●ҳ̸Ҳ̸ҳ تَجارُب ҳ̸Ҳ̸ҳ●

[إختلاف الود]

سواليفك وملحك يابوادر طالع النوار
تقصر ليلي اللي ساعته وقفت عقاربها
هلابك خيرةاللافين وابرك من لفى زوار
وعلى كبدي عسل كل المقالب لو تقلبها
أنامركب هجر كل المرافي يابحر موار
تهاوى فوق موجة حب ربّي له محببها
يقولون الهوى يبدابطوروينتهي باطوار
وأنااقول الهوى يملاالقلوب اللي يعذبها
تولعت وبنيت من الغلا فوق الضلوع اسوار
وسكّنتك ولا سكّنت غيرك لا تخربها
صحيح ان الزمن دوار تكفا لا تجي دوار
أحبك كلمةٍ ارسلتها لك وانت تعربها
غرابيل الهوى قبلي رمت بالفارس المغوار
رمت به مهرتٍ من زينها تفرض ضرايبها
وانا مثله صويب اللي لها وجهٍ يشع انوار
تماري بالدلال وسيفهااللي تحت حاجبها




|

[إختلاف الود]

اجفل من الشارع المهجور ما مره

مدري وشاللي الى مريت يجرالي
مثل المجدف على الساحل يبي بره

والريح نطحه وزفه موجه العالي


|

[إختلاف الود]

يا حلمي لو على ضنك الصدور و ضيقة ٍ بالبال !

لا كان اسرجت من صبح الخيال اللي تمنيته !
تفضل آخر ايامك بقى من همتي فنجال

تقهواه وإذا ترحل فداك اللي تقهويته !
و على خيل السهر هزّيت جذع : الحل ّ والترحال

لعل الحلم يتساقط و تورق بي منابيته !

[إختلاف الود]

مدري ! عيوني أجحفت ! ولا احتوى صدري غمام !؟
ما عاد اشوف ! الا وجيه ٍ تنكسر في معمعه !
يا صاحب الحب الذي فيه الهوى حده كلام
فيك العشق كله ثواني وذكريات ٍ ممتعه!


|

[إختلاف الود]

ما قلت لك ! لا جار وقتك والملا بعينك يضيق !
تعال اشيل الهم عن قلبك وانا اشرب علقمه !
وما قلت لي ! انك لها لا ثارت بقلبي حريق !
تطفي شموع الياس و تضوي بي امآل ٍ معتمه !
وش فيك !! يوم ٍ زاد نفسك حملها ما لا تطيق
صديت كني من وجودك قبل موتي معدمه !!
وانا التي أحتاج اعيشك لا غدى حزنك عميق
أذاكر الهمّ في عيونك واستفيده وافهمه !
وانا التي شديت حبل العشق من عهد ٍ وثيق
وحلفت لرضي سرّ بالك قبل ما ينطق فمه !
وانا التي اخترت اكون الأهل دونك والرفيق
وانا التي ارفع جبينك عز وغيرك اهزمه !
أنا المحبه والأخوه وان تبي اوفى صديق
ما يكفي اني صرت اشوف الموت لعيونك سمه !
ما قالو ان الحب شيمه تضحيه وحس ٍ رقيق
وان الأمل من غير حب ليلة مسافر مظلمه !
ما قالو ان الشوق ناره جنة الحب العتيق
وان العتب إلى روى بيض النوايا مكرمه !
والله لو هم يحسبون النبض بحساب ٍ دقيق
ما يعلم الانسان كم له نبض الله يعلمه
تعال وارمي كل ما بك وسط بحر ٍ بك غريق
ثم احسب النجم بعيوني لاشتعل بي وارجمه
واذا تبي انحر ضلوعي بيت واسوار وطريق
وابني صروح الخوف لجلك لا غمرني واهدمه
واذا تبي تجعل خفوقي حلم علّه ما يفيق
لو انتظارك مقتلي قرة عيوني مبسمه
ان ما جعلت الليل دونك من مصابيحي بريق
وان ما تركت النوح جرح ٍ مات واحيى بلسمه
وان ما نثرت العمر بيدك صبح ورد ٍ بك : يليق
وان ما نذرت الحرف يصبح منك اعظم ملحمه
ما اكون ذيك اللي تقول ان جار وقتك لا تضيق
بعينك الدنيا وان اكوي الهم واشرب علقمه !


