نتخبط في شوآرع الحياه
وتمشي بنا الأقدآر حيث لانعلم
كلن يبحث عن نفسه ويهتم بنفسه ولا يقدر شعور الأخرين
حتى الأخوآن نلاحظ في هذا الزمن لم يعد هناك الا القليل تجد قلبه على أخوته
هنآ أعود كي اكمل المسير كتبت القليل من دفتري
وقد تعبت قليلآ الى ان هذا التعب يزول عندمآ أتذكر ان هناك من ينتظر البقيه
أين وصلنآ هل تذكرووون ....؟؟
من من يذكر
حسنآ لابأس سأذكر لكم أخر ماتوصلنا اليه في مسآرنآ الأول
نوره بصوت البكي: فهد لاتحسسني بالذنب يكفي الي انا فيه
المهم الحين وينه
فهد : بالشرقيه
نوره بتعجب وتسطيل : وشوووو بالشرقيه ....!!!
فهد : أيه وبكره بيجي
نوره ياعمري يافيصل والله ان ماعندي قلب يوم قلت هالكلام لكن بأذن الله بس ترجع انا بخطب لك ساره بنفسي
ريم: وش اسمع من ساره من بتخطبين له
نوره : بسم الله انتي ماتعرفين تتنحنحين او تسلمين
ريم : السلام ماقلتي وش ساره بتخطبينا لمن؟ يآختي انا ساره ذي ماحبها
فهد: وشلوون اجل اذا صارت مرة اخوك..
ريم: وشوو ...وشوو... وشوو.. مرت اخوي من ذا الخبل اللي يبي يتزوج هالشينه
في هالوقت دخل فيصل.......
فيصل: انا
الكل تفاجاء من وجود فيصل اللي كان قبل كم ساعه مكلم فهد ويقول انه بالشرقيه بس هو رجع ماتعود ينام برآ البيت
فيصل: ريم وش هالكلام ساره بأذن الله بتصير زوجتي
ريم : وع ساره تكون ...
فيصل بعصبيه : بس ياريم ومالك شغل بالمواضيع ذي
ريم : أوف وش هالذوق وطلعت غرفتها
نوره : فيصل لنا اسفه صدقني ماكان قصدي
فيصل من دون أي كلم: انا تعبان بروح انام تصبحون عخير
توجه فيصل لغرفته تعبان مايشوف الطريق استغرق في النوم وفي والثامنه صبآحآ صحى وكان مزاجه مروق نسبيآ
غير نفسيته أمس
سمع التلفوون يرن الساعه 8 الصباح مين راح يدق ويوم خميس
غريبه
رآح يدر عالتلفوون ن مين كان المتصل
توقعوو أكيد عرفتو مين صح .. سآره أي نعم ساره
عرف نغمة صوتها عرفها أي هذي ساره ملكة قلبه صاحبة الصوت الحنون والروح العذبه الصوت اللي انطبع في قلبه وسمعه بقلبه قبل أذنه لما رفع السماعه وسمع الصوت نسى نفسه وغرف في احلامه ويتذكر تلك المكالمه
ساره : الو ... الو ...الو..
فيصل وانتبه : اهلن ..سامحينا
ساره : مسموح يلأخو بس ممكن اكلم نوره
فيصل : نوره اتوقع نايمه الحين
ساره : طيب ممكن تصحيها لأني متواعده معىهى الحين نطلع
فيصل وكأنه نسى نفسه : تامرين أمر غاليه والطلب رخيص
سآره بعصبيه : وش تقول ...؟
فيصل وتنبه انه غلط : أسف مو قصدي لحظه بنادي لك نوره..
في الساعه اللي اردا ان يذهب ان يوقض نوره اذ بنوره خلفه
نوره دومآ صاحبة ذب كلام <<< تعرفوون وش أقصد اكيد يعني تعلق بكل خفة دم ومزح
نوره : كلمت حبيبة القلب
فيصل بقليل من العصبيه : نوره لو سمحتي بلا تريقه كلمي البنت
نوره : أي من قدك مصبح على صوت الحبيبه الغاليه
فيصل وصل حده : نوير أخلصي ....
