه الحقوا أمي دخلت بنقاش حاد مع خالتي جيهان عشان العرس
ناظرناه حنا الاثنين ويدي للحين بيده
تكلمت لما ناظرني بسام راكان قول لأمك هي تتكفل بكل شي جيهان مالها دخل ولا أحد طلب رأيها
راكان بس هذي خالتك يالتين!
انزعجت قلت بضيق وأنا ما أعترف
قال بإصرار اعترفتي والا ما اعترفتي هي خالتك وخالتي نجد أمك بعد
من بين اسناني نطقت بقهر راكــــــــــــــان
وباستفزاز رد نعـــــــــــــــــــم
ناظرت بسام بترجي وقهر بساااااام
وكأنه أحد كب عليه مويه بارده انتفض نعم
كملت بعفويه ناسيه أنا وش لابسه "شورت مخطط فوشي وأخضر وأزرق وبلوزة بكم طويل بيضه وبالوسط فيها قلب بنفس لون الشورت"وأنا اتمسك فيه بدلع شوووفه
لف عليه بسام راكان اعقل وبلا تفاهه
راكان بخبث عداااااااال لا تذوب علينا بس
شفت شي يطير وراكان يهرب
ووراه بسام
ناظرتهم بهباله وخدادية الكنبة الصغيرة طايحه في الأرض بعد ما أصابت راكان
فديت بساااام ما يرضى علي
تاله ههههههههه شقايل راكان
ناظرتها وهي طالعه الدرج ابتسمت وصل لك
تاله ههههههههه بسام تحت معه شافهم أبوي ويوم سأل
قاله بسام إنه راكان يعلق تعليقات تخدش حيائك
ضحكت وضحكت من قلب بعد مو لشي قد ما لأني فرحانة اليوم بس لأني عرفت إني أول بنت بحياة بسام!
يالله شكثر حلوه الكلمة
الحمدلله يا ربي
طالعت تاله اللي جلست ع التلفزيون بلبسها تلوو شسويتي اليوم
جلستني معها بحماس وتركت التلفزيون توتا عندي لك اقتراح وجدتي شجعتني عليه وقالت لي أنا أسألك
ابتسمت بتفاؤل وشو؟؟
سحبتني لها وباستني بقوة بعدتها واستغربت تلوو ما أحب بنت تبوسني
غمزتني بخبث بالله طيب إذا ولد أقصد إذا بسام عادي؟؟
ضربتها على كتفها وخدودي حمرت قليلة حيا أصلا إنتي من يومك
ههههههههههههههههههههه اوكيه اسمعيني
يوم الثلاثاء بيكون العرض
وطبعا أي مصمم أو مصممه غالبا يكون آخر التصميمات فستان عروس
ومدام إنتي عروستنا إخترناك إنتي تلبسيه وتاخذيه بعد العرض يعني يكون فستان زواجك هديه من دور التصميم حقت جدتي
سكت أفكر والله قويه الحركة يعني أكون عارضه بذيك الساعة نو نو ما أبي
صرخت بوجهي لتين مو على كيفك إحنا قررنا وخلاص
جلست لين بعد ما سلمت وواضح وجهها مصفر تذكرت سطام الله ياخذه كل اللي فيها منه الله لا يوفقه آمين
دامكم قررتوا ليه جايين تقولون لها
اييه والله صادقه ليه جايين تقولون لي الحين
تاله زفرت بعصبيه أولا لين بلاش تتقمصين دور عبد الله بن أبي سلول الحين
ثانيا لتين أنا أمزح استغفر الله كذبت ما قررنا جدتي ما رضت الين توافقين
ابتسمت على عصبيتها وناظرت لين شرايك لولو
ابتسمت أنا أقول حلوه الفكرة وما بينقصك شي لو نفذتيها
تنهدت أوكيه عشان خاطر جدتي أسوي أي شي
وبسرعة هجمت علي وطبعت بوسه طوييييييله ع خدي
حسيت أحد بعدها عني
شفت بسام يناظرنا بعصبيه خييييير تاله؟؟
فهيت أنا وجهي صفر شلون يفكر هذا
تاله بابتسامة غبية وشوو يعني زوجتك حلال عليك وحرام علينا
قرب راكان ببرود ومد يده قدامي ممكن
ما فهمت عليه
أشر ع يدي
صرخ بسام فيه راكان وتبن
انفجع وجلس ع الكنبة يا لطيييف كأنه ماحد تزوج غيره اففف استغفر الله ما فيها شي لو بست يدها يعني هي مثل أختي
بسام وكان جالس جنبي وأنا أطالعه بابتسامة هادئة أختك بعينك لتين مالك دخل فيها
تأفف بطفوليه لتين لتين لتين لتين طفشتنا إلا صح ع الطاري لتين وش معنى اسمك
ابتسمت تصدقون إني ما أعرف رجعت ظهري ع الكنبة وهزيت كتوفي ما أعرف
أفااااا يا ذا العلم ما تعرفين معنى اسمك وبفخر ضرب على صدره أما عني فأسمي يدل على الرزانة والوقار والعزة
تاله وهي تلعب بشعرها ايييه صح مره يقولون انه راكان نوع من أنواع الكلاب
الكل هههههههههههههههههههههههه
راكان بقهر أخفاه يعني مو أحسن من التالوله إنتي لتين إذا ما تعرفين وش معنى تالوله أعلمك يعني الحبة اللي تطلع بالجلد يسمونها بعضهم إثلول وحرك حاجبه يقهرها
تاله بغرور هييهييي يا حبيبي اسمي معناه النخلة الصغيرة
شكبرك قد الحمـ## وصغيرة بعد
بسام وهو على وشك يضحك على مناقرهم راكان احترم نفسك والا ابعرف كيف اخليك تحترم غيرك عدل
سكت بضيق
ناظر لين بحنان وإنتي لين وش معنى اسمك
ردت بنعومة وهي تمسح ع خدودها الورديه لين يعني ضد الخشونة النعومة والرقة
راكان بحب يا علني أفديك يا أختي أول مره أشوف وحده إسمها مناسبها مو أخوك بسام من كثرة الإبتسام المفروض نسميه كشرام
قالها بطريقه مسرحيه ضحكتنا كلنا حتى بسام ضحك
طالع بلتين اللي قاعده تضحك من قلب كأنه صار لها سنة ما ضحكت
لمعت عيونه بنظرة حاول يخفيها لا تكشف نواياه
غطت يدها بفمها وهي تضحك
ابتسم عجبتك هاا؟؟!
لف عليهم أجل أنا بقولكم وش معنى اسم ميرا
له عدة معاني بس اللي حنا أخذناه إنه نوع من أنواع الزهور وإلا كيف لتين ؟؟
لتين ابتسمت حتى أنا سمعت إنه نوع من أنواع الزهور
ناظرها ولف اوكيه واسم لتين معناه
رمشت يعرف معنى اسمها؟؟!!
تنفست ببطأ وسعادة وهي تسمعه
تاله بحماس اييه وش معنى اسم لتين صراحة أنا أول مره اسمعه بس عجبني
بسام معناه شدة الحلاوة
راكان بزهق شوف عاد نعرف انها زوجتك وانك تحبها ما قلنالك تغزل فيها قلنا نبي معنى اسمها
بسام شلون تفكر انت؟؟
راكان ههههههه من جد والله
بسام بجدية من جد وسحب لتين لحضنه يعني مو مبين عليها
لتين خدودها حمرت
صفر راكان يا ويل حالي شوف خدودها وش صار فيها
بسام ابتسم مالك دخل
ع الاقل فيها حيا مو مثل بعض ناس ربي حارمهم هالنعمة
راكان بطرف عينه شقصدك؟؟
تاله هههههههههههههههههههههههه
راكان بقهر اضحكي انتي مره يضحك صراحة بموت أنا
لين ابتسمت وهي تقوم بدو مناقرهم تاله وراكان الله يعين
وقفت الخادمة باحترام Il cibo è pronto
"الطعام جاهز"
وبدقايق كان الكل من أكبرهم لأصغرهم ملتفين حول السفره

