خنقت الورد يا يمه و بيدي إنكسر ذبلان .. للكاتبة بائعة الورد

[قلب الزهـــور]

خَنَقْتْ اْلْوَرْدْ يَآ يُمَهْ وَبِيَدِّيّ اِنْكَسَرْ ذَبْلَآنْ


سكر باب الغرفة ولف عليّ
ارتبكت بس حاولت ارسم ابتسامة نابعة من قلبي
عبدالرحمن وهو يقرب مني
ناظرني بهدوء
توترت زيادة
وفجأة ضحك
رفعت عيني له باستفسار
أخفى ضحكته أحس مالي داعي وأنا واقف كذا
تنهدت وأنا أضربه بخفه ع صدره فجعتني ع بالي شي
تحمحم وهو يثبت يدي ع صدره هي أشياء مو شي
بلعت ريقي بفرحه عبدالرحمن أهلك مرا حبوبين بالذات يارا
بنظرة أدري إنها تصريفه بس اوكيه دامها سميتك
ضحكت بحيا طيب اتركني بروح أبدل
عقد حواجبه بدهشه مصطنعة فستانك كبير شلون بتبدلين لحالك
حاولت أبعد بس مافي مفر لا عادي يمديني أبدل لحالي
قرب وجهه مني وبرقة آفاا وأنا موجود
حمر وجهي وبربكة زادت أقدر إنتـ...
سكتني يوم مد يده وحاول يفك الطرحه
استسلمت وهو في غير كذا.....؟!

[قلب الزهـــور]

خَنَقْتْ اْلْوَرْدْ يَآ يُمَهْ وَبِيَدِّيّ اِنْكَسَرْ ذَبْلَآنْ

رجعنا من العرس متأخرين
رجعت مع أمي
وافي كان في البيت
باستني داليا وهي تتثاوب بنعس بتنام
تصبحي ع خير جوجو
ابتسمت بألم وإنتي بخير حبيبتي
دخلت غرفتي على طول بتعب
غير كذا نفسيتي تعبانة مو قادره أحط عيني بعين وافي ولا أمه
أحس لو ناظرني لدقايق بقول له كل شي أحس فيه
وهالشي مو لصالحي
والغريب إنه خالتي عادي معاملتها لي ما تغيرت حتى العرس حضرته معي
مو فاهمه ليه كذا سوت أجل
تفاجأت بوافي جالس ع الكنبة الكبيرة ينتظرني
أنوار الغرفة مطفيه
والشمع متواجد بكل مكان
سكرت الباب وراي بتنهيدة عميقة
: مافي مرحبا
تركت العباية ع السرير وأنا اروح للتسريحة بمسح مكياجي وأفك التسريحة
وقف وراي جمانة؟!
رصيت ع نفسي أخفي رجفة يديني وأنا أفك البنس نعم
لفني عليه يعني أنا مالي فرحه بعد من حقي أجلس معك
أرخيت عيني عنه وأنا ابعد غرتي عن عيني
بعد يدي ورفع ذقني
كانت عيوني غرقانة
انصدم
وحضني جمانةّ !!
بعدت عنه واستسلمت لكبتي
انفجرت دموعي غطيت وجهي بكفوفي وانتحبت
حاول يبعد يديني بخوف واضح بصوته جمانة وش صاير معك
.........................
ولا صوت غير بكاها
سحب منديل ومسح وجهها ما ودك تتكلمين
صرخت بوجهه ما بتكلم اتركني بحالي
بعد ع ورى باستغراب قولي لي وش فيك طيب
مسحت دموعها وأنفها المحمر
وصارت تفتح البنس عن شعرها بانفعال
فتحته كلها تحت أنظاره لمته ببكلة
وفتحت الدولاب أخذت قميص وراحت للحمام
وقف قدام الباب
بخنقة ابعد ببدل ثيابي
وافي بهدوء ما تدخلين الحمام وإنتي بهالحالة
صرخت فيه ما يخصصصك فيني ابعد
وافي بنظرة معبرة جمانة تعوذي من الشيطان وقولي وش صاير معك المشاكل ما تنحل بهالشكل
طنشته وهي تفتح الدولاب وتبدل بينه
أخفى ابتسامته ع شكلها
صرخت فيه لف وجهــــــــك
وافي بابتسامة خاطري أسوي شي بس محترم نفسيتك
رقعت الدولاب وراها وراحت للتسريحه وقعدت تمسح المكياج
جاها صوته من خلفها ليه كذا حرمتيني من كل شي اليوم !!
ما ردت عليه
وأول ما خلصت طفت كل الشموع وفتحت الأباجورة
وانسدحت ع السرير تغطت مطنشته
جلس جنبها ع السرير جمانة قومي في موضوع لازم نتناقش فيه
وبلحظة غضب ..
بحده موضوع زواجك حله مع أمك أنا مالي دخل
وغطت وجهها
عقد حواجبه وهو يبعد البطانية عنها
الحين كل هذا عشان موضوع الزواج
عدلت جلستها بصدمة يعني صحيح؟!
وافي بجدية اييه أمي تبي عيال وشوفي إنتي وش قاعده تسوين
جمانة برجفة أنــــا؟؟!!!! ومين اللي قال ما ودي أجيب عيال الحين مو مستعد
ابتسم وحضنها غصب عنها شيلي هالموضوع من راسك الحين وأمي أنا فهمتها كل شي وما تدري إنك تدرين وإلا كان اعتذرت منك
إلا صح كيف دريتي أكيد داليا؟؟
بعدت عنه بغيض لو مو داليا أنا سامعتها بنفسي
تنهد اوكيه انتهى الموضوع
بعدت عنه بنرفزة لا ما انتهى أنا متضايقه اليوم ياليت تبعد عني
اوكيه ماشي يا جمانة كل هذا وما تبيني أتزوج
ناظرته بكبرياء
ابتسم ببراءة طيب بروح أنام برا
مدت بوزها
قام أنا رايح
وكأنه يقولها قولي لا
أخفت ضحكتها طيب لا تروح
لا خلاص عشانك متضايقه
جمانة بقهر لا مو متضايقه لا ترووح
رجع طيب
لا تسوي فيها إنك زعلان لأنه المفروض أنا اللي أزعل
ما رد
تغطى بالبطانية وعطاها ظهره
تأففت بداخلي يا رب عدي هالليلة ع خير
مديت راسي أشوفه وافي بلا سخافة حبيبـ...
قلب علي فجأة
صرخت بضحكة هههههههههههههههههه أعوذ بالله منك
قرص خدودي برقة تتعوذين مني اوكيه بوريك مين وافي اليوم
غمزت له هههه خلاص صافي يا عسل
لا عسل ولا قشطة عشان تحاسبين ع كلامك مره ثانية ......!





