هذي قصيدهـ للشاعر حامد زيد
قصيدتي زاد بعيوني جمالها
واخذت انقي من المعاني جزالها
واكتب من الشوق والغلا
لامي وانا اصغر شاعر من عيالها
كتبتها في غربتي يوم رحلتي
لما طرالي بالسفر ماطرى لها
امي وانا باوصف لها زود حبها
وان ماحكيت لها قصيدي حكالها
امي لها بالجوف والقلب منزله
مكانة ماكل محبوب نالها
اقرب من ظلالي وانا سط غربتي
وانا تراي اقرب لها من ظلالها
ماشافت عيوني من الناس غيرها
ولا خلق رب الخلايق مثالها
اغلى بشر في جملة الناس كلهم
واكرم من يدين المزون وهمالها
اتبع رضاها وارتجي زود قربها
واللي طلبته من حياتي رضاها
الصدق مرساها والاشواق بحرها
والعطف واحساس الغلا راس مالها
اهيم فيها وابتسم يوم قلبها يسأل واناقلبي يجاوب سؤالها
وان طلبتني شي فزيت مندفع أموت انا واحمل تعبها بدالها
اصبر على الدنيا والاحزان والتعب واحمل على متني فطاحل جبالها
واسهر واعذب راحة القلب والشقا واعيش اعاني بس يرتاح بالها
تربية ابوي اللي على الطيب اذكرهـ اللي وهبني للحياهـ ومجالها
نور لي دروبي وانا طفل مبتدي حتى تركني واحد من رجالها
الوالدين اولى بالاحسان لاجلهم واولى بتكريم النفوس وعدالها
اقولها وانا على الله متكل والله عليم بقدرتي واحتمالها
ياكلمة اغلا من الناس كلهم ياشمس بقلبي بعيد زوالها
يافرحة تملي لي الكون باكمله ياشجرة تكبر ويكبر ظلالها
تضحك لي الدنيا لاشفت زولها مثل السماء تزهى بطلة هلالها
والبعد عنها ياهل العرف مااقدرهـ لاشك ناري زايده باشتعالها
مااعيش ببلاد ولاهي بارضها ولابي عيوني كان ماهي قبالها
ارض تدوس امي بالاقدام رملها اموت فيها واندفن فيها
العرض العادي