[قلب الزهـــور]

خَنَقْتْ اْلْوَرْدْ يَآ يُمَهْ وَبِيَدِّيّ اِنْكَسَرْ ذَبْلَآنْ


سلم عليه بحرارة هلا والله وغلا مرحبا بالنسيب
هلا فيك يالغالي ها شلون أسبانيا يا فيصل
ابتسم فيصل ابتسامة باهته حلوه
ماهر بتفهم إن شاء الله انبسطت عاد وافي موصيه فيك أنا ويقول إنه ما قصر
فيصل ههههههه أكيد دامه أخوك ما بيقصر
تسلم والله
ضيفته القهوة سجى أخذها منها وجلسها ارتاحي انتي
سجى بمشاكسه فيصل قم خذ القهوة من ماهر
فيصل قام هههههههه وتتأمر بعد
ماهر يسحب الدله حلفت ما تاخذها استريح لف على زوجته سجو وش هالحركات
ابتسم فيصل وجلس ما له خلق لشي
سجى حاست بوزها إنت ضيف وهذا بيته
ماهر مو ضيف يا سجى لين متى أعلمك بيصير بحضنك ولد وإنتِ للحين بهالعقل
سجى فتحت عيونها إنتـ... ماااااهر شووووفه
ماهر ابتسم وهو يعطي الفنجان لفيصل وش علي منكم أخ وإخته
سجى عصبت تركت الفنجان انزيييين وطلعت وتركتهم
فيصل وماهر هههههههههههه
ناظر ماهر بفيصل بتأمل ضيق عيونه فيصل
فهم عليه همممم
للحين تفكر فيها؟؟
الحين وبكره وبعده إنسانه عشت حياتي وتفكيري معها ماقدر أنساها
وبألم جاوبه شسوات طيب قولي الحل ما لك إلا النسيان
فيصل حط رجل على رجل شف ماهر أنا فكرت بشي خلني أقولك هو
ماهر معه وباهتمام قول نورنا يمكن تفيد بشي
حك راسه وهو معقد حواجبه أنا قررت أتزوج لمار ونتبنا عيال مو شرط نجيبهم
فتح فمه وشوووو!!
فيصل بضيق ماهر أنا ما قلت لك عشان تعارضني أنا أتكلم جد وبألم وحزن كمل
لمار تعبانه ويقولون حالتها صعبه وأنا مقدر أشوفها كذا وأجلس ما اسوي شي
ماهر بينجن من جده هذا اييه بس فيصل العيال زينة الدنيا إنت تقول كذا الحين بس بكره بتتمنى العيال وإذا إنت ملت عليك حياتك لمار هي أكيد بتتمنى تحس بالأمومة ويكون لها طفل منكم إنتو الإثنين فكر زين يا فيصل قبل لا تتخذ أي خطوة بحياتك
زفر زفرة عميقة دخلت عليها سجى
ماهر وقف اوكيه فيصل أنا أشوفك بعدين الحين لازم نخرج
فيصل وقف الله معكم
قرب لزوجته ومد يده يللا حبيبتي
ناظرته بطرف عينها وتقدمت عليه
طالع فيصل وابتسم قول آمين
فيصل من غير نفس هههه آمين
ماهر الله يعيني عليها ويعينك ياااا رب

تناظر التلفزيون مع أمها لفت عليها بابتسامة ماما بروح عند ربى
أم سامر وهي تناظر بنتها شلون تروحين لها أكيد مشغولة الحين تجهز لملكتها هالأربعا
وديم بترجي ماااااااما بساعدها
قطع حديثهم دخول سامر من العمل
جلس وهو ماسك بطنه يممه جوعاان حدي
ابتسمت بحنان ثواني ويكون الأكل قدامك وديم حبيبتي قومي حطي له الغدا
ناظرته بتأفف انزيين
ابتسم بخبث شفيك تناظريني كذا
وهي تروح بس لأنه طلباتك كثرت
أفا والله وهذا اللي بتفارقنا وكذا
مدت راسها من المطبخ بفجعه ليش أفارقكم
ابتسمت أمها يمه البنت لا كبرت لازم يصير لها بيت بروحها
وقفت عندهم باستغراب وهي مفهيه شلون يعني؟؟ بتطلعوني من البيت
ضحك سامر والله إختي عليها غباااااء
زفرت بضيق مااااا فهمت
مسح على وجهه بتعب وهو يفصخ الشماغ مو لازم تفهمين أول جيبي الغدا وتعالي أقولك
وطيران راحت والفضول يذبحها
ليكون بيتخلصون مني وييي ليش طيب
وبالها مشغول حطت الصينية بقوة قدامه ع الطاولة القزاز وطلع صوت عالي
سامر عقد حواجبه بعصبيه شفيك انتييي شوي شوي
وديم جلست سوري ما قصدت
ايييه من الحين بدت تفكر الست
وديم عصبت شوف ما أحب أحد يكلمني بلف ودوران قول اللي عندك بصراحة
ضحكت أمها عليها ما هي عارفه وش بيجي لها
سامر توسعت ابتسامته وهو يشمر أكمامه ويمسك الملعقه انزين يا أم الصراحة
ولد خالتي ماجد طلب قربك وينتظر ردك
وديم بصدمة وشوووووو؟؟؟؟!

