هذه القصه لا قبلها ولا بعدها ...
هذه مره كنت أنا وأخوي ولد خالتي ... عند بيت إختي ... معزومين للعشاء ...
وزوج إختي ... طلب من أخوي ولد خالتي يروحون يجيبون له العشاء ... وعطاهم إسم المطعم الي حاجز فيه ...
وقال لهم هاه ... أعتمد عليكم ..
قالوا .... أفا يابو رحم ... إعتمد خلاص .. وهو كان حاس ... إنه في شي راح يصير .. لأنه أخوي هذا ولد خالتي ... محد يعتمد عليهم أبد ..
المهم ..
قالهم زوج إختي المطعم مكتوب عليه ( مبشور العمده ) والرجال إتصل يقول العشاء جاهز ..
قالوا .. طيب ... طيب..... عارفين خلاص ..
وخرجوا .. عاد بيجيبون العشاء ... والمطبخ كان قريب من البيت ... وإحنا ننتظر ... وننتظر ... مر على خروجهم أكثر من نصف ساعه ... و الرجال مستعجلين .. يبون العشاء
قالت .. لي إختي ... إتصلي عليهم .. وشوفي وش بلاهم تأخروا ,,,,,,,,
دقيت عليهم ... وقلت لهم فينكم إنتم ... ما خلاني أكمل كلمتي ... طيب خلاص جايين الحين الرجال بيعطينا العشاء ...
وطق ... قفل الخط فوجهي ... ( قال إخته الكبيره ...)
جا زوج إختي .. هاه كلمتي العيال ..
قلتله .. أيوه في الطريق يقول ..
طيب ... وننتظر وننتظر ... ومرت كمان أكثر من نصف ساعه من وقت ما كلمتهم ...
جاه زوج أختي .. قال فين العيال هذولي .. ما جو الين الحين ..
وبدينا ننشغل عليهم .. وقلنا غير صار لهم حادث لا سمح الله ... لأنه المطبخ قريب من البيت .. وما يستاهل كل هذا التأخير .. وكمان لما إتصلنا قالو خلاص جايين ...
المهم ....
قال زوج إختي أعطوني التلفون خلني أكلمهم ....
وإتصل عاد ..
ألو ... محمد ... فينك .. إنت ...
قالوا .. خلاص شوي بس ..
قل زوج إختي .. وش شوي المطعم .. من زمان كلمني وقال العشاء جاهز .. أعطيني صاحب المطعم خليني أكلمه ..
قال أخوي .. طيب .. وأعطى البنقالي الجوال وقله كلم ..
قال زوج إختي للبنقالي ... لو سمحت إيش هذا المطعم ..
قاله البنقالي .. هذا مطعم ( إسكندر كباب ) ..
وبس كان ... يصنقر زوج إختي .. وقال للبنقالي .. شكرا
وقال لأخوي أخرج يا محمد ... بره المطعم وشوف ..إيش مكتوب عليه ..
قاله طيب .. ويوم خرج
قاله مكتوب عليه .. إسكندر كباب ..
فقال ... زوج إختي والعشاء الي قلتلك جيبوه من أي مطعم ..
قال أخوي ... من مبشور العمده ..
قاله .. طيب يامحمد .. وش تسوي هنا ..
و يوم لد أخوي على المطعم الي بجنبه إلا هو مكتوب عليه مبشور العمده .. و ألي يبط الكبد كمان ... يقول أنا من زمان .. أطالع في هذولي العمال .. و أضحك عليهم .. يا ما راحو وياما جو .. كأنهم يستنون أحد ياخذ عشاه وبيقفلون ....
ومن يومتها ... وإحنا مسمين أخوي ولد خالتي بـ (ناصر و عبدالله )
حقون طاش ما طاش ..
وأســـــــــــــــــ على الإطاله ــــــــــــــفـــــــــه
;) ;) ;)