&:::::::فـــرحي وحــــزني وعتابي وصمتـي*بنقشهـــا بدمع المــدى والابيات::::::&

[مــــــدى]

عطني من بذر الرجاء وانا اسقيه
........................... اسقيه من دمع عيني / ماتغلّقت !

والله لحفظه بنظر عيني واداريه
.......................... وعن تربته / ولا لحظـه تفهّقت

مبطي وانا هاالعطـاء أرجيه
......................... مبطي وانا للرجـاء ماتسلّقت !


حيّاك الله ياكحيلان وحيّ الله حضورك ,,,

كلّك ذوق ياكحيلان والابيات كلّها ذوق ,,,

لاتغيب عنّا كثير ,,,

تحيّه لحضورك

[عِشْقْ بَـدَوُيُ]

بالخير ياشاعرتنا


تقبل الله منا ومنك صالح العمل يارب


فيه بيت أعجبني وحبيت أنه يكون في موضوعك الراقي ياراقية



لاتنتظر من فاقد الشيّ يعطي !
عمر [ العزا ] ماشالته صالة أفراح !


نورتي الود شاعرتنا

[الشيخه العرجا]

لا تطيع الهم .. لو همك كبير ..
قل لهمك " لو كبر .." لي ربـ أكبر ".
[ بالصلاة ] يهون كل أمر عسير..
يكفي إنك تبتدي بــ [ الله أكبر ] ..

[مــــــدى]

اقتباس المشاركة الأصلية كتبت بواسطة عِشْقْ بَـدَوُيُ بالخير ياشاعرتنا تقبل الله منا ومنك صالح العمل يارب فيه بيت أعجبني وحبيت أنه يكون في موضوعك الراقي ياراقية لاتنتظر من فاقد الشيّ يعطي ! عمر [ العزا ] ماشالته صالة أفراح ! نورتي الود شاعرتنا

بالخير ياكل الخير
آآمين منّا ومنك وعساك من عوّاده وروّاده ,,,
البيت إستوعبه عقلي وبرمجه واستقر باالفؤاد

هذا نورك ماهو نوري !

لاتبطي علينا ,, نحتاج لمولد كهربائي ينور المنطقه ,,,

حيّاك الله ياعشق بدوي ,,,

[مــــــدى]

اقتباس المشاركة الأصلية كتبت بواسطة الشيخه العرجا لا تطيع الهم .. لو همك كبير .. قل لهمك " لو كبر .." لي ربـ أكبر ". [ بالصلاة ] يهون كل أمر عسير.. يكفي إنك تبتدي بــ [ الله أكبر ] ..

حيّاك الله ياالشيخه ,,

صدقتي ياالطيّبه ,, الله اكبر من كل هم ,,,

أشكر مرورك الراقي ,,,

تحيّه وتقدير

[مــــــدى]

توّك تجي !

توّك تجي / بعد ماانطوى حالي
........................ ياقوي الجفاء ياقليل المرحميّه

بعد ماهجـر حلّي لترحـالي
....................... تبي تـزرع باارض ٍ خليّـه!

أعاتبـك ولّا اهلي بمـنزالي
....................... يوم منزالي انت ياعايش ٍ فيّه !



المــــدى ,,,

[ياشيخهم بنتك آنـا]

أغراااب . . . والحزن فالغربه يجمعنا

أجساد نمشي . . . وتتبعنا خطاوينا

نبعد عن الهم ّ . . . نلقى الهم يتبعنا

من وين نبعد . . . نلقى همنا فينا !

}

[مــــــدى]

اقتباس المشاركة الأصلية كتبت بواسطة للأيام ذكرى أغراااب . . . والحزن فالغربه يجمعنا أجساد نمشي . . . وتتبعنا خطاوينا نبعد عن الهم ّ . . . نلقى الهم يتبعنا من وين نبعد . . . نلقى همنا فينا ! }

أغراب / ووحشة الدرب معنا !
أغراب / وغربة الروح تخاوينا !

نروي ظمانـا من مدامعنـا !
لاالحال ارتوى والموت ينخينا !


للأيام ذكرى ,,,
أبيات ذوق ياذوق ,,,
تشرفت بحضورك ,,,

[مــــــدى]

(وخلقنا الانسان في كبد )

كل شي في هاالدنيا يبيله صبر ,,,

الصبر على طاعة الله
الصبر عن معصيه الله
الصبر على القدر المؤلم


عذاب الناس من الناس ! مااقول إلا الله يعين , الله يعين


آآه منك ياالصـبر ياثقل حملك
..................... عشرين عام فوق ظهري اشيلك

إعتليت ظلعك ونزلت سهلك
..................... ياعسر دربك يوم ظاع بدليلك !




المــــدى ,,,

[مــــــدى]

بالسبت استهلينا الدوام وبدينا طابور السلام على بعض منهن اللي تتصنع الابتسامه ومنهن اللي ابتسامتها صادقه مثل طهر قلبها وياسبحان الله سيماهم على وجوههم ,,,
طبعا ً بعضهن اول مايتقابلن بدل ماتنظر لوجهها طبعا لازم تناظر للبسها وتشوف كيف اناقتها وهي ماشيه على الموضه ولالا هههههههههه , ذكرت تعليق كاريكاتيري على هاالحركه الفري يونيك ,,,
لكن يقولون إكل اللي يعجبك والبس اللي يعجب الناس ,,, إلأّ بلبس اللي يعجبني طبعا ً ,,,

المهم بعد نص ساعه استعدادي للدوام والله يقرّب العاقل فيه ويبعد المجنون ,,, وزحمه يادُنيا زحمه


سي يو ليتر ,,,


المــــدى ,,,