يالعيد يا ثقلك علي لا تجيني
ذكراك تحي بي زمن وصل الاحباب
اللي عليهم تذرف الدمع عيني
واللي عليهم ذكره القلب ما تاب
اللي لهم تقطع مجاري حنيني
اميال في صدري وتفتح لي ابواب
اميال من شرب الغلا في كنيني
ترقى مع ضلوعي وتنزل بالاهداب
وابواب من خوفي بها يعتريني
حزني مساحاته بي اجبال واهضاب
يالعيد ماهو خلاف بينك وبيني
ولا مظنة سـوء واشري بك اعتاب
لكن انا يا العيد قلبي حزيني
وصدري من سهوم الجفا حيل منصاب
يا العيد انا داعيك لا تحتريني
خلني مع اهمومي انا عندي اسباب
زود على فرقى المواليف ديني
عجزت لا يوفى وانا خالي اجراب
وزود على آهي وصوتي وونيني
جسمي عليل ولا معي غير الاجناب
وزود على جرح المحبين فيني
تلقى غصب في داخلي جرح الاقراب
وزود على حاجه مهي في يديني
من وين ما وجهت انا حظي اغراب
فقير حال وحيل حتى قريني
اللي مع روحي رحل دونما اكتاب
ياالعيد انا ارجوك كان بتجيني
شف عام تاتي به وانا عنك بغياب
العرض العادي