نوره : هلا والله بسوير
ساره بعصبيه : نويير يالدووبا وين اللي ثمان بالظبط واحنا بالسياره والحين ثمان ونص
نوره : طيب طيب لاتعصبين هذني جاهزه
ساره : نوره مين اللي رد علي ؟؟
نوره :,, هذا .. ليش تسألين.؟
ساره : لا بس حبيت أسأل ولأن أسلوبه شوي متمادي
نوره : لا .. لا عيوني هذا فيصل أخوي أعقل شباب الرياض كلهم
ساره : اقوول لايكثر قوومي بس يالله تأخرنا
نوره : اوكي سلم لم
نوره : فصوولي حبيبي اخوي خل السواق يجهز السياره
فيصل : ومن قالك ان السواق فيه
نوره بأستغراب : وين رآح
فيصل : رايح للورشه ويالله يجي الظهر
نوره : يووووووه وانا متواعده مع البنت وابي اغراض ضرووريه
فيصل : خلاص وش رايك انا اوديكم؟
نوره بضحك : أي كل هذا عشان ساره وينك ياساره وينك تشوفييين
فيصل : اقوول اخلصي قبل لاأهون لك عشر دقايق استناكم بالسياره
نوره: ياعمري يافيصل الله يوفقك ويحقق لك كل ماتتمنى
ركبت ساره ونوره السياره وساره وقتها مو عارفه ان اللي يسوق فيصل ومو داريه ان اللي بيوديهم فيصل
نوره: سوير وش اخبارك
ساره : نوير اعقلي مالي خلق لقرقة سواقكم ذا الهندي
طووووووط فيصل كتم الضحكه ... هههههههههههه
نوره : ميته ضحك
وفيصل عصب شووي
ساره : نوره وش فيك مروقه على هالصبح وين بنروح الحين وغريبه هذي مو سيارة سواقكم
نوره : أي هذي سيارة اخواني لأن السياره خربانه
ساره : اها المهم اخوك اليوم نرفزني صراحه ترآ انا اكره مالي رجال يسولف معي قولي له مره ثانيه لايرد عالتلفوون
نوره : مييييته ضحك ومو قادره تسكت
ساره : نوره انتي وش ماكله الصباح وبعدين اول مره سوآقكم ساكت ماله صوووت .. طوووووووط طرطع فيصل
نوره : خلاص ساره بليييييز اسكتي وربي خلاص مو قادره
ساره سطلت : وش عندك وش السالفه...؟
وفي هالوقت رن جوال فيصل ...: الو هلا أبو سعوود
سآره كأن أنكب على وجهها موويه حآآآره من الفشيييييييله اللي طاحت بها
نوره : ليش سكتي
ساره تتكلم مع نوره بصووت وآطي : خلينا نرجع البيت بسرعه
والله لأذبحك بسرعه
نوره : والسووق ..؟
ساره بنفاذ صبر : نوره والله ترآ أخر مابيني وبينك...
نوره : خلاص .. خلاص استني خليه يسكر الجوال
ولما سكر الجوال ...
نوره : فيصل خلاص مانبي السوق
فيصل : نعم
نوره : أرجع للبيت
فيصل : لا قالو لك سواق عند أبووك انا
نوره : البنت تبي ترجع البيت تعبانه عيب يآخوي
فيصل : طيب ووعدك بالبيت
ساره ودها تذبح عمرها على هالموقف اللي صار معها
ومن الأحراج لما وصلت البيت مالقيت وسيله تعبر عنها الا انها بكت
فيصل : وش فيها البنت سلامات
نوره : زعلت علي كله منك
فيصل : وانا وش دخلني ومكان قصدي هذا ذنبي اني بوديكم
نوره : بس البنت تستحي لدرجه ماتتوقعها
فيصل القلب العاشق : آآآآآآآهـ يانووره كل مالي واحب هالبنت
نوره: الله يكتب لك الخير ويجمع بينكم
توجه فيصل الى غرفته فتح مذكرته وكتب ...
موقف لاينسى ...