رجعنا البيت بعد عشرين مكالمة من راكان ولين
واللي رجعنا من جد إنه السفرة جاهزة وماما وبندر جايين يتغدون معنا
كنا جايبين معنا ورد عشان طاولة الأكل
وأول ما دخلنا البيت
استقبلنا راكان وبحده شرفوا العرسان أخيرا
ضحكت وأنا أقدم له وردة توليب خذ حبيبي هذي لك
ناظرني بسام اللي كان مبتسم وتدريجيا اختفت ابتسامته
عضيت ع شفتي وهزيت راسي باستعباط وشوو؟؟
سحب الوردة راكان خلاص سامحتكم غراتسيا لا بيلا
طنشه بسام ودخل سلم ع ماما وبندر
دخلت غرفة الطعام
تفاجأت بالسفرة وااااااااو مرتبه أكمل ترتيب حطيت الورد بالمزهرية
لفيت ع صوت لين المقهور
صباح الليل
لفيت وحضنتها يا قلبي والله سكوزا هذا أخوك وأفكاره
لين تأشر بإصبعها نو أبي ترضيه أنا بعد
أفداك لك اللي تبيه
دخلوا كلهم ع الغرفة

بندر وهو يسلم علي وش هالحركات سمعنا إنه في نذالة صارت اليوم
سلمت عليه بحرارة وحضنت أمي ههههههه اسأل ولد خالتك
نط راكان ومعه بدر ويلدا
التفينا ع الطاولة
كان جو عائلي حميمي
راكان وهو يلعب بالورد بزهق
لين تغمز لي شوفي راكان وبسام كل واحد سارح بشي
أما عن بسام اعتقد اني عارفه وش فيه
يالله لهالدرجة يغار من راكان!!
تبادلنا النظرات كلنا حول المشاغب الصغير
بدر بابتسامة راكان بابا ليه ما تاكل
: نونو فامي !
" لست جائعا "
رفع حاجب وهو يرفع الملعقة قبل شوي كلمتني تاله تسلم عليكم كلكم
ترك الوردة ولف عليه باهتمام
ولما شاف نظراتهم شتت نظرته ااا أعطيني السلطة من جنبك ماما
ابتسمت وهي تعطيه ياها بريجو حبيبي
أخذها ولف ع لين باستفهام في شي؟؟
لين بابتسامة ترا أنا مو تاله تتناقر معي
ضحك بندر راكان حبيبي كل زين عشان أكلم عبدالله وأخليك تكلمها
أشر بيده بلا مبالاة مصطنعة لا ما عندي وقت بروح للباليسترا
" الجيم "
يلدا لا تروح بعد الأكل على طول ما ينفع
ترك الأكل وقام خلاص اتركوني بحالي
!!
بسام يعلق وهو ينزل كاس العصير واضح إنه مفتقدها
بندر بنغزة وهو ياخذ وحده من الأعواد المغروزة بالساسيتشا
"سجق ايطالي"
: بسام الحين هذا كله إنت مسويه معهم
ابتسم لا
قالت بحده تغلب عليها نعومة صوتها على أساس كان معنا هو وأختك الموقرة بس تعرف الباقي وش صار
يلدا تضحك يعني إنتي وراكان مشاركين
والله شاركنا بس تعرفي لينزي حاره ومن كثر ما عصبت تركتها وطلعت ونشب لها راكان
الكل ههههههههههه
وعلى طاريها دخلت
وجهها محمر ومنفوخ
حطت صحن البانفورتي
: تشآو سينيوري بسام سينيورا لتين
ناظرني وضحك تشآو كارا سنيورا
" سيدتي العزيزة"
وقفت اللقمة بحلقي
بس ما أظهرت أي تعبير غير الابتسامة اوكيه تردها لي يعني مو مشكلة
والست من يوم قال لها كذا توسعت ابتسامتها وراحت كل العصبية ميو فيلو نون بروبليما بيللو
" ليست مشكلة ابني الوسيم"
ضحك بسام
مو بس هو كلهم
أخفيت تفاجئي يضحك!!
مرا يضحك الموقف بصراحة
بندر يطبطب ع كتفي مو مشكلة حبيبتي هذي ضريبة اللي تتزوج واحد
وبحالميه وسيم!!
رفعت حاجب عادي
بسام ساكت
ولينزي أخذت الحلا وقالت بتخليه بالجلسة الخارجيه برا
نجد بضحكة لتين كأنه الحكي ما عجبك
وجهت أنظاري عليه عادي هم كذا العجايز
بدر اهااا علينااا عادي؟؟
ابتسمت بغيض اييه عادي و قمت الحمدلله أنا شبعت
جيت بعدي من جنبه
مسك يدي وباسها والله ما تزعل الغاليه عاد كله ولا لتين ماحد يزعلها بسام لا اوصيك فيها
دنقت عليه وبدلع بسته ثانكيوو عموو
أومأ براسه ولوو
خرجت وأنا داريه بسام وراي شوي وينفجر بمكانه!!




كرهانة نفسي خاطري أرجع تورينو
عبدالله خرج وتركني لأني ببساطة
تخانقت معاه بسبب الصورة اللي تصورتها في ديزني لاند
حسيت بغلطي يعني لو هو تصور مع غيري بزعل
بس عبدالله غيور بزيادة وأنا أغار بس بحدود ماني من البنات اللي تغار على أتفه شي
تنهدت وأنا أصب لي كاسة عصير من ثلاجة آلبيرغو
"الفندق"
كلمتني اليوم ماما وأعطتني محاضرة طويلة عريضة وإنك بتصرفاتك ورفضك لزوجك بتخليه يناظر غيرك وإنه وإنه....
أخذت نفس ورحت وقفت قدام الشباك
الساعة قربت 10:30 من ساعتين طالع
لفيت ع صوت الباب
حمدت ربي بداخلي إنه رجع
ناظرني وهو يترك جاكيته ع الكنبة ولف بيدخل الغرفة
رحت له
: عبدالله
رفع عينه لي وهو ياخذ لبس من الشنطة بدون ما يرد
قربت منه بسته ع خده برقة آسفة غلطت عليك
وبانفعال لا تتركني لحالي مره ثانية
ابتسم شبه ابتسامة مشكلتي طيب وما أقدر ع زعلك
حطيت راسي ع صدره طفشت وأنا لحالي
مسح ع شعري نقدر نشغل وقتنا بأشياء زي الناس الطبيعيين
بس إنتي رافضه
بعدت عنه بسرعه طيب وش رايك نطلع
ناظرها لثواني
وسأل بتلقائية تاله فهميني وش صار فيك ما كنتي كذا إنتي متغيرة
تنهدت بعمق وبدلع اااااااه والله أنا إنسانة جبانة من زمان مو شي جديد
ضحك عليها طيب يعني لين متى بتظلي على جبنك
بتفكير اسبوع ع الأقل
عقد حواجبه وشووو؟؟؟؟!!!
بكره رضيتي كان بها ما رضيتي بعد كان بها
تاله بعصبيه أصلا أنا أدري إنك متفهم وما تتصرف بهمجيه
عبدالله مرا بالذات مع إنسانه مثلك
ضربته ع كتفه عبــــــــدالله
رفع حاجب أنا أدري عنك معيشتنا كأننا إخوان
بلعت ريقي وين رايح
بروح أتحمم فيها شي بعد
شبكت يديني طيب أنا بعد بروح أتروش وما في إلا حمام واحد
لف علي احلفي بس تعالي تروشي معي أجل
ضحكت فكرة جيدة والله
فتح فمه تاله لا تسوين لي انفصام بالشخصية !!
ضحكت وأنا أطلع ملابسي لا والله جد !

