ما فادنا يا بنت كثر المعاذير
و لا فادنا حتى العتب صدقيني
يبقى على طول المدى حبنا غير
و تبقين لي فالقلب روعة سنيني
بس الزمن و ظروفنا و المقادير
صارت حواجز بين قلبك و بيني
أحزان في ليلي تجيني طوابير
و أنا سهير الليل ما تنام عيني
مهما اختلف ميزاننا و المعايير
ما يختلف حبي و صورة حنيني
بس إسمعي ..... بفسر الحب تفسير
و خلي الجروح بوقتها و افهميني
ان صار في هالوقت ميله و تغيير
و جار الزمن و في نيتك تحرميني
خلي عيوني لأجل حبك مساهير
و خلي فؤادي في فؤادك رهيني
ثم صوريني داخل العين تصوير
و ارخي هدبها بس .... و اتخيليني
أو انقشي اسمي بأحلى تعابير
عشان لا جار الزمن تذكريني
العرض العادي