قدام البحيرة بجلسة الحديقة الخارجية الجو حلو الشمس طالعه تعتبر وفي نسمة برد خلتني أحط سكارف ع رقبتي وشال صوفي بألوان الورد من خياطة لين غطتني فيه برقة
حسيت قلبي يتقطع عليها وتحسبت بقلبي على سطام اللي مستغربة منه
إنه أهلها ساكتين واللي عرفته بعد إنه جدتي سوت مشكلة وقت خطوبتها لأنها مو موافقه عليه والعله مو من مستواهم يعني أنا وش أصير لكن لأني من العائلة حبتني وشجن يا حبي لها هالبنت مره طيبه أبوها سفير
ناظرت بطنها ما تعتبر كبيره بالشهر السادس لكن خالي إياد مره متعلق فيها
ابتسمت الله يخليهم لبعض
ريحة كيك الليمون من دادا لينزي طباخة البيت تشق الأنفاس مع قهوة الإسبرسو المركزة
مزيج مريح ومنعش
جنبي خالي بشير شي ثاني هالإنسان أحسه غريب وفي غرور شوي للي ما يعرفه بس يموت بشي إسمه لين
مره يحبها وما يرضى عليها وهو السبب إنه سطام ما يجي بيتهم لأنه مو عاجبه ودايم يتضارب معاه
جلستنا عائلية كلهم جالسين
عمي بدر وهو حاضن بنته ميرا ناظرني بمحبة سمعت يا لتين إنه ميرا نطقت على يدك
ابتسمت بإحراج اييه عمي
قاطعني مو قلنا أنا أبوك
ناظرت الكل بحيا اوكيه بابا
ابتسم عيون أبوك أبيك تعلميها تقول بابا بعد
ضحكت بخفه هذي أعتبرها غيرة
ههههههههه بنتي مثل ما هي بنت يلدا وإلا
يلدا وهي تاخذ من الخادمة طبق كيكة الليمون غرآآتسي
ناظرته بحاجب مرفوع من يومك تغار مني
بدر بإنكار أنا؟؟؟؟!
الكل ههههههههههههههه
يلدا بس يا حلوها من غيره عسل على قلبي
ابتسمت بود سبحان الله الحب واضح بينهم الله لا يفرقهم
راكان بمشاكسه نط مااااااااام
ابتسمت وش عندك راكون
راكان بدلع ماما إليسار تبي تجي بيتنا تتعرف عليك وع لتين
استغربت ليش أنا بالذات وبعدين مين ذي إليسار
تاله أروت فضولي وهي تتخصر وليش لتين بس؟؟
راكان بغرور لأني أحكي لها عن مرة أخوي الحلوه وقالت بتشوفها
مدري ليه لا إردايا ناظرت بسام
شفته يطالع بجواله ورفع عينه وناظر راكان ورجع مره ثانيه للجوال
انقهرت واضح إنه مو مهتم
وشوي انتبهت على خالتي تهاوش راكان أنا كم مره قلت لك اترك عنك هالحركات
راكان بزعل يمه أنا صغير حر ام عليك بعدين هي تحبني
فتحت عيوني أستنى ردة فعلهم من كلامه
بدر يتصنع العصبية حبتك القرادة وش تحبني ما تحبني توك صغير على هالسوالف التهي بدراستك أحسن
يلدا تركت صحنها بعصبيه راكان أنا وش قلت لك على هالبنت الكافره
جدتي برزانة صحيح إنها صغيرة بس ما ينفع تصاحب هالأشكال يا حبيبي
راكان بزهق انزين من اليوم إذا شفتها بقول لها انقلعي من وجهي أنا ما أماشي كفار
الكل هههههههههههههههههههه
ناظرته بضيق هاليومين صاير ما يجلس معنا واليوم بالقوة صادته جدتي وهو جاي من المعهد أحس في شي شاغله وعلى طول الجوال بيده ومكالمات وما يكلم قدامنا
شجن بهمس لتين شفيك؟
أنا بسرحان ولا شي بالي مشغول شوي
شجن مسكت كتفي بطيبه وأشرت على بسام بعيونها فيه
توترت وهذا دليل إجابتي بنعم
همست لي قبل لا تقوم اصبري وكل شي يتصلح
راحت لزوجها
شفته يحاوط كتوفها بيده ويسند ظهرها ع الكنب بابتسامة رسم الحب فيها بريشة العاشقين
رجعت عيوني لبسام
فجأة رن جواله قام ع استعجال ودخل
هبت نسمة بااردة انكمشت على نفسي حتى في داخلي برد
ما عاد أعرف وش فيه
صحيح ما عمري فهمت عليه بس كانت تصرفاته الغريبة معي تعجبني والحين من فتره وهو مهمل كل شي
ناظرت جدتي وهي تتكلم عن رويد
بشير ناظرني أنا ولين ودي أعرف وش السر اللي مخلي أمي تعشق حفيدها بهالطريقة
ابتسمت حتى هذا يغار!
لين بابتسامة صافيه تدري وش صار فأبوه وكيف حاله الحين هذا اللي مخوفها عليه
حط يده قدام عيوني لتوونا وينك اليوم بس تسرحين
قلت بإحراج لا بس اا
ضحك لا تكملين عروس ومشغوله ندري فيك بس هاا لا تشيلين هم ولد أختي يعجبك
بلعت ريقي وش يقصد هذا؟؟
ضحكته العاليه ونقيضتها ضحكة لين الخافته خلتني أستوعب إنه قال شي محرج بس لأني ما فهمت اكتفيت بابتسامة إحراج
وعقلي مع اللي داخل يكلم للحين ما طلع وأظن إنه ما بيطلع...!

[قلب الزهـــور]

خَنَقْتْ اْلْوَرْدْ يَآ يُمَهْ وَبِيَدِّيّ اِنْكَسَرْ ذَبْلَآنْ


اسمع دق ع الباب
زاد الدق وبإلحاح أزعجني وقومني من عز نومتي
صرخت بصوت مدري من فين طلع مييييييييييييييين؟؟
وربي لو هي وديم ما راح تعدي عليها بخير
جاني صوت إمي مرتاعه يمممه سامر افتح
رميت اللحاف ونقزت من السرير
فتحت الباب بخوف من نبرة صوتها خير يمه صاير شي
أمي ودمعتها بعينها يممه وديم من يوم دخلت غرفتها ما طلعت للحين وما ترد
رجعت شعري بقوة على ورا وأنا أتوجه لغرفتها الحين كل هذا حيا عشان ماجد من يوم درت عن الخطبة دخلت غرفتها وللحين؟؟؟
دق الباب وديــــــــــــم
وبصوت أعلى وديـــــــــــــــــــــــــم افتحي
لف على أمه اللي تمسح دموعها يا ويلي على بنتي وش جاها
سامر بعصبيه بطلع أجيب مفاتيح السبير
ثواني ورجع
دخل المفتاح بالباب وقبل لا يحركه انفتح وطلعت وديم
بعيون ناعسه وشعر مبعثر وأزارير بلوزتها مفتوحه هااا شفيكم ازعجتوني جبتولي الصدا.. وقبل لا تكمل شافت أمها تحضنها بقوة وسامر يطالع فيها الود وده يذبحها وبنفس الوقت ارتاح إنه ما فيها شي
ولأنها من النوع إللي ما تظهر مشاعرها بعدت عن إمها بخفه وش صاير ماما
خوفتيني عليك يا بنتي
سامر بعصبيه وبشبه صراخ ممكن تفهميني وش هذا اللي سويتيه
عقدت حواجبها ببراءة وش سويت؟؟
نايمه ومقفله الباب وندق عليك كأنك صمخه كل هذا نوم
وبلا مبالاة بعدت شعرها عن عيونها وبتثاوب قالت تأثير الصدمة
: خير شفيكم أصواتكم لتحت
باس راس أبوه أبد يبه وناظر وديم بقهر مسوية لنا فيلم بنتك
ابتسم أبو سامر وفتح يده
راحت له وديم بحيا وضمته دادي والله ما سويت شي هم مكبرين السالفة وتعرف امي قلبها رهيف
أم سامر طالعت فيه طيحت قلبي هالبنت بتموتني ناقصة عمر
الكل بسم الله عليك
أبو سامر وش سويتي؟؟
وديم مدت بوزها قالي عن عن...
سامر علق الشريط .... عن ماجد يبه
وديم طالعت فيه بقهر ابتسم أبوها بحنان إييه
نزلت عيونها في الأرض من الصدمة قفلت على نفسي الباب ونمت ما حسيت فيهم
أبو سامر حصل خير ههههههههه طيب قفلي بلوزتك وإلا بس فالحه تقفلين الأبواب
حطت يدها على صدرها وشهقت البلوزة كلها مفتوحه من فوق
وسامر عشان يحرجها ضحك بصوت عالي
ومن الفشله مسكينة رجعت دخلت غرفتها
أبوها بصوت عالي لا تقفلين الباب
الكل ههههههههههههههههههههههههههه
أم سامر بحزن والله بنفتقدها
أبو سامر مسك يدها وهم ماشيين ماهي طايره إن شاء الله بتسكن هنا أفهم من هذا إنها وافقت
سامر وهي خلت فيها موافقه قالت وشوو؟؟ وطارت على فوق ما شفنا وجهها إلا الحين
أبو سامر ههههههههههههه إرفق فيها يا ولدي هذولي البنات ما يبيلهم الشدة كل شي بالطيب يجي