[قلب الزهـــور]

خَنَقْتْ اْلْوَرْدْ يَآ يُمَهْ وَبِيَدِّيّ اِنْكَسَرْ ذَبْلَآنْ

طلعت عنده برا كان واقف عند شجرة البرتقال
الجو يجنن
وقفت جنبه كان توه مقفل التلفون وابتسامة مرسومه ع وجهه
ولما شافني لف عني يناظر بعيد
لصقت فيه بسوووومي حبيبي
أنا قلت هالكلمة من هنا لف علي على طول
ضحكت بداخلي مبسوطه هالشي يثبت لي كبر المحبة اللي بقلب بسام
لي
ابتسمت زعلان!؟
لف ولفيت معه صار ظهري لجذع الشجرة غمض عيونه وهو يهمس عند إذني
: أنا أموت غيره لما أشوفك مع أي رجال غيري حتى لو كان أبوي أو راكان
توردت خدودي وأنا أحضنه طيب
تركته وأنا أزفر وأنا بعد أغار عليك من هذيك العجوز
ضحك بربك تقارني نفسك بلينزي حرام عليك!!
ميلت فمي حتى لو كانت منتهيه تظل حرمه
يا هو يا حرمه إنتي !
مو أنا الحرمه هي
عض على شفاته بنظرة فهمتها
ضربته بكس خفيف تفكيرك وسسسسسخ
ههههههههه اسمعيني عندي خبر
باهتمام وشو؟؟!
تكتف اممم كلمني منذر وسمعت بإذني صوت رويد هناك بألمانيا
ضاق صدري طيب
جوازه مع منذر راح يوصلني اليوم
يعني تقدري تنامي من اليوم وإنتي متطمنه ما يقدر يخرج من ألمانيا بعد اليوم بدون جواز
لمعت عيوني بفرحه صصدق
حضنته بقوة وبصوت مسموع يا حييييياتي إنتاااا
صفق عمي وهو يضحك مع بندر وش هذا حبايبي عندنا عزابية بالبيت
بعدت عنه على طول بإحراج
ضحك بسام يقطع أبليسكم خربتوا عليّ اللقطة
بندر بغمزة أهم شي الإحساس
ضحك بسام وبدر
وأنا وجهي طاح
ياربـــــي ليه الرجال ما يستحووون!!؟
: سمعتوا الخبر جواز رويد صار بيديني
بدر بفرحه الحمدلله يا رب
قرب بندر سلم ع بسام وحضني هالفرحه تستاهل فرحه أكبر منها
بسام يبعده خلاص عااد..
سحبني بندر ياخي مالك دخل أختي
ورجع حضني
سحبني منه أقووول حل يكون أحسن
ناظرت عمي بدر ببلاهة
ضحك حرام عليكم
هذا يسحب من هنا والثاني من الجهة الثانية
اللين ما بعدت نفسي عنهم وطحت ع بسام
لكنه وازن نفسه وما طاح
بندر باستهبال لا دامك تبيه خليك معاه حرام نفرقكم
صرخت بدلع بننننندر
ههههههههههه
لفينا ع صوت خالتي يلدا وماما وهم يأشرون لنا
: البانفورتي !
*
*
*
Manifest your loyalty in word and deed.
برهن إخلاصك في الكلمات و المآثر

نهاية الجزء الخامس الخمسون

[قلب الزهـــور]

خَنَقْتْ اْلْوَرْدْ يَآ يُمَهْ وَبِيَدِّيّ اِنْكَسَرْ ذَبْلَآنْ



الجزء السادس والخمسون

ابتهالات أحلامنا ,...
يوما ما ~..[ ستتلى على ألسنة الحياة مَعزوفة بأوتارها مُسقاة بأمنيات الطاهر من القلوب..!
[It's mine ]

كنت جالسه بالصالون مع خالتي نشرب القهوة لين وميرا نايمين
والبقية في الدوام
رشفت من كوبي الحين محتارة وش أسوي مع الجامعة
ناويه تكملين والا تتخصصي تخصص جديد
حطيت يدي ع خدي مو عارفه بنفس الوقت ما ابغا ترم ونص تروح ع الفاضي
أخذت قطعة من بسكويت النارجين برأيي ابدأي من جديد الانجليزي ما راح تستفيدي منه هنا ادخلي أي تخصص ثاني
زفرت بحيرة بستخير وبشوف
ناظرت الجوال قدامها الله يهديها تاله قالت بتكلمني من أول انتظرها
عدلت جلستي باهتمام يمكن انشغلت الله يعينها لما تروح الامارات
خالتي بهم والله قلت لعبدالله لا توديها لأمك وتعلق معها أعرفها تاله ما تسكت لأحد
بتفكير ناظرتها سهى ما راح تسكت لها بعد أصلا الله يستر وش بتسوي لو عرفت إنه تزوجها عبدالله ما طاقتها لما كانت هناك
انشدت ملامحها لا تخوفيني توتا
ابتسمت لا تخافي عليها دامها مع عبدالله بيحطها بعيونه
هم مسافرين اليوم صح؟؟
أومأت براسها ببال مشغول اييه اليوم رايحين الامارات وبعد بكره راجعين لهنا
تنهدت الله يسعدهم إن شاء الله
....آمين



أفقد الدنيا بڪبرها لحظة وحده لو فقدتڪ

إلى متى بتأجله يعني يا فيصل خطر عليها
رمى شماغه ع الكنبة وبإرهاق واضح عليه اليوم موعد العملية بالليل توني موصل لمار للمستشفى بتحمم وأرجع لها
قربت منه ومسحت ع راسه الله معك يا ولدي هو أرحم من كل شي
دفن راسه بصدرها وبعبره
: لو صار لها شي بلحقها
شدت عليه ما بيصير لها الا اللي ربك كاتبه وبتقوم بالسلامة إن شاء الله
دخلت سجى وبيدها صينية القهوة والحلا
لما شافته كسر خاطرها قالت تلطف الجو
يووووه يا فيصل بتصير أب وللحين تنام بحضن الماما
رفع راسه وبألم خلني أشبع منها يمكن ما أصير أب بعد
أخذت الفنجان شوف لو عدت هالكلام بكب القهوة فوقك
ضحك بخفه لا دخيلك
ووقف أنا رايح المستشفى تآمرون شي
سلاف بحنان الله معك يمه الساعه كم موعد العملية؟؟
ناظر ساعته ع 8 العشا
طيب تعال خذني أنا وخالتك قبل بساعه
أشر ع عيونه أبشري يمه
باس يدها وراسها دعواتك
ابتسمت سجى وعيونها غرقانة ونزلت راسها تصب القهوة
يوم شافها كذا طلع يتحمم
لأنه لو جلس ثواني بينجرح أكثر....




ملكتني بطيبك و حنانك و زين خصالك

العاصمة لواندا//أنجولا
Talatona Convention Hotel

أحد أغلى مناطق العالم
أنجولا السمراء // افريقيا
ترك الشوكة وهو يتأملني
بلعت اللقمة بصعوبة عبدالرحممممن !
ابتسم عيونه
ابتسمت بحيا وش قاعد تتأمل
مسك يدي ومسح عليها برقة أتأمل يدينك كأنها لعبة
مشاء الله
ضحكت بإحراج ما أكلت
شبعت الحمدلله
تذكرت ناظرت الساعة على أساس اليوم عملية لمار
آهاا لمار بنت خالتك؟
اييه والله مره خايفه عليها
وبثواني غرقت عيوني ما أتخيل يصير لها شي
عبدالرحمن بتلقائية أخذ منديل اوووبس حبيبتي لا تبكين
مسح دموعي
كتمت بكاي هالبنت عمرها ما تهنت بشي
أومأ علي برقة بس ما تقولين إنه زيجتها من فيصل بالاساس خطأ
هزيت راسي بلا هم يحبون بعض مرا يمكن لو ما تزوجته كان صار فيها نفس الشي
وأنا أناظر لبعيد فيصل يتنفس بلمار..
ناظر مكان وجهة عيوني
كان الطاهي أسمراني معضل بما إنها منطقة سمر
يطبخ ع المكشوف
لف وجهي برقة له
شكلي أحلى منه عشان تنفتح نفسك ع العشا
ضحكت باستغراب ياويلي بعض الرجال يغاروا من النسمة إذا مرت
همم وين سرحتي
ابتسمت عفوا كنت تقول شي
هز راسه كنت أقول فيصل ولمار يحبون بعض
وأنا هذا اللي قلت لك ياه
ابتسم طيب وأنا...
ميلت راسي أنت ايش
أنا ويارا ما يمكن أحد يقول عنا هالكلام
ضحكت وأنا أشد ع يده إنت حبيبي مو لازم الناس تقول عنا شي أهم شي شعوري ناحيتك وشعورك ناحيتي
أخذ يدي وباسها
وهو مغمض عيونه
بعدها برقة أما عني أنا مو أتنفس يارا أنا أحيا وأموت فيها
حمرت خدودي وعيوني لمعت
يارب شقد الكلمة حلوه منه الحمدلله ربي اللي عوضني
تنهدت بقوة عبدالرحمن!
رفع عينه لي بترقب
شديت ع أسناني
: أحبببببببك
أشر للجرسون Excuse me
قرب بلباقة Yes, sir
Check, pleas
دفع الحساب وقومها بلطف come on my lady
قمت معه بابتسامة تعجب Where are you taking me?
حضن كفي بحميميه وقال بصوت رقيق ونظرة آسرتني
This word deserves special thanks!:
ضحكت بحيا عبدالرحممممن !
فتح عيونه وحنا طالعين و بضحكة
not shy anymore!......:




