بسم الله الرحمن الرحيم,,
اعزائي رواد هذا الصرح الشامخ اسعد الله جميع اوقاتكم بكل خير ,,
نظرآ لعدد الاصوات الغير كافي والغير مكتمل ولقرب اغلاق ملف التصويت ,,
قررنا بدورنا اختيار خمس قصائد من قصائد الاعضاء لزيادة الاصوات ولتدخل الفرز النهائي
مع بقية القصائد المصوت لها ,,فنتمنى اننا احسنا الاختيار بدخول هذه القصائد الفرز النهائي
فأن اصبنا فمن توفيق الله وان اخطأنا فمن انفسنا .. واعذرونا فنحن بشر نخطي ونصيب ..
وباقي القصائد الغير داخله التصويت سوف تختار انشاء الله الشهر المقبل مع بقية القصائد
اللتي لم تتأهل ..
تقديري واحترامي للجميع ,,,
////////////////////////////////////////////////////////////////////////////////////
/////////////////////////////////////////////////////////
///////////////////////////////////
///////////////////
/////////
1/ عطر الرجال لعطر لفتى ميسان
تخيـل وحدتـك ليـل وظـلام يشقـة الكابـــــــــــوس=تخيل صفقة ايدينك قهـر مـن وحشـة المنضـر
تخيل صدرك العـاري وهمـك بالخفـا محســــــوس=وحصـاة الـدرب قدامـك تصافحهـا وتتجمهر
تخيل وانت فـي غربة وغابـة سمهـا مدســـــوس=وموج من الرياح الـي علـى روس الشجرتزفـر
تخيل فـي بهيـم اليـل هايـم والشفـاة يبــــــــــوس=شبعت من العطـش لكـن تحـداك القـراح المـــر
ومهما صار موج الهم عاتـي والليالـي عبــــوس=يسابق ضلك الحافي أمـل .. فيـه السـواد أكثـر
أبت دمعة رجل تنزل .. رغم هـمً بهـا مـــــــيؤس=أنا بنشدك يا ماجــد متــــــى دمع الرجـل يمطـر؟
أجاوبك بعجل تمطر قهـر .. لاشافـت الفانــــوس=وحصـاة الـدرب قدامـك تبعثـرهـا وتتكـسـر
تجرع كاس خوفك لين تروي حضـك المنـحـوس=وبلل عرقك الراوي مـن جـذور التعـب واصبـر
تنفس غيض من خطوة تجـرك فـوق حدالمــوس=انـا ذااك الشقـي الـي جمعـه الصمـت وتبعثــر
ابتمرمر على صدر الورق واطلـق ألم محبـوس=واقيـد خطوتـي لا ’’للـورى ترجـع! وانـا اقـدر
صحيح ان التجارب علم والدنيا جمال دروووس=اشق اليـل بشموعـي وادوس الماضـي الأغبـر
2/صاحب الفيل.... لنايف الشريف
هــات القـلـم ياسـعـود واكـتـب كتـابـي=إكتـب علـى القرطـاس ياسعـود ماقـيـل
وإحــذر يـذيــع الـســر وتـفــك بـابــي=حـذرى عـن الهقـوات ياسعـود لاتميـل
بكـتـب عــن الايــام مــا قــض نـابــي=( يــوم ) وتمثـلـي مــع الـهــم تمـثـيـل
عشتـه وشفـت الهـم والــراس شـابـي=كِنّه على ايامي غزى ( صاحب الفيل )
وقــت ٍ ولاهــو صـافـي ٍ بــه شـرابــي=عـــزاه يــاوقــت الـعـنــا والـغـرابـيـل
مــرت شـهـور ولابــه احــد ٍ درابـــي=حـتـى الهـنـا ماكـحّـل الـعـيـن تكـحـيـل
هـــم ٍ ليـامِـنّـه بـدالــي ســــرى بــــي=كِنّـه ولـي ثـوب ٍ مفصّـل لــي تفصـيـل
مــن دون كــل الـنـاس لـيـه إبـتـدابـي=قـفّـل ومــن دون الهـنـا حـــط تقـفـيـل