خرجت فراشتي الصغيره من حديقتها توجهت لحديقتي ولكن لم تكن تعلم وقتها انها دخلت حديقتي وقعت بموقف محرج معي لكن بعد هذا الموقف ضعف قلبي وتجمددت جسدي وفآر الدم في انحاء جسدي فكنت اود ان اعبر لها بكلمه ليس بالوجود لكي تعلم انني سقطت في شباك هذه الفراشه
دمعة فيصل ......
يوم الخميس وقت العصر خرج فيصل من غرفته ففي مثل هذا اليوم من كل أسبووع أعتآدتو الأخوه الخروج للتنزه وتغيير الجو
هو من عودهم ذلك
فيصل : جآهزين ..؟
الكل : من زمان انت اللي متأخر عن موعدك
فهد : من قده غارق بالعسل
مشاري : عسل أي عسل
فيصل : يلعب عليك أخوك ذا مهبول ماعليك منه في لفه
ياله مشينا
مر ذلك اليوم كأي يوم خميس مضى حلو وضحك
بعد مرور ذلك اليوم قرر فيصل ان غدآ الجمعه سيذهب لوالده اللذي طال غيابه قرر أن يذهب ليتكلم معه في موضوع زواجه بس قبل هذا طلب فيصلمن نوره ان تفاتح ساره في الموضوع وتشوف رأيها
اتصلت نوره على ساره ...
نوره: أهلين سوسو
ساره : وش عندك داقه انا زعلانه عليك عقب اللي سويتيه لك وجه تتصلين يادووبا
نوره : أوف.. اوف .. ساره اهوون عليك
ساره : حطي نفسك بمكانيوانتي تعرفين نوووره
نوره: صدقيني وربي مكان قصدي اسفه ياقلبي انتي بس والله خلاص توووبه ماعيدها
انا داقه الحين عليك أبيك بموضوع ضروري
ساره : خير ان شاءالله ..؟
نوره :ان شاءالله خير ... وش رايك بأخوي فيصل ..؟
ساره : نوير وش عندك..؟
نوره : ساره انا ماحب الف وأدور بجيبها لك من الأخر فيصل يبي يخطبك
ساره بتسطيل : نعم ..!!!!!!!!
نوره : وش قلتي فيصل يبي يتزوجك
ساره : تمزحين انتي بلا سخافه ترآ مو رايقه لمقالبك انا
نوره : وهالمواضيع فيها مزح ساره فيصل يحبك حتى انا ماكنت ادريبس انا شفت مره عنده مذكره كلها كلام حلو بس كل كلامه ألغازبس هو قبل كم يوم صارحني وقالي عنك
ساره : نوره بعدين أكلمك باي
نوره : وش فيها البنت شكلها مو مصدقه...
...................
سار وهي تفكر فيصل يحبني انت يافيصل اخرشخص افكر مجرد تفكير انه يفكر فيني انت لا ويتقدم لخطبتي لا بعد ويحبني
يآرب ليش ليش بالذات فيصل
وليش يفكر فيني انا مو البنت اللي يحلم فيها كل شاب
البياض والجمال يارب ساعدني معقوله كلام نوره صدق انه يحبني ..؟ لازم أكلمها
سآره : هلا نوره
نوره : هلا وغلا وقرب دار بمرت اخوي..
ساره : أقول بلا خفة دم وقوولي لي انتي تتكلمين جد
نوره : أي وربي سوسو
ساره : بس وش خلاه يفكر فيني انا بالذات
نوره : تصدقين سوسو انا أستغربت مره وقلت له وش معنى ساره
تدرين انه زعل ومن زعلها راح للشرقيه
ساره وكأنها حست بفرح وحب فيصل : لهدرجه يعني
نوره : يابنت جننتي اخوي أخوي يحبك وصدقيني فيصل قلبه كبير
ساره : مادري خايفه نووره
نوره : ساره وافقي انتي الحين فيصل يبي يروح يكلم أبوي بس لما يعرف رايك اول
ساره : واذا ابوك ماوافق
نوره :لا ماأعتقد أبوي رآح يوآفق بس حتى لو حصل شي فيصل ماعليه من أحد
حتى لو كان أبوي
ساره : مادري نوره خايفه
نوره : بلا خايفه بلا دلع بنات موافقه او لا ....