12:30 تورينو//إيطاليا
كنت أشوف بعض الملابس لبعد العرس اللي وصتها لي خالتي يلدا من ميلانو وجابها اليوم معه عمي بدر
رجعت التنورة القصيرة للدولاب ارتبكت وأنا أتذكر عمي بدر وش قال
الدور اللي فوق بيقلبوه جناح خاص لنا أنا وبسام
ماني مهتمه بشي بس خايفه مدري ليه
سمعت دق ع الباب
ادخل
دخلت جوليتا
آنسة لتين هناك طردية لك بالأسفل
طردية؟؟؟ طردية ايش؟؟؟
أخذت غطا حطيته ع كتوفي احتياط ونزلت
وينها؟؟
فتحت لي الباب جونا كوي سنيورا "هنا سيدتي"
حطيت الغطا ع راسي
وأنا مستغربة الوقت متأخر والبيت كله نايم بهالوقت هنا ينامون بدري ويقومون بدري
عتبت الباب وعضيت شفتي بصدمة

....! وقف دمعي من عيوني.. ابي من عينك ابكي لـك
اخاف ابكي من عيوني..! وابعثر جيت وصالـك....!ّ
دخل البيت والإبتسامة شاقه حلقه
باس راس أمه وجلس جنبها وأخذ الدله يصب له قهوة بكل رواقة
ها يمه وديت المهر
اييه توني راجع ومريت ع فيصل
أم إبراهيم الله يوفقك يا ولدي
آميين وكأنه فجأة تذكر وتشوشت صورة ربى بفكره وحلت محلها دموع لمار ويأس فيصل
قرب من أمه وحط يده ع فخذها يممه بطلبك لا ترديني
أم إبراهيم بحنان آمر يا ولدي
وبهدوء ناظر عيونها يمه تدرين إنه أخواتي سواء سلاف أو أم خالد غلطوا بحق عيالهم فيصل ولمار
تنهدت أم إبراهيم
أدري يا ولدي لكن وش بيدنا نسويه
طلال بحزم يمه هم غلطوا وحنا مو مستعدين نخسر هالولدين لازم نزوجهم
أم إبراهيم بعصبيه وشلون نزوجهم يا طلال وهم ما يتوافقون
طلال وهو بعد بدا يعصب يمه مثل ما علقتوهم ببعض لازم تجمعوهم وفيصل توني طالع من عنده وربي حالته ما تسر لا عدو ولا صديق وسلاف قاعده تبكيه يمه لمار بتروح من إيدنا وحنا جالسين نناظرهم فيصل معزم إنه يتزوجها حتى لو ما يجيبون عيال وهو سأل خالد وخالد تعرفينه كيف يعز خواته وهو مسؤول عنهم ولولا إنه عارف حالة إخته كان ما وافق وأقنع أمه بعد لكن هي خايفه منك إنتي وش ردت فعلك
أم إبراهيم وكأنه جتها مصيبه وعمك أبو فيصل وش رايه بهالبلوى اللي ناويينها
طلال حط الفنجان وزفر عمي موافق وهو مكره لكن وش بيده
ناظر لبعيد أخفى عنها سر التبني لأنها بترفض أكيد
طلال القوي اللي ما يهزه شي تأثر بهالسالفة توقع فيصل يروح معه يسافر ينسى كل شي لكنه كان يشوفه وهو يناظر ذاك الصبي يوم يطلع ع السطح بوسط الليل ومعاه مزماره
كان يشوفه وهو يمسح دمعته بألم وحرقه ولوعة
وكيف يقوم من نومه بوسط الظلمى ويدعي ربه
غمض عيونه بقوة يمنع الدموع لا تاخذ مجراها على خده
رفع راسه بشموخ وبقهر مدري هي حركات بزران أو مراهقة متأخرة مدري
وبعصبيه رمى الفنجان من قدامه اللي قاهرني إني محذرهم يتركون هالحركات اللي ما لها داعي وشوفي وين وصلتنا
أمه وهي تمسح دموعها خلاص يا ولدي قدر ربك ومكتوب
قام وهو ياخذ جواله عن إذنك يمه بطلع أريح راسي من هالمصايب اللي كل مالها تزيد
طلع وتركها ترثي أحفادها اللي ما تهنوا بشبابهم

....!ّ اظهر قواة البأس والضعف خبه.. ترى الضعيف ضعيف لا طعم لا لون....!ّ
غمضت عيونها بقوة وهي تاخذ نفس بخوف ناظرت البوكيه مره ثانيه هذا وش جابه أنا ما صدقت أنسى
نزلت للأرض لمست أوراق ورد الروزماري الناعمه
بلعت ريقها وهي تشوف ورقة صغيرة بين الورد خرجته بارتجاف
كان مرسوم فيها حرف وحيد من غير ولا عبارة
r
رفعت راسها تيبست
حطت يدها على فمها وهي تشوف المتلثم
لوح لها وراح
اختفى عن نظرها
وبرعب وقفت وش يبي فيني يا رب تساعدني
ناظرت جوليتا خادمتها واقفه وراها وبهمس أمرتها تشيله تطلعه على غرفتها
ثواني ولحقتها هي
دخلت الغرفة بسرعة وخلعت حجابها على صوت تسكيرة الباب وخروج جوليتا طاحت عينها ع الرف الطويل الزجاجي بجدار الغرفة
عادة يزينه مجموعة تحف لكن الحين
كل البوكيهات اللي تلقتها لتين قبل كانت مرصوصة فيه
وبصوت عالي وهي تكلم نفسها يا ربي من فين طلعوا ذولي أنا تركتهم عند العجوز ليزا
قربت من البوكيهات نفس التنسيق نفس الشكل والريحه ما تغيرت
ولأنها كانت تشتغل كبائعة تدري إنه فيه ماده خاصة تحفظ للورد شكله لمده
بس هذي مده طويلة تقريبا شهرين
ومع بطايقها وحروفها كاملة ناظرت البوكيه اللي قبل هذا وكان يحمل حرف الـ e بزهر الخوخ

