السلام عليكم
عساك بخير
جيت مرار من بعد غياب فرأيت ابياتك وتبشر بالرد
سلام للي للوفا دوم رايد=راعي ولا للدار واصرار وطموح
جبت السمان الجايرات الجوايد=صح اللسان ودمت ياراعي البوح
ودعيتنا دعوة كريم العوايد=انا اشهد انك قرم صامد وطحطوح
والمشكلة ياخوك ذا الوقت كايد=ماكل ما نهواه هين ومسموح
كم من بضايع ماتجيب الفوايد=حتى ولو دكانها دوم مفتوح
وكم من رجال مكبرين الوسايد=اسواقهم غطت على الكون بوضوح
قد جاك علمي والذي قيل عايد=ماقد مضى ياذيب منسي ومدموح
وسلامتكم
وعليكم السلام
يالله حيه ياهلااااااااابك
وابشرك انا بخير ونعمه
وليتك تمر دايم ياثامر لان مرورك يثري المنتدى
والمعذره على التأخر بالرد وسامحنا اذا فيه قصور
يامرحبا ياللي به الجود زايد=اللي على الطولات له عزم وشبوح
ابن الكرام اللي علو راس نايد=نالوا سنام المجد عنوان وصروح
الصاحب اللي جاب جزل الفرايد=در(ن)مع الياقوت من فكر زحزوح
قولك صحيح الوقت كله مكايد=من عهد ابونا آدم على يونس ونوح
وما كل قناص(ن) لفا يوم صايد=ولا كل غيث(ن)ماه يخضر به الدوح
القديره / مدى صح اللساااااانك ولاهنتي ,,, منور المجلس بوجودك ..
ياهاجسي لانويت تضيق الصدرا=خذني معك يارفيقي وانت بي ادرى
انسامر الليل والنجمات والقمرا=وناخذ مع الطيف والسجات ترويقه
نبني بيوت الشعر من هاجس ٍ بالصدر=حيث ان ياهاجسي لك بالظماير قدر
منزلك في راس شاعر فوق ماهو حدر=والشعر لامن حظر .. سهله طواريقه
العرض العادي
