يا رقيق المشاعر وين راح الحنان
ليه ما شلت قلب طاح قدام عينك
الزمن هو زمانك والمكان المكان
وآخر الشعر كلمه تسألك عنك وينك
ان تقهويت صوتك سولف الزعفران
عاد وش لون فنجال تمده يمينك
تذكر اشلون كنّا والغلا كيف كان
يوم لا غبت عنك ما اسمع الا ونينك
أشعر بخوف مدري كنت احس بامان
يكفي ان جيت يمّك طار فيني حنينك
اش كثر كنت وافي واقرب الناس خان
بس اثق فيك حتّى لو عيوني تدينك
راحت سنين من عمري وعمرك ثمان
يوم شحّت سنيني عوّضتني سنينك
زان عمري بقربك يعني الوقت زان
حتّى جلد القصايد ربّعت في يدينك
طول عمري وانا لاوي ذراع الهوان
شفت يومك بعيني من هو يقدر يهينك
ما اذكر انّي نسيتك واذكرك من زمان
وأذكر انّي ضحيّه بين قلبي وبينك
تدري وش جابني لك لا تقول الحنان
جيت أبشيل قلب طااح قدّام عينك
العرض العادي