مسحت جبينها بعرق متوهمته وفجأة انفتح الباب ودخل اللي ما تمنت تشوفه هاللحظة أبدا
جلس ع الكنبة توقعتك نايمه وأدق الباب ما تردين
ارتبكت وتلعثمت ااا لا كنت بنام
رفع حاجب اشفيك؟
لتين بخوف وقلبها يدق بقوة ولا شي
انتبهت غريبة وش جابه بسام بهالوقت
كان لابس بيجامته وشكله توه متروش
قام جاي لها
وصلت حدها بالخوف يا رب ما ينتبه
قرب لها هزها من كتوفها لتين وش فيك؟؟ ليه وجهك مصفر؟؟
خوفها تحول لهجوم قالت بعصبيه ولاشي اتركني أبي أنام
ناظرها لفتره ورفع راسه بيروح تحولت عيونه للي وراها
فتح عيونه باستغراب وش هذا؟؟
لتين مسكته ولا شي بسام اطلع أبي أنام
ناظرها بنفس النظرة وبعدها عن طريقه بخفه وراح للرف الزجاجي
ناظر البوكيهات ورجع ناظرها
بلعت ريقها للمره الألف
يوم طرح عليها السؤال
: من فين جايبه هالورد؟!
الخوف اللي فيها والربكه هي اللي تخلي اللي قدامها يشك
وبعصبيه مالها داعي ما أدري جيت لقيته هنا
ولما قرى الكروت رفع عينه لها بعصبيه كست ملامحه ومن بين أسنانه لتــــين من صاحب هالبوكيهات؟؟
زفرت وهي تتكتف قلت لك ما أدري
راح لها مسكها من يدها ونفسه بدا يعلى ما بتتكلمين؟؟ يعني من بيكون جابها انخلقت من حالها بغرفتك ووش هالحروف اللي بالكروت
لتين بخوف وقوة قلت لك ما أدري
على صوته على صوتها تدرين.. كلها ما تدرين عنها شايفتني مخبول قدامك!!
بدت أطرافها ترتجف لكنها للحين متماسكه صرخت بوجهه يوم رص ع ذراعها قلت لك ما أدري اتركنــــي وبألم يدي تعورني
تركها بنظرة احتقار الود ودي أعرف ليش تكذبين؟؟ هاا تكلمي؟؟
وبصراخ ما أدري قلت لك والله إني ما أدري مين هو بس إنه واحد متلثم كان دايم يطلع لي وفتره انقطع والحين رجع أنا ما أدري عن شي
دق الباب وسمع صوت أبوه
وبصوت حاول يهديه يبــــــــه ما فينا الا العافيه
رجع لها وهو زام شفاته الرقيقه وراص ع أسنانه ما أعتقد إنه من صالحك هاللي قاعده تسوينه يا لتين
تدرين فيني لا حطيت أحد براسي
وبنظرة ذبحته لأنها ضعفت وبدت الدموع تتجمع بعيونها قلت لك ما أدري عن شي واللي تبي تسويه سويه أصلا أنا ما عاد يهمني شي حتى لو رجعت بسام الأولي
بسام الظالم الكريه المستغل
كل شي فيك هاليومين ذكرني فيك يوم كنت تشتغل عند عمي
وعمرك يا بسام ما راح تحرك فيني شعره لأني أدري فيك ماخذني ليه أنت حر وياليت تنفذ عملك بأسرع وقت وتوصلني لعمي
مسحت دمعتها بضعف وعزة نفس رجعت لها بهالوقت
تركته ودخلت الحمام
ناظر الفراغ تنهد براحة عميقة يخالطها الألم وخرج
.
.
.
من ايطاليا.. المصيده لا تجري وراء الفئران
>> نهاية الجزء التاسع عشر

[شمس القوايل]

يعطيج العافيه قلب الزهور ع البارت الرائع

ننتظر المزيد لاهنتي

[قلب الزهـــور]

اقتباس المشاركة الأصلية كتبت بواسطة شمس القوايل يعطيج العافيه قلب الزهور ع البارت الرائع ننتظر المزيد لاهنتي

هلااااااااااا وغلااااااااااا
يسعدلي قلبك ويسلمووو ع الحضور الرآئع بصفحتي
تقبلي شكري تقديري واحترامي
مع تحياتي قلب الزهور
بباي

[قلب الزهـــور]

خَنَقْتْ اْلْوَرْدْ يَآ يُمَهْ وَبِيَدِّيّ اِنْكَسَرْ ذَبْلَآنْ


>>الجزء العشرون

المرأة تكتم الحب أربعين عاماً ولا تكتم البغض يوماً واحداً
..0..الحزن..0..
هو أن أبتسم وفي داخلي أشلاء وشرايين تنزف حبا وشوقا يبحث عن سراب،،،
فيصل وهو يسند ظهره ع الكرسي باستغراب مين الدكتوره سهى؟؟
سامر خويه ياخي سهوووه الزفت أم عبد الله خوينا ""سامر خوي فيصل وعبد الله و أخو وديم""
قرب منه باهتمام اييه وش فيه عبد الله
سامر ابتسم أنا قلت لك عندي خبرين كلهم حلوين بس واحد منهم في شماته
وضحك بقهر
فيصل صغر عيونه بلهفة يتعلق بعبد الله
سامر ابتسم اييه
حس كل الشوق يفيض فيه لخوي عمره أدفع عمري وأشوفه وأجلس معه لو جلسة وحده ما تعرف يا سامر قد ايش أنا أغليه وأعزه عبد الله أخوي اللي ما جابته أمي
سامر بابتسامة حزن كلنا مشتاقين له الحين اسمع شفت سهى هذي يقولك تزوجت من شهرين
فيصل فتح عيونه وشوو؟؟؟
وأبو عبد الله؟؟؟
سامر باستهزاء هه على بالك هالأشكال تجلس على واحد طلقها وتزوج عليها خدامته الإندونيسيه لا وأزيدك من الشعر بيت تزوجها وهي مريضة إيدز
فيصل بصدمة نعـــــــــــــم؟؟؟؟؟؟؟ إنت من وين جايب هالمعلومات
سامر بحسره على بالك أنا تارك موضوع عبدالله لعلمك بس أدري مكانه الحالي
فيصل وقف ويين قولي والله لاروح له لو فيها موتي
سامر يهديه إنت إجلس وكلنا بنروح له بس خلني أكمل أمه الله يسلمك تزوجت ولد وزير من شهرين لعب عليها طبعا تعتبر زي أي كنبة بالبيت متى ما زهق منها رماها لكنه طلع يعجبك وكأنه ربي حط عذاب أخت عبد الله بيده
أول شهر سفرها جنيف وبعدها مسكنها بملحق القصر المهجور
عض شفاته ليه طيب؟؟
سامر يحرك كوب القهوة مدري يقولون مريض
فيصل لا حول ولا قوة إلا بالله طيب أبوه جاه المرض
سامر وش رايك يعني متزوجها أكيد بس أنا مدري عنه شي بس اللي عرفته عن أمه
يقولون حالتها حاله
فيصل بألم تتوقع عبد الله لو عرف بيرضى
سامر بلع ريقه ما يدري لكنه لو درى حلف ما يرجع إلا وهو لاقي إخته
حاس بوزه فيصل وهو يقوم وياخذ بوكه وجواله يللا أجل أشوفك سمور أنا لازم أروح
وقبل لا يطلع حط يده سامر على كتفه ولفه فيصل
ناظره من غير لا ينطق عيونه لحالها تكلمت عن عذابه
وش صار عليك؟؟ أنت ولمار
فيصل بتنهيدة عميقه الله يقدم اللي فيه الخير المهم حنا الحين لازم نروح لعبود
إلا هو وينه صح
سامر سحبه تعال أنا بقولك كل شي....