استأذنت من بسام بروح لماما لين ما يرجع هو من دوامه
وأذن لي
اتكيت ع الباب وأنا أتأمل الحياة برا
أحب أتأمل بصمت
انتبهت ع صوت جوليا جنبي
شي ديسبياتشا آفيتا اون آبونتمينتو ديمانو دال دينتستا
" عفوا، لديك غدا موعد لطبيب الأسنان"
تذكرت صح إني حاجزة موعد عند الدكتور عشان أسوي التنظيف
بيه إون شيتدانو مي ريكورداتو دوماني
" حسنا قومي بتذكيري غدا "
ابتسمت وهي تدون بالنوته إلورا سينيورا
فتح لي السواق الباب
نزلت ووراي جوليا شايله بين يدينها علبة الكعك الإيطالي التقليدي
ماما تحبه قلت أجيب لها منه
استقبلني في الحديقة بندر ومعاه ماما
ابتسمت صباح الخيرات
يا صباح الفل والياسمين صباح الناس الرايقه
فين زوجك عنك؟؟
جلست في دوامه طبعا
وليه طبعا يا حبيبي صار له كم يوم أشوفه متهاون مشغول بأمور أخرى
وغمزني
ضحكت بإحراج ماما خلاص بندر لازم تزوجيه بدا ينحرف
وكأنها تذكرت اييه صح كويس ذكرتيني
لازم تتزوج بندر بتدخل الثلاثين
بندر بصدمة أولا توني ببداية الـ 29 ثانيا مواصفاتي صعبة
احنا الاثنين سوا ايش؟؟
بندر بجدية
: ابغا وحده تستحي
وحده لو حطيت عيني بعينها تصيح من حياها
ضحكت عليه بس بس وقف عاد عمرك ما بتتزوج أجل
شفتي شلون ؟؟
وسكتنا
ماما محبطه فين بتلاقي بهالزمن البنت اللي تستحي كل هالحيا
وبندر ياما شاف وشاف ما ينفع له أي وحده
لازم وحده تدخل المزاج وتملي العين
وبعد لحظات سكوت
قدمت الخادمة الكيك
ويوم عطته الطبق
ردها بلطف وقال بس أنا شفت مواصفات هالبنت بس مضيعها
فتحت فمي بصدمة يخالجها شعور من الفضول والفرحه وين؟
نجد تحط رجل ع رجل إنت قولي من هي وأنا ألقاها لك اليوم
ضحك بخفة لا البنت مو هنا
عقدت حواجبي حرقت أعصابي
تنهد مره كنت ببيت أهل فيصل خوي أخوك عبدالله
أومأت براسي استحثه ع الكلام وفضولي يزيد
طلعت أكلم تلفون شفتها جالسه ع المرجيحه ويوم شافتني ملامحها لا تفسر
وبعدها ما شفت إلا المرجيحه تهتز بروحها فاضيه
وهو يوجه الكلام لأمه تدرين يمه لما شافتني غطت عيونها حسبت البنت جاها شي من الفجعة
ضحكت برقة أخاف البنت ذابت ع الجمال
عدل جلسته أفا عليك هذي خالصين منها
هههههههههههه الثقة العمياء
بندر جد والله إذا لقيتوها بتزوجها لأني لمست الحيا فيها بنفسي أما غيرها مو مستعد أجازف بصراحة
وبقهر تدرين والله ما عاد في حيا خليك من هنا بنات الغرب ما يستحون من الأساس
بس بلاد عربيه السعوديه نفسها صرتي تمشين شويه وتجي البنت تحب رجولك عشان تعطيها وجه
نجد بغيض الله يقلعهم إن شاء الله
ابتسم وهو يربت ع كفها ما عليك يمه ولدك عاقل ما يعطيهم وجه
ضحكت عليه اوكيه عن جد قولي مواصفاتها عشان أسأل ربى صحبتي عنها هم أهل زوجها
ناظرني باهتمام جد؟؟
اييه والله جد
نجد طيب حلوه؟؟! خلينا نشوفها قبل لا نخطبها
بندر حححلوه يمه ما عليك
بس تعال بترضى تعيش هنا طول عمرها وأهلها هناك
مدري؟؟!
تحمست معاه اوكيه بندر قولي مواصفاتها عشان أوصفها لربى
ابتسم ابتسامة خفيفة شعرها أسود طويل
بيضه اممم مو نحيفه مررررا عادي جسمها لاحظت إنه خصرها دقيق
أعوذبالله منك !!
ضحك لا والله إني ما أدقق بس هذي لفتتني
لفت علي ماما كلمي ربى اليوم عشان لو ما كانت مخطوبه نروح نشوفها
ابتسمت من عيوني
تسند بندر ع الكرسي
مرت نسمة هوا طيرت شعره الناعم
وبخبث إلا توتا ما قالك بسام يوم كان بجده ودقوا عليه البنتين بالفندق وطلع لهم بدون فالينا
فتحت فمي بصدمة هاااا!!!!؟؟؟ متى هذا
ماما بضحكة تخفيها بعصبية مصطنعة بندر لا تسوي فتن ما صدقنا تهدا الأوضاع
بندر ببراءة ما قلت شي بس هو فتح لهم الباب بدون ما يلبس والظاهر كانت نيتهم وسخه
وحرك حاجبه فوق تحت
حسيت إني ببكي من القهر كـــــــــــذاب قول والله هو قالك كذا؟؟
أومأ براسه بمسرحيه اييه نعم - ودق ع صدره - بس بسام النشمي قلعهم بنظرة وحده ورجعوا دقوا الباب مره ثانية
صرخت فيه ماما بندر وربي لو ما سكت ...
ضحك ع وجهها المتلون يا إلهي أختي غيارة لهالدرجة
زميت شفاتي انزييين حسابه اليوم عندي
ضحك بندر الله يعينك اليوم يا بسام
خربت عليه ليلة سعيدة تلاقيه قاعد يخطط ويحلم الحين
عضيت شفتي بحيا بنننندر وربي ما تستحييييي
ضحك هو وماما
وأنا أغلي بمكاني
لييييه يا ربييي ما لقوا إلا بسام !!!

[قلب الزهـــور]

خَنَقْتْ اْلْوَرْدْ يَآ يُمَهْ وَبِيَدِّيّ اِنْكَسَرْ ذَبْلَآنْ


عزاي إن الوفا ذنب و
سيوف جروحها [أجري] ..!

