يادوب خلصنا من الحب يادوب
يادوب عالجنا الجروح الطرايا
حركت إنسانً حلف إنه يتوب
وجاء يرتكب بالشعر بعض الخطايا
ياطاغيً كلك على الناس ب/أسلوب
أشغلتني وأعلنت لك منتهايا
يازايدً حسنك على كل رعبوب
سبحان منهو واهبك هالمزايا
من جيتني عقلي مع القلب مسلوب
وجيتك على كفي أشيل الهدايا
تعال خذ قلبً مشى بالهوى دروب
جرب وعاش وشاف , , خط الوصايا
تعال وأحضني على الصدر ب/أذوب
ياذبت أنا ولا تذوب الحنايا
تعال بنفاسك دفاء تلهب قلوب
حرك مشاعر ساكنه بالزوايا
خمر الحياه اللي يقولون مسكوب
عندك سكن يافاتني بالشفايا
ومن ذاق من صافي شفاياك مشروب
يدمن عليه ولاتفيد الكوايا