احبك الصعب.. ماحبك تجي هيّن
أحبك المستحيل اللي يعذبني !
صح انت كامل وفيك الحسن متزيّن
بس الجمود اللي ملازمك يتعبني
مليت همس الغرام وصوتك الليّن
لاتحسب إني ليا قلت اااه معجبني !
ابيك تنسف كلام الشوق وتبيّن
انك على أصغر الأشياء تحاسبني
وابيك تلغي حدود العقل وتعيّن
ذاك الجنون اللي اوجاعه تناسبني !
أدري بأنك رهيف احساس وحنيّن
وانك ذبحت أوّلك من شان تجذبني
وانك ..وانك ..وانك دوم متحيّن
للفرصه اللي من انفاسك تقربني
لاشك .. فاتت عليك كثار ياذهيّن
عن قولها.. شيمتي دايم تأنبني
لاني خيالي.. ولاني حيل متديّن
شاعر انا والتناقض داخلي يبني !!
الله خلقني اشوف العالي .. طميّن
بي همّة".. مابعد جا شي يرهبني
العرض العادي