أبو ظبي //4:00 a.m.

طلعنا من الفندق أصلا إحنا ما وصلنا إلا قبل ساعتين ونص
ما مدانا نرتاح ساعتين وقومني عبدالله عشان نشوف أمه
الله ياخذها أنا مو ناسيه إنه هي وأكيد متأكدة هي اللي دخلت رويد عند لتين
على طاريها تنرفزت
عبدالله وحاسه بصوته إنه متوتر
تاله حبيبتي وين حطيتي الكاميرا
تركتها بالدولاب بالفندق
اممم كان المفروض نحطها بالخزنة
قربت منه وشديت ع يده مو مشكلة حبيبي المره الثانية بحطها بالخزنة
ابتسم لي ابتسامة باهته
حطيت راسي ع صدره لا تتوتر إذا توترت أنا معك أتوتر
تنهد تعرفين أمي زين توقعي منها أي شي
ابتسمت له أطمنه لأني أعرفها أقولك كذا لا تشيل همي أنا ما ينخاف عليّ
ناظرني بطرف عينه بس بعد اسمها أمي حاولي تمسكي لسانك
كشرت بوجهه وش قصدك يعني؟؟
ضحك من غير نفس قصدي إني أعرف زوجتي الشقية وخبره ما يحتاج أحد يعلمني فيها
بعدت عنه بتنهيدة طيب بوريك الشقية اليوم مضبوط
عبدالله ولانت ملامحه برقة قرب وجهه مني أحب الشقاوة بأمور ثانية مو بهالأمور
صديت عنه بدلع مااافي لا تحاول
حسيت بيده ع كفي
كانت لمسته رقيقة وشدت أول ما وقف التاكسي
لفيت عليه بحنان حاسه بمشاعره ما أتخيل أمي تسوي فيني كذا
الله ياخذك يا سهى
رفعت يدي الثانية وحطيتها عليه
: سوي اللي عليك حبيبي وأنا معك بالحلوه والمره





((وَقَالَ رَبُّكُمُ ادْعُونِي أَسْتَجِبْ لَكُمْ...))

سعد التخصصي// قسم الولادة والأطفال

بعيد عن السيب الخارجي
العيلتين كلها على أعصابها
وحيد بالغرفة الداخليه ينتظر
...يحسب الساعات
...يعد الثواني
تشنجت عضلاته وهو يصلي
رافض وجود أي أحد بجنبه
الله أقرب من الجميع ..
يمكن وجود البعض يزيد الألم بدل لا يشفيه !
لكن الله ما عنده إلا الشفا
صار لها 4 ساعات بغرفة العمليات
دموعه ما جفت يسترجي العافيه من ربه
تجاهل الكل ودخل عنده
جلس جنبه وحط يده ع كتفه
فيصل خلاص قوم ارحم نفسك
رفع راسه له ومسح وجهه طلال دخيلك خليني بروحي
رحمه فيصل لا تسوي بنفسك كذا بتقوم بالسلامة إن شاء الله
فيصل بعذاب اوكيه ليه تأخروا
نزل راسه وهو يضرب ع صدره بقوة أنا السبب
طلال بحزم فيصل وش قلنا حنا كله مكتوب عند ربك
صرخ فجأة بوجهه انزين قومها لي ما ابي أطفال بس رجع لي لمار
طلال بهدوء فيصل هالكلام ما نقدر نقوله الحين خلاص صار اللي صار ادعي ربك تقوم بالسلامة وبس
بيـ....
دخل فهد مستعجل فيصل طلع الدكتور يسأل عنك
فز على كلمته لدرجة خاف عليه طلال
سنده فيصل سمي بالله وخلك قوي
بعد عنه ابــــــــعد خلني أشوفها
أول ما طلع بلع ريقه بربكة الدكتور وجهه ما يطمن يا طلال
لا تقول وخرج ما انتظر منه إجابه





تحت أنظار الجميع
من أم إبراهيم لجمانة واقفين على أعصابهم
وقف قدامه بوجه خالي من الحياة
: طمني دكتور ؟؟!!
فصخ كمامه
حاليا ما أقدر أعطي أي تقرير لمدة ساعتين لا عن الأم ولا الطفل
أم إبراهيم شهقت بدموعها ليييه وش فيها بنتي
فيصل رجوله ما عاد تحمله
سنده طلال وخالد
أشر له يوسف خاله وقف وبهمس معاه السكر لا تكمل لوسمحت
الدكتور وعنده علم اوكيه تقدر تتفضل معي لو سمحت
لف بيروح معه
بعدهم فيصل وبعصبيه زايدة وخروا عني بفهم زوجتي وش فيها
الدكتور بحيرة طبـ....
صرخ بوجهه تكلم وش فيها زوجتــــــــي
نزل عيونه وش تبيني أقولك أخ فيصل أنا نفسي ما أعرف شي الحين
وأطرافه ترجف بغيض شلون ما تعرف إنت دكتور بالله
إنـــــــــــــت
سحبه طلال فيصل خلاص فيـــــــــصل
إبراهيم بإحراج اعذرنا دكتور
أشر بيده لا تهتم إذا صار أي شي طمنتكم
سلاف تبكي وأم لمار تنوح
والبنات يبغالهم من يسكتهم
والرجال ما بيدهم شي يسووه
الدنيا مقلوبه فوق تحت
وفيصل حالته بكل ما تعنيه الكلمة من معنى
يُرثى لها....!

[قلب الزهـــور]

خَنَقْتْ اْلْوَرْدْ يَآ يُمَهْ وَبِيَدِّيّ اِنْكَسَرْ ذَبْلَآنْ

كل الكلام منك أفهمه إلا أحبك تقلب الدنيا تناحة

ركبت السيارة ساكته
بسام مبسوط ع الآخر قدم لي كوب قهوة تشربي لتين ؟؟
هزيت راسي بلا
رجعه وباستغراب لف عليّ
فيك شي قولي وش صاير؟؟
قلت بشرود موضوع ما يتكلم فيه بالسيارة
قربنا نوصل البيت اشغلتيني
تنهدت والله الموضوع يستاهل إنك تشغل بالك فيه
بجدية
: جد والله وش صاير؟
زفرت هذا وصلنا
نزلت جوليا ونزلت أنا
سكر باب السيارة وأشر لي جنب الشجرة في الباركينق اجلسي هنا ماله داعي ندخل
جلست ع كرسي خشبي وأنا احط شنطتي بحضني بضيق
جلس قدامي وهو يمسح ع شعره اييه ؟؟؟
رفعت حاجب مين البنتين اللي دقوا عليك باب الفندق يوم كنت بجده؟؟
عقد حواجبه بنتين؟؟ أي بنتين ؟؟
قلت بغيض بسام إنت فاهم علي البنتين اللي طلعت لهم وإنت مو لابس
وقلت آخر كلمة بشبه صراخ من جد مقهورة لما أتخيل شكله
حيوانات!!!!
صغر عيونه بتفكير وفجأة آهااا
تكتف ذكرتيني إنتِ وش عرفك بهالسالفة؟؟
بحده تخالطها نعومة وتملك أنثوي مو مهم وش عرفني المهم إني أعرف هالسالفة الحين
مد بوزه الله ياخذ ابليسك يا بندر ما في إلا هو
حركت رجولي بعصبيه
مد يده وثبتها ع ركبتي وبرقة
: لتين.. هدي ما صار شي كلهم على بعضهم بنتين من الأشكال الماصخه
قلعتهم بكلمة
رصيت ع أسناني بكلمة وإلا بنظرة؟؟
ابتسم اللي تبينه بس يعني أنا مو عارف وش اللي فتح هالسالفة هو موقف وعدا
بقهر إذا موقف وعدا ليه حكيت لبندر عليه معناها كنت تفكر فيه؟؟
تنهد لا والله إني ما كنت أفكر فيه بس هو حكالي موقف مماثل وقلت له هذي هي القصة
زفرت بغيرة واضحه من عيونها
بانت ابتسامة خفيفة ع شفاته قبل لا يقرب منها وبحب
: افترضي حكيت هالموقف بس أنا هالبنتين ما أقدر أقولهم كلمة
عقدت حواجبي بعدم فهم ؟؟
عض شفته بمعنى
ما أقدر أقول أحبك إلا لإنسانة وحده
ارتخت ملامحها ورمشت وخدودها توردت
أحبك
: إنتي أول إنسانة أهمس لها بهالكلمة بحياتي
نزلت عيونها وما بان إلا هدب عينها وهو يرف كأنه طير
رفع ذقنها
............................
وبعشق أنا مو بسام لما ترمشين.. لا تستنكرين مني أي تصرف!
مسحت ع خدها بحيا بالغ
واكتفت ......




