..₪.. سجـّــل دخولك للمنتــدى ببيــت من الشعــر ..₪..

[مفارق الأحزان]

كم شمس غابت وانا أشوفك ..~.. شمس الضحى اللي تباريني

واذا منـع جيـتك خوفـك ..~.. نـورك فـلا غـاب عـن عينـي

[ρùℓşέ]

يـالله إني طالبك من قـلب صـــــــــادق ويتضرع
لايجي بيني وبينه بعد وفراق وقطيعه





يـالله إني طالبك وإن ضاقت الدنيا تـوسع
لين تفرج والحياه تصير بوجوده وسيعه

[قـيـس نـجـد]

مدام في نفسك شموخ وتكره علوم الضعوف
اصبر على جرح الزمن لو كل يوم ايجيك ناب
وترك مشاريه الغلا تضيع مع حزن الحروف
وقفل على لسان العتب ياصاحبي مليون باب

[مفارق الأحزان]

سأبتعد عنك وانت بداخلي.... وسيطاردني الندم ...
وان لم يكن بيدي ....لم يكن علي ان استسلم ....!
سأرحل و اترك قلبي بين يديك
وعد مني سأعيش لك حتى ان لم تكن لي ...
فلا تحزن ....

[ρùℓşέ]

أنتا وأنا روحين في داخل انسان
كل الوفا اللي بها المدى من وفانا

انتا وأنا دنيا المحبة والالوان
والحب نعمه من كريم عطانا

نزرع صحاريـنا ورود وريحان
ونعطر أنفاس الهوى من شذانا

نسقي العمر من وادي الحب وديــان
ونعلم طيور المحبه غنانا

ونحيا بها العالم نبض داخل إنســـان
انتا وأنا وثالث هوانا هوانا

[قـيـس نـجـد]

الله على الايام كم سخـرت نـاس
للنـاس قادتهـم بقـوة فـراسـه
خلت مشاعرهم من الغير تنـداس
واسقتهم المـر المعلقـم بكاسـه
وكم لبستهم لبس ماهو بمقيـاس
لكن غصب الكـل يلبـس لباسـه
وحالي لياليهم غدت كلها اتعـاس
لوكان ما يهـوون درب التعاسـه
كم واحد(ن) قدام شوره من الراس
راس قوي ماقالوا النـاس طاسـه
رجل يوردهـا المناهيـل للسـاس
واذا بنى يبني على الصلب ساسـه
واليوم كم من جدر فيهم ترمّـاس
مغيـر مستـوره بظـل اللياسـه
واللي من اول كنه الطير قرنـاس
يرقا على الهامات جـاه انتكاسـه
نزل من الهامه يـدور بالاكيـاس
جنب الغراب اللي تطور حساسـه
ايام 0حتى فالذهب شفت الابخاس
قدام صافي واختلـط بـه نحاسـه
دنيا تخلي صاحب الفكر محتـاس
اللي يحارب للـردى والخساسـه
من صغر سنه مايجاري للانجـاس
ولا غشى جسمـه غبارالنجاسـه
ياهيه ياللي عندك شعور واحساس
لا قفت الديـره لـزوم العساسـه
دور وتلقـا مانـدم كـل عسـاس
اللي يحب الخيـر يلقـا الوناسـه
وابحث على شيئ يجي منه نوماس
واللين عاملْ به وكـب الشراسـه
تصفي لك الايام والخيـر نسنـاس
تجارب الدنيـا ولا هـي دراسـه
تجـارب ماجابهـا كـل بــلاس
ماجابها الا حر مـن روس ناسـه
كم بحر حول فيه ماهر وغطـاس
بالعقل ماجاب الفكـر0 بالعماسـه
من يبتعد عن هم ترتاح الانفـاس
الهم يبقى مرتع (ن) في محاسـه

[مفارق الأحزان]

حل في قلبي كما وبل المطـــر..

علِّني لا من لقيتك أرتويــك..


و لا تذوقني حكايات الصـــبر..

دامني بإسم الغلا كله أبيـك..

[ρùℓşέ]

هين مردك للفرج يأكبـر الضيـق
دام الليـالـي تقتفيـهـا لـيـالـي
هي بس تبغى طول صبر وتوافيـق
وأشيل هـم النـاس كلـه لحالـي
وعمر المربط مايسـوق المطاليـق
والحر ماترضيـه غيـر المعالـي
ياصاحبي وإن زاد ظلـم المخاليـق
لاتحسب إن الله عن الخلق سالـي
الطيب يمحى العيب عرف ومواثيق
والا الخطا ماله على الطيب والـي
واللي جرحني بين حدب ومعاليـق
مأخفي عليك انه الى الحين غالـي
ياحلمي اللي مالـك اليـوم تحقيـق
حبك حقيقي بـس وصلـك خيالـي
والحب يفضحني وان اخفيته يويـق
وإن مامضالـي بالوفـا مابقـالـي

[قـيـس نـجـد]

لي عبرة ٍ عنّها .. رمشي / يراودني !
ودّه لو اني ليا / خمّتني .. اطلقتـه ..
والحزن -لا ضاق بي ذرعه- وجالدني
قلت ارجني للسهر ، تكفى مهو وقته
ابطيت يا ( هم ) الاهدك وتلاهدني !
وان غازل الصبح شبّاك ٍ لي اغلقته !

[ρùℓşέ]

جرحتني مختـار ياحالـي الريـق
واسامحك مجبـور يـاراس مالـي
صوره ولا يحتاج الإحساس تعليـق
أركض رجا ويطيح ميّـس ظلالـي
وان كان بيبان المشاعـر مغاليـق
ماهو جديد ان الزمـن ماصفالـي
ليت الهوى جمعه ولا فيـه تفريـق
أوليـت ماللبعـد فالقلـب صالـي
ياصاحبي وان شلت لك فوق ماطيق
فأنا لحالي جيـت وأرحـل لحالـي