ساره : اللي ربي كاتبه بيقدمه ....
نوره : يعني افهم مبدئيآ موافقه
ساره : نوره أبوي ينآديني باي
نوره : يالبى الحيويه ينآآس طيب قلبوو أشوفك عخير باي
أخذت ساره الأحلام وقآرب المغامره الجديد مع فارسها الملثم
أحلام ورديه بدأت ترسمها صاحبة عاشقنا الفذ فيصل
بعد العنا والتعب لابد يومآ من الفرج فقدت أمها في وقت كانت هي امس الحاجه لها
والأن ربي عوضها بعاشق هائم بها
بس هو أحلى مني ... تكررت هالكلمه في مخيلة ساره
كيف فكر فيني صحيح هو مآشآفني بس لو شافني بغير رأيه
اووف من هالأفكآر انا صحيح مو شينه مره و..و...
أقول بس أعووذ بالله من الشيطان الرجيم وش هالأفكار
بس فيصل بجد اخر انسان أفكر مجرد تفكير انه يفكر
كل أقآربي ولا احد فكر وكل من أعرفهم تجي انت اللي ماتمت لي بصله وتكون عاشق بعد
يآرب انا وش جاني احس اني بديت احب فيصل .......................
فيصل : نوآآره حبيبتي وش قالت البنت ...؟
نوره .: اووووو من زمان محد دلعني كل هذا عشان ساره
فيصل : نوره بسرعه انا طالع أصلي الحين الجمعه وبمر أبوي بعد الصلاة نسلم عليه وأكلمه
نوره : البنت ساكته ماردت علي...
فيصل: يعني موآفقه او لا
نوره: يعني
ريم وبكل عصبيه : أصلآ تحمد ربها هالشينه ان واحد مثل فيصل فكر فيها
فيصل : ريمووه أحترمي نفسك
ريم : انا أقول الصدق انت ويين وهي وين
فيصل : نوره سكتي أختك لأنو مو رايق لها لا الحين أطيح فيها طق
ريم : الحين مابعد صارت زوجتك وتسوي كذا أجل كيف بعدين
فيصل: انتي على منوو طالعه طويلة لسان .. ياعمري حررره على قلبك ارحمك يالله انا طالع أروح أصلي
بعد صلاة الجمعه توجه فيصل وأخوته لوالدهم فيصل كان خايف من هالمواجهه مايدري يحس بشيء غريب
لأن والده معروف انه عصبي
وبعد دخولهم لديوآنية أبوهم
السلام عليكم
الوالد : وعليكم السلام
وبعد الجلوس مع تبادل بعض الأحآديث الجافه
الوالد : خير ان شاءالله وش عندكم جايين
فيصل : تبينا نقطعك مايجووز يبه نبي نتطمن عليك ونشووف أخبارك
الوالد : اييه الله يطرح فيكم البركه الا أقول فيصل توظفت
فيصل : أي الحمدالله ابشرك
الوالد بكل حمآقيه وأسلوب سيء: وش توظفت حآرس ولا جرآسوون بمطعم وأطلق ضحكه عاليه هههههههههههههه
فيصل أغتاض من طريقة والده لكن بكل ثقه قال: لا يبه الحين انا ظابط ورتبة ملازم
فهد: ايه يبه فيصل رفع راسك أجتهد ولكل مجتهد نصيب
الوالد : ايييه ملازم الله يوفقك
فيصل : يبه انا جاي أكلمك في موضوع
الوالد أخلص علي انا مشغول
فيصل : قررت أتزوج
الوالد : مشاءالله مشاءالله تبي تتزوج
فيصل حس بروح السخريه الى انه قال : ايه بكمل نص ديني
الوالد: طيب انا بقول لخالتك تدوور لك
فيصل : لا بت الحلال جاهزه
الوالد : وش تقول صدق انك ماتستحيكيف عرفتها
فيصل كل ماله ويغتاض اكثر من طريقة والده الغير متحضره