تَدريْ يآ قلبْ ..!
تَمنيتكَ :عَديمْ أحسآسَ ,،
تَمنيتكَ قآسَيِ شَديدَ البآسْ
مآ يَهمكَ جِرحَ أوَتفَكيرَ بالنآسَ ..

كانت شقة صغيرة في عمارة متواضعة
ما أخفي إنه الخوف تسلل لقلبي الصغير
يمكن لأنه عبدالله متوتر
دايما نستوحي القوة والأمان من أحبابنا
فإذا كان هو متوتر أنا وش بيطلع مني
رفع نظارته الشمسيه وهو يدق الجرس
بعد ثالث مره
فتحت خادمة فلبينيه الباب
يس سير وش تبي؟؟
رفع حاجب من لكنتها واضح إنها متعوده ع أهل البلد
: مدام سهى موجودة
ايوا ماما سهى داخل
وفتحت الباب تسمح لنا ندخل
مسك كفي ودخلنا
الشقة صغيرة مرتبة لكن على قد حالها
دخلت قبلنا على وحده من الغرف
ماما في رجال
لفت عليها رجـ....
سكتت
وسكت هو !
لحظة صمت مرت بين هالأم الجاحده وولدها الضايع بجحدها
الخادمة تناظر بينهم
هزت راسها بتعجب وراحت
ضميت يديني لصدري نزلت راسي أخفي دموعي
خاطري أضمه وأعلمه إني أمه وأخته وكل شي يتمناه لكن في أشخاص مهما كانوا ماحد يقدر يعوض مكانهم
كانت جالسه ع كرسي متحرك
هذا يعني إنها
انشلت!!
قرب منها بعتاب وعيون حرقها الدمع
بصوت فيه بحة بكا
ليه تركتيني يا يمه ليـــــــــــه
ليه سويتِ كل اللي سويتيه
خليتيني كل ما ناظرت بعين أختي أتذكر وجهك
رسمتِ الألم بعينها طول العمر
لييه فهميني يمه
سبب واحد يخليك تسوين اللي سويتيه
ليه تركتيني وحيد مالي لا قريب ولا صديق
سكتته بحده إنت مين سمح لك تجي لهنا
مين خبرك عن مكاني؟؟
فتحت عيوني بصدمة لا هذي مو بشر من وشو مخلوقة
أنا بكيت ومو أنا اللي مأذيته
عبدالله أرق من الندى ملامحه البريئة لحالها ما تخلي الواحد يقدر يلمس منه شعره
شلون وهي جرحت فيه لين ما غار الجرح وما عاد يلتئم
خلت منه إنسان تعيس
مهما فرح تبقى فرحته ناقصة
لأن الحزن وشم اعتلاها ما يزول
نزل لرجولها وهي ع كرسيها
لثم يدينها يمه أرجوووك يا يمــــــه
ارحميني
بعدت يدينها بقسوة
طول ما إنت مع أختك أنا مو معك وكأنها انتبهت علي
وهالحربا وش جابها هنا
رص ع عيونه تاله زوجتي يمه
تجهم وجهها وبصراخ اطلــــــــــــع اطلع من بيتي
قربت منه ومسكت يده
وقف بحرقه يمـــــــــــه قولي لي وشـ....
سكرت إذنها وهي تناظرني بكُره قلت لك اطلع والا والله إللي صار بأختك من سنين بيصير فيك
ما فهمت عليها بالأول
لكني استوعبت على طول لما شفت عبدالله مسك كفي
وبالكف الثانيه مسح دمعه ظلم حرقته
وطلعنا


((إِنَّ مَعَ الْعُسْرِ يُسْراً))

مرت ساعتين ما في أثقل منهم
ماحد راضي يرجع ع البيت لين يتطمن ع لمار وولدها
فتحت الممرضة الباب
وبجنبها الدكتور
وقف الكل
رفع يده لوسمحتوا المقربين للمريضة بس
حالتها ما تستحمل أي إزعاج
فيصل ما انتظره يكمل أصلا
بثواني كان عندها
أما خواله الكبار وأبوه اجتمعوا بالدكتور
الدكتور بابتسامة تطمن المريضة تعدت مرحلة الخطر الحمدلله لكن من الطبيعي الحين إنها تكون تحس بتعب إضافي
يوسف بتفكير شلون وهي تعدت مرحلة الخطر
الدكتور يا أخ يوسف الأخت لمار حملت شي فوق طاقتها من الطبيعي إنها تكون تعبانة الحين
أبو فيصل بتعقيدة طيب والولد
وهو يشرح لهم رفع التلفون وطلب ملف المريضه
سكر التلفون
مثل ما قلت الطفل لازم يبقى بالمستشفى ع الأقل أول اسبوعين وبعدها نشوف حالته تسمح له بالخروج أو لا
إبراهيم بنرفزة ليه يبقى دامه طيب
انحرج الدكتور المصيبة عليهم كبيرة ومو راضيين يستوعبون كلامه بهدوء
الولد ما استجاب لكل الفحوصات والتحاليل اليوم بنرسلها ألمانيا توصل بكره حتى نتأكد بأقرب وقت من سلامته
بس بشكل عام ما في شي يخوف إن شاء الله
صافحه طلال وهو يقوم الله يعطيك العافيه يا دكتور
أومأ بابتسامة يعافيك ربي واجبي
دايما يواجه الحياة ومصايبها بصمود
يدري زين لو ما أعطى فيصل الأمل
بتنهيه الحياة قبل لا ينهيها...!

[قلب الزهـــور]

خَنَقْتْ اْلْوَرْدْ يَآ يُمَهْ وَبِيَدِّيّ اِنْكَسَرْ ذَبْلَآنْ

نحاول الاحتفاظ بهم قدر استطاعتنا
لكنهم يتسربون منها ويتساقطون
كـ قطرات الماء .. كـ / حبات المطر
نحاول جمعها .. ولا نستطيع
نحاول التقاطها { ونفشل ..