ناظرت البوكيه للمره الألف هالورقة ما كانت فيه أمس
لعب الشيطان براسها إلا يمكن كانت فيه بس أنا من الربكة ما شفتها
وبرعب رجعت قرت الورقة من جديد
بخط أنيق حروفه عريضه

لحظـــــــة الغــــــروب... أمـــــام هامــــة الجبـــــل الأبيـــــض
التوقيــــــت. 5:30 .
طبقت الورقة ودخلتها بجيبها
هذي بتكون أكبر مجازفة بحياتها لكن لازم تشوفه وتعرف مين هالإنسان الغامض بحياتها ولازم تعترف لنفسها صحيح حبت القاسي بسام لكن الملثم كان أول شخص قلبها دق له
وبحسرة وش قصتك يالتين ما تطحين إلا ع اللي الغموض مغلفهم
عضت على شفتها
طقطقت أصابعها بحيرة اليوم العرض وبكره زواجنا وأمس أنا وبسام متخانقين بسبب هالزفت اللي ماني عارفه مين هو
فتحت شعرها وتركت ملابسها معلقة ودخلت تاخذ لها حمام دافي تريح أعصابها فيه قبل العرض باقي نص ساعه ويكون الموعد اللي محدد بالبطاقة
فتحت المويه نزلت بارده زي برودة مشاعرها بهاللحظة
وبتفكير قدام هامة الجبل الأبيض
يعني وين؟؟
هل ممكن أنه يقصد إني أروح لهالمكان
مستحيييييل
لا لا وين ممكن يكون
وبعد ربع ساعة كانت رابطة الروب ع خصرها وطالعه
نشفت شعرها بالمنشفة
طاحت عينها ع الشباك العريض المتوسط الغرفة
شهقت بخفوت يمكن يقصد البلكونة لأنها موازية للجبل الأبيض
وبحماس غريب بدلت ملابسها عشان تلحق ع الموعد قبل لا تروح للكوافيرا
اليوم أول مره راح تزور دور الأزياء حق جدتها
متحمسه له خاصة إنه تاله حكت لها عنه وإنه جدتها حياتها وعمرها هالدور
وتبذل كل مجهودها حتى تطلع أزياء بشكل مريح وجذاب للسيدات وبنفس الوقت موديرن ويميل للغرابة بعض الشيء
تبرز فيه مفاتن المرأة ومحاسنها
وبالموعد بالضبط كانت واقفه ولافه حجابها الأزرق حول وجهها بقلق وارتباك واضح
سمعت صوت لفت وجهها
هو
هو نفسه وبلثمته بعد
وبلحظة عقلها اشتغل لكن للأسف متأخر مره يا لتين
شال اللثمة عن وجهه وهو يقرب لناحيتها ويتسند ع السور بكل هدوء
حطت يدها على فمها وشهقت شهقة صدمة وقهر ممزوجة بحقد توغل بقلبها

: إلا يمه وينه طلال
ابتسمت بحب هذا أخوك أشك إنه العروس مو المعرس
" باللغة العربية الفصحة كلمة العروس هي نفسها تطلق ع المرأة والرجل هذي معلومة قالها لي أخوي واستغربت مره حبيت أزودكم فيها بس احنا دايما دارجة ع ألسنتنا إنها للبنت"
يوسف ههههههههههه من يومه طلال مهتم لدرجة زايدة
وعلى هالطاري دخل طلال وع إذنه الجوال كان يكلم وافي
سكره وباس راس أمه وأخوه هلا والله منور البيت أخوي
هلا بالغالي مشاء الله وش مسوي بعمرك
طلال ابتسم بثقة ومسح ع سكسوكته خبرك لازم نحلق قبل بيوم أخاف انخدش او يصيبني شي يوم الملكة أتورط
هز راسه لولا المرجله اللي فيك كان قلت إنك مره
عصب طلال يوسف لو سمحت عن المسخرة
أمه وأخوه ههههههههههههههههههههه
وشوي تذكر إييه صح تذكر خويي سلمان
يوسف اييه وش فيه؟؟
طلال أبوه مملك بخليه هو يملك لفيصل ولمار لأنه مستحيل واحد يوافق يملك لشخصين ما يتوافقون
أمه بقهر اييه أكيد لأنه يدري إنه حرام ما يسويه
طلال يممه الله يهداك من قال إنه حرام
اييه حرام اللي تسوونه تخربون الأنساب بدل لا تعدلونها
ضحك يوسف بخفة يا الغالية لا تتعبين روحك دامه الموضوع وصل ليد طلال ومتعلق بعد بفيصل إعرفي إنه ماله فايدة الكلام
باس يدها أهم شي خليك راضيه وكل شي يصير تمام
وبهمس أخاف تحل علينا اللعنة
يوسف هههههههههههه الله يخس ابليسك يا طلال هذي امك
أم إبراهيم بنغزه وش قلت؟؟
طلال ابتسم أبد سلامة قلبك وروحك يا حياة روح طلال
اييه العب علي بكلمتين
يوسف وهو يقوم الظاهر ربى لاعبه فيه من الحين
طلال تنهد ومسك قلبه اخخ من النسوان صحيح فتنة
يوسف ههههههههههه يللا في أمان الله يالمعرس في أمان الله يالغاليه
الله يحفظك يمه
طلال بصوت عالي ولا عاد تجيب اسمها ع لسانك يا زوج ناديا
سمع ضحكة أخوه على غيرته بس وش يسوي قلبه مو ملكه وما يقدر يحكمه دامه شال أغلى الغوالي ربى هالإنسانه اللي سحرته من أول موقف أول ما شافها في تشيلز يوم تعالج لمار
كيف خدودها كانت محمره وتحاول تاخذ نفس
خاصة نظرتها المصدومة يوم كان يطالعها مبهت بجمال عيونها اللوزية
غصب عنه ابتسم شوق ووله
ناظر حوله أمه راحت من زمان وتركته بعالمه يسرح
نزل راسه ع الجوال دق ع فيصل ما رد عليه تذكر صح اليوم مقابلته الشخصيه في شركة جد وافي
اسماً إنها مقابله وإلا هو من زمان له مكان فيها
تنهد الله يوفقك يا فيصل والله ما أرتاح لين أشوف يدينك بيدين بنت أختي لمار
تذكر شكلها يوم جا بنفسه يخبرها كيف طاحت عليهم مسكينة هالبنت
من صغرها بلاوي
أبوها يوم توفى كانوا كلهم معه بالحادث سلموا ما عدا أبوها الله أخذ أمانته فيه وهي تأثر قلبها لأنه جات الضربة ع القفص الصدري عشان كذا تجيها تشنجات بين فترة وثانية
هز راسه أنا اللي بجمعهم إن شاء الله أنا...

