~~(((..المـــج ـــــلس ..)))~~

[؟ فلسفة شاعر ؟]

والله ماني كسول يامدى لكن يد وحده ماتصفق ,,


تخيلي تصفقين بيد وحده هههه ماتجي صح

........................................

والله لابيعك ولافكر اشريك : وانسى زمان ٍ كان بيني وبينك

هذي ثمان اسنين والبعد حاديك : نسيتني ماعاد تذكر سنينك

[مــــــدى]

أبشر بيمناً ماتقصّر :)

أبي أعرف تفاصيلك
.................... ابي اعيشها بليلك

ابي من دفى حروفك
.................... ابي ارتـوي سيلك

مــــدى ,,,

[Đмαя]

هلا فيك والله المدى وصح بدنك//
وصح لسسسسسسسانك,,

الاستآذ// الفريدي فهد
البقى طال عمرك وصح بدنك.. وصح لسانك ماني الا نقطة حبر عند قلمك الفذ,,


ياهموم القلب <<في قلبي هموم
..........................الحب نعمه >>وانتي لي عذاب
^^
من لفح وجهه>>الساطع سموم
.............................ومن طرد >>فـ الصحرا سراب
^^
كانها الفرقا أطيح كيف اني اقوم
...........................مير أظن اليأس يأخذ له أسباب
^^
يالنجوم الي ورى طوولك أنجووم
............................ما ورى الدرب العسير الا الصعاب
^^
وش لي يالرجاء من شخصً كتوم
.............................وأش جنيت من الهوى غير العذااب


فهد الروقي,,

للمعلووميه من أشد المعجبين بقصايد البدر((مهندس الكلمه)) ولهذا السبب بنيت هذه الابيات,,

[مــــــدى]

تسلم ياالروقي وصح لسانك ,,,

عطنا من غيثك /لاتذخر كثيره
............................... ياكريم العطى ياواسع الجــود

انا بلياك / روحي وش مصيره ؟
................................ يامسهر ٍ عيني والعيون رقــود .. !

المـــدى ,,,

[؟ فلسفة شاعر ؟]

شكرا للجميع ....

عطيتك خافقي لعبه تفضل العب بمضيوم= لعب فيه الزمن قبلك طواه وقام يطويني
من انصاف الحلول اني احبك وارسمك بحلوم= تعال وخلها غربه عناوينك عناويني

[Đмαя]

العفووو..المدى,, الفريدي

تجيني بالخفاء تسرق مني أفراحي
لك الله ما عاد باقي افراح تسرقها

فهد الروقي,,

[مــــــدى]

أسمح لك توصل معي حد الإعجاب
.................................. لكن انّك تحبني ..! رجيتك لاتحبني

ان صكيت بابك / لاتفتح علي باب
................................. ولا تغرني بحـلاك / يوم انّه جذبني

انا ماجيـت اتخيّـر بين الاصحاب
................................. ولاني بخفيفة عقل / الكل من طلبني

انا بنت اللي صعد من المجد مرقاب
................................. يتعب معي ابن ابوه / وهو ماغلبني

المـــــدى ,,,

ابياتي مااقصد بها احد لأني منخرشه من بعض الناس اخاف يحسبونها فيهم ثم يزعلون علينا :)

[؟ فلسفة شاعر ؟]

هههههههههههه صح اللسااااااااااااانك

[مــــــدى]

ثانكيو .... صح بدنك :)

[مــــــدى]

تصبحون على خير :)


القلوب حيّه باالعقول اللبيبه
........................... وانا معك ياصاحبي غديت

احسـبن راسي مااحد ٍ يجيبه
............................ لين جبتني قدامك وارتميت