برا كانت الفرحه مو سايعتهم
مجرد إنه لمار فتحت عينها وتكلمت
سوت الكثير بنفوسهم
جمانة تحضن سارا ببكى يا قلبي أخيرا بقدر أروح الحمام
ضحكوا عليها
لمى باستغراب تخالطه ضحكة ليه ؟؟
عدلت حجابها من أول ماسكه نفسي بس مو قادره أروح بهالأجواء
ومسكت يد ربى ربرب تعالي معي
ربى انتظري خلينا ندخل للمار
سارا أشرت لها روحي ترا مطولين عندها جدتي وخالاتي
قامت اوكيه شرفي ست جمون
جمانة بفرحه والله مو مصدقه أخيرا كنت حاسه إنها بتقوم بالسلامة
ربى وهي تمشي معها بممرات المستشفى
الحمدلله إن شاء الله ما ينغص على فرحتهم شي
كلـ### لا تخوفيني
ابتسمت ربى وهي توقف قدام الحمامات وأنا وش قلت دعيت لها
يللا ادخلي
طيب تعالي معي أخاف أحد يخطفك
ربى بنعس جموون مو رايقه ترا
طنشتها اوكيه ما علي من عمي طلال لو صار فيك شي
ضربتها ع كتفها بالشنطة ادخلي وانتي ساكته
ضحكت وهي تدخل وعلى دخلتها
اهتزت الشنطة بيدي
رفعت التلفون
ابتسمت ورديت بشوق
: مرحبا
مرحبتين بأغلى رب رب بالوجود
ضحكت واضح بصوتها إنها مبسوطة ونفسيتها حلوه يا حياتي أنا والله وحشتيني
لتين بحنين والله إنتي أكثر ربى تعالي تورينو بليييز حاولي بطلال
ابتسمت بحب بحاول لكن مو الحين تدرين إنه لمار ولدت
سكتت ثواني وبعدها قالت لمار اللي زوجها خوي عبدالله
اسمه فيصل الظاهر صح؟؟
ربى عليييك نور اييه هو
يا قلبي هذيك اللي تزوجها وهم ما يتوافقون
اييه جابت ولد الحمدلله كل شي تمام مرا كنا خايفين عليها
: الحمدلله يارب إلا تعالي بسألك ربى في وحده من أهل زوجك
بيضه وشعرها أسود وووو.........
ربى وهي تحاول تتذكر أشكالهم اييه هذي جمون
جمانة الخبلة !!
هههههههههههه اييه لا تسمعك بس
لا لاتقولين متزوجة هذي صح؟
اييه
وباستغراب ليه تسألين؟؟
تنهدت لتين بصراحة رب رب بندر أخوي لما جا الخبر راح بيت جدتك وقابل وحده من البنات بالغلط وعجبته بس ما ندري مين هي
ربى بابتسامة تعالي أجل هذي مو جمانة جمانة لو صار لها كذا كان عرفت
خليني أشوف وأكلمك
اوكيه يسلمو رب رب ....اصبري لين سألتي بسام يمكن ما يبي
...إلورا أنا بشوفه الحين
ورجعت للتلفون معليش ربى بس كنت بشوف بسام
ابتسمت بحب لتين أمنية حياتي أشوفك إنتي وبسام سوا صوري لي مقطع وارسليه
لتين بإحراج يا وقححححه مقطع وشووو؟؟؟
ضحكت ربى والله إنتي تفكيرك مدري وش يبي
يعني وإنتو تتكملون أو أي شي أحس ما ينففع بسام الغثيث مع لتين
لتين بتلقائية حرااام عليك عاد بسام مو غثيث
اييه مين اللي كان يقول كذا؟؟
برقة هذا أول الحين لا
اوكيه اسمعيني لتين عرفتِ وش سالفته ؟؟
هدأت فجأة لا
طيب اعرفيها بأقرب وقت ابنهي الرواية
تنهدت طيب بس أعرف لو فتحت هالموضوع بتبدأ المشاكل
يا قلبي عليك سوي اللي يريحك
اوكيه أكلمك بعدين ربى لا تنسي اللي قلت لك عليه
اوكيه من عيوني
طلعت جمانة
وبتنهيدة عميقة الحمدلله راحة نفسية
سكرت التلفون وأنا أحاول افكر باللي قالته لتين امشي يللا تأخرنا
جمانة تطلع جوالها يا ويلييي خمس مكالمات من وافي
ابتسمت يا ويلك منه
دقت عليه وهي تعض شفاتها المشكلة ما يحب إني ما أرد عليه
يللا شوفي الحين نقدر ندخل للمار كلميه وادخلي
اوكيه
آلوو ..
*
*
*

Try to end a quarrel.
حاول ان تبعد عنك النكد والمنازعات

نهاية الجزء السادس و الخمسون

[شمس القوايل]

يعطيج العافيه قلب الزهور ع الطرح والبارتات الروعه

مجهود مميز عساج ع القوه

ننتظر المزيد لاهنتي

[قلب الزهـــور]

اقتباس المشاركة الأصلية كتبت بواسطة شمس القوايل يعطيج العافيه قلب الزهور ع الطرح والبارتات الروعه مجهود مميز عساج ع القوه ننتظر المزيد لاهنتي

هلااااااااااا وغلااااااااااا
يسعدلي قلبك ويسلمووو ع الحضور الرآئع بصفحتي
تقبلي شكري تقديري واحترامي
مع تحياتي قلب الزهور
بباي

[قلب الزهـــور]

خَنَقْتْ اْلْوَرْدْ يَآ يُمَهْ وَبِيَدِّيّ اِنْكَسَرْ ذَبْلَآنْ

الجزء السابع والخمسون
[ ما قبل الأخير ]

أنت : بكُل قَصيدَة .. تُغنِي بإحياءِ الحَنين
فِي كنزَة صُوفيَة ، تُرتلُ تحتَ الشَجرِ والزَيتُونِ
بأن يُتلّى حُبنَا فِي الكُتبْ .. مَعزُوفَةً منْ مشمشَ
ودُراقَ لا يَقتلها الإنتظَار / فتفسد



هل لأصابعك أن تَفركَ الوجع القابع بصدرِي .. لتزيلَ البَردْ
وأحجيّة الماضِي القَديمْ !

حاولت اتطقس وشكيت بسارا بنت خالتي أم خالد كثير نفس مواصفاتها
مدري ليه شاكه فيها
اتكيت ع طرف السرير طلال
وهو يقلب بالجريدة هممم
يجوز أصور سارا وأرسل صورتها للتين عشان أتأكد إذا هي وإلـ...
وقبل ما أكمل جملتي شفته ترك الجريدة وعلامات التعجب بوجهه
إنتي من جدك وإلا تمزحين
ابتسمت بإحراج وشوو؟؟
لا طبعا ما يصير أصلا حتى لو شافتها ما بتعرف هي أو لا
اممم اوكيه أجل بسأل لمار بقول لها تستفسر هي من سارا
حط الجريدة ع الكمدينة وهو ينسدح ع السرير سوي اللي تشوفيه صح
عن نفسي شفت بندر رجال ما ينعاب بس سارا بتوافق تعيش بإيطاليا طول عمرها؟؟
هزيت كتوفي وأنا آخذ جوالي مدري بطلع أكلمها
تغطى سكري النور معك
سكرت النور وطلعت للصالة
دقيت ع لمار وبعد كم رنة
جاني صوتها آلوو
مرحبا لمووو كيفك اليوم
ابتسمت الحمدلله أحسن
كيف وليد يا قلبي عليه
لمار بصوت واضح فيه الحب حياتي أنا قبل شوي رضعته وأخذوه بس والله شايله هم
اليوم بتوصل تحاليله تعرفي تأخرت كم يوم
ربى تطمنها لا تخافين لمار بما إنه طيب إن شاء الله بيكون كل شي تمام
الله يسمع منك
آميين إلا كنت بقولك لمار هذاك اليوم كلمتني صحبتي لتين وطلبت مني أسأل عن وحده بعيلتنا أخوها بندر شافها وبيخطبوها له
لمار باهتمام اييه وسألتي عنها
ربى بضحكة مو المصيبة إني ما أعرف مين هي ولا هي بعد
بس شـ....
ههههه هذي سارا
ربى بحماس اححححلفي والله كنت متوقعه
لمار بضحكة يا فرحتك يا سارا من يوم شافته وهي عايشه بأحلام وردية
ربى بابتسامة يا قلبي عليها بس مدري لتين قالت لي
إنه ما يقدر يظل هنا يعني لو كلمتها اليوم بكره بيجوون يخطبوها
وما يقدر يرجع مره ثانيه يعني سالفة معقدة الظاهر يبغا يتزوج على طول
بس أختك توافق تعيش بإيطاليا طول عمرها؟
لمار باستفسار مدري يعني قصدك تتزوج بدون فرح
ربى لاااا ما أتوقع أبد بالعكس أتوقع بيصير لها فرح كبير تعرفي شغله إنتي بس اللي أتوقعه إنه الفرح يصير بسرعه
مدري والله لو نصيبها بتاخذه
صادقه خليني أكلمها بوسي لي ولدك لموو
إن شاء الله هذي الممرضة جايبته لأنه فيصل جاي
الله يحفظه مع السلامة