وش حيلتـي فـي رَجْــل ِ مـالـه ثـوابـي=مــن ويــن ماجيـتـه فــلا فـيـه تكمـيـل
رَجْــل ٍ تِظِـنـه مــاء ولاهـــو سـرابــي=فـرق ٍ تـرى مابيـن ذا النـقـع والسـيـل
إلـيــا طـريـتـه بـيــن حــــي ٍ مـعـابــي=مـحـد ٍ ذِكَــره بخـيـر او فـعـل تجـمـيـل
العـيـب عـنـده عـيــب إلاجـــا وتـابــي=نفـسـه كبـيـره حـمّـل النـفـس تحمـيـل
مـاهـو مــن الـلـي عـادتــه للـصـوابـي=يرجـع ليـا اخطـا سهّـل العـلـم تسهـيـل
مـن عادتـه فالـقـول يحـسـب حسـابـي=ماغيـب عنـه إليـا بـدى القـال والقـيـل
قــول ٍ بـــداه ولا وفـــا مـــن جـوابــي=قولـي انـا عنـدي علـى الـقـول تدلـيـل
ياكيـف يسمـع صاحـبـي مــن وشـابـي=ليتـه يجـي فـي شـي قـد صــار تحلـيـل
نـاري وجـوف الصـدر ِ زادت عـذابـي=والصمـت الاقـشـر مالـنـا فـيـه تعـديـل
سـاكـت وانــا لاجـيـت فيـهـم مصـابـي=اضـحـك وارد الـدمـع لا يـهـل ويـســل
واحكـي وجـوف النفـس أهلّـه خطـابـي=وليا رجعت إف . مافي الكـف تحصيـل
لافــــاد شــــرح ولايـفـيــده عـتــابــي=رجل ٍ هـوى مـن جـاب فالقـول تطبيـل
لـيـتـه يـجـيـه الـيــوم مـاقــد سـطـابـي=شــي ٍ وأرد الـمِـد لــه ووفـــي الـكـيـل
واعطـيـه شــي ٍ مِـنـه اعــده زهـابــي=يصبـح نهـاره كحـل مـن ظلـمـة اللـيـل
ياسـعـود هــذا قــول حـضـرة جـنـابـي=اوفـيـت لــك علـمـي ولافـيـه تـطـويـل
وقّـف واظـن الـجـرح ياسـعـود طـابـي=الـقـول يكـفـي والــورق فـيـه ويشـيـل
3/يالبيه ياعووونك ... لمحمد العسكر
لو كان قلبك مثل ما كنت لي اول= ما جيتك اركض واطيح احيان من دونك !!
ماني فقيرك .. ولاني فيك .. متسوّل =القصد كله .. مابيك تبيع .. مجنونك
تعبت انا ارقى على ( المرقاب ) واحوّل =ماكني الا اخيل الكوووون .. بعيونك
بالله .. تكفى .. اذا بتغيـّـب .. لاتطـوّل =اخاف من ( شـلــة ٍ ) فيني .. يعزونك
وتروح كنك من اللي صااار متهـوّل =مع ان موتي على ( يديك .. وطعونك )
سو ما بدالك على ما تشتهي مـخـوّل =مافيه قلب ٍ يعيشك (حب) ويخونك !!
دايم وانا اللي اغض الطرف واتأوّل =انخى لك العذر .. ( يا لبــيــه يا عـونـك )
الظاهر اني معك مسجون .. ومطول =مابي فضاء الناس .. شد اوثاق مسجونك
خذ راحتك كيف ما ودك بي اتجـوّل =دام المحاني ( تضمك .. والغلا .. كونك )
ياكثر ماني نبضت الشوووق وامـوّل=بالله طلبه .. ترفق بي .. على هونك !!
صـوّرت واقع حياتي فيك .. ماهــوّل =كل المشاااوير يوم اقفيت .. يبكونك
ماتذكر انك تشيل الصوت وتمــوّل=واهتز كلي .. اجاوب .. هزة امتونك !!
لو المشاعر .. مع الايام .. تـتـحــوّل =ماجيت انا اشكي واشيل الجرح وكفونك
يلعب بي ( الهم ) لامن رحت .. لمـنـوّل=واتذكر انه .. حلاة الوقت .. بجنونك
لازلت انا ارسم بك ( الاحلام ) واعــوّل =يا منتهى الحلم .. خذني داخل عيونك
ولو كان قلبك .. مثل ماكان بالاول= ماجيتك اركض واطيح احيان من دونك !!
4/دوزنة وتر..وهيرغلوفية حرف,,,, لــــ / (..انا..)