لكن فهد يناظر فيصل ويغمز له انه يهدي الوضع
فيصل : يبه اللي اختارها قلبي وابي اكلممعها طريقي بنت جارنا عبدالله
الوالد: أقول خل عنك كلام المسلسات هذا بعدين مالقيت الا بنت هالرجال صدق ماتستحي
فيصل : هالرجال اللي تتكلم عنه دين وأدب وأخلاق وخيره عام الحاره والكل يتكلم عنه بالزين
الوالد : تتزوج وحده ماتدري كيف مربيه تتزوج وحده امها مو عندها تربيها وتنتبه لها
فيصل : أجل أخوآتي ماألوم أحد اذا ماتزوجوو
الوالد : وش قصدك ؟؟؟؟؟؟؟
فيصل : انت تعرف قصدي زين يبه .. ريم ونوره مين رباهم غيري
لاأم ولا أبو على الأقل هي عندها أبوها
الوالد بعصبيته المعتاده : قصر حسك لأقص لسانك قص أخواتك غير
فهد : أي يبه غير لأن فيصل هو اللي رباهم
الوالد لفهد : انت أسكت مابقى الا بزارين يتكلمون في هالمواضيع
فيصل : فهد مو بزر فهد رجال ينشد فيه الظهر
الوالد : عناد لك وكلامك اللي سمعتنياه ماراح تتزوج هالبنت ورآح تاخذ عصب عليك
نوف بنت زوجتي وش رايك
طلع فيصل وأوانه من عند أبوهم متضايقين وفيصل اكثر شي تضايق من كلام أبوه وحس ان الدنيا ضاقت عليه وصل للبيت وراح لغرفته ملاذ روحه
ريم ونوره درو باللي صار معهم مسكين فيصل الله يعينك نوره اماريم فرحت لأن فيصل ماراح يتزوج ساره بس زعلانه على حالة فيصل
ريم ريم الأخت الصغر لفيصل هي تحبه لكنها تجردت من مشاعر الأخوه وأقجمت على شي قد يضرها ويضر فيصل المسكين
فيصل الليضحى بكل شي عشانهم
وش سوت ريم .. وكيف بتضر أخوهآ اللي طول عمره كان لهم
ريم أتصلت من جوآل صاحبتها بعد ماأستعارت شريحت صاحبتها منها فكرت تفكير شيطآني تفكير بيدمر أخوها ويدمر أحلامه
ريم : اهلين ساره
ساره : هلا ومرحبا
ريم : هلا ساره
سار : مين معي ...؟
ريم : مو لازم تعرفين مين انا صدقيني دقيت عليك مابيك تعيشين مع فيصل عذاب
ساره : انتي وش قاعده تقولين
ريم :أسمعي وقالت ريم كل اللي حصل مع فيصل ورفض أبو طبعا مع شوية كلام من مخها
ساره مو مصدقه الكلام اللي تسمعه: انتي وش تقولين
ريم : اللي قالك ان فيصل يحبك كذاب وبعدين فيصل لو خذك بياخذك عشان تخدمينه هو وأخوانه
واليوم أبوه عصب عليه وهزءه عشان ماياخذك وقال انك انتي ماتنفعين وانك ماتربيتي بما ان امك متوفيه
ساره ترضين هالأهانه وترتبطين في فيصل
ساره : انتي مين ؟؟؟
ريم : انا وصلت اللي لازم أقوله يالله مع السلامه
أهـ منك يآريم نوره في الأول وانتي الأن تحطمين حلم أخوك فيصل
فيصل اللذي لم يفعل في دنياه الى كل خير وكأن الدنيا بدأت تسود في وجهه
فيصل رسم الضحكه في وجه أخوته الى انهم يدمروون ضحكته
مآذآ فعلتي يآريم .... وهل تندمي على مآفعلتيه ....
فلنتااابع
هنآ اقف قليلآ فيدآي تلاوماني اليوم قد كتبت الكثير
وأعود مجددآ كونو بالقرب دومآ
مـ الشوق ـلاك
العرض العادي