•°ـآٍحْتٍمَآلْ °•

أن يغرس ـآحدهم شوكاً في جسدكـْ
وأن يغرس ـأنيابه في قلبكـْ
المؤُلم في الأمْر عندما يكُون مصْدر الألَم جُزء مِنك!

وصلنا تورينو الصبح
عبدالله تعبان
درجة حرارته مرتفعه بس يكابر
وأنا جالسه بالصالة بتفرج تلفزيونيّ
سمعت شي
رخيت مستوى الصوت وفعلا تأكدت إني سامعه شي
تركت الريموت وقمت
قربت من غرفة النوم فتحت الباب
شفته مرتخي ع السرير بلاقوة
عرق يتصبب من جبينه
تالــــــ...ــه...
رحت له بسرعة رجولي ما تحملني
لمست جبينه حياتي عبدالله !!
حار واضح إنه بدا يهذي من الحمى
نزلت دموعي بضعف ما أعرف وش أسوي له
قمت أخذت تلفوني بسرعه ودقيت ع البيت ما أدري مين اللي رد علي بس كل اللي أعرفه إني قلت لهم عبدالله مريض وما أعرف كيف أتصرف
جلست جنبه وأنا أسمي عليه وأبكي
ما كان يرد علي كأنه نايم
وجهه أحمر ويرجف
غطيته بالبطانية زين وفتحت الشبابيك
الشمس تدخل دفا شوي
قمت أفتح الباب اللي دق
كان بابا ومعه بسام ولتين وماما
أول وحده جرت عليه لتين
قرب منه بدر حط يده ع جبينه وباستغراب
حرارته مرا مرتفعه وش صار له
تاله وهي تبكي بحضن أمها ما أدري من يوم كنا بالامارات وهو تعبان
بسام يهديها لا تخافين بندر جاي ومعه الدكتور الحين
لتين وهي تمسح ع وجهه يا حياتي يا عبدالله
وبصوت متهدج كله منها الحيـ#### الله ياخذها
تاله بانفعال ودموعها تنزل ما هي أم وربي نزل لرجولها يترجاها طردته بدون رحمة
قام بدر وهو يربت عليها خلاص حبيبتي بيرجع معافى إن شاء الله
قرب بسام ومسك لتين برقة بكتوفها تعالي حبيبتي جا الدكتور
غرقت عيونها بالدمع ليه يصير كذا معه ليه هي أمه عبدالله ما يستاهل ....





{ لا تَحْتَارْ فِيْ وَاقِعَكـَ ـآلغَرِيبْ .! }

قفل التلفون من جدته وهو يصرخ
مؤيد بحزم رويد خلاص ستوب ترا اللي سواه بسام ما يجي قطره ببحر أفعالك
صرخ بوجه أبوه وهو يكسر الأشياء نيسوون دريتوو
" ليس من حقه "
أجل من حقك إنك تقرب من مرته وتعتدي عليها و.....
صرخ فيه بغيض ايوا نونا بوسي دا بارتيه
"أنا لم أعتدي عليها"
مؤيد بصدمة سكت إلورا ليه ما تكلمت من أول
وقف قدامه بقهر بيركي سونو توا سوريللا ماليدتو يعرف كل شيء
" لأن، ابن أختك الملعـ### "
سكت مؤيد رويد ما يقدر يخرج من ألمانيا وهو بيظل معه
أصلا هو ابعد ابنه عن بسام وزوجته من أول
هنا
لهم بيت بمساعدة الجدة رويدا!
وعمل
وحياة روتينيه مملة لرويد
لدرجة إنه صار كثير يرجع لجيتاره...
حاول مرات يخليه معه بمسجد المدينة لكنه رفض
إنسان طول عمره عايشه المعازف معه
تركها لدنيا
يرجع لها لدنيا أكيد...!





بندر وهو يحط الورقة بجيبه أنا بروح أشتري الأدوية انتبهي عليه يا تاله
أشرت ع عيونها بعيوني
سكر الباب بدر وهو يخرج مع بسام
جلس ع الكرسي

خلوه يرتاح ع الأقل نص ساعه وبعدها بيتحسن إن شاء الله
يلدا يعني الدكتور ما قال فيه شي
بسام يهز راسه وهو يحضن كف لتين حرارة وتزول إن شاء الله بس شكله حس بالتعب وطنش نفسه
نجد بحنان الله يشفيه يارب بيصحى وبيتناسى
بدر بنرفزة مين يقدر يتناسى أمه يا نجد هذي مو أم
لتين وهي تشد ع كف بسام عمي اللي ما يعرف طعم الشي ما يشتهيه
عبدالله عمره بحياته ما كان قريب من أبوه ولا أمه
بينساها مثل ما نسى أبوه
نجد كاسر خاطرها بقوم أسوي له شوربة
تاله خليكي خالتي أنا أسويها وتورطت بعد ما قالت الكلمة
ناظروها كلهم
بدر إنتي!! ارتاحي حبيبتي
ههههههههههههه
تاله بدلع باباااا لا تحرجني
ابتسمت لتين أنا أسويها معك
بسام أجل أنا رايح مع أبوي طمنونا عليه إذا قام
إن شاء الله
لفت عليه لتين
ابتسمت بحب الله معك لا تتأخر علي
أومأ براسه لا تخافين لو أبي أتأخر ما أقدر أتأخر أصلا
ضحكت اوكيه بعد نص ساعه تعال خذني
لما خرج ناظرت ماما
ماما كلمتني ربى تقول البنت اسمها سارا
أبوها متوفي وأخوها يعرف عبدالله
ابتسمت أنا ما أدري ليه مرتاحة لهالموضوع خليني أقول لبندر أجل
يحجز لنا نروح بكرا
يلدا بابتسامة أخيرا نويتي تزوجيه يا نجد
ضحكت ماما والله حسيت إنه كبر بس هو ما قد طلب مني يتزوج
تاله وقفت عندي توتا تعالي خلينا نسوي الشوربة قبل لا يصحى عبدالله
ماما يا عيني يا عيني ع الحب
ضحكت تاله فديته حبيبي تعبان لازم يكون الدلع إضافي
ضحكت عليها ماما وخالتي
بداخلي ابتسمت وأنا أقوم معها الحمدلله اللي عوضك يا عبدالله بوحده مثل تاله
لو فيها عيوب الدنيا يغطي عليها
قلبها الأبيض الصافي ...