|

[إختلاف الود]

يانجمي اللي ضوى ، لاتعانق أحلامي
خايف اطيّر من سراب ضلوعي الرحمة
خايف وانا اللي من عناك مسيّر اقدامي
يعني انا في داخلي إحساس بالزحمة
مزحوم لكن في ضميري قلبي الضامي
والله يرحم حالتي ويعوضني ب رحمة

[إختلاف الود]

يابسمة !من طواه الموت ، عانق غيمي ب ضحكي

تذكّر هيبة أسرار المطر في خطوة غيابي
تذكّر من مشى بالأرض والعالم معه تحكي !

تذكّر بسمة الطفل اليتيم ، إن عانق ترابي

[إختلاف الود]

الفقر ذِلّ وعيشة الفقر مُرّه
كم شَتّتْ ارواحٍ وكم هدّم بيوت
وكم ذَلّ حُرّ: وكم كِسَرْ نفس حُرّه
وكم جثةٍ مَا ضَمّهَا صدر تابوت
الفقر صيفٍ يشوي الجلدّ حرّه
من شِدِتَهْ شِفْ قاسي العظم مفتوت
يبِيِنْ ووجيه الفقارى مَقَرّه
كأنها صَخْرٍ بِهْ البؤس منحوت
الفقر مَهْمَا حاولوا كَتِمْ سِرّه
السرّ شاع وصامل العلم مثبوت
الخير قَلّ ووقتنا زاد شرّه
حتى اضْحَت ْالدنيا بَحَرْ والزمن حوت
ياموت تاخذنا على حين غرّه
وكفّك تشوت ارواحنا للفنا شوت

[إختلاف الود]

هنا ضِعْتِي:وِضِعْت وجرّحّتْ عيني كفوف اعداي
هنا ماعاد ينفع مع زماني شَدَّة احزامي
هنا ذاب الشعور:وطاح نجمي:وانتهى مسراي
وهِنَا أخِرْ دموعي تندفن في تربة اوهامي
هنا،بَصْرَخْ واقول إنّي دِ فَنْتَكْ :كِذْب يَانَسَّايوهنا بَبْكِيْكْ
ميّت :والمصيببه :قَبْرَك ايامي



|

[إختلاف الود]

فَقَدْك المجلس اللي ضَمّنَا ، والباب ، والشباك
ورصيف الشارع اللي تَسْلِكَهْ ويديك .. بِيْدَيني
وعيون الدور داخل حَيّنا اللي كنت فيه القاك
أحس بصمتها صوت الحنين اللي يِبَكّيني
وشوارع هالمدينه كُلَّهْا تبكي على فرقاك
وتنادي خطوتك وتقول فَغْيَابِكْ وحشتيني
وليل البرد في فصل الشتا اللي فيه كنت ادفاك
إلى مِنْ جَيْتِكْ ارجف وَاسْوَدْ اهْدَابِكْ يغطيني
حبيبي كل هذا اللي ذِكَرْتَه بَعْضْ مِنْ ذِكْرَاك
دخيلك كيف رِحْت وَطَاوَعَكْ قلبك تخليني
حبيبي وانت معزوفة غلاي وخاطري غنّاك
غناوي عَوْدَهَا يِعْتَبْ عَلَيْ والَّناي يرثيني
يضيق الكون في لحظة زَعَلْك ويِنْفِرِجْ برضاك
وانا لاَ مِنْ زَعَلْت ازّعَلْ مَعَكْ وارضاك يرضيني


|