الأبيض هو عنوان هالصفحة
كل شي ينطق بالفخامة والأناقة
الدور من أولها لآخرها يغلفها البياض
طاولات مرتبه بشكل أنيق يتوسطها مسرى ينتهي بساحة متسعة لوقوف العارضات
وبالمدخل طاولة كرستالية فارهه
يتربع على سطحها قالب من الكيك الفاخر يغطيه طبقة من عجينة السكر وبخط غاية بالأناقة كتبت عبارة

Dama Bianca..
السيدة البيضاء..
الحضور تمتعوا بمثلها لكن الأصغر حجم مع كوب قهوة الإسبرسو الإيطالية الشهيرة
.
))هذا حلمي إني أسوي دور أزياء بهالإسم وبهالتصميم((
دخلت مع تاله ولين ع الغرفة الخاصة
لين بابتسامة هادية لتين يللا إنتي وتاله ترا ما باقي شي ويبدا العرض
كلهم عشر عارضات تتقدمهم تاله بطولها الفارع وجسمها المتناسق تتمايل بفستان من الساتان الأبيض وبدخله جريئة من جهة الصدر يسطو الأسود ملك الألوان
شعرها الأسود هالمره رجعته لطبيعته وما رحمه غير لتين على قولتها انحرق وهي لسى ما طفشت من الصبغ
وبكذا كانت طلتها شقرا محض من عيونها الخضرا الزمردية لين بياضها وخصل شعرها الذهبي
كانت آخر وحده تطل ع الحضور وبعدها طلعت الجدة بأناقتها وهيبتها
حيت الكل بتلويحه رقيقة مثلها وكملت مشيها
ابتسمت لتين لخالتها يلدا ولين حتى جيهان ابتسمت لها من غير لا تدري من الإرتباك اللي فيها
أبهرت الجميع بحضورها
واللي ضحكها أكثر شي
إنه ما بقى ولا قطعة من العروض وهي كلها عشرة ولتين رقم 11 وفستانها كان أول طلب لكن الجدة رفضت وبكل فخر صرحت إنه لخطيبة حفيدها
بدلت الفستان بسرعة تحس بخنقة فيه كل ما تتذكر اللي صار معها اليوم مسكت خدها بحسره

[قلب الزهـــور]

خَنَقْتْ اْلْوَرْدْ يَآ يُمَهْ وَبِيَدِّيّ اِنْكَسَرْ ذَبْلَآنْ

: ابتسم بحاجب مرفوع للحين ما تدرين مين هو المتلثم صاحب البوكيهات
ناظرته باحتقار تدري إنه كلمة حقير قليلة بحقك
وبصوت ونبرة أول مره تسمعها من بسام وهو في إيطاليا الأفضل يا لتين إنك تثمنين كلامك عشان ما تندمين بلحظة
ردت بألم أنا أصلا كلي ندم ع اللحظة اللي عرفتك فيها وعرفت حقيقتك يالخاين
سحبها له
وبفحيح تدرين الرجال وش يسوي بمرته لو قالت له هالكلام
خوفها ألجمها لحظتها ما قدرت تنطق
كمل أقلها سطار يرد الكلمة لفمها لكن إنتي أنا أعرف وش حلك
تأمل خدها الخالي من أي مسحوق تجميلي
نزلت عيونها بتوتر ولا إراديا بدت ترمش ومن الضيق غمضت عيونها بقوة حتى توقف حركة عيونها
باسها برقة
وتركها وابتعد
بلعت ريقها بربكة
مد يده لجيبه وبخفه خرج مجموعة بطاقات وفردها قدامها ع حافة السور
بترتيب
ناظرها معقولة وحده بذكائك يا لتين ما عرفت؟
كشرت بوجهها وهي تتأمل البطايق بحذر
ولما فهمت الأحرف لطبيعة دراستها الإنجليزية ارتفع الدم بوجهها
أشفقت على نفسها كيف هالإنسان يحركها وكأنها دمية بين يدينه
the maneger
المدير ويقصد مدير أعمالها إللي هو بسام يعني المتلثم بسام اللي كان يسوي كل هالتصرفات بسام
طيب ليييه؟ سؤال واحد بس براسي ليه؟ أبي أفهم وش موقعي الإعرابي الحين
مرت نسمة هوا وطيرت البطايق الواحده بعد الأخرى وانتهى كل شي
وكأنه ما كان ولا انوجد هالمتلثم بيوم
ناظرت المنظر اللي يناظره وهو يولع سيجارته
الشمس غربت ومنظر السحب وهي تخترق أعلى قمة الجبل الأبيض المحمر بفعل الشفق رائع
مشهد كله رومانسية وحزن
اكتفت إنها ناظرته بعتب وحب وكره وحقد واحتقار وطلعت
انتبهت وهم بالسيارة على تاله تساسر راكان
راكون أبيك من غير لا يحس بسام تسأل لي رويد ليه ما نزل ألبومه الجديد اللي كان يسجله
راكان هز راسه إلورا
رجعت أسرح فيه مخوف الكل أعوذ بالله
بس بيني وبينكم أحب هالرهبة بالرجل
أقولكم أنا غريبة تعجبني القسوة في الرجل وبنفس الوقت أحب حنانه ما أحب الرجال اللي طاير في حرمته وسمعا وطاعة لكل شي !
سبحان الله أطباع!
نزلنا من السيارة وكانوا كلهم موجودين والصدمة إنه حتى رويد اللي ما شفناه بعد ذاك اليوم كان موجود
وشكله مريض مدري فيه شي لحيته طالعه وحالته حاله
انتبهت ببسام دخل وأنا توني بفصخ بوتي
ناظرني وناظر رويد ما اهتميت له
وبحركة من تاله عشان لا تصير مشاكل بليلة العرس سحبتني يوووه تونا ممنوع المعاريس يشوفون بعض ولازم تنامين بدري وتريحين أعصابك
وطلعتني معها الدرج
وفعلا حطيت راسي ع المخده ودخلت بدوامة النوم...

الأربعاء 12/6/1431 هـ .
إيطاليا/ 8:00
نزلت مبكر هالمره عادت البيت الساعة 9:00 يكون كله حركة والكل قام
وهالمره هي نامت بدري وصحت قبل ساعة من قومتها المعتادة
شافت تاله بترينق الرياضة رامية نفسها ع الكنبة وأول ما شافتها ابتسمت هلا بالعروس جاهزة
ابتسمت بارتباك الحين بروح مع خالتي
ابتسمت أنا كنت بالجيم والحين بطلع أتروش والحقكم
أنا باستغراب من الحين؟؟؟
اييه وإلا بس انتي العروس
حست بوزي لا بس أنا بيسووا لي أشياء إنتي مشاء الله دايما مسويتها يعني ما تحتاجين لها
ضحكت بخفة وهي تقوم بروح أساندك نفسيا وبحالمية حطت يدينها على خدها يااااااي وأخيرا بتتزوجين بسووم وبتنامين عنده
فهيت بوجهها خيييير شفيها هذي
والمصيبة بسام كان وراها ولمحت شبح ابتسامة على وجهه
جلس بعيد عني وبصوت مبحوح صباح الورد
بلعت ريقي وقعدت ألعب بسحاب الشنطة
ابتسمت تاله صباح النور أنا طالعه أتحمم
وطلعت الدرج بسرعة
ما كنت أبغاها تروح لاااا يا ربيي
حسيت بقطع شعري لما شفته رفع جواله وطلع
بنفس الوقت جات الخادمة تخبرني إنه خالتي يلدا برا تنتظرني بالسيارة