لاسئـل محتـار .. هويلقـى جــواب؟=عن خفايا .. هالغسق .. وقـت الغـروب
شعوذات الحرف .. رسمـن فـي كتـاب=طلسمـه ..دخـان .. ولسانـن كـذوب
هرطقـات الفكـر .. تدعـو ..لرتيـاب=أديره .. وصكـوك .. غفـران الذنـوب
تمتمـت ساحـر .. نهايـتـه الـعـذاب=تمزج .. ألآلآم ..فـي جرعـات ..كـوب
فيزيائيـة جسـد .. جـرح .. إكتئـاب=تنصهر .. بحساس .. فالمبهم .. يـذوب
تنسكب ..في بوتقـه .. مثـل الضبـاب=ثـم تتبخـر .. مثـل وعـد .. اللعـوب
هيرغلوفية ..حـزن ..هـم ..إضطـراب=عل يقـرا ..شيـخ ..والجنـي ..يتـوب
لومع الكاهـن .. نفـع لـوم ..وعتـاب=ماتشوف ..ابوجـه ذا العاشق..شحـوب
لو(.. أنا ..) مـاذاق ..لوعـات الغيـاب=ماسأل محتار .. عـن غـدر .. القلـوب
قلت .. أدوزن ع الوتر .. لحن .. السراب=نغمتن .. يشجى لها ..القلب .. الطروب
ل الصحاري .. لورحم .. وبل السحـاب=ماشكت للقيظ .. عـن جـرح الهبـوب
5/ياسيدي يارسول الله ياقمري... لـــ / الابراهيمي
يا سيدي يا رسول الله يا قمري
سَلَّمْ عليهِ وقُلْ ما قالهُ اللهُ
واتركْ حديث الذي ما كان يرعاهُ
سلِّمْ عليهِ صلاةُ الله قد أمَرَتْ
في آخرِ العهد.. عهدُ الله تنساهُ؟
وثمَّ من صَلَفٍ في قول منحرفٍ
ما قالهُ غيرُ من بالكفر قد فاهوا
إنّ النيَّ مضى مَيْتاً وليس لهُ
قَدْرٌ وما هو للتسليم أوعاهُ
إذاً سلامك لغوٌ لا خلاقَ لهُ
وما صلاتك غير التيهِ تلقاهُ
وهل صلاةٌ بلا فحوى وإنْ تُلِيَتْ
آيُّ الكتاب بها من دون معناهُ
هي الصلاة التي تنجيكَ من سقَرٍ
أو منكرٍ هي بالأذكار تنهاهُ
وأنت في أمرها ما كنتَ ممتثلاً
على النيِّ صلاةُ الله تأباهُ
وفهتَ سوءاً على من سَلّموا وبكوا
شوقاً إليهِ وفيهِ ازدادتِ الآهُ
والقلب منقلعٌ من حُبِّ جاذبهِ
مُعفَّرٌ في ثرى من كان يهواهُ
يا سيدي يا رسول الله مُعتصِرٌ
قلبي للقياك يا من طاب لُقياهُ
قد يمنعون وصالي.. يقطعون يدي
لأنّها أّمْسَكَتْ للعزِّ مرساهُ
وهم أرادوا بأنْ أبقى بغير هدى
وما دروا أنّ حبّي من هداياهُ
قد يقلعون لساني حين أذكرهُ
فإنَّ ذكر حبيب الروح دلاّهُ
إلى اللئالئ من قولٍ وتذكرةٍ
فصار ينطق حباً من عطاياهُ
و غيرُ من لم يكن طه بسيرتهِ
تشيطنوا .. كفَّروا.. في الغيِّ قد تاهوا
وفد رأوا أنَّ حبَّ الناس منقصةً
بل مجرمٌ باسمٌ بادٍ ثناياهُ
فالدين عندَهُمُ لا فكر غيرهُمُ
طاغوتُ من عبدوا في غيِّهِ لاهوا
و قَدَّسُوهُ آلهاً دون ربِّهُمُ
ولا رسول آلهُ الخلقِ صَفَّاهُ
فبَدَّلوهُ بمن في فكرهِ خَطَلٌ
فسَنَّ شرعتهُ لا خُلق يرعاهُ
عليك أنْ تكفهر الوجه في غَضَبٍ
فكُلّما زدتَ حُقداً زادكَ اللهُ
حُوراً وخمراً من الجنات في عسلٍ
جزاء شربكَ دمَّ الطفل تُسقاهُ
كُفُّوا العواء.. رسولُ الله منجرحٌ
من سوءِ ما نطقتْ بالغيِّ أفواهُ
دانت إليهِ صنوف النّاس طائعةً
لا سيفهُ آمرٌ لا مال أعلاهُ
أخلاقهُ لامستْ وجدان سامعهُ
فصار من بعد بغضٍ من رعاياهُ
الكونُ من بسمة الهادي انتشى فرحاً
والوردُ من طيبهِ ما ستْ خلاياهُ
يا سيدي يا رسول الله يا قمري
أقبل سلامي ولو ذنبي تَغَشَّاهُ
مُرْ فوق قلبي و بَرِّدْ جمرةً نبتتْ
أنت النعيم وفيك الرَّوحُ ألقاهُ
العرض العادي
