ஐ◄████▓▒░,أبهى حلل وأكمل جمال الليالي,,░▒▓████►ஐ

[الـعـاطفي]

أسعد الله اوقاتكم بكل خير

قبل عدة ايام وتحديداً بوقت إكتمال القمر

كنا كل ليلة نخرج للبر انا والأصدقاء

نصلح قهوتنا وعشانا

نستمتع برؤية القمر ونتسامر الحديث

فكتبت قصيدة اتغزل بالقمر

والقيتها على الشباب بوقتها


فسألني احدهم سؤال غريب؟؟


قال ماهو برجك ؟؟


قلت مادري ؟؟


قال متى ولدت ؟؟

قلت في يوم كذا من شهر كذا من سنه كذا

قال ايه انت برجك السرطان!!


وبرج السرطان مرتبط ارتباط مباشر مع القمر

واكثر خروج مواليد برج السرطان في الليالي القمرية

وعند الماء او الشاطيء

قلت ياخي ترى انا ما صدق هالخرافات والخزعبلات

كذب المنجمون ولو صدقوا

قال هذا علم فلك وليس تنجيم

وخسوف القمر العام الماضي اعلنوا عنه قبل الخسوف بإسبوعين

وفعلا حدث خسوف كامل للقمر في شهر 8

فقام وأعطاني كتاب بعنوان (شخصيتك من تاريخ ميلادك)

وكان الفلكي يقول كنا في مجتمعنا الإسلامي

قبل فترة نعتقد ان الأرصاد الجويه

تنجيم وإدعاء لعلم الغيب

لكنها اليوم تعتبر شيء مهم للملاحين والطيارين لأحوال الطقس

العجيب!!

دخلت احد مواقع الأبراج

قلت خل نقراء وش يقولون فدخلت على برج السرطان

فوجدت مكتوب مواليد برج السرطان مقوسي ومقرونين الحواجب

سبحان الله حتى الشكل يصفونه


على كل حال

مهما كان انا لا اصدق الابراج اطلاقاً

لاوبعد مت ضحك على برج الثور

كان الفلكي يقول انهم ناس عنيدون ويحبون التملك

حتى انهم بعض الاحيان يشبهون الثور في تصرفاتهم

الوكاد


انا طولتها اهم شي القصيدة التي ادت لهذا الحوار


تقول:

أبهى حلل وأكمل جمال الليالي= لا شفت انا وجه القمر مكتمل فوق
جمال وصفه شاق شعري وخيالي= ابي اتغزل فيه بقيفان واطروق
لا شفت نورة كل شيً طرالي= الله يا ما أحلاه هو ملهم الشوق
كنه صديقً مايقاطع وصالي= صديق صامت زين مافيه منطوق
أشب ناري ثم ابهر دلالي= فنجال بالقمرى ويحلالنا الذوق
ترتاح روحي فيه ويروق بالي= ومعي النشاما اللي برفقتهم انلوق
أسعد بصحبه طيبين الرجالي= اللي سوالفهم على الطيب بصدوق
مانجالس النمام وأهل الهبالي = ولا نجالس الكذاب أو شخص مطفوق
مع صحبه أهل الخير عيال الحلالي= ترتاح روحي والسوالف لنا تروق
هذي ترى ليلة من أحلا الليالي= فيها انتسامر والقمر مكتمل فوق

وسلامتكم