دار المفتاح بالباب ودخل
فتحه وهو محمل بالأكياس عبووووووود
حط الأكياس ع الطاولة ودخل الصالة عبد الله
وكالعادة شافه معتكف عند الشباك
تنهد وراح له عبود
التفت له عبد الله بصمت
ابتسم بندر ردينا للطير يللي
وبخاطره المفروض تفرح اليوم عرس إختك
رجع عبد الله يناظر الدنيا برا
على ساحة زيورخ
رمى عليه بندر المخده وهو يجلس شوف لو بتكمل هاليوم على هالحاله بطلع وأتركك
لف عليه عبد الله ويدينه بجيوبه أدري بندر أنا متعبك وياي وإنت متفضل علي ومسكني عندك لكن ودي أسأل وش صار على رحلة جنيف
زفر بندر الحين شلون أفهمه هذا
حك راسه اسمع مثل ما دورنا النمسا وألمانيا وفرنسا كلها بالنت ندور جنيف بعد وقفت عليها يعني
عبد الله بضيق يا بندر وين بتكون وش رايك حنا نروح لجنيف ومنها نطلع لفينيسيا ونبدا نبحث بإيطاليا
بندر بحماس وشو ايطاليا انت لاااا مستحيل تكون فيها
عبد الله بشك إنت ليه كل ما قلت لك إيطاليا رفضت وبإصرار
بندر يبعد الربكة عنه وهو يقوم ياخذ الريموت ويفتح التلفزيون بس لأنه مستوى المعيشة فيها مره مرتفع
عبد الله بتريقه ومره صراحة سويسرا منخفض مستوى المعيشة فيها عشان كذا أنا هنا
بندر سكر التلفزيون وقام له حط يده على كتفه عبيد إنت صبرت كثير ولازم تثابر
ولعيونك أنا بوظف واحد يتولى البحث عنها بإيطاليا ابتسم هاا وش قلت يالدلوع
ضحك عبد الله من غير نفس والله يا بندر إني من دونك ما أسوى عسى الله لا يحرمك اللي تحبهم
ابتسم ابتسامة صفرا وناظر جواله يهتز ع الطاولة امم آمين أنا بطلع أشوف تلفوني وأرجع
وقام بسرعة
سند راسه ع الكنبة وسرح فكره بذيك الليلة السوده
كان له أسبوع و يوم بالضبط بالنمسا
لا مؤوى ولا غذاء
كل اللي كان مجمعه بيطلع يسافر فيه ويكمل دراسته حطه بهاليومين بالسكن
وما قدر يكمل فطلع
وكأنه ربي أرسله له
كان واقف قدام محطة القطار
يتأمل الرايحين والجايين
اقترب منه شخص بكامل زهوه وغناه
ابتسم لوسمحت
فتح عيونه وهو يرص ع جسمه من البرد والجوع تكلمني؟؟
توسعت ابتسامته ايه نعم وش رايك تنقل لي شنطتي وأعطيك أجرها
حبس دموعه وحسرته ولوعته آخرتها يا عبد الله حمال
حسبي اللـ... مهما كان أبوي بس وش أسوي الله يسامحك يبه الله يسامحك
وبنظرة ألم حمل الشنطه الجلدية الفاخرة ومشى معه باتجاه السيارة الفارهه
ابتسم الشاب وهو يفتح الباب تفضل نشرب قهوة سوا
عبد الله بقهر يخفيه لا تسخر من حد ربي يقدر بيوم وليلة يحولك للردى
تفاجأ كأنه وصعق ورد لا إراديا بس أنا ما اتمسخر عليك ولا انتقص منك كل ما فيها يا رجال إني وحيد هنا وبكره مسافر لسويسرا شفتك وحيد مثلي وقلت يا رجال اسحبه معك
ناظره بشك إنت وش تبي بالضبط
سحبه معه وركبه السيارة
وظل عليه لين طيح ميانته
وأخذه معه لسويسرا يوم عرف قصته على أمل إنهم يبحثون سوا
على إنه هالشاب إللي هو بندر يسكن النمسا وما يدري عنه ولا شي ثاني إلا إنه من أبناء كبار التجار في العالم

[قلب الزهـــور]

خَنَقْتْ اْلْوَرْدْ يَآ يُمَهْ وَبِيَدِّيّ اِنْكَسَرْ ذَبْلَآنْ

مو بس بالسعودية
فتح له قلبه وشقته وما قصر معه
ناظره وهو يدخل الله يقدرني يا بندر وأرد لك جمايلك
تنهد بحرقه يا رب إذا كانت لتين ميته فخذ روحي وريحني
جلس جنبه بندر بتأنيب ضمير الحين إنت ليه ماد البوز امش قم اطبخ لنا الطباخ طلع بإجازة
وأنا جبت معي أغراض
ابتسم على عيني وراسي كم بندورا عندنا
بندورا بعينك
ناظره بألم
بندر تألم مثله لا تناظرني كذا إنت ووجهك
عبد الله بابتسامة ذكرتني بلتين يوم أقومها تطبخ لي
بندر بطفش مصطنع ياااا هاللتين
ههههههه عمتك
بندر بمزح لو لقيتها وش بتعطيني
عبد الله بلهفة والله لأعطيك اللي تتمناه وبابتسامة مشاء الله مع إنه مو ناقصك شي
انتبه على نظرته ايي يالخبيث إذا ودك فيها نتوسط لك بس خلها تجي مع إني ما اعتقد إنك تقدر تاخذها
وسكت بحنين تذكر يوم سامر يطلبها بالمزح منه
لأنه عبد الله باصم بالمليون إنه إخته ضاعت وراح كل شي تملكه
بندر تورط عض على شفته أتزوجها وهي بتعرس اليوم على بسام وأصير أنا....
ههههههه تخيلت
عبد الله شفيك تضحك زي المهبول
خالد ههههههه ولا شي قم عابل طبختك
عابل؟؟ وش عابل هذي
بندر ابتسم يعني قوم شوف طبختك وقابلها
توجه للمطبخ عبد الله والحزن ينهشه على إخته

الخبر// السعودية
الساعة 8:00 مساء
ابتسمت للمصورة للمره الألف آخر شي جلست ع الكنبة بفستانها البنفسجي
أنا تعبت
وديم بدفاشة ربرب بسرعة طلال بيدخل يتصور معك
ومن الربكة وقفت ورجعت تجلس يا ماااااامي أبي خالتي ليلى ناديها
وديم بضحكة خبيثة نونو طلال ما يبي أحد معكم
وطلعت بسرعة
عضت على شفتها ربى وقلبها يرقع من الربكة وبنفس الوقت كانت فرحانة
غمضت عيونها
ابتسمت ماما أنا اليوم بملك وبسوي اللي كنتي تتمنيه إنك تشوفيني عروس
هدت نفسها لأنها وعدت الكل وقبلها حالها إنها ما تبكي اليوم
شوي انفتح الباب وطل طلال برزته ووسامته الواثقة
ابتسم وقرب منها وهمس هلا بأحلى عروس شافتها عيني
بلعت ريقها وما قدرت تنطق بحرف
ضحك بخفة انزين مبروك
وبهمس الله يبارك بعمرك
قربت المصورة ممكن لو سمحت
طلال ناظرها
ابتسمت بود ابتسم وحط يدك ع خصرها عشان تضبط الصورة
ربى ودها تاخذها وتفقع وجهها الملون وتبتسم بعد
وطلال ينفذ لأول مره الأوامر من غير اعتراض دام الشغلة فيها حركات ليه لاااا؟؟